💰Auktsion'ga START berildi!
– Yaqin orada barcha foydalanuvchilardan "chopilgan" va "gold" Usernamelar (talaffuzda Yuzerneymlar) xech qanday muzokarasiz auktsionga joylab yuborildi.
📣 Tarqagan xabarlardan Fragment.com orqali usernamelarni sotib olish haqida xabar topdingiz shekilli? Keling unda u haqida batafsil ma'lumotga o'tamiz:
• Barcha usernamelar faqat TONkriptovalyutasi bilan sotib olinadi;
• Eng arzon username 500TON, eng qimmati esa xozirda 10 500TON;
• Auktsion ochilgach, 7 kun ichida yakunlanadi. Har safar yangi taklif belgilanganida muddat yana yangilanadi;
• Hozirda saytda A dan H gacha bo'lgan bosh harfli foydalanuvchi nomlari mavjud. Boshqalari keyinroq paydo bo'ladi;
• Agarda usernamu uchun auktsion ochilmasa, uning narxi 24 soatdan so'ng 12TON miqdorda pastlaydi;
• Narx pastlashiningoxirgi nuqtasi xozircha noma'lum;
• Lot (username stavkasi) yangiliklar bildirishnomalarini yuboradigan @fragment boti mavjud;
• Platformada har qanday lot "to'plam" sifatida belgilanadi, shuning uchun tez orada uning ko'proq turlari paydo bo'ladi: kanallar, stikerlar, kulgichlar;
• Boshqa xizmatlar ham o'z elementlarini platformaga birlashtira oladi;
• Telegram keyingi yangilanishida xarid qilingan ayrim mahsulotlardan qanday foydalanish mumkinligini batafsil bilib olishimiz mumkin.
• Telegram FAQ'da shuningdek, Telegram’da hozirda qo‘llanilayotgan ismlar keyinroq saytda paydo bo‘lishi mumkinligi aytiladi. Ehtimol, bu foydalanuvchilar o'zlarining nomlarini auktsionga joylashlari mumkinligini anglatadi.
💎TON KURSI - 1TON=1.91$≈21 300SUM
#ton#username#auksion
✅@TGraphUz | YouTube
🇺🇿🇺🇸Pittsburg State Universitetining Research and Innovation markazi
🇺🇿 Biznes va tadbirkorlik oliy maktabi tinglovchilari AQShda davom etayotgan qisqa muddatli o‘quv dasturi doirasida Pittsburg State Universityning Research and Innovation (Tadqiqot va innovatsiya) markaziga tashrif buyurdilar.
Tashrif davomida markaz faoliyati, unda olib borilayotgan ilmiy izlanishlar va innovatsion loyihalar haqida batafsil ma’lumotlar taqdim etildi. Ishtirokchilar zamonaviy texnologiyalar, ilmiy tadqiqotlarni tijoratlashtirish jarayonlari, shuningdek, universitetning amaliy loyihalarni ishlab chiqish va sinovdan o‘tkazish bo‘yicha yo‘lga qo‘ygan tizimi bilan yaqindan tanishdilar.
Markaz vakillari ayniqsa startap tashabbuslarini qo‘llab-quvvatlash, yosh tadqiqotchilar uchun yaratilgan sharoitlar va ularning g‘oyalarini amaliyotga joriy etish bo‘yicha amalga oshirilayotgan ishlar haqida ma’lumot berishdi. Shuningdek, markazda olib borilgan tadqiqotlar natijasida turli sohalar uchun zarur bo‘lgan texnik qurilmalar ishlab chiqarilishi yo‘lga qo‘yilgani, bu jarayon yaqin yillarda yanada kengaytirilishi rejalashtirilayotgani qayd etildi.
Uchrashuv yakunida dastur ishtirokchilari va markaz mutaxassislari o‘rtasida savol-javoblar o‘tkazilib, bilim va tajriba almashildi. Tashrif delegatsiya a’zolariga innovatsion ekotizimning amaldagi ishlash jarayoni, universitet va sanoat o‘rtasidagi hamkorlik modeli hamda startaplarni qo‘llab-quvvatlash mexanizmlari haqida keng tasavvur berdi.
🇷🇺RU
#GSBE#USA#PSU#Innovation#Research#Startup
🔝Web-site |🔝Facebook | 🔝Instagram | 🔝Youtube
🇺🇿🇺🇸 AQSh, Pittsburg savdo-sanoat palatasiga tashrif
🇺🇿 O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi tomonidan AQShda tashkil etilgan qisqa muddatli o‘quv dasturi doirasida delegatsiya a’zolari Pittsburg area Chamber of Commerce (Pittsburg savdo-sanoat palatasi) tashkilotiga tashrif buyurdilar.
Uchrashuv davomida Amerika Qo‘shma Shtatlarida tadbirkorlik faoliyatini tashkil etish, biznes yuritishning huquqiy va iqtisodiy asoslari, shuningdek, mahalliy biznes muhitining o‘ziga xos jihatlari haqida batafsil ma’lumotlar taqdim etildi. Tashrif ishtirokchilari AQShdagi kichik va o‘rta bizneslarni qo‘llab-quvvatlash tizimi, investitsion imkoniyatlar, shahar darajasida tadbirkorlikni rivojlantirish mexanizmlari bilan yaqindan tanishdilar.
