Најди сличен содржај

#Ogohlantirish #Yogingarchilik #Xavfsizlik #EhtiyotChoralari ⚠️ Diqqat, ogohlantirish! Uzluksiz yog‘ingarchilik va kuchli shamol natijasida ko‘p yillik daraxtlarning qulab tushish holatlari kuzatilishi mumkin. Shu munosabat bilan fuqarolardan avtomobillarni daraxtlar ostida qoldirmaslik, transport vositalarini xavfsiz hududlarga qo‘yish hamda hovli va ko‘cha atrofidagi xavf tug‘dirishi mumkin bo‘lgan daraxtlarga e’tiborli bo‘lish so‘raladi. Ehtiyot choralariga amal qilish orqali avtomobillar va boshqa moddiy qimmatliklarga zarar yetishining oldini olish mumkin. Zarurat tug‘ilganda tegishli xizmatlarga murojaat qilishingizni so‘raymiz. 🔵@Chilonzor_tumani_hokimligi

#Yogingarchilik #SuvToshishiningOldiniOlish #TezkorChoralar #TumanHokimligi #Nazorat #Obodonlashtirish #Xavfsizlik 🌧 So‘nggi kunlarda shahrimizda kuzatilayotgan yog‘ingarchiliklar tufayli ko‘chalar va avtomobil yo‘llarida suv to‘planish holatlarining oldini olish maqsadida tezkor choralar ko‘rilmoqda. Shu munosabat bilan tuman hokimi o‘rinbosari K. Hamrayev tomonidan hududdagi yo‘llar holati o‘rganilib, suv toshishining oldini olish, mavjud muammolarni bartaraf etish hamda mas’ul tashkilotlar faoliyatini muvofiqlashtirish yuzasidan nazorat ishlari olib borilmoqda. Mutasaddi xizmatlar tomonidan suv oqimini ta’minlash, drenaj tizimlarini tozalash va zarur texnikalar jalb etish bo‘yicha amaliy ishlar davom etmoqda. 🔵@Chilonzor_tumani_hokimligi