查找相似内容

​«Feminizmni dekolonizatsiya qilish: tenglik haqida o‘z tilingda qanday gapirish mumkin» — sizni o‘zbek tilidagi panel muhokamaga taklif qilamiz. Feminizm albatta “g‘arb” tilida so‘zlashi shart emas. O‘z tilimiz va o‘z tenglik tushunchamizni qanday topamiz? Madaniyat, tarix, jismoniylik va shaxsiy tajriba bilan aloqani yo‘qotmasdan, tenglik haqida qanday fikr yuritish mumkin? Ishtirokchilar: 🎓Almira Tabayeva — Nazarboyev Universiteti doktorantkasi, O‘zbekistonda tug‘ilgan. Hindiston va Angliyada feminizmni o‘rganib, Janubiy va Markaziy Osiyo ayollari an’analarini tadqiq qilgan. Ilmiy maqolalar muallifi, gender tadqiqotlari va ijodiy ta’lim bilan shug‘ullanadi, ishlarini dekolonial yondashuv orqali olib boradi. Almira Markaziy Osiyoda feministik til izlash va postkolonial meros sharoitida tenglik haqida qanday gapirish mumkinligi haqida so‘z yuritadi. 🌟Tillaniso Nuryo‘g‘di — shoira, yozuvchi, filolog. «Dilxat», «Olovrang tuyg‘u», «Qon», «Sunbula», «Shakl» kabi kitoblar muallifi. Documenta 15 (Kassel) va Venetsiya Biennalesi ishtirokchisi. Ijodida mifologiya va ayollarning she’riy tajribasini o‘rganadi. 🕕 Dushanba, 9-iyun, soat 19:00 📍 139 Documentary Center (Taras Shevchenko ko‘chasi, 8 — “Patriki” qahvaxonasi yonida) 💸 Kirish — donation 🗣 Til: o‘zbek tili #SukutSaqlama

20-yanvar kuni Sukut Saqlama loyihasining Kitob klubi doirasida birinchi uchrashuv bo‘lib o‘tdi. "Shaxsiy xona" kitobi qiz va ayollardan iborat jamoa ishtirokida muhokama qilindi. Virjiniya Vulf o‘zining "Shaxsiy xona" essesida tarix qatlaridan kashfiyotchi ayolni, daho ayolni - Shekspirning singlisini qidirgan bo‘lsa, o‘zbek qizlari qachon o‘zbek ayoli Nobel oladi yo nega ololmasligini muhokama qilishdi. Vulf ayolga o‘z potensialini ochish uchun birinchi navbatda shaxsiy xona kerak degan bo‘lsa, o‘zbek ayollari avvalo hozir bizga shaxsiy vaqt va shaxsiy hudud ko‘proq kerak degan fikrda. Qiz va ayollar shaxsiy xona tugul, o‘z shaxsiy hududlari jamiyat va yaqinlar tomonidan mensilmasligi, qabul qilinmasligi haqida og‘riqli kechinmalarni gapirishdi. Yechim sifatida esa ayol-qizlar o‘rtasida xabardorlikni oshirish, shaxsiy huquq va erkinlik nima ekanini bilish va ayollarning bir-birini qo‘llab-quvvatlashi taklif qilindi. Vulf ayollar o‘qishi , shu orqali ishlashi va qo‘lida o‘z puli bo‘lishi tarafdori bo‘lgan. Bugun dunyo ayollari qatori o‘zbek qizlari ham o‘qiydi, ishlashadi. Pul topishadi. Ammo pullariga qay darajada egalik qilishadi va o‘zi istagan kasbda ishlayaptimi? Undan ham muhimi, ishlar ekan, o‘z potensialini yuzaga chiqarishda jamiyat bosimiga duch kelmaydimi? Degan savollar tashlandi. Patriarxal jamiyatda ayollar fikr erkinligi erkaklarga nisbatan cheklanganligi ayollar qancha o‘qib, ishlamasin ularni ikkinchi daraja qo‘yayotgani - ayol-qizlarimizning shaxsiy va karyera rivojida eng katta to‘siqligi muhokama qilindi. Vulf ayol shaxsiy xona va moliya mustaqilligiga ega bo‘lish orqali, uy-ro‘zg‘or, bola tarbiyasi tashvishlaridan ortib o‘zining shaxslik potensialini ko‘rsata olishiga qat'iy ishongan bo‘lsa, bugungi o‘zbek qizlari o‘z shaxsiy hududi bo‘ishi uchun kurashish kerak avval, degan fikrda. Shuningdek, pul topsa-da qizlar pulini o‘zi istagandek taassaruf qilolmayotgani va topilayotgan pul o‘zbek ayollarini qanchalik erkin va mustaqil qilayotgani ham savol ostida. Agar jamiyatning patriarxal prinsiplari o‘zgarmasa, ayollarning o‘qishi yoki ishlashi ular uchun ko‘p narsani o‘zgartirolmasligini bilishadi bugun qiz va ayollarimiz. Patriarxal jamiyat prinsiplarini o‘zgartirishning yo‘li esa xabardorlikni oshirish va kuchli ong bilan qurollanish orqali sodir bo‘ladi. "Shaxsiy xona" kitobi ham shu yo‘lda dastak bo‘lgandi o‘z vaqtida. Sukut saqlama Kitob klubi loyihasi doirasida tarjima qilinib, taqdim etiladigan maqolalar ham shu maqsadni ko‘zlagan. Yaqin kunlarda ularni chop qilishni boshlaymiz. Klubning keyingi uchrashuvi oy oxiriga mo‘ljallangan. Aniq sanani shu kunlarda e'lon qilamiz. Bildirishnomani yoqib qo‘ying😊Bexabar qolmang. Keyingi yig‘inlarimizda kutamiz. #SukutSaqlama

