DALA INSIDE

⚡Кеңес Рақышев өз құрылымдары арқылы "Жетінші арнаны" сату сделкасын жапты Бұл туралы "DALA инсайд" дереккөзі хабарлады. Жаңа қожайын телеарна басшылығына Әния Байоразованы тағайындап, басқаруды толық өз қолына алды. Осымен, "Жетінші арна" бағыты көңіл көтеру, ойын-сауықтан іскерлік ақпарат, экономикалық сараптама жағына қарай ойысатын болады. Қазір Қазақстанда таза іскерлік бағытта істейтін жалғыз телеарна бар. Ол - "Атамекен бизнес" арнасы. "Жетінші арна" дұрыс қолға өтті, дейді, дереккөз. Каналды жақында Қазақстан азаматтығын алған, брокерлік бизнеске жақын, цифрлік ипотека және автокредитпен айналысатын банкі бар олигарх сатып алды. Оның танымал іскерлік басылымы, сайты бар. Енді телеарна қосылып жатыр. Демек, толыққанды іскерлік бағыттағы медиахолдинг жасауға болады. Бір жағынан бұл "Атамекен" медиахолдингіне бәсекелес болады да, соның арқасында іскерлік медиа саласы даму жолына түспек. Ойын-сауық дәуірінен өткен сияқтымыз. Біздің елімізге әнші-биші, тамадалар емес, экономикалық сарапшылар, модель құра алатын аналитиктер керек. https://t.me/dalainside

🇷🇺🤮Рубль Қазақстаннан кете бастады. Ол неге біз үшін жақсы жаңалық? Ұлттық Банк ақыры Ресей рублін сыртқа әкетуге рұқсат берді. Бұған дейін шетел валютасын (10 000$ көлемінен астам соманы) сыртқа шығаруға тиым жұмыс істеп келген еді. Рубль осы тізімнен алынып тасталды. Басқа валюталарға қатысты тиым әлі де сақталады. Қазақстанда жұмыс істемейтін 40 миллиард рубль қордаланып қалған. Олар көбейіп кеткендіктен, соңғы кездері банктер рубль қабылдауға комиссия, ал айырбастау операцияларына үлкен спред қойған еді. Енді тиым алынып тасталғандықтан және Қазақстанда ақшаны рубльмен ұстау тиімсіз болғандықтан, орыс валютасы елден кете бастауы тиіс. Біздің бағалауымызша, елдегі рубль массасы тамыз айының соңына таман 23-25 млрд көлемінде болуы мүмкін. Рубльдің шамадан тыс көптігі Ресейге деген импорттық тәуелділіктен кетуге мүмкіндік бермей отыр. Сауда балансында 2-ші тоқсан қортындысы шықса, импорт динамикасын саралау өте маңызды. Ресей тарапынан келетін импорт қысқарған, бірақ ол солтүстік көршінің өзі сыртқа шығармай отырған тауарлар (азық-түлік) есебінен болуы мүмкін. https://t.me/dalainside

DALA INSIDE pinned «🎉 "Мен" деп жазған студенттер назарына! "Қазақстан халқына" қоры туралы естіген шығарсыздар. Көптеген олигархтар қорға 130 миллиард теңге жинап берді. Енді қор, егер сіз: - Ауылдан келсеңіз; - Жетім болсаңыз; - Мүгедектігіңіз болса; - Сіздің отбасыңыздың…»

🎉 "Мен" деп жазған студенттер назарына! "Қазақстан халқына" қоры туралы естіген шығарсыздар. Көптеген олигархтар қорға 130 миллиард теңге жинап берді. Енді қор, егер сіз: - Ауылдан келсеңіз; - Жетім болсаңыз; - Мүгедектігіңіз болса; - Сіздің отбасыңыздың бір мүшесі мүгедек болса; Оқу орнына түсемін деп келген абитуриент болсаңыз, немесе қазір студент ретінде платныйда оқып жатсаңыз, оқу ақшасын сіз үшін төлейді. Ол үшін арыз жазу керек. Осы бағдарламаға қатысатын университеттер мен қайырымдылық үйымдарының атаулар мен телефондары мына сілтемеде бар. Жағдайларыңызды жасап алыңыздар! https://qazaqstanhalqyna.kz/kk/press/297-spisok-npo-i-blagotvoritel%CA%B9nykh-organizatsiy.html

