Молитва на каждый день ☦️

Святы́й Арха́нгеле Бо́жий Урии́ле, све́том Боже́ственным озаря́емый и преизоби́льно испо́лненный огне́м пламенней горячей любви́, брось и́скру огня́ сего́ пла́меннаго в мое́ се́рдце холодное, и ду́шу мою́ те́мную све́том твои́м озари́. О, вели́кий Арха́нгеле Бо́жий Урии́ле, ты́ еси́ сия́ние огня́ Боже́ственнаго и просвети́тель помраче́нных греха́ми: просвети́ у́м мо́й, се́рдце мое́, во́лю мою́ си́лою Свята́го Ду́ха, и наста́ви меня́ на пу́ть покая́ния, и умоли́ Го́спода Бо́га, да изба́вит меня́ Госпо́дь от а́да преиспо́дняго и от все́х враго́в ви́димых и неви́димых, ны́не и при́сно и во ве́ки веко́в. Ами́нь.

https://t.me/pravoslavieVtelege/31854

О, святый великий Архангеле Рафаиле, Престолу Божию предстояй! Ты, благодатию от всемогущаго Врача душ и телес наших тебе данною, праведнаго мужа Товита от слепоты телесныя исцелил еси, и сына его Товию, спутешествуя ему, от злаго духа сохранил еси. Всеусердно молю тя, буди мне путеводитель в жизни моей, сохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и ко творению добрых дел. О, святый великий Рафаиле Архангеле! Услыши молящегося тебе и сподоби в здешней и будущей жизни благодарити и славити общаго Создателя нашего в бесконечные веки веков. Аминь.

Чин литии в пасхальный период совершаемой мирянином дома или на кладбище Молитвами святых отец наших, Господи Иисусе Христе, Боже наш, помилуй нас, аминь. Христос воскресе из мертвых, / смертию смерть поправ / и сущим во гробех живот даровав. Трижды. И тропари сия, глас 4: Со духи праведных скончавшихся, / душу раба Твоего [или рабы Твоея], Спасе, упокой, / сохраняя ю во блаженной жизни, / яже у Тебе, Человеколюбче. В покоищи Твоем, Господи, / идеже вси святии Твои упокоеваются, / упокой и душу раба Твоего [или рабы Твоея], яко един еси Человеколюбец. Слава: Ты еси Бог сошедый во ад, и узы окованных разрешивый, / Сам и душу раба Твоего [или рабы Твоея] упокой. И ныне: Едина чистая и непорочная Дево, Бога без семене рождшая, / моли спастися души его [или ея]. Кондак, глас 8: Со святыми упокой, / Христе, душу раба Твоего [или рабы Твоея], / идеже несть болезнь, ни печаль, / ни воздыхание, / но жизнь безконечная. Таже кондак, глас тойже: Аще и во гроб снизшел еси, Безсмертне, / но адову разрушил еси силу, / и воскресл еси, яко победитель, Христе Боже, / женам мироносицам вещавый: радуйтеся, / и Твоим апостолом мир даруяй, / падшим подаяй воскресение. Молитва о усопших: Упокой, Господи, душу раба Твоего [или рабы Твоея] (имярек), и прости ему [или ей] вся согрешения вольная и невольная, и даруй ему [или ей] Царствие Небесное. Таже ирмос, глас 1: Светися, светися, / новый Иерусалиме: / слава бо Господня / на тебе возсия. / Ликуй ныне / и веселися, Сионе. / Ты же, Чистая, красуйся, Богородице, / о востании Рождества Твоего. Слава, и ныне: Господи, помилуй, трижды. Благослови. Молитвами святых отец наших, Господи Иисусе Христе, Боже наш, помилуй нас, аминь. Христос воскресе из мертвых, / смертию смерть поправ / и сущим во гробех живот даровав. Трижды. И нам дарова живот вечный, / покланяемся Его / тридневному Воскресению. И обращаемся к лежащим в могиле со словами: Христос воскресе!

Молитва (в понедельник) Архангелу Михаилу Вели́кий архистрати́же Бо́жий, Михаи́ле, победи́тель де́монов, победи́ и сокруши́ всех враго́в мои́х ви́димых и неви́димых. И умоли́ Го́спода Вседержи́теля, да спасе́т и сохрани́т меня́ Госпо́дь от всех скорбе́й и от вся́кой боле́зни, от смертоно́сной я́звы и от напра́сной сме́рти, о, вели́кий арха́нгеле Михаи́ле, ны́не и при́сно и во ве́ки веко́в. Ами́нь

