@Chilonzor_tuman_hokimligi · Post #83060 · 10.04.2026 г., 08:10
#Chilonzor #YoshlarKuni #Probatsiya #HuquqiyTargibot #XavfsizHayot CHILONZORDA PROBATSIYA NAZORATIDAGI YOSHLAR BILAN UCHRASHUV O‘TKAZILDI Chilonzor tumanida “Yoshlar kuni” munosabati bilan “Kichik Xirmontepa” mahalla fuqarolar yig‘ini binosida maxsus uchrashuv tashkil etildi. Kuni kecha o'tkazilgan mazkur tadbirda Chilonzor tumani IIO FMB mas'ul mutasaddilari, IIV JXD Probatsiya xizmati rahbarlari hamda sog‘liqni saqlash xodimlari ishtirok etishdi. Uchrashuv davomida yoshlarni salbiy illatlardan asrash, ularning huquqiy ongi va madaniyatini yuksaltirish masalalari diqqat markazida bo‘ldi. Uchrashuvning asosiy mavzulari: 🔹 Yoshlarni giyohvandlik, diniy ekstremizm va kiberjinoyatlardan asrash; 🔹 Qonunchilikdagi yangiliklar hamda jazo o‘tash tartib-qoidalari; 🔹 Jazodan muddatidan ilgari shartli ozod qilishning protsessual tartiblari; 🔹 O‘zbekiston Respublikasi Prezidentining 03.11.2025-yildagi PF-207-sonli farmoni mazmun-mohiyati. Tadbir davomida yoshlarning muammolari tinglanib, ularni hal etish bo‘yicha mutasaddilarga aniq topshiriqlar berildi. Xususan: ✅ 4 nafar ishsiz yoshga o‘zlari qiziqqan korxonalarga ishga joylashish uchun yo‘llanmalar berildi; ✅ 33 nafar fuqaro tibbiy ko‘rikdan o‘tkazildi. Bu kabi tadbirlar yoshlarni sog‘lom hayotga qaytarish va jamiyatda o‘z o‘rinlarini topishlariga ko‘maklashish maqsadida tizimli ravishda davom ettirilmoqda. 🔵 Сhilonzor_tumani_hokimligi