RedFox Branding

#logo / #brand @psduzacademy

#logo / #brand @psduzacademy

#logo / #brand @psduzacademy

#logo / #brand @psduzacademy

#logo / #brand @psduzacademy

#logo / #brand @psduzacademy

#logo / #brand @psduzacademy

Channel name was changed to «PSD.UZ | Design academy»

​​LOGOTIP NIMA VA NEGA KOMPANIYANGIZGA KERAK? Tovarlarning asosiy turlari. «Logotip» so’zi: nomini, ramzi yoki tovar belgisini oson aniqlash uchun mo’ljallangan. Logo – bu kompaniyaning mohiyatining grafik tasviri. Bu ramz, rasm va / yoki grafik bosmadan iborat. Professional tarzda ishlab chiqilgan logotip juda ko’p afzalliklarga ega. Logotip e’tiborni jalb qilishi kerak, shuning uchun bu juda muhimdir. Sizning korporativ veb-saytingizga tashrif buyuruvchilarga birinchi va oxirgi taassurot qoldiradigan kishi shu. Bu kompaniya uchun muhim narsa. Professional logotip sizning biznesingizga yangi xaridorlarni jalb qilish va brendga bo’lgan sadoqatini mustahkamlash, shuningdek, ishonchni oshirishga yordam beradi, chunki u sizga 24 soat xizmat qiladi. Xulosa qilib aytganda, logotip kompaniyaning o’ziga xos xususiyatlaridan markaziy o’rinni egallaydi. Ham mustaqil, ham kombinatsiyadan foydalanish mumkin bo’lgan 3 ta asosiy turdagi timsollarning mavjudligi: Illustrative (kompaniyaning faoliyatini aks ettiruvchi); Grafika (grafika elementlari, ko’pincha mavhum yoki umuman, kompaniyaning faoliyatini aks ettirish); Matn (kompaniyaning faoliyatini ifodalovchi matn). Professional uslubning 10 asosiy komponenti: Bardoshli uslub Ochiqlik Iste’molchilar uchun jozibadorlik To’g’ri tasvirni bildiradi Ishonchlilik Ko’rinishi Oddiylik Muvaffaqiyat Descriptive Rang Asosiy maqsad – e’tiborni jalb qilish, saqlash va uzaytirishdir. Korporotiv logotipi – kompaniyaning o’ziga xosligi. Agar u holda brend yaratish mumkin emas. Professional tarzda yaratilgan logotiplarning ko’plab misollari bor. Bolalar har doim McDonald’larni topishadi, chunki ular uning tovar belgisini yaxshi eslaydilar. Nike, Coca-Cola va Lacoste logotiplari butun dunyoda tan olinadi. Yoki bo’lmasa, yomon ishlab chiqilgan logotipsiz, sizning kompaniyangizning qiyofasi juda jiddiy bo’lishi mumkin. Bunga yo’l qo’ymang. Bir logotip yangi mijozlarning doimo jalb etilishi va ularning etishmasligi o’rtasidagi farqni anglatishi mumkin. Sizning kompaniyangiz uchun uni rivojlantirishga ruxsat berish, biz biznesingizning muvaffaqiyati uchun zamonaviy uslubdagi tasvirni yaratamiz. manba:dasturchi.ru ma'lumot jo'natdi #Ismoil™ 🎓Design academy

