DALA INSIDE

Алып көлемдегі футбол добы ⚽️ Алматыдағы Орталық стадионның алдынан домалап өтті! Бұл "Қайрат" ФК🏟 мен 1xBet-тің Kairat League акциясына орай әзірлеген креативі, онда жүлде қоры 60 млн тг және әр аптада кепілдік берілген кэшбэк💵 бар.

🇺🇸🇰🇿Жексон және Веник заңы күшін жояды: Конгресс "Қазақстанға тұрақты сауда серіктесі" деген статус беруі мүмкін... "Орта Азия жаһандық геосаяси пазлдың маңызды бөлшегі болады» деген әулие Бжезинскийдің болжамы ақиқатқа айналуда. АҚШ мұқым аймақ елдерімен, соның ішінде Қазақстанмен мықтап айналыспақ. Аймақтағы гегемондар Бейжің мен Мәскеуге қарсы hard power позициясын ұстанатын Ақ үй бізді soft power стратегиясымен баурайтын болады. Әміриканың медиа кеңістігіне барлау жасаған DALA INSIDE келесідей жағымды тенденцияның қарқын алып жатқанын қуана хабарлайды. Бұл екі арасындағы қарым-қатынас кодексінде бұрын-соңды байқалмаған үрдіс... Өткен апта АҚШ-тың бірқатар беделді басылымдары Байден әкімшілігінен Қазақстанға шындап көңіл бөлуді сұрап, арты-артынан бірнеше материал жариялады. Әйгілі Atlantic Council (Атлантика кеңесі) аналитика орталығы бізге қатысты терең талдау жасап, 78 млн тұрғыны бар аймақты Қытай мен Ресейдің талауына беріп қоймауды үндеген екен. Құрамына Ақ үйге сөзі жүретін ықпалды саясаткерлер мен тісқаққан дипломаттар, танымал лоббистерді топтастырған орталық өткен 30 жылда АҚШ-тың бірде-бір президенті аймаққа ат басын бұрмағанын, Путин мен Сидің экспанциясы күшейіп жатқанын әйбәттап жазыпты. "Қазақстанның геосаяси потеницалымен санасатын кез келді. Экономикадағы (біз айтқан soft power) әріптестік бұдан былай АҚШ-тағы 🏦 министрлер кабинетінің деңгейінде қаралуы тиіс, оны жұмыс тобына ысыра салуды доғару қажет. Сәйкесінше, қаржыландыру көлемі ұлғаюы керек», - дейді Atlantic Council. Әміриканың халықаралық саясаттағы бағыт-бағдарына ықпал ететін The National Interest журналы да осы сарында сөйлепті. Басылым «аз уақыттан кейін Қазақстанда 👵🏻 орыстың пенсионерлері ғана қалады...» деп болжайды. Ішімізден «ләйім айтқаның келсін» дедік. ❗️Бұл екеуін біріктіретін бір дүние бар. Ол – атышулы Жексон және Веник заңы. Сонау қырғи қабақ соғыс кезінде қабылданған көне құжат Қазақстанның АҚШ-пен жүйелі сауда байланысын орнатуына кедергі келтіріп келеді. Мәселені бүйірінен қойған Atlantic Council мен National Interest Конгресстен Қазақстанды блоктан шығарып, "Әміриканың тұрақты сауда серіктесі" деген статус беруді сұрауда. Конгресс Жексон және Веник заңына termination (күшін жойса) жасаса, Қазақстанға ағылатын ақша мен инвестиция, тауар атаулы ондаған, жүздеген есе өседі. 🇷🇺 Ресейдің экономикалық экспанциясын тежейтін паритет пайда болады. АҚШ ел нарығына енсе, ескі Қазақстаннан қайтарылған ірі компаниялар америкалық кәсіпкерлердің иелігіне берілуі мүмкін. Оның жалғыз жолы - Жексон және Веник заңының күшін жою. DALA INSIDE-қа жеткен мәлімет бойынша осы айдың ортасында өтетін Орта Азия – АҚШ саммитінде (C5+1) осы мәселе жан-жақты талқыланады. Нью-Йорктен жақсы жаңалық күтеміз. Байден ата бастаған, Орта Азияның бес президенті қостаған басқосу тағдыршешті болмақ. Ақ үй экономикалық интеграцияға жол ашатын жоба ұсынады деп күтілуде. Әлбетте, бұған Мәскеу демарш жасауға тырысады. "Қарғысы қара басына көрінсін" деп тілейік. Бір аптадан кейін шымылдық түретін шара Әмірика үшін аймақтан айырылып қалмаудың соңғы мүмкіндігі. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

