DALA INSIDE

📹Билік 8 прикол жинап қойған. Біреуі Миттал резонансы бойынша дайын тұр Өтірік прокурордың гүлді тартып алуы, лифтте жігіттердің сүйісуі, әншінің мас болуы сынды резонанс тудыра алатын, қоғам назарын бұрып әкететін мықты видеокомпроматтар саны сегізге жетті. Егер Лакшми Миттал, оның Қазақстанмен арадағы құпия контракты бойынша шу шығатын болса, осы видеоның бірі қолданылатын болады, дейді DALA INSIDE дереккөзі. Ол видео оңтүстік облыстардың бірінде түсірілген. Шенеуік пен эстрада жұлдызына қатысы бар. Пропагандада бұл әдіс "сасық майшабақ" деп аталады. Яғни, сасық иісімен бәрін жайпап алу. Қазақстан оны 2016 жылдан бері жиі қолданатын болған. Кейде тиімді, кейде тиімсіз шығады. Нақты кепілдік жоқ. 8 видеокомпромат билікке жақсы мүмкіндік береді. Бұған дейін олардың жинайтыны төрт видеодан аспайтын. DALA INSIDE перденің арғы жағына үңіліп, сол жағалау құпияларымен бөлісіп отырмақ. Бізге жазылып алыңыз🔽 https://t.me/dalainside

🏴󠁧󠁢󠁥󠁮󠁧󠁿Тоттенхэм - Манчестер Юнайтед матчынан ₸20 000 дейін қайтару мүмкіндігі «Тоттенхэм» Гарри Кейнсіз болса да, жоғары орын үшін күресуге деген ынтасымен «Манчестер Юнайтедті» қабылдайды. Екі клуб та, әсіресе лондондықтар, жеңіске жету үшін барын салады. Сарапшылардың пікірінше, осы маусымда екі топтың күштері тепе-тең. 🔵 Таңдауыңызды жасау үшін 1XBET «Тәуекелсіз ұтыс тігу» акциясын дайындады. 1XBET сайтында немесе қолданбасында болжам қалдырыңыз және ұтылсаңыз, 20 000 дейін қайтарып алыңыз. Спорттық эмоциялардың бас демеушісімен бірге сүйікті командаларыңызға қолдау көрсетіңіз! 🔥Ойынға ұтыс Барлық оқиғалардан, сондай-ақ супержүлделер мен фрибеттерден хабардар болыңыз

⚡️Тоқаевтың төзімі таусылды: Митталға қатысты қатаң шешім қабылданады... Президент Тоқаев «Қазақстан» шахтасындағы өртке байланысты Смайылов үкіметі мен Қарағанды облысының әкімдігіне апат себептерін мұқият тергеуді тапсырды. Зардап шеккендерге қажет көмекті көрсету жөнінде пәрмен берілді. Миттал? Смайылов бастаған министрлер кабинеті кәсіпорынға иелік ететін шетелдік компаниямен ауыр әңгіме өткізеді. Жұмысшылардың қауіпсіздігін мүлтіксіз қамтамасыз ету жөнінде талап қойылмақ. Үнді миллиардері иелік ететін кәсіпорындарда жиі қайталанатын апат үрдіске айналып барады. "Бұл олардың инвестициялық және өзге де міндеттемелерін өрескел бұзғанын көрсетеді", - дейді Тоқаев. Алдағы күндері Митталға қатысты қатаң шешім шығады деп күтеміз. Жаңа Қазақстан оған шығар есікті нұсқауы тиіс... "Аталған жағдайлар олардың Қазақстан нарығында қызмет етуіне қатысты шешім шығаруға ықпал етеді", - дейді осы тұста Ақорда. Миллиардер Лакшми Миттал Қарағанды металлургия зауытын өз қолына түсірген 16 жылдан бері Теміртауда қаза тапқандар саны 100-ге жуықтаған. Бұған дейін DALA INSIDE Митталдың ешкімді тыңдамайтынын, ал "Жаңа Қазақстанды" фикция деп санайтынын 🔠жазған. ❗️ Сәуір айында Қазақстанның арнайы прокурорлары Люксембургтен ArcelorMittal алпауыты басшыларынан жауап алуды сұрап, запрос жібергенін жазған болатынбыз. Ол запросқа ешкім тіпті жауап та бермеген. Люксембург біздің прокурорлардың хатын жәшікке лақтыра салған сияқты... https://t.me/dalainside