​2025 йилдаги @SukutSaqlama'нинг илк тадбирига таклиф қиламиз! Ҳурматли обуначилар, янги йилни ўзбек тилидаги феминистик адабиётнинг келажаги ҳақида суҳбат билан бошлаймиз. Ўзбекистонга бундай адабиёт зарурми? Бу китобларга талаб қанчалик катта? Муаллифлар ва нашриётлар қандай муаммоларга дуч келади? Улар мавзулар ёки асарларни қандай танлайди? Муҳокама ўзбек тилида ўтади, шунингдек, айрим китобларнинг нусхаларини сотиб олишингиз мумкин. Сизни бу мавзуда иш олиб бораётган маҳаллий муаллифлар, нашриёт раҳбарлари ва таржимонлар билан қизиқарли учрашув кутади: 🔸Соҳибжамол Каттаева — @factor_books нашриёти раҳбари, бир қатор китобхонлик лойиҳалари асосчиси. Нашриётда 40 дан ортиқ китоб чоп этилган бўлиб, бадиий адабиёт билан бирга илмий-оммабоп китоблар ҳам нашр этилмоқда. Бу йўналишдаги китоблар орасида Кэролайн Криадо Переснинг “Кўринмас аёллар” асари ўзининг долзарблиги ва мазмунан бойлиги билан ажралиб туради. 🔸Нодирабегим Иброҳимова (@mittihaqiqatlar) — ёзувчи ва таржимон, “Ёнингдаги бахт”, “Жодугар ёхуд минг йиллик ҳаёт” каби асарлар муаллифи. У Мопассан, О Генри, Чехов, Ҳерберт Уэлс, Роалд Дал ва Виржиния Вульф каби ёзувчиларнинг асарларини ўзбек тилига таржима қилган. 2017 йилда Ёшлар иттифоқининг “Йилнинг энг яхши ёш ижодкори” мукофотига ва 2018 йилда таржима танловида 1-ўринни қўлга киритган. 2021 йилда Ёзувчилар уюшмасининг рағбатлантирувчи мукофоти билан тақдирланган. Ҳозирда у Ёзувчилар уюшмаси аъзоси ва докторант ҳисобланади. 🔸Тилланисо Нурёғди (@TillanisoEN) — 3 та шеърий ва 2 та насрий асар муаллифи. Унинг “Дилхат”, “Оловранг туғён”, “Қон” каби шеърий, ҳамда “Сунбула” ва “Шакл” номли насрий асарлари чоп этилган. 2021 йилда “Таҳсин” ёшлар мукофоти билан тақдирланган. 59-Венеция Биенналесида Ўзбекистон Миллий павильонининг очилиш маросимида шеърий чиқиш, шунингдек, Германиянинг Кассел шаҳрида ўтказилган “Documenta 15” кўргазмасида Марказий Осиё аёл руҳиятининг турли жиҳатларини ифода этувчи шеърий перформанс, эссе ва Марказий Осиё мифологияси ҳақидаги маърузаси билан қатнашган. Қачон: 2025 йил 11 январь, соат 17:00 Қаерда: 139 Documentary Center галереяси, Тарас Шевченко кўчаси, 8 (мўлжал — Патрики қаҳвахонаси) Кириш: 50 000 сўм. Амалдаги талабалик ёки нафақахўрлик гувоҳномаси тақдим этилса — 25 000 сўм. Ногиронлиги бўлган шахслар учун амалдаги гувоҳнома тақдим этилса — бепул. ОАВ вакил(а)лари учун гувоҳнома тақдим этилганда кириш — бепул. 18+ #SukutSaqlama

