Беларускі ПЭН

Сёння Праваабарончы цэнтр «Вясна» святкуе 30-годдзе! Шчыра віншуем калег і каляжанак са святам! Радуемся, што сёлета ўсе праваабаронцы «Вясны» адзначаюць яго на волі. І дзякуем за вашую няспынную працу напрацягу гэтых трыццаці бурлівых і выпрабавальных гадоў. Праваабарончы цэнтр «Вясна» быў створаны як ініцыятыва «Вясна 1996» для дапамогі ўдзельнікам масавых мірных акцый, пацярпелым ад дзеянняў уладаў. Успаміны пра нараджэнне праваабарончай арганізацыі былі напісаны Алесем Бяляцкім у 2011 годзе за кратамі ў СІЗА на вуліцы Валадарскага ў Мінску і надрукаваныя ў кнізе «Халоднае крыло Радзімы» (2014 год). Мы публікавалі ўрыўкі гэтых успамінаў на нашым сайце, сёння хочам вам іх нагадаць: «Але ж, калі ўрэшце сітуацыя ў нас зменіцца на лепшае, хто тады асмеліцца сказаць, што незалежнасць краіны, грамадскія і палітычныя правы і свабоды дасталіся беларусам задарма? Цяпер ужо ніхто. Ніхто». ❤️ Вясна прыйдзе!

Еўрапейская рада пісьменнікаў выказала салідарнасць з пісьменнікамі ў Беларусі і асудзіла ўзмацненне рэпрэсій супраць незалежнай культурнай і інтэлектуальнай прасторы. Рада падтрымала заявы Міжнароднага ПЭНа і Міжнароднай асацыяцыі выдаўцоў, якія прыцягваюць увагу да ўзмацнення рэпрэсій супраць незалежнага культурнага і інтэлектуальнага жыцця ў Беларусі. «Мы падкрэсліваем, што пераслед пісьменнікаў і дзеячаў культуры не з’яўляецца выпадковым, а адлюстроўвае сістэмную палітыку, у якой свабода выказвання, крытычнае мысленне і культурная разнастайнасць разглядаюцца як пагроза. Падаўленне літаратуры, медыя, адукацыі і культурнага абмену падрывае не толькі асноўныя правы, але і доўгатэрміновую ўстойлівасць грамадства». 👉Заява Еўрапейскай рады пісьменнікаў. ❤️ Мы ўдзячныя за салідарнасць і падтрымку беларускіх літаратараў, выдавецтваў і культурных арганізацый. Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Кніга сябры Беларускага ПЭНа Ганны Комар «Калі я выйду на волю» выйшла па-англійску! Кніга дакументальнай прозы пра тое, як Беларусь 2020-га супраціўлялася дзяржаўнаму гвалту, супрацьпастаўляючы яму салідарнасць і ўзаемны клопат. Пра тое, як людзі, аб’яднаныя ідэяй, апынуўшыся ў сітуацыі экзістэнцыйнага выбару, вельмі хутка робяцца блізкімі і гатовыя дзяліцца адно з адным усім: ежай, адзеннем, прадметамі гігіены, кнігамі, гісторыямі, песнямі. Гэта гісторыя пра найлепшае ў нас – і яе варта распавядаць. Інтымная, далікатная і бескампрамісная, кніга перакрочвае рамкі беларускіх рэалій, бо эрозія грамадзянскіх свабод, нармалізацыя зняволення і ціхая экспансія дзяржаўнай улады сталі рэчаіснасцю нават у сталых дэмакратыях. 👉 Набыць англійскі пераклад можна на сайце выдавецтва Skaryna Press.

🌿Чалавек эпіцэнтра: сустрэча з нобелеўскім лаўрэатарм Алесем Бяляцкім у Вільні ўжо заўтра! Запрашаем на сустрэчу з праваабаронцам, кіраўніком «Вясны» і нобелеўскім лаўрэатам АлесемБяляцкім у сталіцы Літвы. 🗓 25 красавіка (субота) 🕡 18:30 📍 Дом нацыянальных супольнасцяў (Raugyklos g. 25), Вільня Гэта рэдкая магчымасць сустрэцца і паразмаўляць з чалавекам, які дзесяцігоддзямі адстойвае правы чалавека, праўду і справядлівасць. Алесь Бяляцкі – адзін з тых, чый досвед і голас сталі сімвалам барацьбы за годнасць і свабоду: за сваю праваабарончую дзейнасць ён правёў у зняволенні агулам больш за 7,5 гадоў, але працягвае сваю працу і сёння. Падчас сустрэчы можна будзе задаць пытанні, а пасля набыць кнігу Алеся і атрымаць аўтограф. Уваход вольны. Запрашаем!