⚡️Ресейлік «Царьград» сайты Қазақстанда ұлт араздықты қоздырғаны үшін бұғатталды Ақпармин ресейлік олигарх Константин Малофеев иелік ететін медиахолдингке бірнеше рет ескерту жасаған. Сайт басшылығы Қазақстанның шағымына құлақ аспады. Керісінше "қазақ ұлтшылдарына" тіл тигізіп, теріскейді тартып алуға қатысты контентті көбейте түскен. Ақыры, бұғатталып тынды. Холдингтің иесі олигарх Малофеев 2014 жылдан бері Украинаның шығысындағы сепарларды үзбей қолдап келеді. Ол Путиннің сенімді деген сыбайластарының бірі. DALA INSIDE-тың анықтағанындай Малофеев православ шіркеулерін қаржыландырады әрі шіркеудегі үгіт-насихатты сүзгіден өткізетін кураторлардың бірі. Бізге жеткен мәлімет бойынша еліміздегі Православ шіркеуінде Ресейдің басқыншы саясатын қолдамайтын поптардың қатары көбейу үстінде. Шіркеу қызметкерлері Киевтің ізімен Мәскеу Патриархатынан бөліну идеясын (автокефалия) қызу талқылауда. Ал сала басшысы Дархан Қыдырәлі ресейлік пропагандистердің нысанасына ілігуі мүмкін. Еліміздегі Шибұтов, Әшімбаев сынды ресейшіл сарапшылар мұның "қауіпті үрдіс" екенін айтып, дабыл қағуы ғажап емес. Министр осы беттен қайтпай информалаңды ресейдің шлагынан тазарта түседі деген ойдамыз. https://t.me/dalainside

🏦🇷🇺Назарбаевтың ресейлік банкінде таққа талас қызуда "Назарбаев фондқа" қарасты "Pioneer Capital Invest" фирмасы иелік ететін Азия-Тынық мұхиты банкінде Данияр Әкішевтың адамдарын Әлихан Смайыловтың командасы ығыстыра бастады. Әлихан Смайылов өз адамдарын АТБ Банкінің (Азия-Тынық мұхиты) директорлар кеңесіне енгізіп жіберген. Соның салдарынан Данияр Әкішев тағайындаған банктің басқарма төрағасы Қайрат Алтынбеков орнынан кетпек. DALA INSIDE дереккөзі кадрлық ауыс-түйістің осы күзде орын алатынын растады. Қазір екі сценарийдің бірі жүріп жатыр. Бірінші сценарий. Әлихан Смайыловтың АТБ Банкіне қол сала бастауы, банк қожайыны Нұрсұлтан Назарбаевтың Әкішевтің орнын Смайыловпен ауыстырғысы келетінін айғақтайды. Бұл дегеніміз Смайылов өзінің "Жаңа Қазақстандағы" мансабын тастап, "Ескі Қазақстанға" оралады деген сөз. Шын айтқанда, Смайыловты адам еткен Назарбаев еді. Онда Смайылов үш аптадан кейін Премьер-Министр қызметінен кетеді. Екінші сценарий. "Жаңа Қазақстан" Жусан банкті реттегеннен кейін Назарбаевтың Ресейдегі банкіне ауыз салды. Демек, АТБ Банкі Назарбаевтың қаржыгері Данияр Әкішевтен Тоқаевтың қаржыгері Әлихан Смайыловқа өтіп жатыр. Бұл жағдайда да, "қазақтың Әлиханына" премьерліктен кетуге тура келетін сияқты. Тіпті Әлиханды премьерліктен алып тастау үшін оған осындай "тәтті ұсыныс" айтылуы мүмкін. Кезінде банкрот болған АТБ Банкті Ресей орталық банкі аукционда сатқан болатын. Сонда Данияр Әкішев басқарып отырған, Назарбаев иелік ететін "Pioneer Capital Invest" әлгі банкті 193 миллион долларға сатып алған. 