Feruz Rahimov

Arnasoyda aeroport Arnasoy tumanida Aydarko'l qirg'oqlarida yirik turizm maskani barpo etilmoqda. Ushbu kompleks rejalar qatorida sobiq aerodrom yo'li o'rnida yangisini barpo etish loyihasi ham amalga oshirilmoqda. Tuman hokimining bu loyihani amalga oshirishi uchun qancha yugurganini yaxshi bilamiz. Loyihalarning taxminiy lokatsiyasi shu yerda. Bugun sinov tariqasida samolyotni ham uchirishibdi. Kelgusida Ko'l bo'yidan Zominga, Toshkentga, Samarqandga borish nasib etsin. @feruzrahim

#tonggimutolaa Notarius ishlari sud organiga tegishli va uning amaliyoti bilan bog'liq ma'naviy ahamiyatga ega vazifa hisoblangan. Sudning ruxsati bilan ma'lum shaxslar xalq ichiga kirib borib, da'vogarlarning foydasiga yoki zarariga guvohlik berishgan. Guvohlikdan tashqari, ko'rsatma berish, qaydnomalarni to'ldirishni ham qilishgan. Ularga xalq ichida maxsus idora tayinlanib o'sha yerda o'tirishgan. Odamlar shartnomalarini olib borib ular guvohligida ro'yxatdan o'tkazilgan. Bu 13-14 asrlardagi Arab, Turkiy davlatlardagi holat. "Muqaddima-2" kitobidan @feruzrahim

Anemiya bo‘yicha yangi ogohlantirish Avgustda e’lon qilingan “Global anemiya baholari – 2025” hisobotiga ko‘ra, so‘nggi 20 yilda ayollar (15–49 yosh) orasida anemiya pasaymadi — ayrim hududlarda hatto oshdi. Eng og‘ir vaziyat Afrika va Sharqiy O‘rta Yer mintaqasida: deyarli har ikkinchi ayol. O‘zbekistonda: ~2,7 mln ayol, ya’ni taxminan 30%. Homiladorlarda ayrim joylarda 35–40% gacha. Sabablar: temir tanqis ovqatlanish (choy-non bilan birga temir yomon so‘riladi), hayvon oqsillari (go‘sht, jigar, baliq) kam yeyish, surunkali kasalliklar va ijtimoiy omillar. Iqtisodiy ta’sir: mehnat unumdorligi pasayadi, tibbiyot xarajatlari oshadi. O‘zbekistonda yillik yo‘qotish 1–3% YaIM atrofida; profilaktikaga kiritilgan har $1 — $12–15 iqtisodiy qaytim beradi. Nima qilish kerak? Unni temir va folat bilan boyitishni, tuzni yodlashni 90% uy xo‘jaliklarigacha yetkazish. Homiladorlar, o‘smir qizlar va bolalarni temir/folat bilan muntazam ta’minlash. Chorvachilik va baliqchilik mahsulotlariga e'tibor. @feruzrahim

Zangazur transport koridori 8-avgust kuni tarixiy voqea yuz berdi: AQSh vositachiligida Ozarbayjon Prezidenti va Armaniston Bosh vaziri tinchlik deklaratsiyasini imzolashdi. Bu kelishuvning eng muhim sharti — Zangazur transport koridorining ochilishi. U Ozarbayjonni Naxichevan orqali Turkiya bilan bog‘laydi va shu yo‘l orqali Markaziy Osiyo davlatlari uchun Turkiya hamda Yevropa bozorlariga qisqa va xavfsiz chiqish eshigini ochadi. O‘rta koridorning bir qismi bo‘ladigan bu yo‘nalish Xitoy–Markaziy Osiyo–Kaspiy–Kavkaz–Yevropani tutashtiradi. Yuk oqimi allaqachon keskin oshmoqda: 2021 yilda 600 ming tonna bo‘lgan bo‘lsa, 2022 yilda 1,5 mln tonnaga yetdi, 2024 yilda esa 4,1 mln tonnani tashkil etdi. Jahon banki prognoziga ko‘ra, 2030 yilga borib bu ko‘rsatkich 11 mln tonnaga yetishi mumkin! 🇺🇿 O‘zbekiston uchun afzalliklar: Yuk tashish muddati 30 kundan 20–22 kunga qisqaradi, Bu koridor O‘zbekiston uchun Rossiya hamda Eron yo‘llaridan qaramlikni kamaytirish imkonini beradi. @feruzrahim

Umr mana shu suvday o'tib ketyapti. Bugun 39 yoshga kiribmiz. Allohning bergan umri. Qanchasini mazmunli o'tkazdik, qanchasini behuda. 39 yil nimalarnidir o'rgandik, nimalarnidir o'rgatdik. Umrimizdagi oliy maqsadimiz yoddan ko'tarilmasa bas. Umrimiz mana shu suvdek jo'shqin oqib tursin! @feruzrahim