😭НДС 16%: ірі кәсіпкерлердің көздері жасаурай бастады Үкімет есебінше қосымша құн салығын 12 пайыздан 16 пайызға көтеру қазір түсіп жүрген салыққа қосымша 2,4 триллион теңге әкеле алады. Егер Үкімет шығындарды арттырмаса, онда бюджет дефициті мәселесін шешуге болайын деп тұр. Алайда ірі және орта бизнес енді қосымша құн салығынан қаша бастамай ма, көлеңкеге кетпей ме деген сұрақ туындайды. Оған "қазақтың Әлиханы" басқаратын министрлер кабинетінің қандай жол ұсынатыны белгісіз. Елге келуді жоспарлап отырған шетелдік инвесторлар да бір демін ішке тартып, өз инвестжоспарларын қайта есептете бастауы мүмкін. Ия, елімізде НДС төменгі деңгейде болып келді. Көрші елдерде ол айтарлықтай жоғары еді. Бірақ, қосымша құн салығының төмен екені біздің инвестициялық артықшылығымыз болып саналатын. Биылдың 8 айында ішкі жалпы өнімнің өсімі 4,9% құрады. Негізгі өсуді сауда мен құрылыс беріп отыр. Ауыл шаруашылығы керісінше кері кетуде. Бірақ десе де, Смайылов кабинеті Жолдауды нақты орындау үшін экономикалық өсім биыл кемінде 6% болуы тиіс. Оған 1,1% жетпей, Үкіметті әлі талай діңкелететін болады. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

🧔Сақалдыларға гуманитарлық көмек келе жатыр Салафизмді әлем бойынша таратумен айналысатын Сауд Арабиясының қорлары Қазақстанда осы ағым позициясын күшейтуге қосымша қаржы бөлмек. Бұл туралы DALA INSIDE дереккөзі айтып отыр. Қазіргі олардың лоббиінің барлық күші мектепке хиджап киіп бару құқығын сақтап қалуға бағытталды. Және салафизм лоббистері мектептерде намазхана ашу бойынша Оқу-ағарту министрлігіне барынша қысым жасамақ. Қазақстандағы салафизмға қажет қаржы тікелей ақша формасында емес, Дубайдан ұялы телефон бөлшектері арқылы келеді. Телефон жөндеуден түскен бейресми қолма-қол ақша арнайы ортақ кассаға құйылады дейді, дереккөз. Қазір салафия идеологтары өз жамағатына қазақтың дәстүрлі, ұлттық құндылықтарына қарсы сөз айтпауды сұрап отыр. Себебі, олар домбыраны "харам" деу арқылы қазақ ұлтын өздеріне қарсы қойып алғандарын түсінді. Енді осы қателікті "жуып-шаю" шараларын жүргізбек. Не болса да, Қазақстандағы биылғы күз "діни, сектааралық тартыс" бағытында өтетін болды. Салафиттерден бөлек, тәңіршілер, сопылар, көк бөрілер, нұршылар, сүлейменшілер бас көтеріп келеді. Тіпті атеистердің де дауыстары қаттырақ шыға бастады. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

⚡️Анасы араша сұрауда! 150 шаруаға күн панелін орнатып берген кәсіпкер ұзақ жылға сотталды... Ақмола облысының шаруаларына 2018-2021 жылдары күн панелін жеткізіп, орнатып берумен айналысқан кәсіпкер Медет Ахметов сот үкімімен 6️⃣ жыл арқалады. Оған алаяқтықпен айналысты, мемлекетке үлкен көлемде зиян келтірді деген айып тағылған. Жазасын Павлодар облысындағы түрмеде өтеп жатқан кәсіпкердің анасы мен адвокаты үкіммен келіспейді. Сол себептен де олар Астанаға келіп, журналистерден араша сұрады. Кәсіпкердің анасы Ғалия Тоқбердиева ұлының қызметі шаруаларға тек пайда әкелгенін айтады. 