2022 жылы банкті басқаруға келген қазақ қаржыгері Қайрат Алтынбеков АТБ-ны плюске шығарып, 325 миллион рубль таза пайда көрсеткен. Ал 2023 жылдың қорытындысы бойынша банк өзін сатып алуға жұмсалған қаржының кем дегенде 35 пайызын ақтап алмақ. АТБ Банк күлшелі активке айналғаны сол еді, оған деген тартыс күшейе түсті. Қазақ лоббистері Ресейде өзара қырқысып жатса да таң қалуға болмайды. DALA INSIDE жағдайды бақылауды ұстайды. Арнаға тіркелуді ұмытпаңыз👇 https://t.me/dalainside

(жалғасы)Англияда 2672 қазақ жүр. Британияны «Станнан» келгендер жаулай бастады... Англияның иммиграциялық заңнамасын шолып шыққан DALA INSIDE виза рәсімдейтін компанияларға қатысты келесідей мәлімет тапты: Операторлар жұмысшылармен хат – хабар алмасып, олардың жалақысы үзілмей төленуін қадағалап отыруға міндетті. Англияға апару үшін пара дәметкен компания «қара тізімге» енеді. Виза алған азаматтардың 97 пайызы жұмыс орнына кешікпей келуі және белгіленген мерзімде (6️⃣ ай) Англияның аумағынан шығып кетуі тиіс. Жұмыс беруші жұмысшыларды жатын орынмен қамтамасыз етеді. Оны да операторлар бақылайды. Айтылған талаптың бірінен ақау шықса әй-шәйға қарамай лицензиясынан айырады. Ағылшын тілін білу шарт емес. Ілгерідегі 6 оператор іріктеуден өткен азаматқа Англияға баратыны туралы сертификат береді. Жақсы өмірге жол ашатын бір тілім қағазға қол жеткізсеңіз өзгесінің жүгі жеңіл. Осы сертификат ертеңгі күні Англияға барғанда «сізге сағатына 💷 10,42 фунт стерлингтен кем төлемейді және жұмыс уақытыңыз аптасына 32 сағаттан аспайды» деген кепілдік береді. Виза тоқтап қалмай ма? Бұған жауап іздеген DALA INSIDE «бау-бақша саласында маусымдық жұмыс күшінен бас тарта алмаймыз» деген DEFRA-ның жылдық есебін сүзіп шықты. Англияның Фермерлер одағы (NFU) да осы ұстанымда. 55 мың мүшесі бар Одақтың ағылшын парламентіндегі лоббистері Seasonal worker визасын тағы 5 жылға созуға мүдделі, ал жолдаманың мерзімін 6 айдан 9 айға дейін созбақшы. Англиядағы жұмысшы қазақтар тек 🐦 «қарға қуып» жүрмегені анық. Бау-бақшамен байланысты маусымдық жұмысқа: дәнді-дақылды жинау, өңдеу, арамшөп жұлу, суару жүйесін жүргізу, жер жырту, туннель тазалау, жылыжайдағы көкөністер мен жеміс-жидек күтімі сынды міндеттер кіреді. Қазақтың қыз-жігіттері Англияның бау-бақшамен айналысатын екі ірі өлкесі Кент және Херефордшир қалашығында еңбек етуде. Егер "қарға қуғым келмейді, бау-бақшада істеу ауыр" десеңіз, Seasonal workers-ке балама болатын басқа да визалар болар. Соның бірі - Skilled Worker. Ол үшін ауыл шаруашылығына аса қат мамандықтың