​​Bu masalada bir qancha maslahatlar berish o’rinlidir: 1. Ikkala sahifada ham bir hil rang, bir hil usul va bitta shriftdan foydalaning. 2. Chap tomondagi sahifadan o’q o’tkazing, lekin uning unsurlarini o’ng tomondagiga bo’ysundiring. Sarlavha reklamaning bukilgan joyidan o’tib, ikkinchi sahifani ham qamrab olishi mumkin. Bunda buklangan joy harflar orasidan emas, balki so’zlar o’rtasidagi oraliqdan o’tishi shart. Rasmni ikkala sahifaga joylashtirish mumkin, lekin bukilgan joy muhim unsurlarga to’g’ri kelmasligi kerak. Masalan, bukilgan joy reklama bosh personajining yuzidan o’tmasligi lozim. 3. Bukilgan joyga e'tibor qilmasdan, butun reklamani atrofidan, ikkala sahifa orqali ramkaga oling. Urg’u. Dastavval dizayner reklamaning qaysi unsuri: rasm, sarlavha yoki matnga urg’u berish kerakligini hal qilib olishi kerak. U qaror qabul qilgach, e'tiborni shu unsurga markazlashtirish yo’llarini izlaydi. U rasmni boshqa unsurlar ta'siridan himoya qilib, ajratib ko’rsatishi, yana shu rasmni kattalashtirib, rasmga qavariqlik va jilo berishi mumkin. Ajratib ko’rsatilayotgan ob'yektning muhimligini reklama beruvchi iste'molchilarning fikrini, reklamaning o’lchami va hokazolarni hisobga olish lozim. Unsurga urg’u berishga birinchi navbatda zidlik - ajratilayotgan ob'ekt bilan ikkinchi darajali ob'ekt o’rtasidagi qarama-qarshilik vositasida erishiladi. Urg’u berishga, shuningdek yo’nalish, o’lcham, shakl, sath, rang, tus va chiziqlarni keskin o’zgartirish yo’li bilan ham erishish mumkin. Dizayner tamoyillardan imkon qadar to’liq darajada foydalanishga intiladi, lekin har bir reklamaga o’zidan tamoyillar doirasiga sig’maydigan nimanidir qo’shadi. Reklama dizayni risoladagidek bo’lishi mumkin, ammo bu shaxsiy unsur ishtirokisiz jonsiz va zerikarli chiqadi. Eskizlar. Eskizlar sifatiga kura turli xil - kichik xomaki eskizdan tortib, reklama dizayni to’liq bajarilguniga qadar davom etadi. Dizayner ishni kichraytirilgan shakldagi, lekin mutanosiblikka amal qilingan xomaki eskizdan boshlaydi. Ba'zan bu bosqich o’tkazib yuborilib, birdaniga qoralama eskiz ustida ish boshlanadi. Qoralama eskiz reklamaning asl kattaligida tayyorlanadi. Unda reklama dizayni unsurlari umumiy tarzda ko’rsatiladi. Reklamaning ishlov berilgan dizayni eskizida sarlavha to’liq, rasm yoki surat tayyor holda bo’ladi, matn esa, faqat parallel chiziqlar bilan ifodalanadi. Unsurlarni joylashtirish tugallangan bo’ladi. Uning hoshiyalariga hech qanday belgilar qo’yish talab qilinmaydigan darajadagi holatga keltiriladi. Ba'zan reklama buyurtmachisi uchun reklama dizayni eskizi to’liq tayyorlanadi. To’liq eskizda barcha detallar ko’rsatilgan bo’ladi. Sarlavha tush bilan yoziladi, rasm tolaligicha chiziladi yoki surat beriladi, matn yoziladi. “Reklama va dizayn” G. Karimova, X.Kamilova ma'lumot jo'natdi#dilshodismoilovdio 🎓Design academy

