DALA INSIDE

🌽Республика бойынша ауыл шаруашылығын дамытуда Түркістан облысы алда келеді Түркістан облысы экономикасының маңызды саласының бірі ауыл шаруашылығында өнім көлемі 1 трлн теңгеден асып, республикада көш бастады. Жыл басынан салаға 88,5 млрд теңге инвестиция 💸тартылды. Бұл туралы Орталық коммуникациялар қызметінің алаңында облыстың әлеуметтік-экономикалық дамуы туралы есеп беру барысында Түркістан облысының әкімі Дархан Сатыбалды мәлім етті. – Биыл біз ауыл шаруашылығындағы негізгі өзекті мәселелерге назар аударып, оны жүйелі түрде шешу жолдарын қарастырдық. Біріншіден, жылыжай шаруашылықтарын қолдаудың жаңа тетіктері жасалып, жылыту шығындарын субсидиялау ережесі бекітілді. Биылғы жылға бұл мақсатта 500 млн теңге бөлінді. Сондай-ақ жылыжайларды бір орталықтан қатты отынмен қамтамасыз ету үшін арнайы кооператив құрылып, көмір өндірушілерден тікелей тасымалдау келісілді. Екіншіден, мақта шаруашылықтарын дамыту мақсатында «Global Textile Solution», «TST JETISAY TEXTILE», «Cotton Мақта» және «Tulpar Textile» жобалары жүзеге асырылуда. Нәтижесінде мақта бағасына экспорттық тәуелділікті жоятын боламыз. Сондай-ақ мақта дақылын рентабельділігі жоғары дәндік жүгері дақылдармен алмастыру мақсатында «Жылына 150 мың тонна жүгері дәнін терең өңдеу зауыты» жобасы жүзеге асырылуда. Үшіншіден, су шаруашылығын дамыту үшін «Тұран су» мемлекеттік кәсіпорынның жұмысын жүйелендіру есебінен, каналдарды қалпына келтіру және төтенше жағдайлардың алдын алу жұмыстарын мерзімінде атқаруға қол жеткіздік. Нәтижесінде бюджет қаржысы 28 пайызға үнемделіп, экономикалық тиімділігі 1,5 -2 есе жоғары болды, – деді Дархан Сатыбалды. Егістікті әртараптандыру нәтижесінде көкөніс, бақша өнімдерінен рекордтық 3,3 млн тонна жиналды. Нарықты отандық өнімдермен қамтамасыз ету мақсатында биыл құны 16,7 млрд.тг құрайтын 25 жобаны іске асыру көзделсе, соның құны 14,1 млрд.тг болатын нақты 22 жоба қосылды. Нәтижесінде 396 жұмыс орны ашылды. Салада жаңа технология кеңінен қолдануда. Қарқынды бау 🌳көлемі биыл 5 405 гектарға жеткізілді. Нәтижесінде, өнімділік 5 есеге артып отыр. Бұрын 60-70 центнер болса, қазір 300-350 центнерге дейін өнім жиналуда. Су үнемдеу технологиясы 31 788 гектарға, «Бір алқаптан жылына 2-3 өнім алу» жобасы 9 403 гектарға ендіріліп, суды 2 есе үнемдеуге мүмкіндік берді. Жылыжайлардың жалпы көлемі 1 640 гектарға жетіп, 140 мың тонна өнім жиналды. Мал шаруашылығының дамуы бойынша облыс республикада алдыңғы орында. Мал басы және өнімділігі орташа есеппен 5%-ға өсуде. Ет экспорты 🥩бойынша облыс республикада алдыңғы орында. Ірі қара мал етінің үлесі 85%, ұсақ мал – 60% құрайды. 10 мың тонна ірі қара мал, 4,6 мың тонна қой еті экспортқа жөнелтілді. Айтқандай, арнаға тіркелуді ұмытпаңыз👇 https://t.me/dalainsideһ

