DALA INSIDE

🏦 Тоқаев vs банктер: Президенттің пайыздық ставканы төмендету идеясы лоббистердің қарсылығына ұшырады… Қазақстандағы Қаржыгерлер қауымдастығы президент Тоқаевтың кепілсіз кредит мөлшерлемесін 44 пайызға дейін төмендету бастамасына қарсы келіпті. «Қарсы келді…» дегенге таңғалмаңыз. Назарбаев дәуірі келмеске кеткен. Президенттің әулие емесін Түркістандағы жиында Тоқаев та нығыздап айтқан. Бірақ бұл арада «қарсылықтың» контексіне үңілу қажет: Қазақтардың бас-басында кредит. 7,5 млн адам жалақы түсе сала, банк бөлімшесіне жүгіреді. Халықтың банктерге берешегі соңғы бір жылда 30 пайызға ұлғайып, 7,7 трлн теңгеге жетіп жығылған (долларға шаққанда 17,2 млрд). Кредиттік бюроның дерегінше несиесін уақтылы өтей алмаған 1,5 млн адам "қара тізімге" енген. Банктер олардың соңына коллекторлар мен сот орындаушыларды салып қойған. ❗️Пайыз мөлшерлемесін төмендетуге талпынған Тоқаевқа кімдер қарсы келді? DALA INSIDE бұл ретте Bloomberg-те жарық көрген даулы мақаланы жақсылап шолып шықты. Президенттің несие ставкісін 44 пайызға түсіру идеясы әуел бастан Қазақстандағы Қаржыгерлер қауымдастығының қарсылығына ұшыраған. Құрамында 150-ден аса ықпалды мүшесі бар лоббистік топ Тоқаевтан тиісті тапсырма алған Ұлттық банкке қысым көрсеткен. Bloomberg-ке пікір білдірген, алайда атын атаудан қауіптенген азаматтар келесідей inside-пен бөлісіпті: «Ұлттық банк (регулятор) қаржы лоббистерінің тегеурініне төтеп бере алмады. Тоқаевтың пайыздық ставканы төмендету туралы тапсырмасы орта жолдан кейін қайтты. Президент әкімшілігінен қоңырау түсіп, бұл мәселені кейінге шегеру туралы бұйрық берілді". Қазақстандағы Қаржыгерлер қауымдастығы дегеніне жетіп, кредит мөлшерлемесін қазіргі көрсеткіштен сәл-пәл төмен деңгейде (56 пайыз!) сақтап қалған. Осыған қарап-ақ қазақстандық банктердің саяси жүйедегі ықпалын бағамдай беруге болады. Регулятордың талабына бағынса отандық финтех-компаниялардың табысы төмендері түсінікті. Олардың одан өзге аргументі жоқ. Ал банктерді түтіп жеуге дайын отырған 1,5 млн адамды қайда қоясыз? Жаңа Қазақстан үшін бұл өте-мөте қауіпті прецендент… Банктерді әуексітіп жаман үйреткен Назарбаев жүйесі өткен 30 жылда қаржы институттарын "құтқаруға" 18 млрд доллар бағыттаған! Бұл сіз бен біздің салығымыздың ақшасы. Банктер? Олар жақсылыққа жақсылықпен жауап қата алмады. DALA INSIDE бұл дауға әлі нүкте қойылған жоқ деп пайымдайды. «Ескі Қазақстаннан «мұраға» қалған мың-сан мәселені шешуге уәде еткен Тоқаев кредиттік секторды сабасына түсіруі тиіс» деген көмескі үміт бар. Бұл туралы әлі де айтамыз. Лайк басуды және арнаға тіркелуді ұмытпаңыз👇👍 https://t.me/dalainside

👊Жаңа Қазақстан Шораевқа жау емес. Билік ішкі қайшылықтың ушыққанын қаламайды. Бірақ бір нюанс бар... Қаржы мониторингі агенттігі қазақ күресінен "Қазақстан барысы" жарысына мемлекет бөлген миллиард теңгенің қалай жұмсалғанын тексере бастады. Бұл - Арман Шораевқа жасалған ескерту деп топшылауға болады. Себебі, соңғы кездері Арман Шораев мемлекеттің сыртқы саясатына кәдімгідей әсер ете бастады және ішкі градусты да барынша қыздырып келеді. Кеше Арман Шораев: "Менің айналамды заңсыз тіміскілеп, адвокаттардан “Арман билікке келсін, жолықсын, анаусын қойсын, мынаусын қойсын...” деген сәлемдеме жолдағаннан түк шықпайды! Мен жүзеге асырған “Қазақстан Барысы” жобасын