Pittsburg savdo-sanoat palatasi vakillari ikki mamlakat o‘rtasida o‘zaro manfaatli aloqalarni rivojlantirish, qo‘shma biznes loyihalarini yo‘lga qo‘yish va yangi tashabbuslarni qo‘llab-quvvatlashga tayyor ekanliklarini ta’kidladilar. Shuningdek, O‘zbekiston tadbirkorlari uchun AQSh bozorida faoliyat yuritish bo‘yicha maslahat va amaliy ko‘mak ko‘rsatish imkoniyatlari ham muhokama qilindi.
Ushbu tashrif ikki tomonlama hamkorlikni mustahkamlash, investitsiya aloqalarini chuqurlashtirish va o‘zaro tajriba almashish yo‘lida muhim qadamlardan biri bo‘ldi. Delegatsiya a’zolari tashrif davomida kelgusida ham samarali hamkorlikni davom ettirish bo‘yicha o‘zaro kelishuvlarga erishdilar.
🇷🇺RU
#GSBE#USA#PSU#Chamber#Business#Partnership
🔝Web-site |🔝Facebook | 🔝Instagram | 🔝Youtube
🇺🇿🇺🇸AQShda tashkil etilgan qisqa muddatli o‘quv dasturi muvaffaqiyatli yakunlandi
🇺🇿 O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi tomonidan Amerika Qo‘shma Shtatlarida tashkil etilgan “Human Resource Development” (HRD) bo‘yicha qisqa muddatli o‘quv dasturi o‘z yakuniga yetdi. Dastur davomida ishtirokchilar Pittsburg State University, Pittsburg area Chamber of Commerce, Research and Innovation markazi hamda Crossland College of Technology kabi nufuzli ta’lim va biznes tashkilotlariga tashrif buyurib, AQShning inson resurslarini boshqarish, texnologik ta’lim, innovatsion tadqiqotlar va tadbirkorlik ekotizimi borasidagi ilg‘or tajribasi bilan yaqindan tanishdilar.
Ishtirokchilar o‘quv mashg‘ulotlari davomida zamonaviy boshqaruv yondashuvlari, HR tizimlarining amaliy qo‘llanilishi, startaplarni qo‘llab-quvvatlash mexanizmlari, texnik ta’limning innovatsion modeli, universitet–sanoat hamkorliklari va AQSh biznes muhitining ichki jarayonlari bo‘yicha chuqur bilim va ko‘nikmalarga ega bo‘ldilar. O‘tkazilgan seminarlar, savol-javoblar, amaliy mashg‘ulotlar hamda mutaxassislar bilan muloqotlar delegatsiya a’zolarining malakasini sezilarli oshirdi.
Dastur yakunida barcha ishtirokchilar o‘z o‘quv faoliyati uchun rasmiy sertifikatlar bilan taqdirlandilar. Shuningdek, Pittsburg State University hamda hamkor tashkilotlar tomonidan ularga esdalik sovg‘alari topshirildi.
🇷🇺RU
🇬🇧ENG
#GSBE#USA#PSU#HRD#StudyAbroad#BusinessEducation
🔝Web-site |🔝Facebook | 🔝Instagram | 🔝Youtube
🇺🇿🇺🇸Biznes va tadbirkorlik oliy maktabi AQShda malaka oshirish dasturini yo‘lga qo‘ydi
🇺🇿 O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi tomonidan Amerika Qo‘shma Shtatlarida joylashgan Pittsburg davlat universiteti (Pittsburg State University) bilan hamkorlikda Inson resurslarini rivojlantirish (HRD – Human Resource Development) yo‘nalishi bo‘yicha qisqa muddatli o‘quv kurslari tashkil etildi.
Mazkur dastur mamlakatimizda inson kapitalini rivojlantirish, zamonaviy boshqaruv va HR tizimlarini joriy etish, shuningdek, davlat va xususiy sektorlar uchun raqobatbardosh mutaxassislarni tayyorlashga qaratilgan. O‘quv kurslari davomida ishtirokchilar AQShning ilg‘or tajribasi, inson resurslarini boshqarish, tashkilotlarda samaradorlikni oshirish, yetakchilik va menejmentning zamonaviy yondashuvlari bilan tanishadilar.
Dasturda Oliy biznes maktabi tinglovchilari, shuningdek, davlat va xususiy sektor vakillari ishtirok etmoqdalar. Ular Pittsburg davlat universitetining professor-o‘qituvchilari bilan bevosita muloqotda bo‘lib, amaliy mashg‘ulotlar va seminarlar orqali o‘z bilim va ko‘nikmalarini yanada mustahkamlash imkoniyatiga ega bo‘ladilar.
Ushbu tashabbus O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabining xalqaro hamkorlikni kengaytirish, ilg‘or xorijiy tajribani o‘rganish va uni mamlakatimiz ta’lim hamda iqtisodiyot sohalariga joriy etish borasidagi sa’y-harakatlarining amaliy ifodasidir.
🇷🇺RU
#GSBE#USA#PSU#HRD#StudyAbdoad#BusinessEducation
🔝Web-site |🔝Facebook | 🔝Instagram | 🔝Youtube