DALA INSIDE

⚡️Бірқатар телеграм каналда журналист Махамбет Әбжанды антикордың ұстаған видео, суреттері тарауда. Дереккөздер 50 миллион теңге бопсалап жатқан кезде қола түскенін алға тартуда. https://t.me/ulys1

Қазақстан қазақтың ең мықты банкирі Елдар Теңізбаевты ұстап қала алмады "Бәйтерек" холдингі "Сбербанк Қазақстанды" сатып алғаннан кейін, біздегі Сберді басқарып келген Елдар Теңізбаев кететін болды деп жазады, kapital.kz Елдар Теңізбаевтың кететінін "DALA инсайдтың" Бәйтеректегі дереккөзі де растады. Оның сөзінше, "Бәйтерек" холдингі басшысы Қанат Шарлапаев Елдардың одан әрі қалуына кет әрі емес еді, бірақ Теңізбаев мемлекеттік холдингтегі бюрократия аясында жұмыс істегісі келмеген. Теңізбаевқа кореялық Shinhan bank, араб шейхтерінің инвестициялық қоры, ислам банкингі мен Сингапур қаржы жүйесінің өкілдері қызығушылық танытқан. Біз оның алдында Елдар Теңізбаевтың ROE көрсеткішін 39%-ға жеткізгенін жазған едік. Былтыр Сбербанк активтері 33%-ға өскен. Таза пайдасы екі есе өсіп, рекорд - 130 миллиард теңге болды. Ия, Елдарды сақтап қала алмадық. Оның басқа ел экономикасына жұмыс істейтіні өкінішті. Ол елдегі 3 мықты банкир (Ломтадзе, Турлов, Теңізбаев) тізіміндегі жалғыз қазақ. https://t.me/dalainside

⚡"Қазатомпромның" қатқыл риторикасы оның басшысының өз еркімен кетуіне ықпал етті - дереккөз "Қазатомпром" АҚ жекешелендіру бойынша ашық порталға жарияланған ҚР Үкіметінің Қаулысын жоққа шығарған болатын. "2022 жылғы 20 мамырда ҚР Үкіметінің жекешелендіру жоспарына сәйкес жекешелендіруге жататын компаниялардың жаңартылған тізімінің жобасы жарияланды, оның құрамына Қазатомөнеркәсіптің еншілес кәсіпорындары: «Волковгеология» АҚ геологиялық барлау кәсіпорны, «Qorgan Security» ЖШС күзет қызметтерін көрсететін еншілес кәсіпорны және «Буденовское» БК» ЖШС уран өндіруші компаниясы кірді. Жарияланған ақпарат шындыққа, сондай-ақ ақпаратты ашу мен корпоративтік басқарудың белгіленген процестеріне сәйкес келмейді. Компанияның басшылығы мен Қазатомөнеркәсіптің Директорлар кеңесі оны түзету мақсатында ҚР тиісті мемлекеттік органдарымен жекешелендіруге жататын компаниялардың тізімін талқылауға, сондай-ақ жария компания болып табылатын Қазатомөнеркәсіптің қызметіне жол берілмейтін араласуға қатысты Компанияның елеулі алаңдаушылығын мемлекеттік органдардың назарына жеткізуге бастамашылық жасады. Ағымдағы заңнамаға сәйкес «Буденовское» БК» ЖШС өндіруші кәсіпорындағы Қазатомөнеркәсіптің үлесі 50%-дан кем болмауы тиіс (қазіргі уақытта - 51%).", - делінген еді, компания мәлімдемесінде. Бүгін Мәжит Шәріпов арыз жазып, «Қазатомпром» компаниясының басқарма төрағасы қызметінен кетті. Компанияның бас өндірістік директоры Ержан Мұқанов уақытша басқарма төрағасының міндетін атқаратын болады. https://t.me/dalainside