да тілге тиек етіпсіңдер, айналайындар, идея менікі болғанымен, бұл жоба қазір халықтың қазынасына айналған. Аталарыңның асы мен наурызда ғана естеріңе түсетін қазақ күресін, түйе балуандарды елге танытып, сондай жоба жасасаңдар, сендерге кім “қой” деді?! Мені қаралап, жемқор қылып, халықтың алдында қарабет қылуды көздеген екенсіңдер, ақ жол! Бір қуанатыны - қазір халық өзгерген, көзі ашық, билік не айтса соған құлдық ұрмайтын қоғам қалыптасып келе жатыр! Сол үшін де сендердің сапарларың қысқа!", - деп жазба қалдырған. Бүгін оған билік Қаржы мониторингінің атынан жауап берді. Ақорда мен Шораев арасындағы араздық Парламент сайлауы кезінде ушықты. Арман Шораев түскен учаскеден Дәулет Мұқаев жеңімпаз деп танылып, ол Арманның сайлауды әділсіз деп танып, билікке біраз "сөздер" айтуына себеп болды. ❗️ "Кезінде Шораевқа "Қазақстан барысына" бюджеттен ақша алмай-ақ қою керек еді" деп пайымдайды DALA INSIDE. Бюджетпен байланыс - кез-келген белсендіні ноқтада ұстаудың заңды және ұтымды құралы. "Ескі Қазақстан" да өз заманында Матаев, Жаманқұлов сияқты тәуелсіз тұлғаларды осы арқылы "мамалатқан" болатын. "Жаңа Қазақстан" VS Шораев" сериясы ұзаққа созылмайтын сияқты. Турбулентті заманда мемлекет ішкі қайшылықтарды тез шешіп тастағысы келіп тұр. Себебі "Жаңа Қазақстанның" ішкі және сыртқы жаулары көбейіп барады. Олар кез-келген мүмкіндікті пайдаланып қалуға кет әрі емес. Шораев туралы әлі де жазамыз. Арнамызға жазылыңыздар 👇 https://t.me/dalainside

⚡️Шах және мат: Анатол Стати Смайылов үкіметінің жалған есебін әшкереледі Анатол Стати Жаңа Қазақстанның халықаралық аренадағы репутациясын кірлетуге қызу кірісіпті. DALA INSIDE атышулы бизнесменге тиесілі Tristangate.com сайтында жарық көрген даулы мақалаға талдау жасады. Статидің сөзіне сенсек, Тоқаевтың тұсындағы Қазақстанға тартылған тікелей шетелдік инвестиция (ТШИ) анау айтқандай ауқымды емес. Смайылов үкіметі президентке "2022 жылы Қазақстанға келген ТШИ көлемі 28 млрд долларға жетіп, рекорд жаңартты" деген есеп берген. Статидің айтуынша бұл 2012 жылғы көрсеткіштен көп төмен. Әлгі 28 млрд-дің шығу тегі де күмәнді… Тікелей шетелдік инвестицияның 40 пайызы Швейцария мен Голландиядан ауған. «Алайда бұлардан келетін қаражат Қазақстанда ұзақ аялдамайтын, экономикаға еш үлес қоспайтын, жұмыс орнын құрмайтын "фантомды" (елес) инвестиция. Аталған елдер Қазақстанды аралық алаң ретінде пайдаланып отыр. Қазақ билігі транзитті капиталды инвестиция есебінде көрсетіп, елді де, өзін де алдауда», - дейді Tristangate. Статидің айтуынша, Қазақстанның негізгі инвестәріптестері Қытай, Франция, Ұлыбритания және Германиядан құйылған инвестиция көлемі 2012-мен салыстырғанда 40 пайызға құлдыраған. «Смайылов үкіметінің Голландиядан жеткен тікелей инвестиция соңғы екі жылда 16 пайызға артты деген есебі де жалған. Осы күнге дейін ешбір голланд компаниясы Қазақстанға қомақты инвестиция құйғанын ресми хабарлаған емес…», - дейді молдав бизнесмені. Сөй деген Стати Жаңа Қазақстанға ақша салуға ниетті шетелдік инвесторларға үн қатып, біздің елден аулақ жүруге үгіттепті. Солай. Ескі Қазақстаннан «мұраға» қалған «Стати ісі» Тоқаевқа тыным бермейтін түрі бар. Осыдан 13 жыл бұрын қазақ билігі Анатол Стати мен оған тиесілі Tristan Oil компаниясының активтерін кәмпескелеген. Содан бері тараптар