💬 «Ақмола облыстық Антикордың тергеушісі ұлымның соңына шам алып түсті. Шаруа қожалықтарына қысым көрсетіп, жалған куәлік етуге көндіріп, сол үшін соттап отыр. Медет мемлекетке ешқандай зардап келтірген жоқ. Бірақ сот 98 миллион теңгені қолды қылды деген шешім шығарды. Тағылған айып бойынша, ұлым орнатқан күн панельдерін шаруа қожалықтар пайдаланбай отыр. Ал шын мәнінде олай емес. 150 шаруа қожалығы иелерінің барлығымен жолықтым. Қай-қайсы болса да қондырғылардың қызығын көріп отыр», - дейді ол. Ғалия Тоқбердиеваның пайымынша, антикор тарапынан шаруа қожалықтарына қысым жасалған. Тергеу жүріп жатыр, панельдерді пайдаланбай қоя тұрындар деген соң, кейбіреуі күте тұрған. Алайда сот аяқталса да, олар шаруа қожалықтарына қайта бармаған көрінеді. 💬 «Іс бір жақты жүргізілді. Шаруа қожалықтарының сөзі мүлдем қаралмады. Енді күн панельдерін алып кететін болсақ, олар көтерілеміз деп отыр. Шаруалар қысым жасалғанын сотта да айтты. Бірақ оған мүлде мән берілмеді. Мемлекет күн панельдеріне 2,5 миллион теңге деген шектік баға қойған. Медет ол сомадан аспады. Ешқандай сараптама жасамай, соттап жіберді», - дейді кәсіпкердің анасы. ❗️ Медет Ахметовтің адвокаты, заңгер Бауыржан Азановтың сөзінше, шаруа қожалықтары өздерін ешқандай жәбірленуші ретінде танып отырған жоқ. Мемлекетке де зардап келмеген. Кәсіпкер артық баға қоймаған. «Медет Ахметов 🔏 қылымыстық кодекстің 190-бабы бойынша сотталған. Бұл алаяқтық. Бірақ қорғаушы ретінде айтарым – оның әрекетінде алаяқтық фактісі жоқ. Бірінші сатылық сотта Антикор мен прокуратура артық баға қою деген айып таққан жоқ. Ол үшін бірнеше сараптама жасап, қорытынды шығарылуы тиіс. Мұның бірі де болмаған. Екіншіден, жәбірленушілердің тарапынан арыздар да жоқ. Ақмола облысының ауыл шаруашылығы басқармасы да сотқа ешқандай шағым түсірмеді. Анасы айтып отырған 98 миллион теңге туралы талап-арызды әлі көрмедік. Біздің қорғау тарабының сұрағы – осындай шешім шығарғанда сот қандай заңға сүйенді? Өйткені 190-бапқа сәйкес мемлекет аса ауыр зардап шегу қажет. Бұл жерде оның бірі де болған жоқ», - дейді Бауыржан Азанов. Сотталушының жақындарының сөзінен белгілі болғандай, бұл іс ауылға прокуратура қызметкері келген кезде басталған. Яғни жиналыс кезінде шаруа қожалықтарының жетекшілерінің бірі, 85 жастағы қария Медет Ахметовтің күн панелін уақытында жеткізбегенін айтқан. Бірақ арыз жазбаған. Осыдан кейін тексеріс басталып, ақыр соңы осылай аяқталған. Медет Ахметовтің ісі қазір қоғамның бақылауында. Кәсіпкердің жақындары осы әділетсіз үкімге қатысты араша сұрайды. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

