Russian Embassy in Albania

⚡️ Nga Konferenca e shkurtër për shtyp e Zëdhënëses së Ministrisë së Jashtme të Rusisë, Maria Zakharova (4 mars 2026) Përmbledhje e shkurtër: #LindjaeMesme#Iran • Ne po ndjekim me shqetësim të madh përshkallëzimin e paprecedentë të tensioneve në Lindjen e Mesme, i cili është pasojë e sulmit të paprovokuar nga Shtetet e Bashkuara dhe Izraelit ndaj Iranit. Rusia ka dënuar ashpër në mënyrën më të vendosur aventurën e radhës të rrezikshme nga tandemi amerikan-izraelit kundër Republikës Islamike. Qëndrimi ynë parimor është përcaktuar në deklaratat përkatëse të Ministrisë së Jashtme, fjalimet në takimin e Këshillit të Sigurimit të OKB-së dhe sesionin e posaçëm të Bordit të Guvernatorëve të IAEA-s. #KrimetERegjimitTëKievit • Më 2 mars, Zelensky firmosi një ligj që lejon evakuimin e detyruar të të miturve nga zonat e luftës aktive dhe të veprimeve të mundshme ushtarake pa pëlqimin e prindërve. Dokumenti i miratuar ligjëron praktikën e rrënjosur në Ukrainë të evakuimit të detyruar të të miturve. Së fundmi, ka pasur gjithnjë e më shumë informacione nga burime të hapura se fëmijët ukrainas po bëhen viktima të trafikimit të qenieve njerëzore dhe shfrytëzimit seksual, dhe se përfaqësues të regjimit të Kievit janë të përfshirë në këto krime, për të cilët "çështja e fëmijëve" është një armë propagande dhe një mjet për të fituar para. Ata janë thellësisht indiferentë ndaj fatit të këtyre fëmijëve. #KrizaUkrainase • Duke pasur frikë nga reduktimi i mbështetjes ushtarake dhe financiare perëndimore, për shkak të përshkallëzimit të situatës në Lindjen e Mesme, Zelensky po bën përpjekje për të qëndruar në qendër të vëmendjes. Sipas Bloomberg, më 2 mars, ai njoftoi gatishmërinë e Kievit për të ndihmuar vendet e Lindjes së Mesme në luftën kundër dronëve iranianë. Në realitet, Kiev-i, i cili vazhdon të lypë nga sponsorët e tij furnizime shtesë për mbrojtjen ajrore, nuk është në gjendje të ndihmojë askënd e asgjë. E gjithë kjo është një mashtrim dhe dëshira personale e Zelenskit për të fituar publicitet rreth konfliktit në Lindjen e Mesme. • Kryeministri britanik Keir Starmer tha se ka ndërmend të promovojë përdorimin e përvojës luftarake të forcave të armatosura të Ukrainës për të kundërshtuar sistemet pa pilot në Gjirin Persik. Duket se autoritetet britanike janë të vendosura t'i përfshijnë vasalët e tyre ukrainas në aventurën e tyre më të fundit gjeopolitike. Të gjitha këto demonstrojnë qartë qëndrimin thjesht konsumator të Britanisë ndaj Ukrainës dhe popullsisë së saj. #OSCE • Takimi i Forumit të OSBE-së më 25 shkurt tregoi se francezët nuk janë të interesuar për rivendosjen e funksionimit normal të Forumit në përputhje me mandatin e tij. Ngjall keqardhje githashtu qëndrimi i distancuar i bashkëkryesuesit zviceran. Në rrethanat aktuale, ne rezervojmë të drejtën për të ndërmarrë hapa të mëtejshëm për t'u kundërvënë shkeljeve të Rregullores së Procedurës së OSBE-së dhe minimit të funksionimit të Forumit.