DALA INSIDE

📱Марк Цукерберг 7 сағат бұрын фейсбуктегі профилін жаңартты Ол фейсбуктағы ішкі саясаттың тағы да өзгеруінен хабар береді. Яғни, мультиаккаунтингпен күрес күшеймек. Бір адамның басында бірнеше аккаунт бар жағдайлар көп. Онымен бірге, фейсбукте фейктер өріп жүр. Өз атын, өз суретін қоймайтындар бар. Осының барлығымен фейсбук жасанды интеллект арқылы күресетін болады. Күрестің тағы бір бағыты - Кремльге жұмыс істейтін тролль фабрикалары. Қазір олар Қазақстандағы белсенділіктерін арттырған. Өскеменде тұратын қазақтілді азаматтар да тролль фабрикасына жұмысқа алынды. Олар Украина тақырыбында қазақша жазатын авторларды анықтап, оларды арыз тастау арқылы блоктатуда. Тролль фабрикасына астыртын қолдау білдіретін фейсбук жұмысшылары да бар. Фейсбук ішкі тексеріс жүргізе ме, ол жағы белгісіз. https://t.me/dalainside

🚂Циндао: Қазақстанның сорлап отырған сорлы кәсіпкерлері Ал Қытайға ол тіпті проблема емес, Қазақстан олар үшін тым кішкентай inbusiness.kz авторы Жанат Ардақ осы проблеманы өте жақсы жазған. Біз оның жазғанынан мәліметтер алып, өз комментарийімізді бергіміз келеді. Әңгіме мынада. Қытай Ресей бағыты қиындағаннан кейін, Еуропаға баратын барлық теміржол транзитін Қазақстан арқылы, оның ішінде теміржолмен алып келіп, ары қарай ТМТМ (Транскаспий) арқылы айдауда. Ал Қытайдағы Қазақстанның өзіне баруы тиіс контейнерлермен ешкім айналысқысы да келмейді. Оларға Қытай трафиктен орын бермей отыр. "Қаптаған қазақстандық компания дәрменсіз жағдайға жетіп, өндірісін тоқтатуға шақ қалды. Себебі олардың қызметін жалғастыру үшін қажетті жүктер қытайдың Циндао портында қаңтарылып тұр. Ол тауарлардың тізімі ұлан-ғайыр: мұнайшылар, құрылысшылар, өндіруші кәсіпорындар жұмысшылары мұқтаж болып, күтіп отырған қысқы арнайы киімнен бастап, тамақ өнеркәсібі кәсіпорындары қажетсінетін қант, пальма майы сияқты өнімдерге дейін бері өте алмауда. Жалпы алғанда, Циндао теңіз портына қызмет көрсететін Чжаочжоу теміржол станциясында әрі-сәрі күйде дағдарған контейнерлердің саны кейбір бағалаулар бойынша 6 мың бірліктен асып кетті. Оның 600-і – биылғы шілдеден бері сонда жатыр", – деп мәлімет береді eldala порталының басшысы Сергей Буянов. Мысалы, "Рахат" компаниясы қант тиелген 200-ден астам контейнерін бір ай бойы әкете алмай отыр. Coca-Cola компаниясы да 8 мың тонна қантын зарыға күтіп жүр. "Біздің Қытайдағы серіктестеріміздің айтуынша, ҚХР теміржолдары үшін Қазақстан арқылы Еуропаға транзитпен өтетін қытайлық жүктерді жөнелту басымдық болып табылады. Салдарынан, Қазақстанға арналған қытайлық және басқа елдердің жүктері әрі ысырыла береді. Қазақстанға арналған жүктерді тіпті теміржол құрамына тиемейді де", – деді Coca-Cola компаниясының өкілі Фархат Сейітов. "ҚТЖ-Жүк тасымалы" ЖШС-нің Бейжіңдегі өкілі Ерік Әубәкіровтың мәліметінше, олар Қазақстанның Қытайдағы елшілігімен бірлесіп, қытайлық портта тұрып қалған қазақстандық жүктердің