Uyg’onish

Diqqat e’lon! Soxta ayblovlar bilan qamalgan siyosiy faollarning ehtiyojmand yaqinlari bo’lsa, aloqaga chiqishsa yordam beramiz. Murojaat manzili telegram kanalda ko’rsatilgan. @UygonTuron

O’tgan yillarda Ozodlik radiosi yopilarkan deb O’G’RILAR rossa xursand bo’lishgan edi. Ozodlik esa hanuzgacha o’g’rilarni xalqdan talagan o’g’riliklarini fosh etishda davom etib kelmoqda. Xalq hokimiyati o’rnatilgan davlatlarda buncha faktlardan keyin prezident va uning oilasi xibsga olinardi. Biroq bizda hatto rasmiy munosabat ham berisholmaydi. Bunday boshqaruv bilan mamlakat uzoqqa bormaydi. @UygonTuron https://youtu.be/PLLy99wiQYk?is=O8D47EDcdYSTdSnC

Ko’ryapsizlarmi? https://www.youtube.com/live/wbijLYTFFMo?is=PeeW0842wQglPXjJ

Aslida shunday ko’rsatuvlar TVda ketishi kerak. Xalq to’layotgan soliqlardan maosh olayotgan davlat telekanallari xodimlari xalqning siyosiy, huquqiy savodxonligini oshirishga xizmat qilishi kerak. Bizda esa aksi. Xalqni serial va konsertlar bilan ovora qilib, manqurtga aylantirish uchun ishlashadi. Keyin nega bizning xalq befarq, qorin g’amida yashaydi, siyosatga aralashmaydi deb nolib yuramiz. @UygonTuron

Manfaatli ko’rsatuv bo’libdi. Biroq juda kam ko’rilgan. Ko’proq layk va izoh yozib, do’stlaringizga ulashib, xalqimizning siyosiy ongini o’stiradigan shunday kontentlarni keng yoyilishiga sababchi bo’ling. Birlashuv maydonlarda emas, ana shunday kichik qadamlar bilan boshlanadi. Birlashsak katta kuchmiz✊🏻 @UygonTuron

Mirziyoyev haqida ham shunday gaplar bolalab yuradi. Yaqindan taniganlar uni folbinga juda o’ch deyishadi. @UygonTuron

Ўзбекистон ҳукуматини Сирожиддин Адиловни озод қилишга чақирамиз! Ўзбекистон инсон ҳуқуқлари "Эзгулик" жамияти БМТнинг инсон ҳуқуқлари бўйича Олий комиссари, Amnesty International, HRW ва бошқа халқаро ташкилотларга мактуб йўллаб, жамиятимиз фаоли, блогер Сирожиддин Адиловни озод қилиш учун ҳаракат бошлаганимизни маълум қиламиз. Ўрганилган ҳужжатлар, жиноят иши материалларига кўра, Сирожиддин Адилов касбий профессионал фаолияти туфайли қамоққа олинган, унга нисбатан илгари сурилаётган айбловлар уйдирма ва тергов органи мутлақ процессуал қонунчиликка хилоф тергов олиб бормоқда. Шунингдек, ижтимоий тармоқларда уни қоралаш, обрўсизлантиришга қаратилган стихияли кампания ташкил этилганини эътироф этамиз. Унга қўйилган айбловлар аввалдан режалаштирилган, унинг касбий профессионал фаолиятини тўхтатиш ҳамда сўз эркинлигини бўғишга қаратилган ҳаракатдир. Бугун Ўзбекистон Республикаси ЖПКнинг 252-моддаси (Жамоа кафиллиги) бўйича дастлабки тергов даврида унга нисбатан қамоқ эҳтиёт чорасини ўзгартириш бўйича тергов органига хат бердик. Мурожаатимиз рад қилинса, яна бир бор унинг ҳибсга олиниши ортида сиёсий сабаблар мввжудлиги аёнлашади. Ҳамфикр дўстларимиз, жамоатчилик ва оммавий ахборот воситаларини Сирожиддин Адилов ҳимоясига чорлаймиз! Адиловнинг ҳибсга олиниши сўз эркинлиги учун тажовуздир.