бірін игеру және ағылшын тілін білу шарт. "Қара жұмысқа қырым жоқ. Креативті, шығармашыл адаммын. Офисте отырғанды ұнатамын" десеңіз, оған арналған виза және бар. Ол үшін Creative Worker visa-сына тапсырасыз. Ал егер "мұндайды місе тұтпаймын. Ескі Қазақстанның өкілімін. Жиған – тергенімді Лондонға инвестицияламын...» десеңіз Expansion Worker визасы дайын тұр. Англия - ауқатты ел. Ағылшын фермерлері беретін жұмыс ставкасын Қазақстан қанша тыраштанса да тауып бере алмайды. Жастар оны ұтымды пайдалануда. Бұл туралы әлі де айтамыз. Арнаға тіркелуді ұмытпаңыз👇 https://t.me/dalainside

🇬🇧🇰🇿Англияда 2672 қазақ жүр. Британияны «Станнан» келгендер жаулай бастады... Қазақтар неге Англияны төңіректей бастады? Seasonal worker визасының басымдығы неде? Ағылшын фермерлері қанша төлейді? Жұмысшы визасын қалай алуға болады?.. DALA INSIDE осы тақырыпқа тереңірек үңілуге тырысты. Соғысқа дейін Англиядағы "маусымдық жұмысты" негізінен Украинаның қыз-келіншектері мен ер-азаматтары атқарған екен. Мәселен: 2021 жылы 19 мың украин азаматы осы визаның мүмкіндігін пайдаланып, ағылшын фермерлерінің бау-бақшасын қорыған. Путин шапқыншылығы украин халқын қолына қару алуға мәжбүр етті. Салдарынан жазғытұрым Англияға ағылатын жұмысшылардың саны да айтарлықтай азайған. Былтыр Seasonal worker визасы арқылы 7300 украин азаматы "қарға қууға" келген. Бұл адам күшіне мұқтаж Англияның фермерлері үшін жеткіліксіз. Жергілікті тұрғындар мұндай жұмысқа бара бермейді. Соғыс та ұзаққа созылатын сыңайлы. Енді не істемек керек? Тығырықтан шығу үшін осы елдің ауыл шаруашылығы мен азық-түлік қауіпсіздігіне жауапты департаменті (қысқаша DEFRA) Орта Азияға мойын бұрады. Өз еліндегі жоқшылық пен таршылықтан қажыған қазақ, өзбек, қырғыз Англияға ағылады. DALA INSIDE осы елдің 🇬🇧 Ішкі істер министрлігінің мәліметтер базасына үңіліп, ағылшын жерінде қанша қазақ жүргенін анықтауға тырысты. Еңбегіміз еш кеткен жоқ. Тап қазір ағылшын елінде 2672 қазақ жүр. Былтырғы Seasonal worker визасынан осынша жолдама бұйырған. Қырғыздардың саны бізден екі есе көп (4341 адам). Өзбектер де аз емес (4233 адам). Тәжіктер де 4 мыңға жетеқабыл (3894). Өткен жылғы «seasonal worker-ден» берілген 34 500 визаның 44 пайызын Орта Азиядан келген жұмысшылар «иемденіп» кеткен. Англияны «станнан» келген жұмыс күші жаулап алды деуге негіз бар. DALA INSIDE-тың пайымдауынша бұл үрдіс 🇷🇺 Кремльдің Орта Азиядағы ықпалын әлсіретеді. Өзбек пен қырғыз, тәжік мигранттары үшін Ресей нарығының тартымдылығы төмендейді. Олар Батыстың құндылықтарын бойына сіңіріп оралады... Орыстар ше? Олар өзінен көрсін. «Seasonal worker» визасының дәмін татып, қызығына кіре бастаған шақта (2021 жылы 2200 ресейлікке жолдама берілген) Путин шатақ шығарды. Британия агрессор елдің азаматтарына берілетін жолдама санын күрт қысқартып, жұмыс іздеп