толық тізімін жасап, пысықтауда. Бірақ олардың жуық арада елге кіретініне сенім аз. Жүк ағынының еселеп артқаны сонша, енді Қытай инфрақұрылымы шыдамауда. Мамандар қарқынды тасымал нәтижесінде рельстер балқып, деформацияланып, ауыр жүктерді тасуға жарамай қалуы мүмкін екенін ескертеді. Сондықтан жүк ағыны баяулайды. Қазақстанның Сыртқы істер министрлігі еш амалы қалмағандықтан, отандық жүк тасушыларды басқа логистикалық маршруттерді таңдауға үндеді. СІМ дерегінше, осы тұрғыда ҚХР-дегі ахуал тұрақсызданды, Циндао портынан жүк жеткізудің кешігуі тек жиілейді. Ведомство отандық кәсіпкерлерден қытайлық басқа порттарға, Ляньюньганға бағдарлануға кеңес берді. Ол жерде Қазақстанның төл терминалы да бар. Бірақ бизнес бұған өзінше болып, келіспей отыр. Олар логистика қымбат болады, тағы басқа сылтау тауып, Ляньюньганға барғысы келмейді. Ол жерде ешкім оларды шектемес еді. Циндаодағы жағдай сондай болып тұр. Жағдайды түсінудің, пысықтық танытып, логистиканы алмастырудың орнына біздің кәсіпкерлер Сыртқы істер министрлігінің жүйкесін жұқартудан басқа амал таппаған. Сол баяғы "бер, бер" деп жылана беруден өздері де шаршамаған сияқты. Енді олар Қытайдың транзитін тоқтатып тастауды сұрап отыр. Қытайға сес көрсетіп, шантаж жасап, Циндаодағы мәселені шешіп алмақ. Бірақ Қытайға шантаж жасаса, бір аптадан кейін Қазақстан экономикасы толық құлайтынын өздері түсіне ме? Сыртқы істер министрлігі атташелері, біздің Қытайдағы елші де кәсіпкерлердің контейнерлері жазылған тізімдерді тоқсан сайын Қытайға тасып, ондағы шенеуіктерге жалынып, жалбарынып, әбден абыройларын шашып бітті. Бұл бизнестің өзі шешетін, логистикалық мәселе еді. Ляньюньганда біздің қазақстандық терминал тұр. Оны не үшін аштық? Мемлекетке әбден еркелеп алған отандық кәсіпкерлердің бүйтіп бизнес жүргізгеннен көрі, жабылып қалғаны әлдеқайда дұрыс. Және Үкіметті адамдар жұмыссыз қалады деп қорқытудың да қажеті жоқ. Бизнес жасай алмайсың ба, онда ең дұрысы - өзіңді де, мемлекетті де қинамай нарықтан кету керек. https://t.me/dalainside

🇷🇺🤌Кремль: Қазақстанға шабуылдайтын аргумент қалмады Еуразиялық экономикалық комиссияда қызмет ететін, Мәскеуде тұратын DALA INSIDE дереккөзінің мәліметінше, Қазақстан Президенті Қасым-Жомарт Тоқаевтың "орыс тілін дамытуға бағытталған халықаралық ұйым" туралы ұсынысы Кремльді көптеген жоспарларды қайта қарауға мәжбүрлеп отыр. Ондағы сарапшылар стратегиялық инициативаны Мәскеуден Астана алып алды деген пікірде. Енді Қазақстанды ешкім орыс тілін қысып жатыр деп айыптай алмайды және бізге шабуыл жасай алмайды. Дереккөз Ресей Генштабындағы генералдар Қазақстанға қарсы әскери операция жоспарын мүлдем қолдамай, одан бас тартқанын туралы айтады. Себебі, жазық далада танк, құрлық әскерімен маршқа түсу өте ауыр. Олар Қазақстандағы АНКА дрондары үшін оңай олжаға айналады. Сонымен бірге, Ресейдің Қытаймен ұрсысқысы келмейді. Президент Тоқаев көрпені мықтап қымтауда. Ал ертең Ердоған келгеннен кейін, Астана түбінде Байрақтар мен Kizilelma дрондарының жедел өндірісін ашу жөнінде келісімге қол қоюға еш кедергі болмайды. https://t.me/dalainside