DALA INSIDE pinned «🎓 Оқу ақысын төлеуге қиналып жүрген студент болсаңыз, осы посттың астына "мен" деп комментарий жазыңыз! Әсіресе ауылдан болсаңыз, не көп балалы отбасыдан болсаңыз тіпті жақсы. Ондай студентті білсеңіз осы "DALA инсайд" каналына қазір жазылуын сұраңыз. Посттың…»

🎓 Оқу ақысын төлеуге қиналып жүрген студент болсаңыз, осы посттың астына "мен" деп комментарий жазыңыз! Әсіресе ауылдан болсаңыз, не көп балалы отбасыдан болсаңыз тіпті жақсы. Ондай студентті білсеңіз осы "DALA инсайд" каналына қазір жазылуын сұраңыз. Посттың астына өзі "мен" деп жазсын. Ондай шәкірттер бірталай жиналса, оқу ақысын мемлекет төлеп беретін бағдарламаға ауысу жолдарын хабарлаймыз! Бір аптаның ішінде үлгеру керек! Каналдың ссылкасы міне https://t.me/dalainside Бізге толық инструкция беру үшін адам қарасы жиналғаны маңызды

Arasha.kz порталына пікір білдірген сарапшы Қазыбек Бейсебаевтың айтуынша, Болат Назарбаевтың ауыр халде жатқан видеосы әдейі таратылып жатыр. – Нақтырақ айтсам, халықтың аяушылығын тудыру арқылы «Болат Назарбаевты кешіре салайық» деген пікір қалыптастыруда. Ал біз қоғам ретінде оның заңсыз іс әркеттеріне баға берілуін талап етуіміз керек. Билік «халықты алдай саламыз» деп әбден үйреніп алған. Ал біз оларға нақты жауап бер деп талап етуіміз керек, – дейді Бейсебаев. «Болат Назарбаев қандай жағдайда болса да жауапқа тартылуы керек. Мәселен қылмыскер бір адамды өлтірген болса, біз оны кешірмейміз ғой. Қоғамда «Болат Назарбаев рейдерлік шабуыл жасады» деген әр түрлі алыпқашпа әңгіме айтылады. Оған жауап берілу керек. Өкінішке қарай біздің билік қылмыстық іс қозғамайды. Не болмаса билік «Болат Назарбаев мөлдір бұлақ секілді тап таза» деп ашық айтуы керек. Олай айтпайды. Тек қана «жанындағы адамдар қылмыс жасады» деп айтылады. Қасындағы адамдар ешқандай бұйрықсыз әрекет етті ме? Бізде осындай түсініксіз жағдай көп…», – дейді сарапшы.