​​Izchillik. Agar iste'molchi reklamaga ko’z yugurtirayotganida e'tiborini goh u, goh bu unsur tortadigan bo’lsa, reklama o’z vazifasini bajaradi, albatta. Dizayner reklama unsurlarini iste'molchi tomonidan to’g’ri qabul qilinadigan tartibda o’rnatishni afzal ko’radi. Buning uchun qator uslublar mavjud. Dizayner unsurlarni ko’zning tabiiy harakatiga ko’ra joylashtirishi mumkin: nigoh chapdan o’nga va yuqoridan pastga harakat qiladi. Dizayner buni hisobga olgan holda, unsurlarni yuqoridagi chiziq bo’ylab chapdan o’ngga, so’ngra undan quyiroqdagi chiziq bo’ylab chapdan o’ngga joylashtirishi mumkin va hokazo. Biroq hamma shu tartibga rioya qilsa, reklama juda zerikarli bo’lib qolar edi. Shuning uchun dizaynerlarga boshqacha uslublarni qo’llashlariga to’g’ri keladi. Nigohlar, shuningdek, yirikroq unsurlardan maydalariga, qora unsurlardan ochroq ranglilarga, rang-baranglaridan rangsizlarga, g’ayrioddiy shakldan oddiy shaklli unsurlarga qarab harakat qilishi ham mumkin. Shuni hisobga olib, dizayner ko’zlar harakatini amalda reklamaning istagan nuqtasiga yo’naltirishi va uni istagan yo’nalish bo’ylab yetaklashi mumkin. Ba'zan dizayner, iste'molchi nigohiga go’yo yo’l to’shash va unga yengillik yaratish maqsadida ko’z harakatlarini tutashtirish yoki tug’ri chiziq yordamida yo’naltiradi. Ayrim hollarda esa, dizayner iste'molchi nigohini boshqarishning nozikroq yo’lini topishga muvaffaq bo’ladi va bu bilan kuchli ta'sirchanlikka erishadi. U, masalan, shakl va o’lchamlarni takrorlashi mumkin. Bu bilan nigoh uchun hayolan yo’l yaratiladi, desa bo’ladi. Dizayner bunday yo’lni unsurlarning katta-kichikligiga qarab chegaralash yordamida yaratishi ham mumkin. Bu holda nigoh bir turkumdan boshqasiga qarab harakat qiladi. Izchillik o’ziga hos optik zarb bo’lib, u sakrash va tanaffuslarni qamrab olib, boshqa yo’llar bilan ham harakatlanishi mumkin. Yaxlitlik. Yaxlitlik dizaynning eng muhim tamoyilidir. Yaxlitlik reklama unsurlari bir-birini to’ldirishini va o’zaro muvofiqlashishini taqozo qiladi. Dizayner unsurlarning bir-biriga moslarini tanlab, ularni to’g’ri shaklda joylashtirar ekan, uyg’unlik yaratadi. Unsurlar shakli, o’lchami, sathi, rangi va yo’nalishiga ko’ra bir-biriga turdosh bo’lsa, yaxlitlik tamoyiliga to’liq javob beradi. Dizaynerga g’ayrioddiy, masalan, tor va uzun yoki ikki sahifani band qiladigan va x-k. shakliy reklama bilan ishlashga to’g’ri kelsa, yaxlitlik tamoyili muammosi yanada keskinroq tus oladi. Tashqi chegaralar. Reklamaning ichidagi chegaralar (ularni «qutilar» ham deyishadi) bir hil qalinliq, bir hil rang va jiloga ega bo’lsa, yaxlitlikni bo’rttiradi. Iste'molchi o’xshashlikni ko’radi va fikran unsurlarni bir-biri bilan bog’laydi. Reklama o’lchami bo’ylab zukkolik bilan joylashtirilgan oq sath chegaralar rolini bajaradi va u reklama yaxlitligini bo’rttiradi. Agar dizayner oq sathni reklama markazidagi unsurlar orasida mujassamlashtirsa, u reklama alohida bo’laklarga bo’linishini ifodalaydi va yaxlitlikni buzadi. Reklamaning chetlariga chiqarilgan oq sathni hamma tomondan chuqurligi bir hil bo’lgan tasma shaklida joylashtirish kerak emas. Mutanosib taqsimlashni saqlash uchun oq sathni noaniq shaklda bergan ma'qul. Ufq - reklama yaxlitligini mustahkamlashning eng yaxshi vositasi sanaladi. U ko’rinadigan yoki yaxshisi tasavvur qilinadigan bo’lishi mumkin. Reklamada ikki, uch va undan ko’proq o’qlardan foydalaniladi, ular tik va yassi holatda o’tadi. O’q butun reklamadan o’tib, atrofida unsurlar guruhlanadigan asos hosil qilgandek bo’ladi. Qandaydir bir unsur yoki unsurlarning ko’pchiligi o’qni kesib o’tishi mumkin. Lekin bunda o’q o’zining birlashtiruvchilik hususiyatini yo’qotmasligi lozim. Dizayner uch nuqta usulini qo’llasa, yaxlitlikni mustahkamlaydi. Uch unsurli kompozitsiya ikki yoki to’rt unsurli kompozitsiyaga qaraganda mutanosibdir. Reklama ikki sahifaga joylashganida birlikka rioya qilishi, ayniqsa qiyin kechadi. 🎓Design academy