Kim g’olib-u, kim mag’lub aslida? O’zbekistonning ko’rsatgichlarini izohlarda yozing! @UygonTuron

Diktatura xalqni qandayqilib"Sabr"ga mahkum etadi? Diktatura — bu faqatgina qamoqxonalar va qurolli askarlar degani emas. Zamonaviy avtoritarizm ko‘proq psixologik qafasga o‘xshaydi. Rejimlar xalqni jismonan emas, balki ruhan bo‘ysundirishni afzal ko‘radilar. Buning uchun ular asrlar davomida sinalgan, ammo bugungi texnologiya asrida yanada mukammallashgan 5 ta asosiy manipulyatsiya usulidan foydalanishadi. 1. "Xaos Qo‘rquvi" va Soxta Muqobillik Diktatorlik tuzumlari xalq ongiga bitta markaziy qo‘rquvni joylaydi: "Agar biz ketsak, hamma narsa vayron bo‘ladi." Mexanizm: Ular qo‘shni davlatlardagi urushlarni, inqilobdan keyingi tartibsizliklarni va iqtisodiy inqirozlarni tinimsiz namoyish etadilar. Xalqqa: "Ha, bizda korrupsiya bor, ha, oyliklar kam, lekin bizda urush yo‘q-ku!" degan fikr singdiriladi. Natija: Insonlar o‘z erkinliklarini "xavfsizlik" deb atalgan mavhum tushunchaga ixtiyoriy ravishda almashtiradilar. "Yomon bo‘lsa ham, tinch bo‘lsin" degan tamoyil jamiyatning asosiy shioriga aylanadi. 2. "Dushmanlar Fabrikasi" (Tashqi va Ichki Xavf) Xalqning diqqatini ichki muammolardan chalg‘itishning eng samarali yo‘li — umumiy dushman yaratishdir. Mexanizm: Iqtisodiy inqiroz yoki tizimli xatolar yuz berganda, darhol "tashqi kuchlar" (G‘arb, maxfiy tashkilotlar, qo‘shnilar) yoki "ichki xoinlar" (blogerlar, erkin jurnalistlar, faollar) aybdor qilib ko‘rsatiladi. Ular "beshinchi kolonna" yoki "xalq dushmani" deb tamg‘alanadi. Natija: Xalq o‘zining real dushmanini (adolatsizlikni) emas, balki hukumat ko‘rsatgan xayoliy nishonlarni yomon ko‘ra boshlaydi. Bu esa rejim atrofida "jipslashish" illuziyasini yaratadi. 3. "Yaxshi Shoh, Yomon Vazirlar" Paradoksi Bu usul diktatorning shaxsiy obro‘sini har qanday sharoitda saqlab qolish uchun xizmat qiladi. Mexanizm: Mamlakatda biror yaxshi ish bo‘lsa, u faqat "oliy rahbarning tashabbusi va donoligi" tufaylidir. Agar muammo chiqsa (chiroq o‘chsa, yo‘llar buzilsa, narxlar oshsa), bunga faqat "pastdagi amaldorlar" yoki "dangasa hokimlar" aybdor. Natija: Oddiy odamlarda: "Prezidentimiz juda yaxshi odam, hamma narsani xalq uchun qilyapti, lekin atrofidagilar yomon, unga haqiqatni aytishmayapti", degan noto‘g‘ri tushuncha shakllanadi. Bu esa xalqni yuqori rahbariyatdan emas, quyi bo‘g‘indan norozi bo‘lib yurishiga sabab bo‘ladi. 4. Axborot Gallyusinatsiyasi (Gaslighting) Diktatura davlatida reallik televizorda ko‘rsatilgani kabi bo‘lishi kerak. Agar televizor va hayot o‘rtasida farq bo‘lsa — demak, hayotingiz xato, televizor to‘g‘ri. Mexanizm: Statistika idoralari o‘sish sur'atlarini bo‘rttirib ko‘rsatadi, "misli ko‘rilmagan yutuqlar" haqida har kuni bong uriladi. Erkin matbuot yo‘q qilinadi va muqobil fikrli odamlar axborot maydonidan chetlatiladi. Natija: Inson o‘zining qashshoqligini ko‘rib tursa-da, atrofdagilarning hammasi "baxtlimiz" deb aytayotgani uchun, u o‘zining noroziligini "noto‘g‘ri" deb hisoblay boshlaydi va ommaga qo‘shilib qarsak chalishda davom etadi. 5. "Kelajak Uchun Sabr" — Soxta Messianizm Diktatorlar doimo bugungi kungi qiyinchiliklarni muqaddas bir maqsad bilan oqlaydilar. Mexanizm: "Biz buyuk kelajak poydevorini quryapmiz", "Farzandlarimiz baxti uchun bugun qiyinchilikka chidashimiz kerak", "Bu o‘tish davri" kabi iboralar ishlatiladi. Diktatura o‘zini millatning "yagona najotkori" sifatida ko‘rsatib, xalqni cheksiz kutish rejimiga tushirib qo‘yadi. Natija: Odamlarning real hayoti "vaqtinchalik qiyinchiliklar" bilan o‘tib ketadi. Sabr qilish diniy yoki milliy qadriyat darajasiga ko‘tarilib, haqqini talab qilish "beadablik" yoki "noshukurlik" sifatida talqin etiladi. Avtoritar tuzumlar uchun eng katta xavf — bu mustaqil fikrlaydigan, savol beradigan va o‘z huquqini biladigan fuqarodir. Ular sizni "sabr" qilishga o‘rgatayotgan bir paytda, aslida sizning hayotingizni va kelajagingizni o‘g‘irlayotgan bo‘lishadi. Zanjirlarni uzish uchun avval ularni ko‘ra bilish kerak. Haqiqiy barqarorlik qo‘rquv ustiga emas, adolat va qonun ustuvorligi ustiga quriladi. @UygonTuron