🆘 Болат Назарбаев басып алған "Алтын Орда" базарының дауы басылар емес Мемлекет басшысы ақпан айында рейдерлікке ұрынған "Алтын орда" базарын тәртіпке келтіру туралы тапсырма беріп, сәуір айында базар басшылығы ауысқанымен сауда орнында заң бұзушылықтар тыйылмай отыр. Заңгер Дәурен Ғабдулдың айтуынша, көрші елдерден келген топтар базарға билік жүргізіп, қолдан қымбатшылық жасалып отыр. «Басшылықтың ауысқанының өзі үлкен күмән туғызып отыр. Сәуір айынан бастап Алтын Ордада баға төмендеді ме? Біз күткендей өзгеріс болды ма? Жоқ! Бұл шағын сауда орны емес қой, ірі логистикалық торап. Алматы, Алматы облысын қамтамасыз етіп отырған сауда орны. Бұл кем дегенде 3 миллион адам. Егер ол жердің жұмысында ақау болса, бұл әрқайсымыздың үстеліміздегі нанымызға, жеп отырған етімізге дейін әсер етеді», - деп мәлімдеді заңгер Дәурен Ғабдул. https://t.me/adyrnaportal

🏦"Jusan bank" акционерлерінің қорқынышты түстері "Jusan bank" жақында өзіне берілген мемлекет көмегін қысқа мерзімде қайтарамыз деп мәлімдеген еді. Себебі әңгімелер көбейіп кетті және белсенділік танытпаса, банктің біраз акциясы мемлекетке қайтады деген тұжырымдар да болды. Банктің негізгі акционері - Нұрсұлтан Назарбаевтың өз үлесімен бөліскісі келмейтіні байқалады. Хош делік. Банк мемлекет алдындағы қарызынан қашан құтыла алады? Өткен жылдың соңында банктің таза пайдасы 2020 жылғы 82,7 млрд теңгенің орнына 10,1 млрд теңгені құрады, яғни 8 есеге жуық азайды. Бұл ретте еншілес ұйымдардың пайдасы банктің өзінің таза пайдасынан 4 есе артық – 47,5 млрд теңге. Банкке мемлекет тарапынан көрсетілген қолдау 1,5 триллион теңгеге тартады. Оны қазіргі жыл сайынғы 50 млрд таза пайдадан қайтарып отырғанның өзінде де, 30 жыл керек болады. Сондықтан, тек активтерін сатпаса, банктің "жақын уақытта мемлекет ақшасын қайтарамыз" деген уәдесінің орындалуы өте қиын. Бұл жағдай банк басшылығының кішкене жұртты тыныштандырып, өзінің төңірегіндегі алып-қашпа әңгімелерге нүкте қоя тұрғысы келетінін аңғартады. Бірақ шын мәнінде ешкім мемлекет қарызын тез арада қайтаруға тырыспайтыны анық. Бастысы, адамдар тынышталсын деп отыр. https://t.me/dalainside

"Хабар" АҚ 2021 жыл бойынша аудиттелген қаржылық есебі. Аудитор: "StarAudit"

📺«Хабар» мемлекетке 105,8 миллион теңге дивиденд төледі Ол дивиденд жалғыз акционер – Ақпарат және қоғам келісім министрлігіне аударылды. 2021 жылдың қортындысы бойынша агенттік 151,1 миллион теңге таза табыс тапқан. Акционердің шешімі бойынша оның 70 пайызы дивиденд ретінде төленді де, ал қалған 30 пайызы Хабардың өзінде қалды. «Хабар» агенттігінің бір жылғы выручкасы 19 миллиард теңгені құрап отыр. Ал қызметтер мен тауарларды өндірудің өзіндік құны 17,5 миллиард теңге болған. Әкімшілік шығындары 634,4 миллионға жетті. Выручканың құрамына қарасақ (Хабарға түскен жалпы түсім), сол 19 миллиард теңгенің 16,6 миллиард теңгесін мемлекет берген. Ол "мемлекеттік ақпараттық тапсырыс" деп аталады. 1,3 миллиард теңгені "Хабар" коммерциялық заказдар арқылы тапқан. Телесабақтардан 354 миллион теңге, жарнамадан 587 миллион, ПТСты арендаға беруден 10,8 миллион, khabar.kz сайтында реклама/баннер орналастырудан 81 миллион теңге түскен. 2020 жылғы выручка 17,4 миллиард теңге болса, 2021 жылы ол 19 миллиардқа дейін өскен. Осы 1,6 миллиард теңге өсім ненің есебінен болды? Ол толық мемлекеттің есебінен болды деп айтуға болады. Мемлекет 2020 жылы Хабарға 15,2 миллиард теңге берсе, 2021 жылы 16,6 миллиард теңге аударды. Хабардың бір жылғы жалпы жұмысына 17,5 миллиард кетті деп айттық. Ол қандай шығындар: - 3,6 миллиард теңге телесигналды таратуға жұмсалды; - 3,6 миллиард теңге жалақыға кетті; - «Қазмедиа» орталығына «Хабар» аренда үшін 1,3 миллиард теңге төледі; - 2,3 миллиард теңге телебағдарламаларды сатып алуға жұмсалды. 2021 жылы Хабардың басқарма құрамы 4 адамнан тұрды. Оларға айлық, премия түрінде 67 миллион теңге төленді. https://t.me/dalainside