Poyabzal ortiga yashiringan qo‘rquv: maishiy radikalizm ​Keyingi paytlarda ijtimoiy tarmoqlarda “ayol sha’nini begona ko‘zlardan himoyalash” niqobi ostida jamiyatdan yashirish, uzib qo‘yishga harakatlar ko‘p kuzatilyapti. Masalan, “uyga begona erkak kelsa, ayollarning poyabzallarigacha yashirish kerak” degan mazmundagi “maslahatlar”. Bu bir qarashda dindorlikdek ko‘rinsa-da, aslida juda xavfli radikallashuv alomatidir. ​Bunday yondashuv, birinchi navbatda, erkaklarni kamsitishdir. Har qanday erkakni hatto ayolning poyabzalini ko‘rib ham o‘zini tiya olmaydigan darajadagi maxluq deb tasavvur qilish uchun qanchalar badgumon va tuban bo‘lish kerak? Bu jamiyatdagi barcha erkaklarga nisbatan qilingan ochiq tuhmat va ularning irodasini yerga urishdir. ​Eng asosiysi, bu tendensiya ayolni o‘z uyida, o‘zining shaxsiy hududida “begona”ga aylantiradi. Bu o‘sha biz bilgan “qo‘shnimiz”dagi cheklovlarning maishiy darajadagi ko‘rinishidir. U yerda ham hammasi shunday boshlangan: avval ayol derazadan ko‘rinmasin, deyishdi, keyin ko‘chaga chiqqanda “fitna bo‘lmasligi uchun” dunyoga faqat bir ko‘zi bilan qarasin, burqasidan bir ko‘zi bilan ko‘rish uchun joy qoldirsin, degan talablar chiqdi. Ayolni butunlay ko‘zdan yo‘qotish, uni jamiyatdan va hayotdan o‘chirib tashlashga bo‘lgan urinishlar aynan mana shunday mayda qadamlardan, ya’ni poyabzal yashirishdan boshlanadi. ​Har bir narsadan jinsiy ma’no izlash — bu taqvo emas, balki psixoterapevtik tashxisga muhtoj bo‘lgan giper-seksualizatsiyadir. Sog‘lom jamiyatda ayol kishining buyumi “xavfli obyekt” sanalmaydi. Biz o‘z uyimizda, o‘z vatanimizda ayollarni o‘z kiyimi yoki poyafzalidan uyaladigan, ularni yashirishga majbur bo‘ladigan darajadagi qo‘rqitilgan qatlamga aylantirmasligimiz kerak. Islom — bu go‘zal axloq va o‘zaro hurmat, ayolni o‘z uyidan siqib chiqarish emas! ​Bizning xalqimiz asrlar davomida mehmondo‘stlik va o‘zaro hurmat bilan tanilgan. Ayollarimiz iboli bo‘lgan, lekin hech qachon o‘z uyida “ko‘rinmas sharpa”ga aylantirilmagan. Din — bu qalb pokligi va go‘zal muomala demakdir. Oddiy buyumlarni yashirish bilan iymon mustahkamlanib qolmaydi. Haqiqiy taqvo buyumlarni yashirishda emas, ko‘z va qalbni tiyishda, insonlarga nisbatan hurmatda namoyon bo‘ladi. © Murchbibi ​#SukutSaqlama#AyolHuquqi

