#LIVE
Эрта тонг. Ҳали кўчалар сукутда, уйлар ёруғликка тўлмаган бир пайтда кимлардир аллақачон иш бошлаган…
Поп туманида чиқиндиларни олиб чиқиш ишлари "Ориф нурли келажак" томонидан тонг саҳарданоқ жадал давом этмоқда.
Улар биз ухлаётган пайтда шаҳримизни тозалаб, кунни пок муҳитда бошлашимиз учун меҳнат қилмоқда.
Келинг, шу фидойи инсонларнинг меҳнатини қадрлайлик. Биргина оддий одат — чиқиндимизни ўз жойига ташлаш орқали ҳам уларга катта ёрдам берган бўламиз.
Тоза ҳудуд — бу фақат хизмат эмас, бу ҳар биримиздан бошланадиган маданият. Попни биргаликда озода ва гўзал сақлайлик!
✍️@popliklar
#Live
DXX KUBOGI: “BOG‘DON-QO‘LBA” MAHALLASI YOSHLARI BIR MAYDONDA
🏆 Forish tumanida DXX kubogi doirasidagi sport musobaqalari ko‘tarinki ruhda boshlandi. Ilk uchrashuv “Bog‘don” va “Qo‘lba” mahallasi yoshlari o‘rtasida bo‘lib o‘tmoqda.
⚽️ Maydondagi har bir harakat, har bir daqiqa qizg‘in kurash va kuchli iroda bilan yo‘g‘rilgan bo‘lib, ikki jamoa ham g‘alaba uchun bor kuchini ishga solib, tomoshabinlarga unutilmas lahzalarni taqdim etmoqda.
⚽️ Bu musobaqalar Forish tumani yoshlari uchun katta imkoniyatlar eshigini ochib, ularning iqtidorini namoyon etish, sport orqali sog‘lom turmush tarzini targ‘ib qilishda muhim ahamiyat kasb etadi. Ilk uchrashuv esa bu yo‘ldagi munosib va yorqin boshlanish bo‘ldi.
Futbolning eng qizg‘in jarayonlarini bizda kuzatib boring.
👉 Bizni ijtimoiy tarmoqlarda kuzatib boring.
😎Instagram😎Telegram / 🕸Websayt / 😎Facebook / 😎YouTube
#Live
OSH FESTIVALI JARAYONLARIDAN
🌷FORISH TUMANI 55-MAKTABDA BOʻLIB OʻTAYOTGAN OSH FESTIVALI OʻZGACHA SHUKUHDA BORMOQDA.
KELING, KOʻRING, ZAVQLANING!
MUSOBAQANI ENG QIZGʻIN JARAYONLARINI BIZ BILAN KUZATIB BORING.
#Live
OSH FESTIVALI
🌷Ayni damda Forish tumanidagi 55-umumta'lim maktabida bahorning eng go‘zal an'analaridan biri — osh festivali qizg‘in tarzda bo‘lib o‘tmoqda 🌸🍲
🌹Festivalda 25 ta qozonda palov damlanib, o‘qituvchi va o‘quvchilar o‘z sinflari sha'ni uchun o‘zaro bellashmoqda. Har bir jamoa “Eng shirin osh” nominatsiyasi uchun kurash olib bormoqda.
🌿Mahorat, jamoaviylik va milliy qadriyatlar uyg‘unlashgan ushbu tadbirda xushbo‘y oshlar, ko‘tarinki kayfiyat va do‘stona raqobat hukm surmoqda.
👉Jarayonlarni biz bilan kuzatib boring!
Forish tuman hokimligi axborot xizmati.
#LIVE
HOKIM VA PROKUROR YOSHLAR BANDLIGINI TA’MINLASH BO'YICHA UCHRASHUV O'TKAZDI
➡️ Payshanba kuni “Yoshlar kuni” munosabati bilan Forish tumani Madaniyat markazida yoshlar masalalariga bag‘ishlangan keng qamrovli amaliy tadbir tashkil etildi. Ushbu tadbir doirasida hokim va yoshlar uchrashuvi, shuningdek “bo‘sh ish o‘rinlari” mehnat yarmarkasi o‘tkazildi.
➡️ Tadbirda Forish tumani hokimi Soxib Islamov hamda tuman prokurori Ulug‘bek Shonazarov yoshlar bilan uchrashib, ularning fikr va takliflarini tingladi, mavjud muammolarini atroflicha o‘rgandi hamda ularni hal etish yuzasidan tegishli mas’ullarga aniq topshiriqlar berdi.