Молитва равноапостольным Кириллу и Мефодию, учителем Словенским О всехва‌льнии равноапо‌стольнии Мефо‌дие и Кири‌лле, припа‌дающе пред честно‌ю ико‌ною ва‌шею, усе‌рдно мо‌лим вы: воззри‌те ми‌лостивно на нас, и‌хже трудо‌м ва‌шим просвети‌ли есте‌, и огради‌те нас неусы‌пным предста‌тельством ва‌шим от злых ко‌зней вра‌жиих! При‌зрите у‌бо на виногра‌д сей, его‌же насади‌ли есте‌, и не преда‌йте ди‌веему ве‌прю озоба‌ти его‌. Сохрани‌те, святи‌и уго‌дницы Бо‌жии, Це‌рковь на‌шу Правосла‌вную, ю‌же вы назда‌ли есте‌ на краеуго‌льном Ка‌мени, Христе‌, я‌ко да бу‌дет недви‌жима, но да разсы‌пятся о Ка‌мень сей во‌лны вся‌каго малове‌рия. Укрепи‌те па‌стырей на‌ших во всех доброде‌телех и в по‌двизе пропове‌дания, вразуми‌те же пасо‌мых, во е‌же послу‌шати гла‌са их. Сохрани‌те вся страны‌ слове‌нския от вся‌каго оскуде‌ния, от огня‌ и меча‌, от смертоно‌сныя я‌звы и от вся‌кого зла. Услы‌шите и вся‌каго челове‌ка; с ве‌рою к вам приходя‌щаго и благода‌тныя по‌мощи ва‌шея тре‌бующаго. В стра‌шный же час сме‌ртный предста‌ните всем нам блази‌и хода‌таи и те‌мных зра‌ков де‌монских прогони‌телие, да в ми‌ре и покая‌нии сконча‌вше земно‌е по‌прище, дости‌гнем ве‌чных благ наслажде‌ния и ку‌пно с ва‌ми просла‌вим Пресвяту‌ю Тро‌ицу — Отца‌ и Сы‌на и Свята‌го Ду‌ха, ны‌не и при‌сно, и во ве‌ки веко‌в. Ами‌нь

В результате многочисленных атак дронов ВСУ значительные повреждения получил Успенский храм с. Новая Збурьевка Голопристанского МО. Удары дронов наносились целенаправленно. Пробиты своды, разрушены оконные системы. Практически утрачен иконостас, ставший одной из главных целей тех, кто потерял всякий рассудок. Настоятель храма протоиерей Вячеслав Стрельцов и прихожане в опасных условиях, при постоянных налетах беспилотников ВСУ, проводят первоочередные работы по ликвидации последствий. И будут благодарны за любую помощь, так необходимую в нынешней ситуации. +79901226856, протоиерей Вячеслав Валерьевич Стрельцов (связь нестабильная, лучше писать в мессенджерах). Номер карты ПСБ: 2200030512738254 Пресс-служба Скадовской епархии 📲Подписаться в МАХ

‼️Постоянно спрашивают молитвы о воинах. Вот тут собраны все основные молитвы: http://www.patriarchia.ru/db/text/5990445.html https://foma.ru/molitva-o-voinah.html

Молитва Пресвятой Богородице перед иконою «Неувядаемый Цвет» О, Пресвята‌я и Пренепоро‌чная Ма‌ти Де‌во, наде‌ждо христиа‌н и прибе‌жище гре‌шным! Защити‌ всех в несча‌стиях к Тебе‌ прибега‌ющих, услы‌ши стена‌ния на‌ша, приклони‌ у‌хо Твое‌ к моле‌нию на‌шему. Влады‌чице и Ма‌ти Бо‌га на‌шего, не пре‌зри тре‌бующия Твоея‌ по‌мощи и не отри‌ни нас гре‌шных, вразуми‌ и научи‌ нас, не отступи‌ от нас, рабо‌в Твои‌х, за ропта‌ние на‌ше. Бу‌ди нам Мать и Покрови‌тельница, вруча‌ем себе‌ ми‌лостивому Покро‌ву Твоему‌. Приведи‌ нас, гре‌шных, к ти‌хой и безмяте‌жной жи‌зни, да опла‌чем грехи‌ на‌ши. О, Ма‌ти Мари‌е, на‌ша преблага‌я и ско‌рая Засту‌пнице, покры‌й нас Свои‌м хода‌тайством, защити‌ от враго‌в ви‌димых и неви‌димых, умягчи‌ сердца‌ злых люде‌й, возстаю‌щих на нас. О, Ма‌ти Го‌спода Творца‌ на‌шего! Ты еси‌ Ко‌рень Де‌вства и Неувяда‌ющий Цвет чистоты‌ и целому‌дрия, пошли‌ по‌мощь нам немощны‌м и обурева‌емым плотски‌ми страстьми‌ и блужда‌ющими сердца‌ми. Просвети‌ на‌ши душе‌вныя о‌чи, да ви‌дим пути‌ пра‌вды Бо‌жия. Благода‌тию Сы‌на Твоего‌ укрепи‌ на‌шу сла‌бую во‌лю во исполне‌ние за‌поведей, да изба‌вимся от вся‌кия беды‌ и напа‌сти и оправда‌ны бу‌дем Твои‌м пречу‌дным заступле‌нием на Стра‌шнем Суде‌ Сы‌на Твоего‌, Ему‌же мы воздае‌м сла‌ву, честь и поклоне‌ние ны‌не и при‌сно, и во ве‌ки веко‌в. Ами‌нь