🏦Home Card Lite Кешбэкті өзіңізге қалай «икемдеуге» болады? Банктік карталарды пайдаланатындардың барлығы кешбэктерге тез үйренді. Қазірдің өзінде кәсіби «кешбэк іздеушілер» бар. Олар қай картаны мейлінше тиімді пайдалану керек екенін есептейді. Бірақ көпшілігі кешбэкті ұсақ-түйек тиын ретінде қабылдайды. Алайда бұл жүйені өзіңізге «икемдеуге» болады. 🔴Кешбэк дегеніміз не? Қарапайым тілмен айтқанда, кешбэк - бұл картамен төленген сатып алулар мен қызметтер үшін клиентке белгілі бір соманы қайтару. Орташа көлемі 1%-дан басталып, 15-20-ға дейін, кейде 30%-ға дейін жетеді. Ақша клиентке жаңа сатып алуларға жұмсауға болатын бонустар түрінде қайтарылады. Кейбір банктер кешбэкті ақша түрінде шотқа аударуға мүмкіндік береді. 🔴Бұл не үшін керек? Бүгінгі таңда банктер клиенттерге осындай бағдарламаларды ұсынуды өздерінің парызы деп санайды. Банктер карталарды клиенттердің белсенді пайдалануына мүдделі. Сондықтан олар клиенттерге карта бойынша төленген соманың бір бөлігін кешбэк түрінде қайтарады. Бұдан банктер де пайда көреді - карталар бойынша ақша айналымы неғұрлым жоғары болса, соғұрлым көп комиссия жинайды. 🔴Ең жақсы кешбэк қайсы? Кәсіби «жеңілдік іздеушілерде» әрқашан көптеген банктің түрлі карталары болады. Бір карта бойынша такси қызметтеріне жеңілдіктерді алып, 30%-ға дейін кешбэк, екінші карта бойынша коммуналдық төлемдер үшін жоғары бонустарды және т.б. алуға болады. Көбінесе банктер клиентке жоғары кешбэк алғысы келетін сатып алулар санаттарын таңдауға мүмкіндік береді. Мысалы, Home Credit Bank «Home Card Lite» картасының барлық пайдаланушысына супермаркеттерде, жанармай құю станциясында картамен және мобильді қосымшада коммуналдық қызметтер үшін жасалған төлемдерге алғашқы 90 күн ішінде кепілдендірілген 10% кешбэкті, ал содан кейін - 5%-дан ұсынады. Сонымен қатар, бұл өнімде «айлық акция» болады - әр айда белгілі бір тауарлар тобына 10% кешбэк беріледі. Карточка иелері банктің әлеуметтік желілеріндегі сауалнама арқылы тауарлар тобын анықтайды. 1 қазаннан бастап клиенттердің көпшілігінің қалауы бойынша, 10% кешбэк киім, аяқ киім, аксессуарлар және ателье дүкендеріндегі сатып алуға беріледі. Әділ қазір қысқа дайындалу уақыты. 🔴Нені таңдауым керек? Кешбэктерді сіздің қалауыңызға және жиі жасайтын сатып алуларыңызға байланысты «икемдеген» дұрыс. Белгілі бір картаны пайдалану шарттары туралы білу қиын емес - банк сайтындағы тиісті бөлімді және картаны шығару туралы шартты мұқият оқып шығу жеткілікті. Осылайша тиянақты таңдау арқылы сатып алу сізге тұрақты табыс әкеледі. https://homecredit.kz/kk/cards/HomeCard-Lite