Калі вы жывяце ў Польшчы, мы ведаем, якія ў вас планы на выходныя 😁: засталіся апошнія дні падачы падатковых дэкларацый. Запаўненне дэкларацыі – не самы цікавы занятак, але ў працэсе вы можаце зрабіць добрую справу і накіраваць 1,5 % сваіх падаткаў на падтрымку грамадскіх арганізацый. Мы будзем ўдзячныя, калі вы пераведзяце іх Беларускаму ПЭНу. ❤️ Мы вырашылі памарыць пра ўсё тое важнае, на што мы звычайна не знаходзім грошай. Маючы вашую падтрымку, мы зробім беларускую літаратуру больш бачнай! Як падтрымаць? Падчас запаўнення дэкларацыі PIT у пункце «1,5% podatku dla OPP» увядзіце наступныя звесткі: ✅Numer KRS wybranej organizacji: 0000507234 (Fundacja FaniMani) ✅ Cel szczegółowy do przekazania 1,5% podatku: 37643 (абавязкова пазначце гэты нумар, тады вашы 1,5% трапяць да ПЭНа) (Падрабязная інструкцыя са скрыншотамі) Калі вы не маеце магчымасці пералічыць нам 1,5 %, але знаходзіцеся ў бяспецы і хачаце падтрымаць нашую мару, вы можаце: 〰️ Падпісацца на наш Patreon 〰️ Зрабіць разавае ахвяраванне