⚡️Назарбаевтар Барселонадағы құпия клиниканы салып бітті. Бірақ оған сіз бен біз бара алмаймыз... Ескі Қазақстанның өкілдері 🇪🇸 Испанияны ен жайлай бастады. Негізінен, жылы жерлерді мекендейтін әулет құстың қанаты күйетін Дубайдан жанға жайлы Каталонияға қоныс аударған. Бұған сәл кейінірек тоқталамыз. Барселонаның Les Tres Torres дейтін бақуатты ауданына ақша құйған клан осыдан төрт жыл бұрын фундаментін қалаған құпия клиниканы ақыры салып бітіпті. DALA INSIDE-қа жеткен мәлімет бойынша Mediker клиникасы жасы жер ортасынан ауған олигархтарды және ескі Қазақстанның өкілдерін жасартумен айналысады. Медицина тілімен айтқанда, сүйектің жасушаларынан жаңа клетка жасап (регенерация) шығарады. Әзір орталықтың жұмысын дөңгелетіп әкететін білгір-ділгір дәрігерге іздеу жүріп жатыр. Назарбаевтың ақ батасын алғаннан кейін клиника клиент қабылдай бастайды. Әлбетте, әулет мүшелері соңынан сөз ергенін қаламайды. Олар жобадағы есім-сойын жасырын ұстайды. ❗️ Осы схемадағы негізгі фигураның бірі - Жанболат Сәрсенов. Жобаның басы-қасында жүрген Сәрсенов мұнай саласының магнаты. KazEnergy қауымдастығында Құлыбаевтың орынбасары боп отыр. Бұған қоса ҚазАтом-ға қарасты уран игерумен айналысатын Ortalyk компаниясының иесі. Жәкеңнің теміржол саласында да "долясы" бар. Тимурдың тұсында "Атамекенде" отырды. Палатаның медкомитетін басқарды... Каталонияның кіл байлар тұратын Лорет-де Мар қалашығында Сәрсеновпен аффирленген Dinara.kz құрылыс фирмасы, Sabro Properti жылжымайтын мүлік агенттігі тіркелген. Бұлардың бәрі де әлгі құпия клиникамен ым-жымдас деп болжауға болады. Орталықтың бас кеңсесі осы арада орналасқан. DALA INSIDE-қа белгілі болғандай клиниканың құрылысына 5 млрд теңге жұмсалған. Шетел асқан ақшаны іздеуге көшкен Жаңа Қазақстанға құлаққағыс: емханаға жұмсалған ақшаның адал жолмен келгеніне күмән көп. Клиниканың клиенттері де осал емесі айдай анық. Ескі Қазақстанмен ауыз жаласқан олигархтар, кланға адал болуға ант берген бизнесмендер ендігіде осы жерде емделеді. Жасарады. Жақсарады. Люкс сападағы медицина сіз бен біз секілді қарапайым қазақты маңына да жуытпайды. Испан басылымдары Барселона билігінің клиника қоныс тепкен 2000 шаршы метрді сөзге келмей сата салғанына аң-таң. Әдетте мұндай учаскілерді тұрғындардың игілігіне жарататын әкімдік аукционға қатысудан бас тартқан. Ал Назарбаевтың ет жақындары Каталонияға бауыр басып қалды. Ескі жүйенің өкілдері өңірдің Франциямен шектесетін Жирона қаласында өмірден ләззат алуда. Осы қаладағы Коста-брава жағажайы 🏖️ "тұңғыштың" күйеубаласы Тимур Құлыбаевтың сүйікті мекені. Бұған таяқ тастам жердегі С'Агаро курортында Тимурдың әкесі Асқардың "дачасы" бар. Клан өкілдері көп уақытын Каталонияның 🏌️ гольф алаңдарында өткізеді. Ал сіз бен біздің өмір бұларды қарғап-сілеумен білінбей өтіп жатыр... DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

🌟🇰🇿Әлиханның асыл жолы Қазақтың Әлиханы, ұлттың маңдайына біткен он бірінші премьер Әлихан Смайыловқа жаңа жылға дейін карт-бланш берілді. Бұл туралы DALA INSIDE дереккөзі хабарлап отыр. Бастысы, оның кабинеті Президент жолдауын іске асыратын сапалы жоспар жасап, соған көп кешікпей кірісуі тиіс. Смайылов кабинеті тура жолдауда айтылған сөздерді еш өзгертпестен көшіріп басып, өздеріне жоспар жасап алды. Енді жоспар министрліктерге таратылды. Олар өз кезегінде Жолдауды орындау туралы жоспарды орындау туралы жоспар жасап, оны ведомствалық мекемелеріне таратпақ. Шамамен бір аптадан кейін әр ведомство өздерінің Жолдауды орындау туралы үкіметтік жоспарды орындау туралы министрлік жоспарын орындау туралы