🇰🇿🤜🇷🇺Тоқаев "орыс әлеміне" әдемі мат қойды Енді "орыс әлемін" қазақтар басқаратын болады. Орыстардың атынан сөйлеу, өктемдік жүргізу мүмкіндігі толық біздің қолымызға өтті. Демек, экономикада да, саясатта да, идеологияда да Еуразиялық экономикалық одақ тізгінін Мәскеуден Астананың тартып алу процессі ойдағыдай аяқталды. Путин өз ғұмыры біткенге дейін Тоқаевтың қолбаласы болады, және соның аузына қарайды. Басқа амал жоқ. Себебі, енді Путинге ешкім сенбейді. Ал Тоқаев толық "легитимді", компромисті Еуразия лидері ретінде бүкіл одақ артынан сөйлемек. Түркия көсемі Ердоғанның сапары алдында Қазақстан президентінің позициясы екі есеге күшейді. Енді Ресей президентін бітімгерлікке, соғысты тоқтатуға көндіру тек Тоқаевқа сеніп тапсырылатын болады. Бұл енді ешкім күтпеген, орасан маневр болды. https://t.me/dalainside

🇰🇿👍Коалиция мүшелері Тоқаевтың құжаттарын Орталық сайлау комиссиясына тапсырды Бүгін Халық коалициясы Қасым-Жомарт Тоқаевты Қазақстан Республикасының Президенттігіне кандидат етіп ұсыну үшін ҚР Орталық сайлау комиссиясына барлық қажетті құжаттарды ұсынды, – деп хабарлайды Dalanews.kz. «AMANAT» партиясының Атқарушы хатшысы Асхат Оралов атап өткендей, күні кеше саяси партиялар мен республикалық ұйымдардың өкілдері Қасым-Жомарт Тоқаевты қолдау жөніндегі Халықтық коалиция құрды. – Бұл үрдіс «AMANAT» партиясының жаңа Саяси тұғырнамасындағы идеологияға сай. Сонымен қатар, бұл «Түрлі көзқарас – біртұтас ұлт» деген қағиданың айқын көрінісі. Коалиция болып бірігіп Президентті ұсынуымыз саяси мәдениетіміз бен саяси жүйеміздің жоғары деңгейін көрсетеді. Халықтық коалицияның форумында Президент біздің ұсынысымызды қабыл алды. Сондықтан бүгін коалиция мүшелері бірлесіп, Қасым-Жомарт Кемелұлын кандидат ретінде тіркеу құжаттарын Орталық сайлау комиссиясына тапсырдық, – деді Асхат Оралов. «Қазақстан мәслихаттары депутаттарының бірлестігі» РҚБ төрағасы Төлеубек Мұқашевтың айтуынша, Халықтық коалиция – бұл қоғамдық топтасудың жаңа деңгейінің көрсеткіші, ынтымақтастықтың жарқын үлгісі. – Референдум барысында да қоғамдық штаб Тоқаевтың саяси реформаларының барлық жақтасын біріктірді. Сол кездегідей, біз қазір біртұтас команда ретінде әрекет етеміз. Біз Қасым-Жомарт Кемелұлының кандидатурасын көрнекті саяси мемлекет қайраткері ретінде ұсындық, бұл жалпыхалықтық таңдау, – деді ол. Өз кезегінде «QAZAQSTAN TEAM» республикалық қоғамдық жастар бірлестігінің төрағасы Олжас Сүлейменов Орталық сайлау комиссиясына құжаттарды тапсыру – болашақ сайлау науқанын бастайтын маңызды қадам екенін атап өтті. «Мен үшін бұл өте маңызды оқиға. Өйткені коалиция бірігіп әрекет етеді. Ынтымақтастық әрқашан өзекті. Біз бір-біріміздің тәжірибемізді қабылдап, ортақ мақсатқа жете аламыз», – деді ол. Тіркеуге қажетті құжаттар топтамасын «AMANAT» партиясы, Қазақстан Халық партиясы, «Ақ жол» Қазақстан демократиялық партиясы, «Ардагерлер ұйымы», «QAZAQSTAN TEAM», «Қазақстан мәслихаттары депутаттарының бірлестігі», «Генералдар кеңесі», «Қазақстандық спортшылар одағы» ұсынды.