➡️ Shuningdek, tadbirda tuman hokimining o‘rinbosarlari, tuman prokurori, soliq inspeksiyasi vakillari, barcha tegishli tashkilotlar hamda hududda faoliyat yuritayotgan korxona va tashkilotlar rahbarlari ishtirok etdi.
➡️ Mehnat yarmarkasida ishtirok etgan tashkilotlar yoshlarni ish bilan ta’minlash maqsadida mavjud bo‘sh ish o‘rinlarini taqdim etib, ularga ishga joylashish imkoniyatlari haqida batafsil ma’lumot berdilar. Ayniqsa, tadbirga tumanda o‘tkazilgan xatlov jarayonida aniqlangan ishsiz yoshlar keng jalb etildi.
➡️ Tadbir davomida yoshlar tomonidan bildirilgan ishga joylashish, tadbirkorlikni rivojlantirish, imtiyozli kreditlar ajratish hamda o‘z biznesini yo‘lga qo‘yish bo‘yicha murojaatlar amaldagi yarmarka jarayonida ko‘rib chiqildi. Tadbir davomida ko‘plab yoshlar o‘z qiziqishlari bo‘yicha ishga joylashish imkoniga ega bo‘ldilar.
➡️ Mazkur tadbir yoshlar uchun yangi imkoniyatlar eshigini ochib, ularning bandligini ta’minlash, tadbirkorlikka jalb etish hamda davlat va yoshlar o‘rtasidagi muloqotni yanada mustahkamlashda muhim ahamiyat kasb etdi.
👉 Bizni ijtimoiy tarmoqlarda kuzatib boring.
📱Telegram / 📨Websayt / 📱Facebook / 📱YouTube
#LIVE
HOKIM VA PROKUROR YOSHLAR BILAN UCHRASHDI
⚡️ Forish tuman hokimi Soxib Islamov hamda tuman prokurori Ulug‘bek Shonazarov payshanba — “Yoshlar kuni” munosabati bilan 18-son Musiqa va san’at maktabida iqtidorli yoshlar bilan mazmunli uchrashuv o‘tkazdi.
⚡️ Uchrashuv samimiy muloqot ruhida o‘tib, yoshlar o‘zlarini qiziqtirgan masalalar va tashabbuslarini ochiq bayon etishdi. Xususan, yangi kutubxona qurish, mutaxassisligiga mos ish o‘rinlari yaratish, meva-sabzavotlarni qayta ishlashga ixtisoslashgan sexlar sonini ko‘paytirish, shuningdek, biotexnologiya sohasida yoshlar uchun qulay shart-sharoitlar yaratish kabi qator muhim takliflar ilgari surildi.
⚡️ Bildirilgan har bir taklif e’tibor bilan tinglanib, ularni amalga oshirish yuzasidan tegishli tashkilotlarga aniq topshiriqlar berildi. Shu bilan birga, mazkur vazifalar ijrosi qat’iy nazoratga olinishi ta’kidlandi.
👉 Bizni ijtimoiy tarmoqlarda kuzatib boring.
📱Telegram / 📨Websayt / 📱Facebook / 📱YouTube
#Live
Bayram tadbiri yuqori kayfiyatda boshlandi!
Jizzax shahridagi muhtasham Anjumanlar saroyida 8-mart bayrami tantanalari qizg‘in davom etmoqda.
Dastavval viloyat hokimi Ulugʻbek Mustafoyev oʻz tabriklari bilan tadbirni ochib berdilar.
Viloyat rahbari o‘z nutqida bugungi kunda jamiyatimiz rivoji, oilalar mustahkamligi va yoshlar tarbiyasida xotin-qizlarning o‘rni beqiyos ekanligini alohida ta’kidlab, barcha onaxonlaru opa-singillarimizga ezgu tilaklarini bildirdi.
Jizzax viloyati hikimi viloyatimizning faol ayollariga Davlat mukofotlari, koʻkrak nishonlari, faxriy yorliqlari hamda esdalik sovgʻalarini topshirdilar.
Bizni kuzatishda davom eting!
📲https://gov.uz/oz/jizzax sayti va sahifalari:👇
Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|
#Live
Bugun "8-mart - Xalqaro xotin-qizlar kuni" bayrami munosabati bilan Jizzax viloyati hokimligining Anjumanlar saroyida viloyatimiz ayollari uchun bayram tadbiri boʻlib oʻtmoqda.