соттасумен келеді. Осыған дейінгі бірнеше инстанцияда жеңілдік. Күні кеше Швецияның Жоғарғы соты Қазақстан Ұлттық банкін Стати ісі бойынша шағымдану құқығынан айырды. Ағайынды Статилер бізден 500 млн 💰 талап етуде. Экс-әділет министрі Марат Бекетаев тісқаққан кәсіпкермен соттасам деп 300 млн долларды жаратып жіберген. Анатол сұрап отырған 500 млн-ға жылына 25 млн доллар процент қосылуда. Жаңа Қазақстан Статимен салғыласып опа таппайтын сынды. DALA INSIDE қа жеткен мәлімет бойынша молдавиялық бизнесмен алдағы уақытта Тоқаевтың инвест саясатын сынға алатын конттенті күрт көбейтеді. «Стати ісі» туралы әлі де айтамыз. Арнаға тіркелуді ұмытпаңыз 👇 https://t.me/dalainside

⚡️🛬Air Astana-ны жел шайқап жатыр: Британдар компаниядағы үлесін шұғыл сатуға қойды... Air Astana-ның 49 пайыз пакетіне иелік ететін британдық BAE Systems өз үлесін апыл-ғұпыл сатуға шығарыпты. Мұндай шұғыл шешім қабылдауға не түрткі болды? DALA INSIDE мұның түбіріне үңілуге тырысты. Отандық әуе кеңістігін «отарлап» алған монополист соңғы кезде Смайылов үкіметінен жиі сөз естіп жүр. Оған орынды аргумент бар. Компанияның баға саясаты мен бизнес моделі жұрттың жынына тиіп бітті. Жолаушының шағымын ескермейтіні, рейстерді себепсіз шегеретіні, оны түсіндіріп жатуды жөн санамайтыны, былайша айтқанда «ескі Қазақстанның» өлшемімен өмір сүретіні Air Astana-ның репутациясына оңдыртпай сызат түсірді. Жолаушыға жарымай, жұтап жүрсе бір жөн. 49 пайызына британдар, 51 пайызына «Самұрық Қазына» иелік ететін «Айыр астана» (тілге жеңіл) былтыр күреп табыс тапқан. Түсім 78 млн $-дан асып жығылды. Пассажирлер потогы 11-ға артып, 7,4 млн адамды құраған. Компаниядағы билет бағасы «құтырып» тұр. Смайыловтың сөзімен айтқанда, Air Astana-ның күйттегені ақша, ақша және ақша, өзгесіне бас қатырмайды. Ақша демекші, күні кеше компанияға 15 млн $ штраф салынды (себебін ілгеріде айттық). «Айыр Астананың» аталасы FlyArystan-ның билеттері де удай. Сервисі де сын көтермейді. Тоқ етерін айтқанда, отандық әуетасымалында шынайы бәсекенің жоқтығынан монополистің білгенін істеп, алшаң басуына жол ашып бердік. ❗️ Әріптесіміз, Денис Кривошеевтің айтуынша Алматы мен Астананың арасындағы билет құны 107 доллар. Бұл Мәскеу мен Петебор арасындағы рейстің құнынан 5 есе қымбат! Аталған факторлар британдық BAE Systems-ке ой салған болуы мүмкін. Репутациясына сақ қарайтын ағылшындар Air Astana-мен байланысты тәуекелдерден күн бұрын құтылғанды жөн санаса керек. Смайылов үкіметі пен әуе компаниясының арасындағы айқастың финалы қызық болғалы тұр. DALA INSIDE-қа жеткен мәлімет бойынша Үкімет отандық әуе нарығын либерализация жасауға оқталуда. Ішкі нарықта жолаушы тасымалдайтын 7 компанияның қарамағындағы 75 ұшақ жеткіліксіз. Қазақстан аспанын шетелдік әуе компанияларына айқара ашсақ, Air Astana-ның үстемдігі де келмеске кетеді. Баға арзандайды. Клиент үшін күрес басталады. Мұндайда инвесттабыстың да айтарлықтай төмендері шүбәсіз. Британдар мұны сіз бен бізден артық біліп отыр. Турбулентті зонаға тап болған компанияның 49 пайызын кім алар екен?.. Әлбетте, Смайылов үкіметінің сапында «Айыр Астананы» қорғаштап отырған лобби бары анық. Олар билет бағасының шарықтауын жанармай бағасы, ұшақтың лизингі (арендасы) және валюта нарығындағы хаостан көреді. Ал, жолаушының жайын кім ойлайды? Сіз бен біз қолжетімді билет пен сапалы сервиске лайық емеспіз бе?.. Бұл туралы әлі де айтамыз. Арнамызға тіркеліп алыңыз👇 https://t.me/dalainside