👉Допингпен ұсталған "даңқты" спортшы мемлекеттік тілді менсінбейді Әңгіме Илья Ильин де ғана емес, орыстанған қазақ спорт хақында болып отыр. Журналист Аслан Қаженов Тоқаевтың сайлауға түсуін қолдаған танымал спортшылардың басқосуынан түңіліп қайтыпты. Елордада қазіргі президенттің қолтығынан демеу үшін өзгелерден қалыспай мәжіліс өткізген отандық спорттың ығайы мен сығайы тек орыс тілінде үндеу жасапты. "Жиындағы жұрттың 98 пайызы қазақ. Солай бола тұра басқосу толығымен орыс тілінде өтті. Үлгі тұтатын ардагер спортшылардың өзі ресми тілде сайраған кезде кірерге тесік таппадық, - дейді ашынған әріптесіміз. Ашуға булыққан журналист үнсіз қалғанды ұят санап, ұйымдастырушыдан қазақша ақпарат беруді талап еткен. "Сол кезде бір бұрышта отырған Илья Ильин "сенің әрекетің низкий поступок" қойып қалды. Әлгі жерде қан басқа шапты. Мақтаулы ауыр атлетіміздің сиқы мынау?! Отандық спорт мемтілді қажетсінбейді. Принципті түрде, қазақша сөйлемей қасарысып алатындар бар. Ильин? Бұлар қатардағы атлет емес, мембюджеттен жүздеген миллион алатын, Үкіметтің рақымына бөлінген спортшылар. Қазақша сөйлеуді "низкий поступок" санап бықсытып жүргені мынау! Тілге түкіргені бар...", - дейді журналист. Әріптесіміздің айтуынша мемтілді менсінбейтін, бірақ мемлекеттің мойнына мініп алған мұндай спортшылар Әнұранды да жатқа білмейді. Ол тұрмақ байрақты бәсекелерге көк туымызды апаруға да арланады екен. Қазақ тілі тұғырға қонбай - Әділетті Қазақстан орнамайды. Ал біз Ильиннің кешірім сұрауын талап етейік. Осы постқа "Ильин кешірім сұрасын!" деп жаза кетіңіз. https://t.me/dalainside

🇰🇿💥Тоқтар Әубәкіров президент Тоқаев туралы бүй деді: "Бұ кісіні 30 жылдан бері білемін. Ең басты артықшылығы - таза адам. Сөзіне құлақ асатын қауым көп. Оған Әділетті Қазақстан құруға жәрдемдесуге тиіспіз...", – дейді даңқты ғарышкер. https://t.me/dalainside

⚡Ақорда Қажыгелдиннің қайтуына дайын. Доп Әкежан Мағжанұлы жағында Президент сайлауынан кейін шетелдегі қазақ оппозициясының символы, Қазақстанның экс премьер-министрі Әкежан Қажыгелдиннің елге қайтуына еш кедергі болмайды. Бұл туралы, жағдаймен жақсы DALA INSIDE дереккөзі хабарлады. Қазір Қажыгелдин Ақордамен шетелге заңсыз шығарылған активтерді қайтару бойынша бірлесе жұмыс істей бастады. "Жаңа Қазақстан" оған жылы рай танытқан және Әкежан Мағжанұлы мен Қазақстандағы басқарушы режим арасында өзара түсіністік пен сенім орнаған. Қажыгелдин елге келу үшін 2001 жылы өзіне қатысты шығарылған сот шешімінің күшін жоюды, бір сөзбен айтқанда саяси ақтауды талап еткен. Оны Матаевтар сценарийімен жүзеге асыруға болады. Қажыгелдинның өкілі ретінде Қазақстаннан адвокат шығып, Бас прокуратураға өтініш жолдауы керек. Бірақ, қазір бұл сұрақ паузада. Ақорда бұл мәселеге тек президент сайлауынан кейін оралмақ. Себебі, қай президент сайланады, сол президенттің бұл мәселеге өзіндік көзқарасы болуы мүмкін. Тағы бір мәселе. Қажыгелдин Қазақстанға түпкілікті көше қоймайды. Бірақ, барып келіп жүруге, туған жеріне барып Құран оқытуға, туыстарымен кездесіп ел-жер аралауға ниеті жоқ емес. https://t.me/dalainside