Пісьменнікі ў аблозе: кінуць выклік маўчанню Сёння, у сусветны дзень кнігі і аўтарскага права, Міжнародны ПЭН апублікаваў Спіс кейсаў 2026, які дакументуе трывожную глабальную тэндэнцыю: прастора для выказвання, культуры і нязгоды звужаецца, бо ўрады ўзмацняюць заглушэнне крытычнага голасу і пераследуюць пісьменнікаў за іх працу. У сёлетнім спісе кейсаў Міжнароднага ПЭНа дзесяць беларускіх Людзей Слова. Частка з іх выйшла на волю, частка – застаецца ў беларускіх турмах. Даведацца больш пра Людзей Слова: 👉на нашым сайце; 👉на сайце Міжнароднага ПЭНа. «Калі літаратурная спадчына і выказванне падвяргаюцца нападам, наша здольнасць развіваць наратывы і ідэі, неабходныя для разумення і вырашэння, здавалася б, невырашальных праблем свету, змяншаецца, і за гэта даводзіцца плаціць усім нам». – Ма Тыда, старшыня Камітэта Міжнароднага ПЭНа «Пісьменнікі ў зняволенні». Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Алесь Бяляцкі: Турэмная машына карае чалавека і сцірае праўдзівы след сведкі 20 красавіка прайшла сустрэча з Алесем Бяляцкім, напярэдадні якой наш аўтар пагутарыў з нобелеўскім лаўрэатам пра тое, чаму пасля Плошчы-2010 яму ўдалося перадаць на волю рукапісы і тэксты, якія сталі асновай некалькіх важных кніг, а другі тэрмін практычна не пакінуў такой магчымасці. 👉Чытайце размову і глядзіце фотарэпартаж з сустрэчы на нашым сайце. «Бо пісаць у зняволенні – гэта і літаратура, і самазахаванне. Магчымасць вызначаць сябе не толькі як аб’ект гвалту, але і як суб’ект памяці. Таму мемуары, лісты, дзённікі, вершы, нават дробныя нататкі – увесь «пабочны прадукт зняволення» пазначылі цэллю, па якой варта біць і біць. Тое, можа, і ёсць адна з самых істотных прыкмет новай рэпрэсіўнай машыны: яна хоча не толькі пакараць чалавека, але і пазбавіць яго права пакінуць пра сябе праўдзівы след». Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Не марнуй лета! Перакладчыцкая майстэрня вяртаецца! У новы сезон ўвойдуць 11 сустрэч з разборам перакладаў, зробленых удзельнікамі. Апрача гэтага, дадаюцца дзве сустрэчы, прысвечаныя карэктуры і рэдактуры тэксту, і сустрэча пра культурныя правы і аўтарскае права. 5 найбольш матываваных удзельнікаў групы атрымаюць магчымасць працягнуць працу над сваімі перакладам індывідуальна з ментарамі. Вядоўца – паэт, перакладчык і літаратуразнаўца Андрэй Хадановіч. ✍️Падаць заяўку. ⏳ Дэдлайн: 10 траўня ўключна. 📆 Старт заняткаў: 21 траўня. Фармат: анлайн-сустрэчы (Zoom) кожны чацвер з 18:00 да 20:00 беларускага часу (або да сканчэння працы над апошнім перакладам 🙂) 👉Падрабязней тут. Мы запрашаем як новых удзельнікаў, так і выпускнікоў мінулых сезонаў – каб паглыбіць досвед і рухацца далей. Удзельнічаць можна ў тым ліку ананімна. 🍹 Не марнуй лета – удасканальвайся нават на пляжы! Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Стала вядомая дата цырымоніі ўручэння паэтычнай прэміі імя Наталлі Арсенневай. Далучайцеся да нас у Варшаве цёплым вясновым вечарам 27 траўня! Сёння быў абвешчаны доўгі спіс прэміі, а імя пераможцы мы даведаемся падчас цырымоніі. На імпрэзе вас чакаюць: чытанні вершаў фіналістаў, музычныя выступы і галоўнае – абвяшчэнне лаўрэата або лаўрэаткі прэміі. Вечар традыцыйна пройдзе ў нябесных колерах. Запрашаем далучацца да гэтай гамы ў сваіх строях. ⏰ 27 траўня, 19:00 📍 Новы Тэатр, Madalińskiego 10/16, Варшава Уваход вольны! Занатуйце гэтую дату ў сваіх календарах і сачыце за навінамі. Правядзем разам адну з найважнейшых беларускіх паэтычных падзей! Арганізатары прэміі: Беларускі ПЭН і Міжнародны саюз беларускіх пісьменнікаў. Партнёр цырымоніі: Новы Тэатр (Варшава). Пры падтрымцы фондаў «Estate of Vitaut Kipel» ды «Belarusian Charitable Trust». Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Доўгі спіс намінантаў на паэтычную прэмію імя Наталлі Арсенневай за кнігі 2025 года✨ Бачу нябёсныя сінія далі, ўзоры, што зорныя ночы саткалі з кроз, успамінаў, надзей… Беларускі ПЭН і Міжнародны саюз беларускіх пісьменнікаў абвяшчаюць доўгі спіс кніг, намінаваных на паэтычную прэмію імя Наталлі Арсенневай за кнігі 2025 года. 👉 У спісе 10 паэтычных кніг: імёны чытайце на сайце альбо гартайце карткі! Гэты сезон засведчыў не толькі разнастайнасць паэтычных галасоў, але і выразную тэндэнцыю да пошуку новых формаў, моўных рашэнняў і спосабаў асэнсавання рэчаіснасці. Журы адабрала кнігі, што найбольш пераканаўча і выразна раскрываюць патэнцыял сучаснай беларускай паэзіі. Арганізатары прэміі: Беларускі ПЭН і Міжнародны саюз беларускіх пісьменнікаў. Партнёр цырымоніі: Новы Тэатр (Варшава). Пры падтрымцы фондаў «Estate of Vitaut Kipel» ды «Belarusian Charitable Trust». Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Сёння апошні дзень прыёму заявак на прэмію Адамовіча! Калі вы ведаеце творы, якія дакументуюць рэчаіснасць, збіраюць праўдзівыя сведчанні пра сацыяльна-палітычнае жыццё і асвятляюць актуальныя для чалавечай супольнасці праблемы, – калі ласка, намінуйце іх! Можна намінаваць: 〰️ кнігі 〰️ артыкулы ў медыя 〰️ падкасты 〰️ кіна- і відэапраекты і інш. ⏳ Заяўкі прымаюцца да 20 красавіка 2026 года (23:59 беларускага часу). ✍️ Каб падаць заяўку, запоўніцегугл-форму. У выпадку тэхнічных праблем матэрыялы можна дасылаць на электронны адрас [email protected] з пазнакай «Прэмія Адамовіча 2026 / імя і прозвішча аўтара/аўтаркі/аўтараў, назва твора». 👉Усе падрабязнасці чытайце тут. Прэмія ўшаноўвае памяць Алеся Адамовіча і адзначае найлепшы твор, прысвечаны актуальным праблемам сучаснасці. Калі для вас бяспечна: 🔖 Падтрымайце нас на Patreon 🔖Накіруйце ПЭНу 1,5 % сваіх падаткаў (у Польшчы) 🔖Зрабіце разавы данат

Рэгістрацыя на сустрэчу з Алесем Бяляцкім у Варшаве закрыта! Сябры! На сустрэчы з нобелеўскім лаўрэатам Алесем Бяляцкім у Варшаве скончыліся месцы і была закрытая рэгістрацыя. Мы ўсцешаныя вялікай колькасцю ахвочых прыйсці на імпрэзу, і нам шкада, што не ўсе змогуць патрапіць. ❤️ Будзем радыя бачыць вас на іншых нашых імпрэзах. А калі вы плануеце быць праз тыдзень у Вільні – завітвайце на аналагічную сустрэчу ў Літоўскай сталіцы.