Најди сличен содржај

#SuvTarmoqlari #IchimlikSuvi #Tirsakobod Ichimlik suvi tarmoqlari yangilanmoqda Chilonzor tumani hududida aholini sifatli va barqaror ichimlik suvi bilan ta’minlash maqsadida tizimli ishlar izchil davom ettirilmoqda. Jumladan, “Tirsakobod” MFYning Shosh 2-tor ko‘chasi bo‘ylab diametri 110 mm, uzunligi 120 pog‘ona metr bo‘lgan ichimlik suvi quvurlari yangilanmoqda. Mazkur ishlar eskirgan tarmoqlarni zamonaviy va mustahkam quvurlarga almashtirish orqali suv ta’minoti sifatini yaxshilash, bosim barqarorligini ta’minlash hamda avariyaviy holatlarning oldini olishga xizmat qiladi. Chilonzor tumani Suv tarmoqlari bo‘limi tomonidan olib borilayotgan bunday amaliy ishlar hudud aholisini uzluksiz va toza ichimlik suvi bilan ta’minlashga qaratilgan bo‘lib, kelgusida ham bu boradagi ishlar bosqichma-bosqich davom ettiriladi. 🔵@Chilonzor_tumani_hokimligi

#SuvTarmoqlari #KommunalXizmat#KuzQishMavsumigaTayyorgarlik Chilonzorda ichimlik suv tarmoqlari yangilanmoqda Chilonzor tumani Suv tarmoqlari bo‘limi xodimlari tomonidan 2026–2027-yil kuz-qish mavsumiga tayyorgarlik dasturi doirasida tizimli ishlar olib borilmoqda. Jumladan, “1-Katta Chilonzor” MFY hududidagi 7–8-uylar oldidan o‘tuvchi diametri 100 mm bo‘lgan eski ichimlik suvi quvurlari demontaj qilinib, o‘rniga diametri 110 mm bo‘lgan yangi ichimlik suvi quvurlari o‘rnatilmoqda. Mazkur ishlar hudud aholisini barqaror va sifatli ichimlik suvi bilan ta’minlash hamda kuz-qish mavsumini betalafot o‘tkazish maqsadida amalga oshirilmoqda. 🔵https://t.me/chilonzor_tuman_hokimligi