💥Петропавлдағы провокация: Жаңа Қазақстан төрт сепаратиске жақсылап сазайын берді... Биыл наурызда Қызылжар қаласының қақ ортасында Пүтекеңе арқа сүйеген бірнеше коллаборант үндеу жасап, үй ішінен үй тігуге ұмтылғанын DALA INSIDE жұрттың алды болып жазып, дабыл қаққан. Бүгін арнамызға жеткен ақпарат бойынша сол бұра тартқан сепаратистерге қатысты үкім шығыпты. Бүлікшілер заң алдында лайықты жазасын алатын болды. Бұл жағдай үй ішінен үй тігуге ұмтылған өзге коллаборанттарға сабақ болары сөзсіз. Есіңізде болар, әлгі коллаборанттар 19 наурызда Петропавлдағы колледждің бірінде жиын өткізіп, алдын-ала жазып, дайындап алған "Солтүстік Қазақстан облысы Петропавл қаласы еңбеккерлерінің халықтық кеңесінің" декларациясын жариялап, айды аспаннан шығарған. Елдігімізді мансұқтайтын әлгі "псевдоқұжатта" Қазақстанның егемендігіне күмәнмен қарап, тіпті оны алаяқтық әрекет деп бағалайтынын білгенде талайдың талағы тарс айырылған еді. Осыдан кейін бір кебісті, бір кебіске тыққан сепаратистермен "үш әріп" шындап айналыса бастады. Бізге жеткен мәлімет бойынша қоңырсытып әңгіме айтып, тәуелсіздігімізді мансұқтағандардың саны - төртеу. Тіпті, коллаборанттың біреуі үйінде заңсыз қару сақтағаны да әшкере болды. Демек, олар қандай да бір іске тас-түйін бекінгені анық... Бұл істі тергеп-тексеру барысында сепарлардың аяқасты пайда болып, атышулы "үндеуді" бір сәтте жасамағаны мәлім болды. Олар 2021 жылдың күзінен бастап, өздерінің жымысқы әрекеттерін белсенді жүргізе бастаған. Айталық, Вячеслав Зудерман есімді коллаборанттың нұсқауымен "Народный Дозоръ. Петропавловскъ", "Народный Совет. СКО, Петропавловск", "Народный Совет. Петропавловск, СКО" деген телеграм арналар құрылып, оған өзге белсенділер Елена Болдырева, Мәдина Қапарова, Ольга Бережновалар қатысып, Ата заңға қайшы ақпараттарды ашық жариялай бастаған. Ал сепаратистік әрекеттің кульминациясы биыл 23 наурызда орын алды. Бұлар өздерінің "декларациясын" жариялаған болатын. Енді коллаборанттардың сол әрекеті өздерінің басына таяқ болып тиді. Жаңа Қазақстан сепаратистік әрекетке жол берген 4 коллаборантқа жақсылап сазайын берді. Бүгін Петропавл қалалық соты бүлікшілердің топбасшысы Вячеслав Зудерманды 9 жылға, өзге үшеуін 7 жылға бас бостандығынан айыру турасында шешім шығарды. Ендігіде Кремльге қарап ұлитындар Қазақстанның тұтастығына қатысты әңгіме айтқанда абайлап сөйлейтін болады. Айтқандай, арнаға тіркелуді ұмытпаңыз👇 https://t.me/dalainside

🎬"Қара теңіз пикчерс": ресейліктер күні бойы кино түсірді Каспий құбыр консорциумы бүгін дауылдың қырсығынан жұмысын тоқтатып, қазақ мұнайын Еуропаға тасуды паузаға қойған болатын. Кремль осы жағдайды Қазақстанның саяси әрекет деп қабылдайтынынан қорқып, түстен бері Новороссийск жағалауындағы дауылдың видеосын Ақорда мен қазақ ақпарат құралдарына толассыз жолдауда. Қырым түбегінде дауылдың жүріп жатқаны рас. Бұл жолғы кідірістің саяси ойын