#BookClub Joriy yilning 1-fevral kuni Sukut Saqlama Ayollar klubida Nikola Gavining “Jinsiy qurbon emasman, lekin…” maqolasi muhokamasi bo‘lib o‘tdi. Avvalgi postda muhokama doirasidagi ayrim shaxsiy hikoyalarni e’lon qilgan edik. Bugun esa klub koordinatorining quyidagi savoliga javoblarni o‘qishingiz mumkin: Maqola jinsiy zo‘rlash muammosi sifatida tashlangan yana bir nozik firk bor. Bu yaqinlar orasidagi istalmagan jinsiy aloqa. Masalan, er-xotin orasida. Er xohlaydi va ayol bunda ko‘nglini olishga majbur bo‘ladi. Yoki istamasayam rozi bo‘lishga. Sizlar bunga qanday qaraysizlar? Bu ham zo‘ravonlikning bir ko‘rinishi desa bo‘ladimi? Fikrlarni kartochkalarda o‘qishingiz mumkin ▶️▶️▶️ #SukutSaqlama#AyollarKitobKlubi

#BookClub Joriy yilning 1-fevral kuni Sukut Saqlama Ayollar klubida Nikola Gavining “Jinsiy qurbon emasman, lekin…” maqolasi muhokamasi bo‘lib o‘tdi. Muhokama qizg‘in bahs-u munozaraga boy bo‘ldi. Bahsdagi ayrim shaxsiy hikoyalarni e’lon qilishga qaror qildikki, bu mavzuning yig‘ilgan qizlar uchun ham qanchalik dolzarb va og‘riqli ekanini ko‘rsatadi. Fikrlarni kartochkalarda o‘qishingiz mumkin. Maqoladagi jinsiy zo‘rlash muammosi sifatida tashlangan yana bir nozik tomon – yaqinlar orasidagi istalmagan jinsiy aloqa haqidagi Kitob klubi a'zolarining fikrlari bilan keyingi postimizda bo‘lishamiz. #SukutSaqlama#AyollarKitobKlubi

📢 Sukut Saqlama Ayollar Kitob Klubi Uchrashuvi! 📢 📅 Sana: 1-fevral ⏰ Vaqt: 17:00 📍 Joy: Sukut Saqlama Bu galgi uchrashuvda Nikola Gavining "Jinsiy qurbon emasman, lekin" maqolasi muhokama qilinadi. Maqola saytimizda e'lon qilingan: https://nemolchi.uz/uz/jinsiy-qurbon-emasman-ammo-jinsiy-qurbonlik-atamasi-ta-rifini-qayta-ko-rib-chiqish/ Kimlar kela oladi? 🔹 Faqat ayol-qizlar. Talablar: 📖 Maqolani to‘liq o‘qish shart. ✅ Oldindan ro‘yxatdan o‘tish talab qilinadi. Fikrlaringiz va tajribangiz bilan o‘rtoqlashish, muhokamada faol ishtirok etish uchun sizni kutamiz! 🔗 Ro‘yxatdan o‘tish uchun: https://docs.google.com/forms/d/e/1FAIpQLSdhazxslfS4Hpv8NosFGv4FMjX_9JYcAX9XXOoG1tY91jAcMw/viewform?usp=preview #SukutSaqlama#KitobKlubi#AyollarMuhokamasi