Молитва Пресвятой Богородице перед иконою «Иверская» О Пресвята́я Де́во, Ма́ти Го́спода, Цари́це Небесе́ и земли́! Вонми́ многоболе́зненному воздыха́нию душ на́ших при́зри с высоты́ святы́я Твоея́ на нас, с ве́рою и любо́вию поклоня́ющихся пречи́стому о́бразу Твоему́. Се бо, грехми́ погружа́емии и скорбьми́ обурева́емии, взира́юще на Твой о́браз, я́ко живе́й Ти су́щей с на́ми, прино́сим смире́нная моле́ния на́ша. Не и́мамы бо ни ины́я по́мощи, ни ина́го предста́тельства, ни утеше́ния, то́кмо Тебе́, о, Ма́ти, всех скорбя́щих и обремене́нных! Помози́ нам, не́мощным, утоли́ скорбь на́шу, наста́ви на путь пра́вый нас, заблужда́ющих, уврачу́й и спаси́ безнаде́жных, да́руй нам про́чее вре́мя живота́ на́шего в ми́ре и тишине́ проводи́ти, пода́ждь христиа́нскую кончи́ну и на Стра́шнем Суде́ Сы́на Твоего́ яви́ся нам милосе́рдая Засту́пница, да всегда́ пое́м, велича́ем и сла́вим Тя, я́ко благу́ю Засту́пницу ро́да христиа́нскаго, со все́ми угоди́вшими Бо́гу. Ами́нь.

Тропарь Пасхи Христо́с воскре́се из ме́ртвых,/ сме́ртию смерть попра́в,// и су́щим во гробе́х живо́т дарова́в. Перевод: Христос воскрес из мертвых, победив смертью смерть и дав жизнь находящимся в гробах, т.е. мертвым. Кондак Пасхи А́ще и во гроб снизше́л еси́ Безсме́ртне,/ но а́дову разруши́л еси́ си́лу, и воскре́сл еси́ я́ко победи́тель Христе́ Бо́же,/ жена́м мироно́сицам веща́вый, ра́дуйтеся:/ и Твои́м апо́столом мир да́руяй,// па́дшим подая́й воскресе́ние. Перевод: Хотя Ты и сошел во гроб, Бессмертный, но уничтожил силу ада и воскрес как победитель, Христе Боже, женам-мироносицам возгласив: «Радуйтесь!» и Твоим апостолам мир даруя, Ты, дающий падшим воскресение.

ЧАСЫ ПАСХИ Молитвами святых отцев наших, Господи Иисусе Христе, помилуй нас. Аминь. Тропарь: Христос воскре‌се из ме‌ртвых, сме‌ртию смерть попра‌в, и су‌щим во гробе‌х живот дарова‌в. (Трижды) Воскресение Христово видевше, поклони‌мся святому Господу Иисусу, Единому Безгрешному. Кресту Твоему поклоняемся, Христе, и святое Воскресение Твое пое‌м и сла‌вим. Ты бо еси Бог наш, разве Тебе иного не знаем, имя Твое именуем. Прииди‌те вси ве‌рнии, поклони‌мся святому Христову Воскресению: се бо прии‌де Крестом радость всему миру. Всегда благословяще Господа, пое‌м Воскресение Его: распятие бо претерпе‌в, смертию смерть разруши. (трижды) Ипакои: Предвари‌вшия утро я‌же о Марии, и обре‌тшия камень отвале‌н от гроба, слы‌шаху от Ангела: во свете присносу‌щнем Су‌щаго, с ме‌ртвыми что ищете яко человека? Видите гро‌бныя пелены‌, тецы‌те и миру пропове‌дите, яко воста‌ Господь, умертви‌вый смерть, яко есть Сын Бога, спасающаго род человеческий. Кондак: Аще и во гроб снизше‌л еси, Безсме‌ртне, но адову разруши‌л еси силу, и воскре‌сл еси яко Победитель, Христе Боже, жена‌м мироносицам веща‌вый: Радуйтеся!, и Твоим апостолом мир да‌руяй, падшим подая‌й воскресение. Во гробе пло‌тски, во аде же с душе‌ю яко Бог, в раи‌ же с разбойником, и на Престоле был еси, Христе, со Отцем и Духом, вся исполня‌яй, неопи‌санный. Слава Отцу и Сыну и Святому Духу: Яко Живоносец, яко рая‌ красне‌йший, воистинну и черто‌га всякаго ца‌рскаго показа‌ся светлейший, Христе, гроб Твой, источник нашего Воскресения. И ныне и присно и во веки веков. Аминь: Вы‌шняго освяще‌нное Божественное селение, радуйся: Тобою бо даде‌ся радость, Богородице, зовущим: благословенна Ты в жена‌х еси, Всенепоро‌чная Владычице. Господи помилуй. (40 раз) Слава Отцу и Сыну и Святому Духу, и ныне и присно, и во веки веков. Аминь: Честнейшую Херувим и сла‌внейшую без сравнения Серафим, без истления Бога Слова ро‌ждшую, су‌щую Богородицу, Тя величаем. Христос воскре‌се из мертвых, смертию смерть поправ и су‌щим во гробе‌х живо‌т дарова‌в. (трижды) Молитвами святых отцев наших, Господи Иисусе Христе, помилуй нас. Аминь.