🛬Тоқаев Павлодарда: Өңдеу өнеркәсібінің экспорты 2025 жылға қарай 1,5 есеге, еңбек өнімділігі 30 пайызға артуы тиіс Мемлекет басшысы Қасым-Жомарт Тоқаев Қарағанды сапарынан кейін бірден Павлодарға ұшып келді. Жұртшылықпен кездесуде Президент реформалар, энергия генерациясы, экология мен газбен қамтамасыз ету турасында сөз қозғады. Павлодар – Қазақстанның дамуында үлесі мол, маңызы жоғары аймақ. Қазір Мемлекет басшысы тарапынан облыстар үшін стратегиялық маңызы бар міндеттерді айқындалып жатыр. Әр өңірге жеке тапсырма берілуде. «Павлодар облысында «Қуатты өңірлер – қуатты ел» қағидаты айқын көрініс тапқан. Бұл аймақты экономикамыздың энергетикалық жүрегі деуге болады. Еліміздегі электр қуатының 40 пайыздан астамы осында өндіріледі. Қазақстанда шығарылатын көмірдің де жартысынан астамы Павлодардың еншісінде», - деп Президент, Павлодардың Қазақстан үшін маңызын атап өтті. Қазіргі таңда Павлодар облыстың әрбір бесінші тұрғыны өңдеу өнеркәсібінде немесе отын-энергетика кешенінде жұмыс істейді. Еліміздегі мұнай-химия өнімдерінің үштен бірі, ферроқорытпалардың жартысынан көбі осы өңірде шығады. Сондай-ақ, бұл өлке өңдеу өнеркәсібінің және шикізаттық емес экспорттың көлемі бойынша алдыңғы орында тұр. Соңғы 3 жылда Павлодардың жалпы өңірлік өнімі 28 пайызға өсіп, 3,9 миллиард теңгеге жетті. Ауыл шаруашылығы, құрылыс, сауда және басқа да салалар қарқынды дамып келе жатыр. Мұның бәрі жергілікті жұрттың тұрмысы жақсарып, әл-ауқатының артуына тікелей ықпал етеді. «Ішкі құндылық пен экспортқа бағытталған өндірістерді дамыту бағдарламасы бар. Отандық өңдеуші кәсіпорындарды қолжетімді бағада және жеткілікті көлемде шикізатпен қамтамасыз етуге арналған «Өнеркәсіптік саясат туралы» Заң қабылданды. Жалпы, экономиканы әртараптандыру, өндірілетін тауарлардың ассортиментін кеңейту барлық өңірлер үшін бірінші кезектегі міндеттер болып табылады. Өткен жылғы Жолдауымда мақсат-міндеттерді атап көрсеттім. Өңдеу өнеркәсібінің экспорты 2025 жылға қарай 1,5 есеге, еңбек өнімділігі 30 пайызға артуы тиіс», - деді, Мемлекет басшысы. Бірақ бұл ретте өнеркәсіптің дамуы қоршаған ортаға ауыр жүк түсіріп отыр. Еліміздегі шығарындылардың үштен бірі – жыл сайын шамамен 700 мың тонна қалдық Павлодар облысына тиесілі. Облыс тұрғындарын туған өлкенің жайы толғандырады. Экологиялық жағдай азаматтардың өмір сүру сапасының ең маңызды көрсеткіші болып