емес, табиғи құбылыс салдарынан тоқтаған техникалық факт екенін "Сол жағалау" әу бастан оңай түсінсе де, мәскеудегілер кино түсіріп әбден әуреленді. Оның өзіндік себебі бар. Қазір КТК құбырын қазақ мұнайы толық толтырып тұр. Келесі жылы КТК-мен 67 миллион тонна мұнай (KEBCO) айдаймыз деген жоспарымыз да бар еді. Бірақ қазақтар жақында Абу Даби портымен бірлесіп екі ірі танкер сатып алды. Дедвейті үлкен екі танкер таразы салмағын КТК-дан Баку-Тбилиси-Жейхан құбырына оңай ауыстыра алады. КТК-мен бәлсіну, оны саяси ойын құралына айналдарудың ғұмыры қысқа екенін кремльдегілер енді жақсы түсінді. Ал КТК Қазақстанды өз уысында ұстап тұратын жалғыз тетік еді. Тек сол тетікті Ресей орынсыз эмоциямен қозғап келгені рас. Не болса да, ресейлік режиссер бүгін Астанаға дауылды астынан да, үстінен де, артынан да, алдынан да көрсетті. Голливуд "сыртта қобалжып темекі шегіп тұрғандай" болды. Ал DALA INSIDE дереккөзі "Сол жағалаудың" "температурить етпе, Джеки Чан" деген сарындағы жауап бергенін айтуда. DALA INSIDE солтүстіктегі Джеки Чандарды жақсы зерттеп, бақылап отыр. Россотрудничество желтоқсан айында қазақ қоғамы Путинді жақсы көру үшін биыл не істегені туралы Мәскеуге есеп береді. Оны сол жақтағы дереккөзіміз асыға күтуде. Температурить етпей, арнамызға жазылып алсаңыз болады 👇 https://t.me/dalainside

Атырау МӨЗ – технологиялық жағынан ТМД бойынша көшбасшылардың бірі Атырау мұнай өңдеу зауыты Нельсон күрделілігі индексінің 13,9 мәні бойынша (2023 жылдың қарашасында) бүгінде тек Қазақстанда ғана емес, бүкіл ТМД аумағында анағұрлым жоғары технологиялы мұнай өндіретін зауыттардың бірі болып саналады. ℹ️Нельсон (NCI) күрделілік индексін 1960 ж. Уилбурм Нельсон түрлі мұнай өндіруші зауыттардың технологиялық күрделілігін саралау және санын бағалау үшін жасап шығарды. Бұл индекс мұнайды бастапқы өңдеу қуатымен салыстырғанда екінші рет өңдеу процесін дамыту дәрежесін көрсетеді. NCI 1-ден 20-ға дейінгі шкала бойынша өлшенеді, бұл жерде төменгі шкалалармен сапасы төмен отын өндіретін (мәселен, мазут немесе пеш отыны) қарапайым мұнай өңдеу зауыттары сипатталады, ал жоғары көрсеткіштер жоғары сападағы отын түрлерін өндіретін анағұрлым күрделі және қымбат зауыттарға тән. Индекс есебі әрбір зауыттың технологиялық жағдайына қарай жүргізілетін арнайы формула бойынша есептеледі. ℹ️ Мысалы, каталитикалық крекинг қондырғысының (мұнай өңдеудің екінші кезеңіндегі құрылғы) коэффициенті 4-ке тең, яғни ол осындай өнімділігі бар шикі мұнай айдауға арналған қондырғыға қарағанда төрт есе күрделі (бұл бастапқы өңдеу қондырғысы, оның күрделілік коэффициенті 1-ге тең). Нәтижесінде бастапқы өңдеу қуатына қатысты екінші рет өңдеу процесін дамыту деңгейі анықталады. ℹ️ ҚазМұнайГаз үш мұнай өңдеу зауыттарындағы бірнеше жыл бойына қосымша техникалық қуат қосу және жаңғыртудан кейінгі Нельсон индексі мынадай: Атырау зауытында — 13,9 (32 технологиялық қондырғы), Павлодар зауытында — 10,5 (21), Шымкент зауытында — 8,2 (23). ℹ️ Салыстыру үшін: анағұрлым заманауи американдық және ресейлік МӨЗ-ында Нельсон индексі шамамен 16-17 және одан жоғары болады. Орташа есеппен АҚШ-тың мұнай өңдеу зауыттарындағы индекс мәні 10-13 аралығында, ал Ресейдегі МӨЗ бойынша Нельсон индексі шамамен 7,5 болады. ҚМГ: Күш – білімде! 