👉Болат Назарбаев сап-сау. Ол жауапкершіліктен жалтаруға тырысуда – журналист Соңғы аптада атышулы Болат Назарбаевтың өлім аузында жатқанын хабарлаған ақпараттар жиілеп кетті. Осыдан кейін жалғанды жалпағынан басқан Бөкеңнен әне-міне айырылып қалардай күй кешкенімізді жасырып қайтеміз? Белгілі журналист Ибраш Нүсіпбаев Болат Назарбаевтың денсаулығына қатысты ақпараттарға күдікпен қарайтынын ашып айтты деп хабарлайды Dalanews.kz. Болат Назарбаевтың денсаулығы туралы ақпараттардың көптеп шығуына қатысты журналистің өз болжамы бар. Осыдан біршама уақыт бұрын “Салиқалы ұрпақ” қоғамдық қорының жетекшілері Тұңғыш Президент Нұрсұлтан Назарбаевтың інісі Болат Назарбаев ұзақ уақыт Германияда ем қабылдап, қиын кезеңді бастан кешіп жатқанын хабарлаған. Қордың мәліметінше, өткен жылдың желтоқсанында Болат Назарбаев шетелде ем алып, кейін дәрігерлердің бақылауымен елге жеткізілген. Содан бері Бөкең жүріп-тұрудан қалып, төсек тартып жатса керек. “Салиқалы ұрпақ” қорының өкілдері Болат Назарбаев өлім мен өмірдің арасында жатқанда өзінің бизнес құрылымдарын бақыламағанын, дүние-мүлкіне айналасындағылар бас-көз болғанын мәлімдеп үлгерді. Алайда журналист Ибраш Нүсіпбаев Болат Назарбаевтың көптен бері төсек тартып жатқанына сенбейді. “Салиқалы ұрпақ” қорының мәліметіне сенсек, Қаңтар оқиғасы орын алмай тұрып Бөкеңнің денсаулығы күрт нашарлап кеткен. Бұл ретте әріптесіміз Қырғызстанның шекара қызметінің 2022 жылдың 6 қаңтарында таңғы сағат 05:30 шамасында Бөкеңнің “Ақ жол” бақылау-өткізу пунктінен өз аяғымен өтіп, 7 қаңтарда Бішкек әуежайы арқылы Дубайға ұшып кеткені жайындағы мәліметті алға тартады. Болат Назарбаевтың дәл сол күні Дубайды бетке алғанын Flightradar24 сервисі де растайды. Осы жайттарды есепке алған журналист “Болат Назарбаев ұзақ уақыттан бері төсек тартып, ауырып жатты дегенге сену қиын” деген пікірде. Иә, Қанды қаңтар кезінде Болат Назарбаев көлікпен қырғызға қарай қашқаны жайында ақпарат тараған еді. Осы ретте 2021 жылдың желтоқсанында дәрігерлер бақылауымен елге жеткізілген Бөкең “2022 жылдың 6-шы қаңтарында көлікке отырып, қырғыз асып, Дубайға ұшатындай күш-жігерді қайдан алды?” деген заңды сұрақ туындайды. Біздіңше, “Салиқалы ұрпақ” қорының таратқан ақпаратынан гөрі Қырғызстанның шекара қызметі мен Flightradar24 сервисінің мәліметі шындыққа жанасады. Осы ретте “Салиқалы ұрпақ” қоры мен Болаттың отбасының Назарбаевты ұзақ уақыттан бері төсек тартып жатқан “тірі өлік” ретінде көрсетуге неліктен әрекеттеніп жатқаны көпшілікті қызықтырары анық. Журналист Ибраш Нүсіпбаев Болат Назарбаевтың қоры өзінің қожайыны жайында шындыққа жанаспайтын ақпаратты таратып, Бөкеңді Қаңтар оқиғасына қатысы жоқ, судан таза, сүттен ақ адам ретінде көрсетуге күш салып жатқанын алға тартыпты. Мұндай жағдайда дімкәс адамның дүние-мүлкін тәркілеу де адамгершілікке жатпайтыны анық. Бірақ Қанды қаңтарда Назарбаевтың қолынан билік сусып шығып бара жатқанда “жеке армиясы” бар Бөкеңнің тыныш жатуы мүмкін бе? Әрине мүмкін емес! Бөкеңнің сойылын соғып жүрген жігіттердің сол кезде баррикаданың қай жағында болғанын кімнің болса да іші сезері анық. Қаңтар оқиғасы кезінде Болат Назарбаев ен жайлайтын Алматы мен Алматы облысында қандай қырғын болғанын білеміз. Журналист Ибраш Нүсіпбаев осы жайттарды басшылыққа алып, Болат Назарбаев қатты науқас адамның кейпіне еніп, мемлекетке опасыздық жасаушылардың сапынан сытылып шығуды көздеп отыруы мүмкін деп топшылапты. Айтпақшы, Бөкеңнің қызы Гүлмира Болатқызы күні кеше ғана «Экспресс К.» басылымының журналистерін үйіне шақырып, әкесінің денсаулығы жайында сұхбат беріп, Бөкеңді қатты сырқат адам ретінде көрсетуге тырысқан-тұғын. Гүлмира Болатқызы «Экспресс К.» басылымына берген сұхбатында әкесінің 2015 жылы бүйректің созылмалы обырына шалдыққанын, Израиль ауруханасында ем алып, бір бүйрегін алдырған, донор көмегіне жүгінгенін айтыпты. Сол кезден бастап клиникалық өлім жағдайына түскен соң, барлық бизнестен бас тартып, тек өзін күтумен болған. Қазір Болат Назарбаев сөйлей алмайды. «Оған себеп: 2021 жылдан бері көмей обырымен ауырады» дейді Гүлмира Болатқызы. Ал бұған сенесіздер ме? https://t.me/dalainside

⚡️Ұлттық Банк базалық ставканы 0,5 пайызға өсірді Бұл инфляцияны бәсеңдетуі мүмкін. Бірақ кредиттік нарық нокаутқа кетті. Сонымен, жаңа базалық ставка +/– 1% дәлізбен жылдық 14,5% деңгейінде қабылданды. Демек, банктер Ұлттық Банктен 15,5 пайызбен қарыз ала алады, ал депозит ұстаса (РЕПО, ноталар) 14,5% жылдық сыйақы алмақ. Теңгенің нарықтағы құны қымбаттап барады. https://t.me/dalainside