👍

👍«ЛРТ ел бойынша талқыға түскен жоба». Алтай Көлгінов халықтың 51 пайызы жобаны аяқтауды қолдағанын айтты Елорда әкімі Алтай Көлігінов ЛРТ жобасы бойынша түскен ұсыныстардың 7 пайызы ғана ЛРТ-ны бұзуды қолдап отырғанын айтты, – деп хабарлайды Dalanews.kz. Бұл туралы әкім BaigeNews.kz сайтының «2022» жобасында жан-жақты айтып берді. Бұған дейін белігілі болғандай, ЛРТ жобасына қатысты әкімдіктер ұсыныс жинап, бірнеше нұсқасын Үкіметтің қарауына жіберген еді. – ЛРТ жобасы тек Нұр-Сұлтан бойынша емес бүкіл елімізде талқыға салынған жоба. Өйткені жобаның өзіндік тарихы мен мәселелері бар. Оны бәріміз білеміз. Біздің әкімідік көптеген ұсыныстарды жинады. Қалалық урбанистика орталығының байқау жариялағанын білесіздер. Бізге 400-дей ұсыныс келіп түсті. Оның ішінде қазақстандық және халықаралық көлік тасымалының эксперттері де бар. Статистикаға зер салсақ, келіп түскен ұсыныстардың 51 пайызы ЛРТ жобасын жалғастыруды, 42 пайызы оның баламалы жолын қарастыруды және 7 пайызы ғана ЛРТ-ны бұзуды жөн көрген, – деді қала басшысы.

Бағдат Мәнізоров жыры. Алматы қаласы Алатау ауданының бұрынғы әкіміне қатысты қылмыстық істің бар екені анықталды. Бас прокуратура ҚазТАГ-қа берген жауабында, 2022 жылдың 13-ші мамырынан бастап Алматы қаласы Полиция департаментінің азамат М.А.-ның арызы бойынша Қылмыстық кодекстің 190-бабы 4-бөлігінің 2-тармағы (алаяқтық) аясында қылмыстық істі тіркегенін растады. https://t.me/dalainside

👍

😞EXPO бюджетке масыл болуда Дәл осыдан бес жыл бұрын елімізде EXPO-2017 шарасы дүркіреп өткен еді. Сол кезде халықаралық көрмені ұйымдастырушалар аталмыш шара үшін салынған ғимараттарды жалға беріп, кеткен шығынды еселеп қайтатынын айтқанын да ұмыта қойған жоқпыз. Бірақ EXPO көрмесі үшін салынған ғимараттардан анау айтқанда қаржы түсіп жатқан жоқ. Қайта EXPO ғимараттары бюджетке салмақ түсіруде. Айталық, 2018-2022 жылдар аралғында көздің жауын алатын ғимараттарға иелік ететін QazExpoCongress компаниясы мемлекет бюджетінен 80,4 млрд теңге алған. Өткен жылдың өзінде абажадай ғимараттарды күтіп, баптау үшін қазынадан 18,3 млрд теңге жұмсалыпты. Арада 5 жыл өтсе де халық EXPO-ның пайдасын көрген жоқ. QazExpoCongress компаниясы 2024 жылы ғана бюджеттен қаржы алмай өз күнін өзі көріп кетеді деген болжам бар. Оған дейін EXPO ғимараттары бюджетке масыл болайын деп тұр. EXPO ғимарттары елге миллиондап шығын әкелгені анық. Бір білетініміз EXPO-2017 көрмесін басқарған Ахметжан Есімовтың ағылшынша аз-кем тіл сындырғаны. Одан басқа пайдасын білмейміз! https://t.me/dalainside