келген жүздеген орысты келген ізімен кері қайтарған. Былтыр бұл визаға бар болғаны 500 ресейліктің өлдім-талдым дегенде қол жеткен. ❗️ Ал шетелге кеткісі келетін қазақтар мына мүмкіндікті мүлт жібермеуі тиіс: Келер жылы Seasonal worker визасы арқылы берілетін жолдама саны ұлғаяды. Бұл үшін премьер Риши Сунакқа арнайы алғыс айту керекпіз. Жонсон үкіметі маусымдық жұмыстың ережесін қайта қарап, квота санын қысқартпақ болған. Оның орнын басқан Сунақ (құдай тілеуіңді берсін) керісінше квота санын көбейтуге шешім қабылдады. Биылдыққа берілген жолдама саны 45 мың виза. Алдағы жылы да осы көлемдегі квота беріледі. Қажет болған жағдайда Сунак үкіметі жолдама санын тағы 10 мыңға ұлғайтады. Бұл тек бау-бақшамен байланысты виза, бұған қоса құс шаруашылығынан хабары бар қазақтарға арнап қосымша 2 мың жолдама бөлінген. Ағылшын фермерлеріне жалданып, тәуір табыс табуға мүмкіндік беретін жолдаманы Англияның Ішкі істер министрлігі таратады. Көші-қон критериімен осы тұстан таныса аласыз. Seasonal worker визасы аты айтып тұрғандай маусымдық жолдама. Британияда тұру уақытыңыз шектеулі (6 ай), премьер Сунактан жеңілдік талап етіп, пикет өткізе алмайсыз, отбасыңызды әкелуге де рұқсат етілмейді. Маусымдық жұмысшылардың қағаз-құжатын рәсімдейтін ресми тіркелген 6 оператор бар. Бұлар: • AGRI-HR • Concordia • ethero (trading as TELPASC) • Fruitful Jobs • HOPS Labour Solutions • Pro-Force Ағылшындар маусымдық жұмысшыларды осылар арқылы жалдайды. Британдар біздей емес, виза рәсімдеумен айналысатын компанияларға қатаң талап қойған. (жалғасы⬇️) https://t.me/dalainside

🇰🇿🤝Қазақтың "екінші Әлиханы" қайда барады? Премьер Әлихан Смайылов басқаратын министрлер кабинетінің басына бұлт үйіріле бастаған сияқты. Мемлекет басшысы Қасым-Жомарт Тоқаевтың Үкімет жұмысына үш бағыт бойынша көңілі толмайтыны байқалды: а) бюджет шығындарының тоқтаусыз өсуі; ә) бүкіл энергетикалық (ТЭЦ, құбыр), коммуналды инфрақұрылымның ескіруі; б) мәселені шешуде креативті көзқарастың жоқтығы. Жалпы, Әлихан Смайыловта креативпен үлкен проблема бар екенін талай рет жазған болатынбыз. Барлық жарқын бастамаларды үкіметішілік бюрократия жеп қойды. Бюрократия - қазақтың нағыз сорына айналып отыр. Премьердің айтқаны әкімдерге басқаша жетеді. Мысалы, Смайылов "шаш" десе, облыс әкімі оны "құлақ" деп естиді, ал мәселеге қатысы бар аудан әкіміне (мектеп, аурухана директоры) ол тіпті "мұрын" болып естіледі. Сонда, нақты проблеманы шешуі тиіс, сол жерде отырған жауапты тұлға "шаш" мәселесінің орнына "мұрынмен" айналысып отырады. Әлихан Смайылов та шаршады. Қазақтың маңдайына біткен саясаткер іштей "ұлттың Әлиханы" ретінде тарихта қалғысы келген. Бірақ оны система жеп қойды. Премьерді орнынан алып тастау қиын емес. Дәл осы кезде Қазақстанның жалпыұлттық трагедиясы алдымыздан шығады. Премьер қылып енді кімді