🖥#KMGFacts

🪨Астана Тасмағамбетовты ОДКБ-дан алып тастамақ Кремль бұлбұлы Мәскеу базарынан көңілсіз қайтатын болады дейді, DALA INSIDE дереккөзі. Себебі, ОДКБ төрағасы Иманғали Тасмағамбетов Мәскеуде Қазақстанның сыртқы дипломатиялық көзқарасына мүлдем керағар мәлімдемелер жасай бастады. Тіпті Астанаға келген Франция президенті Эмманюэль Макрон Тасмағамбетов туралы Мемлекет басшысы Қасым-Жомарт Тоқаевтың пікірін білгісі келген. Макрон Еуроодақ атынан Тоқаевқа "Тасмағамбетовтың сөздері Қазақстан саясатының аясында айтылып жатыр ма?" деген ауыр сұрақ қойды. Қасым-Жомарт Тоқаев бүгін Минскте өткен ОДКБ саммитінде Тасмағамбетовке дипломатиялық емеурінмен нақты сигнал бергенін көрдік. "ҰҚШҰ-ға мүше мемлекеттердің қауіпсіздігіне қатер төніп келе жатқанын, егер ондай қауіп болса да, оны үнемі айта берудің қажеті жоқ деп ойлаймын. Түптеп келгенде, қауіп-қатер әрдайым болған. Халықаралық қоғамдастықтың болмысы осындай. Бұл тақырыпты қайта-қайта көтеру, бізді әлдекімнен қорқатындай көрініс қалыптастырады. Мұндай мәлімдемелер мүлде қате түсінікке алып келуі мүмкін, тіпті қазірдің өзінде солай болып көрінеді. Қатысушы мемлекеттердің абырой-беделін және олардың әскери-саяси әлеуеті мен қуатын ескере отырып, Ұйымның риторикасы қатал, әйтсе де белгілі бір деңгейде қисынды болуға тиіс, – деді, Тоқаев. Тасмағамбетов ОДКБ төрағалығына отырып алып, тура Путин мен Лукашенко сияқты "Ұжымдық Батыс қауіп төндіріп тұр. АҚШ, Еуропамен күресу керекпіз" деген сарындағы пластинаны қайта-қайта айналдыра бастады. Онысы Путинге майдай жақса, Ақорданың ашуын келтірген. Себебі Қазақстан өзін ОДКБ-ның батысқа айдап салуына мүлдем қарсы. Ал Иманғали Нұрғалиұлы Қазақстан азаматы болғандықтан, оның осы қылығы бізге Еуроодақ пен АҚШ санкцияларын алып келуі әбден мүмкін. Бір қызығы, Лукашенко Тасмағамбетовке "Бәкиев сценарийі" бойынша гарантия беріп қойған. Егер "Жаңа Қазақстан" мен "Ескі Тасмағамбетов" арасы суып жатса, онда Тас Қазақстанның көк паспортын жыртып тастап, сол сәтте Беларусь азаматтығын ала алады. Бұл ұсыныс Нургалиевичке ұнаса да, оның түпкі жоспары басқа. Қазақстан 2024 жылдан бастап ОДКБ төрағалығын қолына алады. Жаңа жылдан бастап Тасмағамбетов мандатын тапсырса, "Сол жағалау" оның орнына ОДКБ басшысы қылып үйде жұмыссыз жатқан Ералы Тоғжановты жіберуді ойластыра бастады. Тоғжанов бір ай болды үйде кішкентай бала бағып отыр. Егер Қазақстан ОДКБ-ны ыдыратуды мақсат