Shingil

Рекламасиз маҳсулотга бозорда жой йўқ. Бугун озгина жой эгаллаб турган бўлсангиз, билинг, бу бировни жойи, эртага эгаси келса сизни бир тепиб туширворади. Маҳсулот сотаяпсизми? Уни тинмасдан реклама қилишингиз шарт. Брендингиз йўқми? Унда яна ўша гап, бировни жойида вақтинча ўтирибсиз, эртага эгаси келади, бўшатиб берасиз. Бренд қилишингиз ва уни тинмасдан реклама қилишингиз шарт. Сиз маҳсулот сотаяпсиз, лекин бренд сизники эмасми? Барибир, реклама бўлиши шарт, харажатини эса бренд эгаси тўлиқ ёки ҳеч бўлмаса қисман тўласин. Тўламаса, бошқа бренд қидиринг ёки ўзингиз бренд қилинг. Савол: Рекламани кимга кўрсатиш керак ва унда нимани кўрсатиш керак? Жавоб: Харидорга унинг ҳаётида ўрнингиз борлигини кўрсатишингиз керак. Харидорингизни танимайсизми? Унда сиз харидорини танийдиган брендга ютқазасиз ёки ундан кўра анча камроқ фойда билан ишлашга мажбур бўласиз, алал-оқибат буям ютқазишга опкелади. Харидорингизни таниб олинг. Шунда рекламангиз кўпроқ манфаат беради.

Телеграм - душманим Тан олишим керак, телеграм бизнесим учун қанчалик фойдали бўлса, мени ишдан чалғитувчи унсур сифатида тегаётган зарари буёқдаги фойдасидан каттароқ. Канал ва группаларим анчагина кам бўлсада, бирорта хабарни қолдирмай ўқийман, яна бирор хабар келса-келмаса бот-бот кириб қараб тураман, хуллас, етарлича чалғийман. Кечадан бошлаб телеграмга ограничение қўйдим, натижа зўр. Ҳар бир соатда узоғи 10 дақиқа вақт ажратяпман, кундузим (уйгоқ пайтим) тахминан 17 соат бўлса, 150-180 дақиқа етади деб ҳисобладим. Шу 180 дақиқага етса, телефоним иловани блоклаб қуяди. Буёқда телеграмдан тежалаётган вақтимни фойдали ишлата олишни Аллоҳ менга насиб қилсин.

Бундан 30-40 йил олдин инсонлар вақтлари нималарга сарфланган? - Оила, иш, дўстлар, спорт, кўнгилочар машғулотлар ва ҳоказолар. Бугунчи? - Юқоридагиларни ҳаммасига сарфланадиган вақт олдингидан кўра 50% га қисқарган. Қолган 50% ни интернет монполия қилиб олган. Бу нималарни англатади? - Ўзингиз ва оилангизни интернетда вақтни ўлдиришдан қутқаришингиз кераклигини; - Оила аъзоларингиз билан шу мавзуни бот-бот муҳокама қилиб туриш кераклигини; - Бизнес қилсангиз, тўлиқ интернет орқали ишлайдиган модель танлаш кераклигини; - Ҳар қанақа бизнес учун мижозни интернетдан қидириш кераклигини; - Оила, иш, спорт ва дўстлар учун интернетдан холи вақт коридори яратишингиз шартлигини. Сизнингча, бу руйхатга яна нимани қўшиш мумкин?

Атрофда сизга ёқмайдиган ва шу билан бирга сиз уни ўзгартиришга кучингиз (балки духингиз) етмайдиган ишлар кўп бўлиши сизни юрагингизни сиқиб қўймасин. Дунё ўзи машаққат дунёси. Бу дунёда ҳеч нарса, ҳеч қачон идеал даражада қулай ва енгил бўлмайди.

Кун келиб бугун бош қотираётган юмушларинг қанчалик арзимаслигини тушуниб етасан. Худди университетда фалон дарсдан баҳо ололмай сиқилганинг бугун жуда кичкина ташвиш кўринганидек. Лекин инсон табиати шу, бугунги кун билан яшайди, бугуннинг ташвишларидан сиқилади, бугунги ғами улкан кўринаверади. Бас, ғамларинг ичида охират ғами бўлсин, у дунё ғамларини кичрайтиради ва сенинг ҳолингни тузатади.

Борингча кўрингин, дунё ташвишлари анча камаяди.

оре рост)

Тадбиркорнинг ҳаётидан бир кун Овоз билан кўринг @paiziev24