тағайындаймыз? Бізде лайықты адам жоқ. Егер Роман Скляр тағайындалса, екі жылдан кейін еліміз бюджеттік кризиске ұшырап, Қазақстан дефолт жариялауы ғажап емес. Жаңа Қазақстанның тұңғыш премьері Әлихан Асханұлы жаңа экономика жасай алмады. Ол инфляцияны 20,3%-ға көтеріп алды да, артынан 14 пайызға түсіре білді. Бар күші соған кетті. Сөйтіп жүргенде, әкімдер білгенін істеді. Сондықтан, осы күзде Смайыловтың премьер креслосында қалу шансы тек 30%-ды құрайды дейді, DALA INSIDE инсайдері. Мұның алдынғы посттарымызда жазғанымыздай, проблема Әлихан Смайыловта емес. Проблема - қалыптасып қалған системада. Оны өзгерту, бұзу ешкімнің қолынан келмеді. Басқарудың жаңа жүйесі құрылмады. Баяғы модельдер, докладтар, трансферттер, бюджет шығындары мен қызметтік хаттар. Система бір-бірінен аумайтын 20 Смайылов туып тастап отыра береді және оның ештеңесі кетпейді. Жаңа премьер кім болса да ескі басқару жүйесін толық бұзып, бюрократиядан арылған жаңа жүйе құрып үлгермесе, ол да осы системаның кезекті құрбаны болмақ. Үкімет шын жаңара ма? Бірге бақылап отырамыз. Арнаға тіркелуді ұмытпаңыз👇 https://t.me/dalainside

⚡️⛩Amanat мүшесі жапон халқына тіл тигізді! Токио жақын күндері Астанаға нота жолдайды... Еліміздегі антиамерикашыл ұстанымдағы сарапшылар Тоқаевты тобықтан қағуда. Путин пропагандасына тән агрессивті риторика парасатты елдерден қол үзгісі келмейтін Жаңа Қазақстанның репутациясын кірлетуде. Amanat мүшесі, "кремлшіл" сарапшылар пулына кіретін Марат Шибұтов Хиросиманы атқылаған Әміриканың әрекетін ақтап, жапон ұлтын «кровожадные у@бки и мр@зота» деп балағаттады (қазқалпында). DAlA INSIDE-қа жеткен ақпар бойынша Шибұтовтың шовинистік жазбасы жауапсыз қалмайды. 🇯🇵Токио жақын күндері Астанаға нота жолдауды көздеп отыр. Ал, Шибұтовтың жай жатқан жапондарға соқтығуы бекер емес. Бұған дейін қазақ баспасөзіне сұхбат берген жапон елшісі Жун Ямада мырза "біздің ұлт та Совет үкіметінің репрессивті саясатынан жапа шекті..." деп мәлімдеген. "Қызыл қырғынның" салдарынан миллиондаған қазақтың құрбан болғанын ашып айтқан. Хиросима мен Семей полигонын сөз ете келе, бұл тұрғыда қазақ пен жапонның қайғысы егіз деген еді. "Сталин заманында қуғын-сүргін көріп, Қазақстанға жер аударылған 60 мың жапонды қазақ халқы аман алып алды. Сол тұстары Сібірге айдалған өзге бауырларымыз аштан қатты. Біз сіздерге мәңгі бақи қарыздармыз...", - деген болатын Ямада мырза. Міне, осы сұхбат Кремльдің жанды жеріне тисе керек. "Шибұтовтың Мәскеудегі кураторлары екі ел арасына от салу туралы тапсырма берген" деп пайымдайды DALA INSIDE. Ал Amanat партиясынан ресми жауап күтеміз. Партия мүшесінің әрекетіне әділ баға берілуі тиіс. Шибұтовты саяси ұйымның сапынан шығару мәселесі күн тәртібіне қойылуы қажет-ақ. Бұл туралы әлі де айтамыз. Арнаға тіркелуді ұмытпаңыз👇 https://t.me/dalainside