​​REKLAMA DIZAYNINING TAMOYILLARI(Davomi) Dizayn unsurlaridan foydalanishni tamoyillar belgilab beradi. Ular san'atning boshqa turlari: rassomlik, haykaltaroshlik, me'morchilik va sanoat dizayni asosiga qo’yilgan. Tamoyillar konstruksiyaning har bir unsuriga yoki unsurlar umumiy jamlanmasiga qo’llanilishi mumkin. Dizayner ular yordamida tartibni tezroq topishi va rang-baranglikni ifodalashi mumkin. Dizayner uchun tamoyillar katta ahamiyatga ega. Reklama dizayni nuqtai nazaridan eng ommabop va to’liq tamoyillar quyidagilardir: • Konstruksiya mutanosib bo’lishi kerak. • Reklama ichidagi sath mutanosib ravishda taqsimlanishi lozim. • Yo’nalish yorqin ifodalanishi kerak. • Unsurlar yaxlitligi mustahkam ushlab turilishi zarur. • Reklamada uning bironta qismi yoki unsuri ustun turmog’i maqsadga muvofiq. Tamoyillarni shunday ifodalash mumkin: mutanosiblik, nisbat, izchillik, yaxlitlik, urg’u berish. Mutanosiblik. Reklama «mutanosib» bo’lganda uning unsurlari: rasm, surat, sarlavxa va matnda jo’shqkinlik his etilsada, o’zi ichki sokinlik holatida bo’ladi. Dizayner «mutanosiblik»ning ikki turi bilan: rasman (simmetrik) va norasman mutanosiblik bilan ish ko’radi. Rasman mutanosiblikda reklamaning bir tomonidagi har bitta unsurning shakli va o’lchami ikkinchi tomonidagi unsurga muvofiq bo’ladi. Tasavvur etilayotgan tik chiziq orqasiga o’tuvchi unsurlar bu o’qqa nisbatan simmetrik holatda joylashadilar. Bu turdagi «mutanosiblik» reklamada, ayniqsa, rasmiy reklamada saqlanib kelmoqda. Norasmiy mutanosiblikda optik muvozanat ham saqlanadi, lekin bunda murakkabroq usullar orqali erishiladi. Dizayner reklamaning yuqori va quyi qismlarining o’zaro bog'liqligini ham unutmasligi kerak. Reklamaning barcha unsurlari mutanosib kompozitsiya hosil qilishi lozim, bunda optik markaz - geometrik markazdan sal yuqoriroq va chaproqdagi nuqta - reklama markazi bo’lishi lozim. Yirik va qora unsurlar mayda va kulranglilarga qaraganda ko’proq «tosh bosadi». Shuningdek, oddiylardagiga qaraganda noodatiy shakldagi unsurlar ham, qora va oq rangdagilarga nisbatan rangli unsurlar ko’proq e'tiborni tortadi. Ba'zan dizayner reklama ko’zga tashlanadigan bo’lishi uchun ataylab muvozanatni buzadi. Mutanosib taqsimlash (nisbat). Reklama dizayneri uchun mutanosib taqsimlash o’lchamlarning o’zaro nisbati, ya'ni reklama kengligi uning chuqurligiga, bir unsur sathi o’lchamining boshqa unsur sathi o’lchami nisbatidan, ikki unsur orasidagi masofa va bu ikki unsurdan biri hamda uchinchi bir unsur orasidagi masofalar nisbatidan kelib chiqadi. Reklamada zaruriy mutanosib taqsimlashga erishish uchun dizayner oraliqlarni ko’z standart matematik nisbatlarni ilg’amaydigan holda joylashtiradi. Odatda, dizayner reklamani ikki, uch yoki to’rtta teng qismlarga ajratishdan qochadi. Yunonlar kenglikni mutanosib taqsimlash namunalarini qoldirganlar. Kenglikning chuqurlikka nisbati taxminan 3:2 ga yoki yanada afzali 5:3 ga teng. Tomonlari bir xil bo’lgan kvadrat ikkita turli o’lchamli to’g’ri to’rtburchak bilan qiyoslanganda yutqizadi. Agar kvadrat shaklni ishlatishga to’g’ri kelib qolsa, dizayner unda yassi yoki tik tasma yohud chiziq o’tkazib, uni eniga yoki bo’yiga «cho’zishi» mumkin. Agar dizayner tik tugri burchakli to’rtburchakni ishlatadigan bo’lsa, uni yassi chiziqlar bilan bir necha tasmaga ajratadi. Yuqoriga yaqinroq joylashgan va matematik markaz bilan kesishmaydigan chiziqlardan biri optik markaz chizig’i sifatida qabul qilinishi mumkin. Shunda reklama unsurlari tasmalarda joylashadi. Ba'zi dizaynerlar eng muhim unsurlarni optik markaz chizig’iga tegadigan yoki uni kesib o’tadigan qilib joylashtirishni afzal ko’radilar. Mutanosib taqsimlashga reklamaning rangi ham ta'sir qiladi. To’q va och ranglarning eng maqbul mutanosib taqsimlanishi quyidagichadir: • o’rta kulrang ranglar – 1/2 • och kulrang ranglar -1/4 • qora ranglar – 1/4. Har qanday ranglar birikmasida bironta rang ustun bo’lishi maqsadga muvofiq. 🎓Design academy