Post #58

🗣PREZIDENT SHAVKAT MIRZIYOYEV BMB AGRO PLUS KORXONASINING QAYTA ISHLANGAN EKSPORTBOP MAHSULOTLARI BILAN TANISHDI 🔝O‘zbekiston Respublikasi Prezidenti Shavkat Mirziyoyev joriy yil 2-dekabr kuni Jizzax viloyatiga tashrifi doirasida qishloq xo‘jaligida amalga oshirilayotgan islohotlar va ishlab chiqarish jarayonlari bilan tanishish chog‘ida BMB AGRO PLUS korxonasi stendini ko‘zdan kechirdi. 🔄 Davlatimiz rahbari hududlarning sanoat salohiyati va qishloq xo‘jaligi sohasidagi yangi loyihalar bilan tanishar ekan, xomashyoni chuqur qayta ishlash orqali tayyor, yuqori qo‘shilgan qiymatli mahsulotlar tayyorlash masalasiga alohida e’tibor qaratdi. 🔝Tashrif davomida Prezidentga korxona tomonidan yetishtirilgan va zamonaviy texnologiyalar asosida qayta ishlangan mahsulotlar namunalari taqdim etildi. Stendlardan «Quritilgan mahsulotlar» hamda «Murabbo va konsentratlar» o‘rin olgan bo‘lib, ular xalqaro standartlarga mos ravishda qadoqlangan. 🔝 Prezidentimiz mahsulotlarning sifati, qadoqlanish dizayni va eksport geografiyasi bilan qiziqdi. Xususan, tabiiy meva-sabzavotlardan tayyorlangan murabbolar, djemlar,tomat pastalari, turli xil souslar va quritilgan qishloq xo‘jaligi ne’matlari ko‘zdan kechirildi. ✅ Mazkur mahsulotlarni nafaqat ichki bozorga, balki jahon bozoriga «Made in Uzbekistan» yorlig‘i ostida faol olib chiqish zarurligini ta’kidlandi. Davlat rahbari qishloq xo‘jaligi mahsulotlarini shunchaki xomashyo sifatida sotishdan ko‘ra, ularni sanoat usulida qayta ishlab, daromadni bir necha barobar oshirish muhimligini yana bir bor qayd etdi. Ijtimoiy tarmoqlarimizni kuzatib boring: 🌐Telegram🌐Instagram🌐Facebook