🇷🇺👊"Бірінші Жамаубаевті құртамыз". Ресей Қазақстандағы жауларының тізімін жаңалады Ұзақ жылдары бойы осы тізімде антипутиншіл көзқарасын жасырмайтын қоғам қайраткері Арман Шораев көш бастап келген еді. Енді солтүстік көршінің ҚР Қаржы министрі Ерұлан Жамаубаевті атарға оғы болмай жүр. Бұл туралы Еуразиялық экономикалық комиссияға жақын DALA INSIDE дереккөзі хабарлады. Олар Жамаубаевті АҚШ комиссарларының жетегінде кетіп, Ресейдің параллельді импортына шектеу қоя алатын "тауарларды онлайн бақылау" жүйесін енгізді деп айыптап отыр. Жалпы, Кремльдің ойынша Жамаубаев санкцияларды орындауда сылбыр қимылдаудың орнына, тым ширақ, белсенді жұмыс істеуде. Енді Арман Шораев тізімде екінші орынға түсіп қалды. Сонымен қатар, Ресейге "дос емес" Қазақстан азаматтарының тізіміне саясаттанушы Досым Сәтбаев, экс-ақпарат министрі Асқар Умаров, экс-консул Мейрам Қанапия, сенатор Мұхтар Құл-Мұхаммед, депутат Асхат Аймағамбетов, бас прокурор Берік Асылов (Қазақстанда Z, V символикаларына тиым салу туралы бастамасы үшін), блогер Оңғар Қабден кіреді. Антитізіммен қатар, Ресейдің достары жазылған тізім де бар. Ресейді қолдайтын, болашақта марапатқа ие болуы тиіс тұлғалардың арасында депутат Айдос Сарым, саясаттанушылар Петр Своик, Данияр Әшімбаев, Марат Шибұтов, журналист Анастасия Ахметова, дінтанушы Мұртаза Бұлұтайды атап өтуге болады. Оған қоса тізімде түрлі әскери жастар клубтарының жетекшілері, орыстілді бірнеше сайт редакторлары да кезігеді. Соңғы айда Кремльдің ішінде саяси агония орын алып жатқандықтан, DALA INSIDE солтүстік көршінің ішкі саяси кухнясын зерттеп отыр. Арнамызға тіркеліп алыңыз👇 https://t.me/dalainside

⚰️Адам басына 5 мың доллар: Кремль қазақтарды украин топырағын тыңайтуға шақыруда... Киевті үш күнде алмақшы болған Путиннің ресурсы сарқылуда: солдаты таусылуда. Украин пабликтеріндегі қорқынышты кадрлардан жүрегі шайлыққан есі дұрыс орыстар сүйегі ит- құсқа жем болған жерлестерінің кебін кигісі жоқ. Оларды окопқа сүйреу жүйенің түбіне жететін фактор. Мобилизация туралы пәрмен беру Пригожин бүлігінен де қауіпті болмақ. Соңғы күндері Кремльге тиесілі әлемжеліде «қазақтарды соғысқа шақырған ақпараттар тарай бастады» деп жазады DALA INSIDE. Басқыншылардың қатарына қосылғаны үшін бірден 5 мың доллар бонус төлейтін «жарнама» Қазақстанның ақпараттық кеңістігін емін-еркін кезіп жүр. Ресей армиясының сапына өтіп, толыққанды контрактіге қол қойған қазақтарға ай сайын 2 мың доллар төленетіні айтылыпты, бұдан бөлек басқа да жеңілдіктер боларына жеңіл-желпі тоқталып өткен. Қазақстан мен Ресейдің туын біріктіріп, «Плечом к плечу» дейтін ұранмен таргеттелген ақпараттың түп қайнары Ресейдің Қиыр Шығысындағы Сахалин облысында орналасыпты. Осы өңірдегі Адам капиталын дамыту агенттігі қазақтарды украин топырағын тыңайтуға шақырып отыр. DALA