Shingil

Қуллик бу озодлик. Роббисига қул бўлишликкина инсонни бошқа барча қулликдан, қарамликдан ва хорликдан озод қилади. Аллоҳ қулларидан Ўзига ибодат қилишларидан бошқа ҳеч нарса истамайди. Бунинг эвазига эса жаннатни ваъда қилади. У энг яхши хожадир. Роббим, қулингман, рўзамни ўзингни розилигинг учунгина тутишни ният қилдим. Ўзинг мени қалби салим бандаларингдан қил, Сенга ҳеч кимни шерик қилмасдан ибодат қилишни насиб қилгин.

Дуо ва унинг ижобати ораси ихлос масофасича

Озиқ-овқат соҳасидаги икки компанияни ўз ривожланиш стратегияларини қанақа реализация қилаётганликларини текшириб, поддержка қилиб бораяпман. Озгина вақтим кетади, лекин узоқ йиллар ишлаган соҳам, ўзим билган нарсалар билан бўлишиш, қўлдан келганча ўргатиш, ривожланишларига ҳиссамни қўшишим ёқимли жараён.

Ойлаб нақд пул ишлатмайман. Банк картасиниям доим ҳам олиб юрмайман. Чунки телефон орқали пул тўлаш қулай. Чет элга чиқсам эҳтиёт шарт, озроқ нақд пул оволаман, баъзида ишлатилмасдан шундоқ қайтиб келади. Ҳаммаёқда карта орқали тўлаш мумкин. Икки йилча бўлди, Тошкентда бир кийим дўконга кирдим, кассага келсам телефон орқали пул тўлаш имкони йўқ экан. - Унда карта рақамингизни беринг, ўтказиб бераман, терминалдан ечиб овурасиз. - Банк картаси очмаганман - Ростан? Картангиз йўқми? - Ҳа, йўқ картам - Сотувчиларингизда бордир? - Улар оила аъзоларим, улардаям карта йўқ - Нега ахир? Банк картаси қулай-ку? - Билмасам, бизга нақд қулай деб ўйлаймиз, шунга очмаганмиз. - Мана қаранг, ҳозир сизга пул бермоқчиман, сиз эса узр, менга пул керакмас, деб рад қилаяпсиз, шу сизга қулайми? Сиз менинг пулимни олишнинг неча хил йўли бор бўлса ҳаммасини билишингиз, ишлатишингиз керак-ку? Хуллас, ўша ерда бир харидорнинг картасига пул ўтказиб, кассага тўлагандим, эсимда. Бугун анча ўсдик, финтех ривожланди, ёшу-қари кўпчиликда карта бор. Энди картадан кейинги қадам, кафтингиз ёки кўзингиз орқали пул тўлашингиз имкони кириб келаяпти, ундан кейинчи, хаёл орқали тўлаш қадами бўладими?)

Яна бир ажойиб фикр бор, бизнес ҳеч қачон ўз эгасидан кўра тепарооққа ўсиб кетмайди. Бизнесингиз доим сиздан кўра бир поғона пастда бўлади.

Top of mind бўлиш учун нима керак? Охирги йилларда бизнес коучларда ўқиб чиққан кўпчиликда учрайдиган бир муаммони кўраяпман - билимларни қўллай олмаслик. Коучлар улашадиган билимлар - бу одатда: а) кейсларни таҳлил қилиб топилган назариялар; б) гипотезаларнинг тасдиғи исботланган кейслардир. Одатда ҳар иккиси ҳам мингтадан битта ёриб чиққан энг муваффақиятли компаниялар кейслари бўлади. Қолган компаниялардан эса биттагина кейс олинади - муваффақиятсизлик кейси. Коучларда ўқиб чиққан кўп тадбиркорлар top of mind ярата олишмайди, ўртамиёна ёки заиф қатлам бўлиб қолишади, чунки уларда ресурслар етишмайди. Бу ресурслар: - Тажриба (тажрибали жамоа) - Маблағ - Мақсад - Харизма Хуллас, ўқиш бошқа, уқиш бошқа, уққанини қила олиш яна бошқа фазилатдир. Ўйлаб кўрсам, исломда ҳам шу экан, билганинг етарлимас, англаш, тафаккур қилиш керак, тафаккур эса амалга олиб борса фойда беради. Зеро, дунёдаги ҳар бир нарсанинг исломда тасдиғи, шарҳи бор.

Ема. Ичма. Ўйла. Бугун ресторан ва кафелар тиқилиб кетди. Бугун дўкон полкаларига маҳсулот сиғмаяпти. Мени егин, Мени ичгин, Менда янги маза бор, Мен ширинроқман, Мени кўринишим ўзгарди, Мени фалон блогер реклама қилди, Мени олсанг ютуққа айфон чиқади, 1000 хил овқат, 1000 хил ичимлик, Мени егин, Мени ичгин... Ема, ичма, аввал ўйла. Таомингни яхшилаб танла, кейин е. Тананг (омонат) ни асрагин. Ҳаёт тарзингга қара, актив ҳаракатдамисан, ўтириб ишлайсанми? Кунда еганингни кунда сарфлаб улгураяпсанми? Дўкондаги егуликлар таркибини бир ўрган. Буёқлар, кимё, шакар керакми? Семизлик, диабет, фарзандларингга ўтувчи ирсий касалликлар, керакми сенга шу? Буларни аввало ўзимга, кейин сизларга насиҳат ўлароқ ёздим, нафсни тияйлик, танамизни, сиҳатимизни асрайлик. Кам еб, кўп фикрлайлик

Эркак киши сифатида ўз фикримни билдирсам, шу жарроҳлик амалиётлари туфайли аёллар йилдан-йилга хунуклашиб кетишяпти.

Баъзи инсонлар ташқи кўринишларини ўзгартира бошладилар: - тату - бош қисми (асосан юз)даги аъзоларни шаклини ўзгартириш - ва ҳоказо Бу трендга айланди. Ҳамма қилаяпти-ку, нима қипти? деган гапларни эшитиб қоласиз. Бутун дунё ўша томонга ўтиб олса ҳам нотўғри йўл тўғрига айланиб қолмайди. Ундан ҳеч ким юрмай қўйса ҳам ҳақ йўл ҳақлигича тураверади.

Инсон шошқалоқ ўлароқ яратилган

Marjon нинг кейинги лойиҳаси Аллоҳ насиб қилса, апрель-май ойларида экосистемамизнинг кейинги маҳсулотини бозорга опчиқиш ниятидамиз. Дуо қилиб туринглар, чунки дуо инвестициядан ҳам қиммат. У қанақа маҳсулот ўзи? Marjon экосистемасининг мижози ҳайдовчилар. Бизнинг олий мақсадимиз - ҳайдовчилар ҳаётини қулайроқ қилиш. Чиқиши кутилаётган ва ундан кейин чиқадиган барча маҳсулотларимиз шу мақсадга - албатта ҳайдовчининг ҳаётини қулай қилишга хизмат қилади. Ҳозирча айта оладиган маълумотимиз шу, кўпроғи билан сал кейинроқ бўлишимиз, ИншааАллоҳ