табылады. Сондықтан өнеркәсіптік әлеуетті нығайту мен қоршаған ортаны қорғау арасындағы тепе-теңдікті сақтау өте маңызды. «Тағы бір маңызды мәселе – газдандыру», - деді Президент. Ол үшін Үкімет өңірді газбен қамтамасыз ету жолдарына басымдық беруі керек. Бұл жасыл күн тәртібін толық іске асыруға және нақты тұрақты дамуға бағытталған маңызды қадам болады. Сонымен бірге транспорттық-логистикалық проблемалар сөз болды. Павлодардың орасан зор транзиттік әлеуеті бар. Бірақ, Ертістен өтетін ескі көпір көлік-логистика саласын дамытуға мүмкіндік бермей отыр. Оның апатты жағдайда тұрғанына біраз жыл болды. Көпір арқылы жүк көліктерінің жүруіне тыйым салынған. Бұған дейін облыс орталығын айналып өтуге жол ашатын жаңа көпір салу жоспарланған болатын. Бүгін Президент Үкіметке келесі жылы осы жобаны бастауды тапсырды. «Павлодар облысының экономикасын дамытуға өзге өңірлермен әуе қатынасын орнату айрықша ықпал ететіні анық. Қазір облыс орталығынан Астананың өзіне тікелей ұшақ ұшпайды. Үкімет жыл соңына дейін «Павлодар – Астана» бағытындағы тұрақты әуе қатынасын қалпына келтіруі керек. Сондай-ақ жергілікті әуежайдың ұшу-қону жолағын жөндеу мәселесін пысықтаған жөн», - деді, Мемлекет басшысы Қасым-Жомарт Тоқаев. https://t.me/dalainside

🇰🇿Президент Қарағандыда: жол, моноқалалар, экология мен ауыз су Мемлекет басшысы Қасым-Жомарт Тоқаев елдегі ең урбанизацияланған өңір - Қарағанды облысына келді. Өңір еліміздің дәл ортасында орналасқан. Оңтүстік пен солтүстікті жалғайтын ең басты күре жол осы облысты басып өтеді. Аймақты дамытуға автокөлік жолдарының сапасы айрықша ықпал ететіні анық. Сондықтан Президент бірден жол мәселесін көтерді. "Қазір Орталық – Оңтүстік көлік дәлізі салынып жатыр. Балқаш қаласы арқылы өтетін жолдың құрылысы өте баяу жүріп, мерзімі қайта-қайта кейінге қалуда. Үкіметке «Қарағанды – Балқаш» және «Балқаш – Бурылбайтал» тас жолын келесі жылы салып бітіруді тапсырамын. Сонымен бірге, «Қарағанды – Жезқазған» күре жолы да аса маңызды. Ұзындығы 500 шақырымнан асатын жол жөнделсе, орталық өңірлерге барыс-келіс жақсарады. Жүк тасымалы көбейеді. Бұл Ұлытау облысын дамытуға зор септігін тигізеді. Екі облыстың инвестициялық және туристік мүмкіндігін арттырады. Осы жолды жөндеу жұмысына алдағы жылы дереу кірісу керек. Одан бөлек «Қарағанды – Қарқаралы» тас жолын жөндеуді тапсырамын. Қарқаралының туристік әлеуетін арттыру мақсатында бұл жұмысты алдағы екі жылдың ішінде аяқтау қажет», - деп тапсырма берді, Тоқаев. Қарағандының тағы бір проблемасы - моноқалалар. Өңір халқының 80 пайызы қалада тұрады. Көптеген өндіріс 5 моноқаланың еншісінде. Облыс тұрғындарының 40 пайызы осы моноқалаларда тұрады. «Шағын қалалардағы тағы бір мәселе – инженерлік инфрақұрылымның әбден тозуы. Бұл