INSIDE-қа жеткен мәлімет бойынша еліміздің солтүстік өңірлерінде көптен бері Ресейдің «ячейкалары» жұмыс істейді. Соңғы айларды бұлардың белсендігі күрт артқан. ФСБ-дан ұдайы нұсқау алып отыратын бұларға: теріскей өңірдегі сепаратистік көңіл-күйді өршіту, Ресейге жылы қабақ танытатын жергілікті тұрғындарды соғысқа тарту миссиясы жүктелген. Әл-әзір аталған «ячейкалар» Қостанай облысында қызу жұмыс жүргізуде. DALA INSIDE «вербовкіні» тоқтату үшін еліміздің ақпараттық шекарасына шлагбаум орнату қажет» деп есептейді. Теріскейдегі орыстілді бұқара Кремльдің уағызына уланып, пиғылы бұзылуда. Өңірдегі орыстанған қазақтардың арасында Путинді пір тұтатындар көп. Бұған дейін Қазақстаннан бөліну туралы талап қойған Қызылжар қаласындағы бір топ коллаборанттың үндеуі Ақорданы аса қатты алаңдатып отырғанын хабарлағанбыз. Тоқаев идеологияға жауапты тұлғалардың мұндай олқылыққа жол бергеніне қынжылыс білдірген. Президенттің теріскейді қазақтандыру туралы тапсырмасы өз деңгейінде орындалмаған, солтүстіктегі орыстанған аудиториямен ақпараттық-ағартушылық жұмыс жүргізілмеген. Қалай болғанда да қазақтарды соғысқа шақырған «жарнама» Ақорда тарапынан реакциясыз қалмауы тиіс. Ал оккупанттар украин жерінде қойша қырылуда. «Медузаның» дерегі бойынша украин жерінде 48 мыңға жуық басқыншының сүйегі шіріп жатыр. DALA INSIDE Қазақстанда бой тасалаған 🦠 ресейлік хакер Никита Кислицын туралы зерттеу жүргізуде. Арнаға тіркелуді ұмытпаңыз👇 https://t.me/dalainside

🇰🇿☕️Әблязов "Жаңа Қазақстанмен" сөйлеспек Мұхтар Әблязов араға кісі салып, Ақордаға хат жіберуді ойластыра бастады. АҚШ Сотының Әблязовтың БТА банкінен ақша жымқырғанын мойындауы оған ауыр тиіп отыр. Маневр аясы тарыла бастады, әрі нағашы ағасы Қуаныш Нұрғазин Қазақстанға қайтып кетті де, Ұлттық қауіпсіздік комитетіне Әблязовтың қаржылық схемаларын жайып салған болатын. Осындай жағдайда, Мұхаң "Жаңа Қазақстанмен" өзіне тиімді шарттармен келіссөз жүргізіп көрмек. Оның көздегені: Қазақстанда қылмыстық айыптан толық ақталып, өз активтерінің өмірінің соңына дейін жететін келісілген бөлігін сақтап қалу. Өз кезегінде, ол "Жаңа Қазақстанға" Назарбаевтың шетелдегі активтерін қайтаруға көмектеспек, әрі өзінің активтерімен бөлісетін болады. "Жаңа Қазақстанға" оның хаты әлі келмеді. Бірақ Әблязов үшін үлкен проблема бар. Ол - Ресей. Ресейде Мұхаң қылмыскер болып саналады. Және оның аяғы қазақ топырағын басқан сәттен бастап, Ресей экстрадиция бойынша өтініш береді. Ал мемлекетаралық келісім бойынша, Қазақстан Әблязовты Ресейге беруі тиіс. Ұрының арты қуыс демекші, Әблязов енді қай қуысқа кірерін білмей отыр. Эквадор варианты бар. Егер оны таңдаса, Әблязов Латын Америкасына қоныс аударып, өмірінің соңғы жылдарын сол жақта өткізбек. Әблязовтың тағдырын әлі де саралаймыз. Арнамызға жазылып қойыңыз👇 https://t.me/dalainside