етсе, онда Ералы Тоғжановтан артық кандидат жоқ. Тоғжанов кез-келген шаруаны жарты жылдың ішінде кері кетіріп, үлкен жобаларды ірітіп жібере алатынын бірнеше рет дәлелдеді. Тас неге өйтті? Иманғали Нұрғалиұлы Қазақстан өзін кезінде бағаламады деп санайды. Ал Ресей керісінше оны бағалап, көтермелеп, көпшік қойып, өз мақсатына пайдалана бастаған. Тасмағамбетов баяғы амбициясын жоғалтқан жоқ. Сол себепті, 2029 жылы президенттік сайлауға түсу сценарийін ойластырып отыр. Және Кремль мен ФСБ қолдауын сұрады. Кремль Тасмағамбетовты соңына дейін қолдап, Қазақстан президенті қылуға дайын. Тек Иманғали Тасмағамбетов өз кезегінде Қазақстанды Ресей-Беларусь одағына кіргізіп, кіші КСРО құруға барынша ат салысуы тиіс. Әзірге Кремль Тасмағамбетовке Татарстаннан жақсы ақша түсіп тұратын бизнес беріп қойды. Иманғали Нұрғалиұлы биылдан бастап өзінің шын қожайыны Владимир Путин екенін анық түсінді. Қасым-Жомарт Тоқаев Тасмағамбетовтың бұлай өзгеретінін еш күтпеген болатын. Сондықтан, енді жедел қимылдамаса ертең жағдай ушығып кетерін Ақорда аналитиктері біліп отыр. Кремль мен "Ескі Қазақстан" күш біріктіріп, Тасмағамбетовке дем берсе, болашақта қазақ елінің тәуелсіздігіне қауіп төнетін болады. DALA INSIDE Иманғали Нұрғалиұлын жіті мониторингке алды. Тас түскен жеріне ауыр. Осынау қиын-қыстау заманда бізге жазылып алыңыздар. Бірге болайық👇 https://t.me/dalainside

🌇Семейді дамытудың Бас жоспары әзірленуде – Нұрлан Ұранхаев Бүгін Астанада қаласындағы Орталық Коммуникациялар қызметінің баспасөз мәслихатында🎤 журналистермен кездескен Абай облысы әкімі Нұрлан Ұранхаев Мемлекет басшысы Қасым-Жомарт Тоқаевтың тапсырмасын іске асыру аясында Семей қаласын дамытудың Бас жоспарын әзірлеу жұмыстары жүргізіліп жатқанын мәлімдеді. Өңір басшысы журналистермен жүздесуде Семей қаласының төңірегіндегі 32 елді мекенді дербес облысқа біріктіру жұмысы басталып, қызу қолға алынған жеткізді. – 2023 жылы Семей қаласын абаттандырып, көгалдандыру ісіне 3, 5 млрд теңге көлемінде қаражат бөлінді. Бүгінде қаладағы 70 ауланы абаттандыру жұмыстары аяқталып, 41 көпқабатты тұрғын үйдің қасбеттері жөнделіп, 9 тұрғын үйге қабырға суреттері салынды, – деді облыс әкімі. Нұрлан Ұранхаев журналистер қауымына Семей қаласындағы Ертіс өзені арқылы өтетін жаңа, төрт жолақты, көпір құрылысы жүріп жатқанын да айтты. Көпір құрылысын 🏗2025 жылы аяқтау жоспарланған. Аспалы көпірді жапон мамандары тексерген. Айта кетуіміз керек, көпір астында кеңістіктер пайдалануға берілді. Ал Семей қаласындағы Жамақаев және Мәңгілік ел көшелерінде жаяу жүргіншілер жолы мен қоғамдық орындар жасалып, этноауыл салынуда. Сонымен қатар қалада жер асты өткелдері жөнделіп, жылы аялдамалар орнатылған. Әкім алдағы жылы Ертіс өзені арқылы жаяу жүргіншілер көпірі мен Бейбітшілік аралына балалар теміржолын салу жоспарда бар екенін жеткізді.