Ekotizm haqida gap ochilsa odatda kesilayotgan daraxtlar va yo’qolib borayotgan yashillikka urg’u beriladi. Biroq, tobora kamayib borayotgan qushlar dunyosi e’tibordan chetda qolyapti. Korrupsionerlar qo’lida qolgan tartibsiz urbanizatsiya nafaqat yashillikni, balki o’lka ekotizimi uchun muhim bo’lgan qushlar olamini ham yo’q bo’lib ketishiga olib kelyapti. O’zbekistondan tashqariga chiqqan odam buni darrov his qiladi. @UygonTuron

1937 yil 31 avgust kuni Oʻzbekiston Yozuvchilar uyushmasining IV Plenumida yozuvchi Komil Yashinning soʻzlagan nutqi: - Yozuvchining "yozuvchi" degan nomi qanchalik faxriy, baland nom ekanini bilishimiz kerak. Chunki sovet yozuvchisidek baxtli yozuvchi hech bir dunyoga kelgan emas, boʻlgan emas. Buning tarixini surishtirganda, oʻtkandagi yozuvchilarning hammasi baxt degan narsani koʻrmasdan "baxt" deb yigʻlab oʻtib ketganlar. Baxt faqat sovet yozuvchisiniki. Shuning uchun baxt gʻalabalarini kuylash, uning sururini, lazzatini sezish va boshqalarga berish bizning - sovet yozuvchilarining ulugʻ vazifasi boʻlib turadi. Biz shunday asarlar yarataylikki, bizning adabiyotimizni, dramaturgiyamizni, poeziyamizni boʻgʻmoqchi boʻlgan sinfiy dushman, xalq dushmanlari Ziyo Said, Elbek, Choʻlpon, Fitrat, Abdulla Qodiriy va boshqa dushmanlarga qarshi ikkinchi bir zarbali javob boʻlishi kerak... P.s: Katta terror davrida Komil Yashinlar qaysi jadidlarimizni nomini bulg’agan bo’lsa barchasi qatag’on qurboni bo’lib ketgan. Biroq, Yashinlar omon qolgan. Hozir ham millatni uyg’otayotganlarga qarshi hangraydigan Yashinlar oramizda. Unutilgan tarix takrorlanish xususiyatiga ega. Xulosa esa sizdan! @UygonTuron

Bir soatdan keyin samimiy suhbatlashamiz https://www.youtube.com/live/U05tZq2YcT8?is=aUUGBe5ue3_aGaJP