TOSHKENT TURIZM VA MEHMONXONA MENEJMENTI TEXNIKUMI

🤝HAMKORLIK MEMORANDUMI IMZOLANDI! Toshkent turizm va mehmonxona menejmenti texnikumi hamda Ijtimoiy va siyosiy fanlar instituti o‘rtasida o‘zaro hamkorlik memorandumi imzolandi. Mazkur memorandum ta’lim tizimida uzviylikni ta’minlash, texnikum bitiruvchilarining oliy ta’limda o‘qishini davom ettirish imkoniyatlarini kengaytirish, zamonaviy bilim va amaliy ko‘nikmalarga ega raqobatbardosh mutaxassislarni tayyorlashga xizmat qiladi. Hamkorlik doirasida: 🔹 texnikum bitiruvchilarini oliy ta’limga tizimli jalb qilish; 🔹 qo‘shma seminar, trening va mahorat darslarini tashkil etish; 🔹 innovatsion va startap loyihalarni amalga oshirish; 🔹 xalqaro ta’lim dasturlarini joriy etish; 🔹 talabalar uchun amaliyot va kasbiy rivojlanish imkoniyatlarini kengaytirish kabi yo‘nalishlarda hamkorlik olib boriladi. Shuningdek, texnikumni muvaffaqiyatli tamomlagan bitiruvchilar uchun Institutning mos bakalavriat ta’lim yo‘nalishlariga suhbat asosida o‘qishga qabul qilinish imkoniyatlari yaratiladi. Mazkur hamkorlik ta’lim sifati va yoshlarning professional rivojlanishiga xizmat qiluvchi muhim qadamdir. #TTHMT#Hamkorlik#Memorandum#KasbiyTa’lim #OliyTa’lim #YoshlarKelajagi

🤝 MUHIM HAMKORLIKMEMORANDUMI IMZOLANDI! Toshkent turizm va mehmonxona menejmenti texnikumi hamda Havo hujumidan mudofaa qo‘shinlari va Harbiy havo kuchlari qo‘mondonligi Alohida qo‘riqlash va xizmat ko‘rsatish bazasi o‘rtasida o‘zaro hamkorlik memorandumi imzolandi. Mazkur memorandum asosida muddatli harbiy xizmatni o‘tayotgan askarlarni kasb-hunarga o‘qitish, ularning zamonaviy mutaxassisliklarni egallashi hamda kelgusidagi bandligini ta’minlash bo‘yicha hamkorlik yo‘lga qo‘yiladi. Hamkorlik doirasida askarlar: 🔹 IT va web dasturlash 🔹 Kiberxavfsizlik 🔹 Kompyuter grafikasi 🔹 Buxgalteriya 🔹 Oshpazlik va qandolatchilik 🔹 Ofitsiantlik 🔹 Erkaklar sartaroshligi kabi yo‘nalishlarda qisqa muddatli kasbiy kurslarda tahsil olish imkoniyatiga ega bo‘ladilar. Ushbu tashabbus yoshlarni kasb egasi qilib tarbiyalash, ularning bilim va ko‘nikmalarini oshirish hamda Vatanga sadoqat ruhida kamol topishiga xizmat qiladi. #TTHMT#Hamkorlik#Memorandum#KasbiyTa’lim #HarbiyXizmatchilar#YoshlarKelajagi