🏦Банк Хоум Кредит атауын өзгертті «Home Credit Bank» акционерлік қоғамы атауының өзгеруіне байланысты банктің мемлекеттік қайта тіркеуден өткенін хабарлайды. Осыған дейінгі «Хоум Кредит энд Финанс Банк» акционерлік қоғамының еншілес банкі немесе «Банк Хоум Кредит» АҚ ЕБ атауы келесіге өзгертілді: Ендігі толық атауы: мемлекеттік тілде – «Home Credit Bank» акционерлік қоғамы; орыс тілінде - Акционерное общество «Home Credit Bank»; қысқартылған атауы: мемлекеттік тілде – «Home Credit Bank» АҚ; орыс тілінде - АО «Home Credit Bank». Атаудың өзгеруі банктің ұйымдық-құқықтық нысанының, мекенжайының және өзге де деректемелерінің, сондай-ақ банктің өз клиенттері мен контрагенттеріне қатысты құқықтары мен міндеттерінің өзгеруіне соқтырмайды. Банк бұрын жасасқан барлық шарттар өз күшін сақтайды. Бұл туралы, "DALA инсайд" телеграм арнасына «Home Credit Bank» АҚ баспасөз-қызметі хабарлады. https://t.me/dalainside

⚡Базалық ставка: шешім бүгін шығады Ұлттық банк базалық ставка бойынша кезекті шешімін бүгін жариялауы тиіс. Оның бағыты қандай болады? Төмен әлде жоғары ма? Барлық сарапшылар бір демін ішке бүгіп, осыны күтіп отыр. Оның тіпті осы 14 пайыз деңгейінде өзгеріссіз қалуы да мүмкін. Бір айқын түсінік бар. Ставка төмендемейді. Ол туралы 2 апта бұрын айтылған Ұлттық Банк төрағасы Ғалымжан Пірматовтың сөздерінен түюге болады. Оның үстіне, Мемлекет басшысы инфляцияны ауыздықтау бойынша қатаң шаралар қолдануды тапсырып отыр. Мұндай кезде ешкімнің ставканы түсірмейтіні түсінікті. https://t.me/dalainside сөйлескен экономистер мен қаржы инсайдерлерінің пікірі де осыған саяды. Демек, бүгін ставкадан біз не өсім, не сол орнында қалуын күтуіміз керек. Оның алдында біз ставканың ендігі өсуі кредиттеу нарығындағы қазіргі жағдайды одан әрі ауырлатып жіберетінін жазған болатынбыз. Жеке тұлғаларды кредиттеу нарығының өсуі болашақ дефолттар тәуекелін асырып отыр. Проценттік мөлшерлеме өссе де, кредит алатын адам саны азаяр емес. Бұл проценттің жүктеменің сайып келгенде халықтың иығына артылғанын көрсетеді. Банктердің ортақ кредиттік портфелі 18,5 триллион теңгеге жеткен. Бұл ішкі жалпы өнімнің 22,5 пайызы. Осы 18,5 триллион теңгеден 6,3 трлн теңге халыққа тұтынушылық мақсатта берілген. 6,3 трлн теңге тұтынушылық кредит, 4 трлн теңге ипотека, шамамен 3 трлн теңге автокредит портфелін ескерсек, сонда 18,5 триллионың тек 5 триллионы ғана бизнеске, яғни заңды тұлғаларға бағытталады. Ал ол көлем экономиканы дамыту үшін жеткіліксіз. "Қарапайым заттар экономикасы" сынды бағдарламалар мерзімінің ұзартылып жатқанына қарап, мемлекеттік субсидиялық идеологиядан жақын уақытта айрылмайтынын байқаймыз. https://t.me/dalainside

Қазақстан Президенті ұмра қажылығын өтеді 24 шілдеде Мемлекет басшысы Қасым-Жомарт Тоқаев ислам әлемі үшін қасиетті мекен – Мекке қаласында ұмра немесе кіші қажылығын өтеді. Президент Қағбаның ішіне кіру мәртебесіне ие болды. Оның есігі ерекше жағдайларда және аса сыйлы қонақтарға ғана ашылады. Бұл Сауд Арабиясы басшылығының Қазақстан Президентіне көрсеткен зор құрметін білдіреді. @baq_kz