ведомстволық жоспарын бекітуі тиіс. Содан кейін ғана Жолдау орындала бастайды. Жолдау қағаз жүзінде орындалғанымен, онда қойылған басты міндет - экономика көлемін 450 миллиард долларға жеткізу қаншалықты реалды? Егер мұнай баррелі 200 доллар тұратын болса ешқандай проблема жоқ, ол мақсатқа тез жетеміз. Ал 30 долларға түсіп қалса ше? Қазақтың Әлиханында осы мәселеде кәдімгідей уайым бар. Бірақ 2029 жылға дейін кім бар, кім жоқ дейсіз? DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

❤️‍🔥Қазақстан - Финляндия матчынан ₸20 000 дейін қайтару мүмкіндігі 🇰🇿Қазақстан - 🇫🇮Финляндия кездесуі жақындап қалды! Біздің команданы топ көшбасшысымен маңызды кездесу күтуде. Фин жігіттері соңғы кездері футболда жақсы ойын көрсетіп жүр. Біз сонда да Қазақстан құрамасына сенеміз және осы матчта бүкіл елдің қобалжуын бөлісуді ұсынамыз. 🔵1XBET компаниясы барлығына "Тәуекелсіз ұтыс тігу" акциясына қатысуды ұсынады, онда кез келген қатысушы ұтыс тігуі сәтсіз болған жағдайда, 20 000-ға дейін қайтара алады! 🔥Ойынға ұтыс Барлық оқиғалардан, сондай-ақ супержүлделер мен фрибеттерден хабардар болыңыз

👏«Ұлы дала – көшпенділер әлемі» этнофестивалі Алматы брендіне айналды Өткен апта салт-дәстүр мен қазақы мәдениет насихатталған күн болды. «Ұлы дала – көшпенділер әлемі» халықаралық этнофестивалі ұзақ үзілістен соң қайта оралды. «Боралдай сақ қорғандары» археологиялық саябағының аумағында ине шаншар орын болған жоқ. 🗣️Биыл этнофестивальге 12 мемлекеттің өкілі келді. Мәдени шараға Малайзия елінің қатысуы біз үшін тосынсый болды. Биыл халыққа қолайлы болу үшін киіз үйлерді үш есе көп тігіп, мейрамханалардың санын екі есе арттырдық. Киіз үйлерде көрмелер, кітап саудасы ұйымдастырылды. Шараға белсене қатысқан әрбір өнерпазға алғыс айтамын. Алматы қаласы әкімдігінің демеуімен біздер «Ұлы дала – көшпенділер әлемі» этнофестивалін дәстүрлі түрде өтетін маңызды шараға айналдырдық. Шара Алматы қаласының маңызды брендіне айналды десек артық болмас. Фестивальге туристер көптеп келді, – деді Алматы қаласы Мәдениет басқармасының басшысы Ғани Майлыбаев. ❗️Сенбі-жексенбі күні өткен мәдени шараға 10 мыңнан астам адам қатысып, көшпенділердің салт-дәстүрімен танысып, қазақтың ұлттық тағамдарынан дәм татты. Алматы қаласындағы Ассамблеясы төрағасының орынбасары, Қазақ-орыс мәдени орталығының төрағасы Всеволод Лукашовтың айтуынша, шара еліміз үшін елеулі оқиға. 🗣️ Себебі, қазақ халқының тұрмысын, мәдениетін, салт-дәстүрін насихаттады. Түркілердің болмысын таныдық. Жас ұрпақтың бағзы заманда қазақ халқының қалай тұрмыс кешкенін біліп өсуі өте маңызды. Мұндай шаралар біз қай жерге тамыр жайғанымызды, Жаңа Қазақстанға қандай жолмен жететінімізді көрсетеді. Қазақстан халқы Ассамблеясы «Ұлы дала – көшпенділер әлемі» шарасын барынша қолдайды, – деді Лукашов. Сахнада Қазақстан ғана емес, ТМД елдерінің өнерпаздары да өз өнерін көрсетті. 