💥Жамаубаев ұйқыдан айрылды. Қазақтың Әлиханында да маза жоқ Қазақстан Үкіметі жыл соңына таман қатты қинала бастады. Қаржы министрлігі салық жинаудың оптимистік жоспарын орындамағандықтан Ұлттық қордан алынуы тиіс, Парламентпен бекітілген трансферттер бюджет дефицитін жабуға жетпей жатыр. Сондықтан Үкімет Парламентті айналып өтіп, трансферттерді жыл соңына дейін жеткізу үшін Ұлттық қор мен Қазмұнайгаз акцияларына қатысты махинацияға бару мәжбүр болды. Қазмұнайгаз 1,3 триллион теңгенің акциясын Ұлттық қорға сатты да, сол ақшаны Үкіметке берді. Енді Ұлттық қор өз балансында ҚМГ акцияларын ұзақ ұстап отырмақ. Себебі мұндай көлемді бірден нарыққа шығарса, онда ҚМГ акциялары құлдырап, қор биржасында паника басталар еді. ҚМГ акциялары құлдыраса, онда Ұлттық қор активтері де бірден қысқара бастайды. Бюджет дефицитін қаржыландыру жыл санап ауыр бола бастаса да, қазақтың Әлиханы - Премьер-Министр Әлихан Смайылов бюджеттің шығыс бөлігін, әсіресе әлеуметтік блокты қысқартуға бара алмай отыр. Келесі жылы Жоғары аудиторлық палата бұған міндетті түрде назар аударары сөзсіз. Үкімет қиын жағдайда қалды. Экономика өссе де, бюджеттік кризис ушығып барады. Ең қиыны, оның шешімі жоқ. Қазақтың Әлиханы үшін жаңа, креативті жолдар іздеуге тура келеді. DALA INSIDE қазақтың Әлиханы қабылдап жатқан шешімдерді үнсіз бақылап отыр. Бізге жазылып алыңыздар https://t.me/dalainside

🔥"Словения - Казахстан" матчынан ₸20 000 дейін қайтару мүмкіндігі 🇰🇿Қазақстан құрамасы тарихи оқиға қарсаңында тұр. Біздің ұлттық командамыздың Еуропа чемпионатының финалдық бөліміне шығуына бір қадам қалды. Аңызға айналған нәтижеге жету үшін Магомед Адиевтің шәкірттері Словенияға қарсы ойында жеңіске жетуі керек. Иә, біз аутсайдерміз. Бірақ қазақстандық футболшылар бұл іріктеуде бірнеше ауыр ойындарды өз пайдасына шеше білді. 🔵Егер сіз Қазақстан құрамасына сенсеңіз, онда 1xBet компаниясы осы матчта жеңіске жету мүмкіндігіңізді арттырады! Арнайы дайындалған "Тәуекелсіз ұтыс тігу" акциясы сіздің болжамыңыз сәтсіз болған жағдайда. 20 000-ға дейін қайтаруға көмектеседі. 🔥Ойынға ұтыс Барлық оқиғалардан, сондай-ақ супержүлделер мен фрибеттерден хабардар болыңыз

Құрметті мұнай-газ кешенінің қызметкерлері, әріптестер! Биыл біз алғаш рет қарашаның үшінші сенбісінде Бұрғышылар күні кәсіби мерекесін атап өтіп отырмыз. Қойнауы құтты еліміздің жерасты байлығын ашу, қайнар көзін табу — бұрғышылардың еңбегінің арқасында атқарылады. Тұңғиықты тірілтіп, жер бетіне шығатын байлықтың Отанымыздың қазынасына құйылуына жол ашатын Сіздерсіздер! Қазақ мұнайының тарихында даңқты бұрғышылардың қатарында Ембі өңірінен шыққан еңбек ерлері, барлау экспедицияларының қатысушылары — Сабырғали Зорбаев, Зинел Балгенжиев, Әбілғазы Махутов пен Ақаш Мұхамбаев, Өзен кенішін алғаш ашқандар — Рахым Серікбаев, Жауғашты Балабатыров, Жаңбырбай