Shuningdek ayni paytda tadbir jarayonlariga tayyorgarlik koʻrilmoqda.
Bizni kuzatishda davom eting!
📲https://gov.uz/oz/jizzax sayti va sahifalari:👇
Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|
#Live
"Inno" texno parki doirasida yangi loyihalar start olmoqda
Tadbir jarayonlari davom etarkan uning asosiy qismida ilm-fan va innovatsiya sohasidagi yetakchi mutaxassislar minbarga chiqmoqda. Zafar Azimov, Kongratbay Sharipov hamda vengriyalik hamkorlar — Rodrigo Ballester, Yozef Rozsa, Bela Merkeli va boshqa nufuzli mehmonlar o‘z nutqlarida ilmiy parkning kelajakdagi roli hamda ikki davlat o‘rtasidagi texnologik transferlar haqida to‘xtalib o‘tdilar.
Shuningdek, Ulug‘bek Xusainov, Levente Kovach, Botir Usmonov va Alisher Usmankulov innovatsion loyihalarni hayotga tatbiq etish bo‘yicha o‘z istiqbolli rejalarini bayon qildilar.
Shundan soʻng Oliy ta’lim, fan va innovatsiyalar vazirligi hamda nufuzli Obuda University (Vengriya), Jizzax politexnika instituti va Toshkent kimyo-texnologiya instituti o‘rtasida ikki tomonlama hamkorlik shartnomalari imzolandi.
Ushbu hujjatlar talabalar uchun katta imkoniyatlar, jumladan Vengriyaning nufuzli Obuda universiteti bilan o‘zbek talabalarini o‘qishga qabul qilish bo‘yicha qator oliy ta’lim muassasalari o‘rtasida nafaqat rasmiy shartnoma balki talabalar almashinuvi, qoʻshma ilmiy tadqiqotlar va yangi texnologiyalarni yaratish uchun huquqiy asos boʻlib xizmat qiladi.
Shuningdek, endilikda quyidagi OTM talabalari xalqaro standartlar asosida bilim olish imkoniga ega bo‘ladilar:
🔹 Toshkent axborot texnologiyalari universiteti (TATU);
🔹 Toshkent davlat iqtisodiyot universiteti (TDIU);
🔹 Toshkent davlat texnika universiteti (TDTU);
🔹 "TIIAME" Milliy tadqiqot universiteti;
🔹 Jizzax politexnika instituti;
🔹 Toshkent kimyo-technologiya instituti.
Taʼkidlash joizki, ushbu kelishuvlar yosh olimlarimiz va talabalarimiz uchun jahon ilm-fani eshiklarini ochadi!
📲https://gov.uz/oz/jizzax sayti va sahifalari:👇
Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|
#Live
Jizzaxda "Inno" ilmiy parki rasman ochildi
Jizzaxda yangi innovatsion ekotizim — O‘zbek–Vengriya 'Inno' ilmiy parkining tantanali ochilish marosimi bo‘lib o‘tdi. Tadbir avvalida mehmonlar hududdagi zamonaviy loyihalar taqdimoti bilan tanishdilar hamda ramziy lentani kesib, majmuani rasman ochib berdilar.
Ayni daqiqalarda moderator Marcel Pop boshchiligida Forumning rasmiy qismi davom etmoqda. O‘zbekiston va Vengriya davlat madhiyalari ijrosi ikki mamlakat o‘rtasidagi do‘stlik va ishonch timsoliga aylandi.
Tafsilotlar va loyihalar haqida keyingi postlarimizda batafsil ma’lumot berishda davom etamiz.
📲https://gov.uz/oz/jizzax sayti va sahifalari:👇
Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|
#Live
Jizzaxda Oʻzbek–Vengriya “Inno” Ilmiy Parki ochilishiga tayyorgarlik koʻrilmoqda
Ayni paytda Jizzax viloyatining Sharof Rashidov tumanidagi Oqtosh ota MFY hududida joylashgan “Yangi O‘zbekiston” massivida Oʻzbek–Vengriya “Inno” ilmiy parkining ochilish marosimi bo‘lib o‘tmoqda. Mazkur loyiha nafaqat hudud, balki respublika miqyosidagi texnologik transferlar bazasi bo‘lishi ko‘zda tutilgan. Vengriyalik hamkorlar bilan birgalikda amalga oshiriladigan loyihalar start olishiga sanoqli daqiqalar qoldi.
Voqealar rivojini bizning kanalda jonli kuzatib boring!
📲https://gov.uz/oz/jizzax sayti va sahifalari:👇
Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|