мәселенің шешімін табу үшін қомақты қаражат керек. Үкімет моноқалалардың коммуналдық желілерін жөндеуге жұмсалатын қаржы көлемін арттыруы қажет. Себебі, біздің азаматтарымыз қай қаланың тұрғыны болса да, таза, жасыл желекке толы, бақуатты, гүлденген ортада өмір сүруі керек. Оны қамтамасыз ету – мемлекеттің міндеті», - деді Мемлекет басшысы. Үшінші басты мәселе - экология. Ауыр өндірістің зардаптары да аз емес. Өндірісте адамдар қаза табуда. Президент экология проблемасынан бөлек облыстың өндірістік кәсіпорындарында еңбек қауіпсіздігін қамтамасыз ету мәселесі сын көтермейтіндігіне тоқталды. Қарағанды сияқты индустриясы дамыған облыс үшін бұл – маңызды мәселе. Мысалы, тек 2022 жылы «АрселорМитталТеміртау» АҚ объектілерінде жұмысшылар қаза тапқан бірнеше оқиға тіркелді. "Ірі компаниялар өндірісті жаңғыртуға әрдайым инвестиция құюы керек. Уәкілетті органдар өндірістік апаттардың көбейгені үшін кәсіпорындардың жауапкершілігін күшейтетін жүйелі шаралар қабылдауы қажет», - деп тапсырды, Президент. Экономикаға елеулі үлес қосып отырған облыста көптеген ауылдар ауыз сусыз отыр. Нақтырақ айтсақ, өңірде 176 ауылда таза су жоқ. "Биыл 37 елді мекенге таза су беріледі. Басқа ауылдарды көп созбай сумен қамту қажет. Соңғы жылдары Балқаш көлі күрт тартылып барады. Еліміздің орталығын сумен қамтамасыз ететін Сәтбаев каналының техникалық жағдайы мәз емес. Білікті мамандармен бірлесіп, осы екі мәселені мұқият зерттеуді тапсырамын" - деді, Мемлекет басшысы. Балқаш көлін сақтау және каналды қалпына келтіру үшін барлық шаралар қабылдануы тиіс. Президенттің айтуынша, қазір суды тазартып, тұшытатын заманауи технологиялар баршылық. Қандай шөлді жер болса да, халықты ауызсумен қамтамасыз етуге болады. Әкімдік ірі бизнес өкілдерімен бірге бұл жұмысты мықтап қолға алуы керек. https://t.me/dalainside

✍️Тігісін байқатпай көшіру де өнер Сол жақта Сәкен Сейфуллин атындағы Қазақ агротехникалық университетінің басшысы Қайрат Айтуғанов 2010 жылы қорғаған диссертация кіріспесі. Оң жақта Ресейдегі Майкоп қаласында жергілікті ғылым кандидаты Зарема Куек 2007 жылы жазған диссертация кіріспесі. Әріптестеріміз @negemedia біздің ректордың кіріспесінде тек Ресей деген сөздер Қазақстанға, фирма деген сөз аграрный сектор дегенге ауыстырылғанын жазады. Дұрыс көшіру де өнер. Сондықтан әр сөзін ерінбей түрлендіру керек еді. Енді соның салдары әшкере болып отыр. Агротехникалық университетті агро саласының ғалымы басқаруы тиіс. Қайрат Айтуғанов осы диссертация негізінде ғылыми қызметкер деп саналып келеді. Ал ол диссертация көшіріліп алынса, "Айтуғанов нағыз ғалым ба?" деген сұрақ туындайды. Жалпы, бұл біздегі агротехника саласының қазіргі жайы туралы көп нәрседен хабар береді. https://t.me/dalainside