Жайлығараев, Болатбай Қарамұрзаев, Ғазиз Әбдіразақов, майталман мұнайшы Нәсіпқали Марабаев, Маңғыстау мұнайын игеруде қажырлы еңбек еткен Қойшыбай Үсенов және басқа да көптеген есімдерді құрметпен атап өткіміз келеді. Сіздерді Бұрғышылар күні — кәсіби мерекесімен шын жүректен құттықтаймын! Сіздерге зор денсаулық, еңбекте табыс пен жарқын жетістіктер тілеймін. Ізгі ниетпен, Мағзұм Мырзағалиев, «ҚазМұнайГаз» ҰК АҚ Басқарма Төрағасы

⛽Сұйытылған газдың төңірегіндегі ажиотаж өтпелі: паникаға бой алдырмаңыз! Шымкент мұнай өңдеу зауытында сұйытылған газды өндіру және жөнелту жоспарға сәйкес тұрақты жүргізіліп жатыр. Егжей-тегжейі осы жерде👇 https://halyq-uni.kz/ekonomika/27979-shymkent-moz-suiytylgan-gazdy-shtattyk-rezhimde-tiep-zhoneltip-zhatyr/

🕌Нұрбол мен Ербол Назарбаевтарға 40 күн берілді Марқұм Болат Назарбаев мемлекет меншігін заңсыз иелену бойынша қылмыстық іс орбитасында болған, бірақ соңғы алты айда оның денсаулығы күрт нашарлағандықтан ведомствоаралық тергеу тобы ол ақпаратты ешкімге жарияламай келді дейді, DALA INSIDE дереккөзі. Қазір прокурорлар мен Қаржылық мониторинг агенттігі "Бөкеңнің қай мүлкін мемлекетке қайтарамыз?" деген мәселені реттеп жатыр. Құзырлы органдар "Жаңа Қазақстан" тарапынан "ешкімнің көңіліне қарамай батыл қимылдаңдар" деген сигнал алған. Сондықтан, Болат Назарбаевтың ең қомақты мұрагері мемлекет болып шығуы ғажап емес. Бөкеңнің артында 9 заңды баласы, одан бөлек онға жуық заңсыз бала қалды. Оның ішінде бәйбішенің ұлдары - Нұрбол мен Ербол Назарбаевтардың қолдары ұзын және барынша көп мұраға таласы бар. Дала заңы бойынша құқық қорғау органдары марқұмның қырқы берілгенін күтпек. Одан кейін мемлекет те үлес бөлу барысына белсенді кіріскелі отыр. DALA INSIDE дереккөзі Бөкеңнің "завещаниесі" бар дейді. Алайда Болат Назарбаев өсиеті бойынша мұрагерлік ісі оның қырқы берілгеннен кейін ғана қаралатын болады. Бөкеңнің "Қара тізімі" Болат Назарбаев қазасы қоғамда екіұдай сезім тудырып, тіпті оның өлімін жағымды жаңалық ретінде қарсы алғандар аз болмағандықтан, туыстары мен балалары біраз даңдайсып кеткен жазғыштардан кек қайтармақ. Тізімде Бөкең туралы зерттеу жасаған журналистер, ол туралы жағымсыз айтқан желі қолданушылары да бар. Дегенмен, ол кектің қандай формада болатыны белгісіз. Бірақ, кек алмақ түгіл, Бөкең әулеті өз активтерін сақтап қалу жолында "басымен қайғы" болатын сияқты. Ал Нұрбол мен Ербол Назарбаевтар кез-келген уақытта сотталып кетуі мүмкін. Себебі гарант кеткеннен кейін, ешкімге гарантия берілмейтіні айдан анық. Болат Назарбаевтың мұрасы DALA INSIDE назарында болады. Ол мұраны бірге бақылау үшін, бізге жазылып алыңыз 👇 https://t.me/dalainside