ҲУРМАТЛИ МАҲАЛЛАДОШЛАР! Жиззах вилояти ёшлари ўртасида ИШСИЗЛИК, касбий мос келмаслик муаммоларини ўрганиш ва ечимларини ишлаб чиқиш юзасидан сўровнома ўтказилмоқда. Илтимос, сўровномада иштирок этиб, ўз фикрингизни билдиринг. Сизнинг фикрингиз биз учун жуда муҳим! Сўровнома натижалари ёшлар бандлигини таъминлаш юзасидан қарорлар қабул қилиш учун асос бўлади. ⏱️ Вақти: 4-5 дақиқа ✅ Жавоблар махфий. 💰 Иштирокингиз - янги имкониятларга йўл! 📌 Сўровномада иштирок этиш учун ҳавола: 👉Сўровномани бошлаш

Битирган мутахассислигингиз бўйича ишлаяпсизми? Илмий ўрганиш учун ушбу сўровномадан ўтинг. Натижасини ҳам кейин ташлаймиз.

🫰"KORRUPSIYA - SARATON!"🎗 🎞 Yangi ijtimoiy video rolik. Korrupsiyaning ertangi kunimizni o'g'irlayotgani aks etgan rolik. Rolik so'ngidagi zamonaviy qo'shiq o'zgacha his tuyg'u uyg'otadi. 🔗 Video havolasi: 👉 tomosha qilish 🇺🇿 Ushbu video Oliy Majlis huzuridagi jamoat fondi hamkorligida, homiyligida amalga oshirildi. ✈️ Ushbu videoni boshqalarga ulashib, Siz ham korrupsiyaning oldini olishga hissa qo'shing!

🎉10Daqiqa Youtube kanalimizda 70 000 OBUNACHI!🎉 Youtube kanalimiz qisqa vaqt ichida 70 minglik katta oilaga aylandi! 📚✨ Kelgusida kitob mazmunidan tashqari ham qiziq va foydali videolar chiqarishni reja qilganmiz. Yangi videolar, yangi kitoblar va yangi ilhomlar bilan oldinga! 🚀 @feruzrahim

Zarafshon shahridagi shamol generatorlari tabiatga moslab qurilgan. Zarafshon shahrida 111 ta shamol generatorlari o'rnatilgan. O'rnatishdan oldin, tabiatni muxofaza qilish mas'ullari tomonidan ushbu loyihaga qarshilik qilingan. Asosiy sabab, o'sha hududda uchraydigan Qizil kitobga kiritilgan Boltayutar qushi va toshbaqalar. Loyiha tenderida innovatsion yichim taklif qilingandan keyin, ushbu loyihaga ruxsat berilgan. Boltayutar qush quyosh generatori parraklariga yaqinlashganda, maxsus sensorlar uni payqab, yovvoyi hayvon ovozini chiqaradi, yaqinlashgani sari kuchliroq, huddi dinozavrlar ovozidek, kuchli ovozkuchaytirgichlardan foydalanilgan. Natijada, ovozdan qochib, qush yo'nalishini o'zgartirib, parrakka tegib ketmaydi. Toshbaqalar esa, oldindan mutaxassislar ularning inlarini qidirib topib, ularni tutishgan, maxsus joylarda ularni boqib, loyiha bitgandan keyin, yana tabiatga qo'yib yuborilgan. Tabiatni, jonivorlarni asrab qoladigan O'zbekiston bilan faxrlanamiz! @feruzrahim

Chat GPT yangilanibdi. GPT-5. Imkoniyatlari: - Eslab qolish, avvalgi suhbatlardan kontekst olish va fikrlarimni shunga moslashtirish. - O‘zbek tilida ravon muloqot – nafaqat adabiy, balki so‘zlashuv va hazil ohangida ham. - Tahliliy fikrlash – iqtisodiy, siyosiy va biznes mavzularida chuqur tahlil, raqamlar va xalqaro taqqoslashlar. - Ijodiy yozish – YouTube ssenariy, she’r, hikoya, reklama matni yoki grant taklifi — hammasini bir formatda. - Hujjat bilan ishlash – Word, Excel, PDF, PPT kabi fayllarni tayyorlash, tahrirlash va tahlil qilishim. - Vizual va audio tasavvur – rasmlar, diagrammalar, hatto video ssenariy uchun kadrlar bo‘yicha ko‘rsatmalar berish. - Yangi “kontekstli xotira” – masalan, ilgari aytgan loyiha, oila yoki do‘stlar haqidagi ma’lumotlarni eslab, keyingi javoblarimni shunga moslay olish. @feruzrahim

Giyohlar shohi - Za'farondan iste'mol qildik. BMB Za'faron Chinoz. U ogʻriqni qoldiruvchi, quvonch va xursandchilik baxsh etuvchi, tushkunlikdan chiqaruvchi, quvonch gormoni – serotonin ishlab chiqarish xususiyatiga egadir. Shunday qilib, zaʼfaron – inson doimiy isteʼmol qilishga oʻrganib qolmaydigan, yengil psixotrop moddadir. @feruzrahim