🗣️ Шарада біздер 🇦🇿Әзірбайжанның тереңнен тамыр тартатын "Алпауыт" деп талатын жекпе-жек өнерін таныстырдық. Соңғы 10 жылдан бері осы спортты әлемдік деңгейде насихаттап келеміз. "Алпауыт" жекпе-жек сайысына қатысушылар ою-өрнекпен өрнектелген ұлттық киім киіп шығады. Ал иығында жебе- қорамсасы болды. Этнофестивальдің екінші күні спортшыларға жекпе-жек семинарын өткіздік. Фестивальге шақырту алғанымызға қуаныштымыз, – деді Дүниежүзілік "Алпауыт" федерациясының директоры Васиф Намазов. Жиналған қауым көшпенділердің жекпе-жек ойындарын, ат спорты мен айтысты армансыз тамашалады. Шара барысында Қазақстанның Ұлттық шопан иттер клубы қазақы төбеттердің🦮 көрмесін ұйымдастырып, төбеттердің қазақ халқының тұрмыс-тіршілігінде маңызды орынға ие екенін паш етті. Қорыта айтқанда этнофестивальдің бағдарламасы бай, мазмұнды болды. "Мен Атыраудан келдім. Шараға қазақтың "жеті қазынасының" бірі қазақы төбетті көпшілікке таныстырдық. Шараға қатысқан төбеттердің бәрі жайылымда мал қарап жүрген иттер. Арасында қасқырмен бетпе-бет келіп, малды қорғап қалған сырттандар бар, – деді «Бакутан» қоғамдық қорының өкілі Данияр Жанғалиев. Осылайша алматылықтар мен қала қонақтары Ұлы Дала көшпелілерінің ежелгі дәстүрімен жақын танысып, шат-шадыман болып тарқады. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

⚡️Айым сорри, Әнипа апа! Назарбаевтың қарындасы құнды активінен айырылды... Жаңа Қазақстан «тұңғыштың» тума-туысы иелік еткен активтерді біртіндеп мемлекет меншігіне қайтаруда. Экс-президенттің қарындасы Әнипа Назарбаева Алматы облысындағы су шаруашылығы колледжінен айырылды. Үшқоңыр колледжі Әнипа апаның иелігіне 2016 өтіп кеткен екен. Әулеттің ықпалы әлсірегеннен кейін Алматы облысының әкімдігі «Әнипа» деген атпен тіркелген ИП басшысымен шайқасуға бел буып, ақыр соңы жеңіп шығыпты. DALA INSIDE-қа жеткен мәлімет бойынша бұл іске күні кеше Тоқаевтың кеңесші боп тағайындалған Қанат Бозымбаев «атсалысқан». Біздің анықтағамыздай, Қаңтардан кейін президент әулеттің капиталын қайтаруды Бозымбаевқа жүктеген. Бұған дейін DALA INSIDE Әнипа апаға тиесілі Group Of The Companies-тің мемлекет қазынасына 165 млрд теңге (!) зиян әкелгенін хабарлаған. Тек бір ғана Қытаймен кеден бекетінде 367 заң бұзу талаптары анықталған. Компания жалған құжат жасап, елге ірі көлемде тауар әкеп жүрген. "Алты ай ішінде 800 млн теңгеге контрабандалық 16 оқиға тіркелген. Group Of The Companies-тің жүк көліктерін тексерген кезде, 287 млн теңгенің декларацияланбаған тауары анықталған", - деп пікір білдірген еді арнамызға бас прокуратура өкілі. Алматы облысындағы Назарбаев семьясының бизнес-империясын бөлшектеу операциясы жалғасын табады. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

⚡️Мемлекет ипотеканы кешіре бастауы мүмкін бе?.. «Мүмкін...» дейді экономист Расұл Рысмамбетов. Бұған аздан соң ораламыз, әзір алыстағы 🇺🇸 Америкаға сапар шегіп қайтайық. АҚШ-та тұрғындармен тілдесіп, қоғамның аңысын аңдып отыратын әйгілі Gallup институты бар. Сол институт биыл ел ішінде «Федералды резерв жүйесіне (ФРЖ) және оның төрағасына қаншалықты сенесіз?» деген сауалнама жүргізді. 