⚡️Путиннің Қазақстан сапарының сыры неде? Соңғы апта бойы Астанадан қонақ үзілмеді. Соның ішінде Путиннің келісі қызу талқыға түскені рас. 2024 жылы Ресейде президент бәйгесі басталмақ. DALA INSIDE-қа мәлім болғандай желтоқсанда Мәскеу сайлау күнін ресми жариялайды, ал Путин, алдағы аптаның бірінде сайлауға түсетінін мәлімдейді. Осы орайда 🇷🇺 Кремльге іргедегі елдермен арасы суып кетпегенін дәлелдеу аса маңызды болмақ. Қазақстан осал ойыншы емес, экономика жөнінен Еуразиялық одақта екінші, ал кіндік Азияда көшбасшы орында тұр. Сапар мақсаты - (Путин үшін) ұпай жинау. Атап айтқанда, Батыс әлемінде Кремльдің алыс-жақындағы елдермен барыс-келісі күшеюде деген пікір қалыптастыру. Тоқаев пен Путиннің пікір алмасуы Астана үшін маңызды мәселелер төңірегінде өрбіді. Соның ішінде екі елдің Энергетика министрлігі арасындағы меморандумға назар аудару қажет. Құжат «Көкшетау», «Семей» және «Өскемен» ЖЭО-сының құрылысын қамтығалы отыр. Екібастұздағы апат елдегі энергоқұрылымның азып-тозып, іріп-шіріп тұрғанын дәлелдеді. Осы бағытта Ресейдің көмегіне жүгінген билік үлкен әлеуметтік конфликтінің алдын-алуға мүдделі екенін аңғартты. Ресми мәлімдеме бойынша, тараптар атом тақырыбын жабық есік жағдайында талқылаған. "Росатом" Қазақстандағы ядролық медицина орталығының құрылысын жүргізуге құлшынып отырғанын форум аяқталғанда бірақ білдік. Ресей алпауытының бас директоры Алексей Лихашев пен «Қазатомпром» төрағасы Мейіржан Жүсіповтың Тоқаев пен Путиннің кеңейтілген форматтағы келіссөзіне қатысқаны мәлім болды. Демек, АЭС туралы сөз қозғалған. Мұндай мәселедегі "үнсіздік режимі" көбіне келіссөздердің шешуші кезеңге өткенін аңғартады. Путиннің Қазақстанға Макроннан кейін келгенін ескерсек, ресейлік мердігердің атом электр станциясын салу жұмысына қатысу мүмкіндігі сәл болсын жоғары тұрғанын мойындау қажет. Кремль бұл жобаға француздардың қатысуы екіталай деп топшылайды, десе де Макронның ұсынысы "РосАтомды" қобалжытып қойған. Астана мен Мәскеудің назарына іліккен келесі мәселе - қорғаныс саласы. Ресей тарапынан бұған Қорғаныс министрінің орынбасары Александр Фомин мен Әскери-техникалық ынтымақтастық жөніндегі федералды қызмет директоры Дмитрий Шугаев қатысты. Тараптар тек ҰҚШҰ-ның күн тәртібімен шектелген жоқ: Қазақстан әскерін модернизациялау мақсатында қару-жарақ жеткізу мәселесін шым-шымдап сөз етуі бек мүмкін. Тоқаев бұған дейінгі Қауіпсіздік кеңесінің отырысын осы мәселеге арнағаны белгілі. Бірлескен мәлімдемеде Мемлекет басшылары біраз мәселенің шетін қайырған тәрізді: «Екі мемлекеттің қауіпсіздік кеңесі, қорғанысы, құқық қорғау органдары мен арнаулы қызметтері қарым-қатынасын тереңдету» ұсыныстары, «Терроризмге қарсы күресті» күшейту ғана емес, сондай-ақ «Ақшаны заңдастыруға» қарсы іс-қимыл әрекеттерін де қозғаған сыңайлы. Шетелге заңсыз жылыстаған қаражатты Қазақстанға қайтару актуалды тақырып. Алайда қазіргі жағдайда мұндай «нәзік» мәселені Мәскеуден тыс шешуге болмайтын тәрізді. Арнамызға тіркеліп алыңыз👇 https://t.me/dalainside