2001- 2023 жылдың аралығында біздіңше Ұлттық банкті басқарған менеджерлерге баға берілді. Әр жылдары ФРЖ-ға жетекшілік еткен Гринспен, Бернанке, Йеллен және Пауелдің «сенім рейтингі» жасалды. Америкалықтар инфляция төмендеген, жұмыссыздық азайған, бизнесті кредиттеу көбейген Клинтон-Гринспен дәуіріндегі 90–шы жылдарды сағынатынын айтқан. АҚШ-та ФРЖ саясаты мен халықтың әл-ауқаты тығыз байланысты. Ал бізде мұндай сауалнама жүргізіле ме? Бір жарым жылға жуық Ұлттық банкті басқарған Ғалымжан Пірматов не бітірді? Оның "сенім рейтингі" қандай? Оның шешімдері халықтың көңіл-күйі мен әмиянына қалай әсер етті? «Пірматовтың ауысуы логикаға сияды. Оның тұсында банктер тұтыну кредиттерін таратумен айналысып кетті. Бизнесті кредиттеу біржолата тоқтап қалды. Былайша айтқанда, банктер халықтың үстінен күн көрді. Ескі Қазақстанның бірен-саран белсендісі зейнетақы шотындағы ақшаны баспанаға бағыттау дейтін идеяны ойлап тапты. Нарықтағы үй бағасы құтырып шыға келеді. Ұсыныс сұранысқа сай болмады. Құрылыс компанияларының тойымсыз, тамақсау басшылары әкім-қаралардың ұртын майлап, құрылысқа қажетті учаскілерді ондап, жүздеп сатып алды. Үйдің іргесін көтермей жатып, саудаға шығарды. Араға алыптасарлар енді. Үй бағасы жалынан сипатпайтын жағдайға жетті», - дейді осы тұста экономист Расұл Рысмамбетов. Ай сайын 250-500 мың теңгенің ипотекасын өтеу азап. Қалтасы таяздана бастаған халық қайтеді, тұтыну кредитіне жүгіреді. Несиенің қамыты мойныңа бір киілді екен, қайтып құтылуың екіталай. «Банктер осы күнге дейін елді кредиттің соңына салып қойған «ескі Қазақстанмен» ауыз жаласып жұмыс істеді. Қазақтар «кругом» қарыз. Үйіндегі үтік пен қолындағы телефонға дейін өзінікі емес...», - дейді Расұл мырза. Қарызданып, қауғаланып күн кешетін сіз бен біз үшін бұл жаңалық емес. Пірматовтың неліктен кеткенін айттық. Сүлейменов неге келді? DALA INSIDE-тың анықтағанындай Тоқаев бизнесті несиелеуден басын ала қашатын банк басшыларын бір үстелге жинаған. Әлгілер: «Бизнесті кредиттеудің тәуекелі көп...», - деген аргумент айтқан. Сөйтіп кәсіп ашқысы бар, алайда айналымға қажетті ақшасы жоқ сіз бен біз секілді қарапайым қазақтың тауын шыққан. «Бұдан былай бизнес кредитке жари бастайды. Сүлейменов екінші деңгейлі банктерді корпоративтік несиелеуді ұлғайтуға үгіттейді», - дейді Рысмамбетов. ❗️ Мемлекет ипотеканы кешіре бастауы мүмкін бе? «Мүмкін» дейді экономист. "Құрылыс девелоперлері үй бағасын түсіру керектігін түсіне бастады. Дегенмен, бұл сценарийдің жүзеге асуы күмәнді. Екінші амалы бар. «Билік ипотеканы кешіру керек» деген лоббисттік топтар құрыла бастайды. Бұған көпбалалы отбасылар кандидат ретінде ілігеді. Артынша барлық категорияны қамтуы мүмкін. Неге? Сұранысты қалпына келмесе, құрылыс магнаттары банкрот болады...», - дейді Рысмамбетов. DALA INSIDE тәуелсіз болып қалуы үшін арнамызды қолдауды сұраймыз 👉https://lmv.kz/c/SQPC2x2c Бізге тіркеліп алыңыз 👉https://t.me/dalainside

Бір сөзбен айтқанда тәңіршілдер таным-түсініктері бойынша өзара жік-жікке бөлінген. Жақын арада бірігіп, үлкен саяси күшке айналуы неғайбыл. Дегенмен, осы күні біліксіз молдалардың қисынсыз уағыздарынан шошыған жұрт тәңіршілдердің қатарына топырлап қосылып жатыр." Хат мәтіні осы. Сонымен бірге, Тәңіризм өкілдері арнамызды бұл бағыттағы манипуляцияның көптігін, көп ақпаратты жіті тексеруімізді сұрап отыр. DALA INSIDE бұл мәселені де қаперге алады. Арнамызға тіркеліп алыңыз👇 https://t.me/dalainside