🏦Kaspi банкке қисынсыз талап қойылды: оны техникалық тұрғыдан орындау мүмкін емес 2022 жылдың қорытындысы бойынша Kaspi bank активтері 5,1 триллион теңгеге бағаланады. Астанадағы банк бөлімшесін басып алып, адамдарды кепілге алған Әлихан Мұрадов (кепіл қызметкерлер босатылды, Мұрадов тұтқындалды) осы активтерді балаларға, мүгедектерге аударуды талап еткен. Бірақ актив деген банкте жатқан ақша емес, ол банктің халық пен фирмаларға берген кредиті. Бір сөзбен айтқанда, физикалық тұрғыда банк активтері халық пен фирмалардың қолында. Былтыр Kaspi bank таза кірісі 363 миллиард теңгеге жетті. Ол жағынан Каспи Халық банктан кейін екінші орын алады. Kaspi bank Baring Vostok инвестициялық қорына (28,5%), Михеил Ломтадзеге (24,29%), Вячеслав Кимге (23,1%), Лондон қор биржасынан Каспи акцияларын сатып алған көптеген инвесторларға (21,02%) тиесілі. Сондықтан Kaspi bank басшылығы активтерге қатысты шешім қабылдай алмайды. Ол үшін дауыс беру құқығы бар инвесторларды жинауы тиіс. Екінші жағынан, банктің міндеттемелер корзинасында Қазақстан халқы депозит ретінде ұстап отырған 3,5 триллион теңге бар. Өз депозитін ешкім олай талан-таражға салдырмайтыны анық. Kaspi bank қайырымдылықпен тұрақты түрде айналысып келеді. Өткен жылы банк «Қазақстан халқы» қорына 7 млрд теңге аударған болатын. https://t.me/dalainside

🇰🇿Аналитик Айбар Олжаев: Қазақстан "Әли" дәуірінде отыр "Бүгіннен бастап ортақ идеологиясыз өмір сүруіміз ресми түрде аяқталды. Негізі, "Қаңтар оқиғасынан" бері жаңа идеология кірпішін там-тұмдап қалап келе жатқан болатынбыз. Екінші президент Қасым-Жомарт Тоқаевтың әр жолдаулары мен баяндамаларында осы идеология үзік-үзікпен беріліп келді. Бірақ тарих, википедия, БАҚ, фейсбук пен тик-ток үшін идеологияға нақты атау беріліп, ықшамдалған формулировкасы керек. Жапондар сияқты (Сева, Мейдзи, Рейва) біз де өз дәуірлерімізді атау-атауға жіктеп, ұқыптап бөліп тастау керекпіз. Сонда бәріне оңай болады", деп жазады, Айбар Олжаев өз фейсбук парақшасында. Оның жазуынша, біз қазір "Жаңа Қазақстан" заманы, "Әли" дәуірінде өмір сүріп жатырмыз. Шамамен, картина мынадай: 1. Абылай заманы 2. Кене заманы ("Кенесары" дәуірі, "Алаш" дәуірі) 3. Кеңес заманы ("Нәубет" дәуірі, "Димаш" дәуірі) 5. Ескі Қазақстан заманы (1991-2021, "Қайрат" дәуірі) 6. Жаңа Қазақстан заманы (2022-2030 - "Әли" дәуірі, 2030-2040 - "Кемел" дәуірі) "Қайрат" дәуірі Тәуелсіздік алған жылдары басталып, бірінші президентпен 30 жыл бойы жүрді. Ол дәуірдің ерекшелігі - идеология болған жоқ. Жабайы кезең, яғни күштінің әлсізді жаншу, тартып алу, заңсыздық заманы болды. Жастар барлық ресурстан айрылды және басқа елдерге қоныс аударды. Әли дәуірі (әділетті уақыттың басталуы) 2022 жылы, Қаңтар айында басталды. Ол Конституция бойынша 2030 жылы екінші президент өкілеттілігінің таусылып, саяси аренаға үшінші президент келгенге дейін жүреді және ел мен қоғам дамуын мүлде жаңа, сапалы деңгейге көтеретін болады. Ал "Әли" идеологиясы - барлық процестер әділетті болады, әркім өзіне шын лайықты бағасын алады, мәселе/қызмет аға-көке, тамыр-таныс, ру-тайпа емес, адамның біліктілігі мен қабілетіне сай шешіледі деген ұғымдарды жинақтайды. Сондықтан біздің қазіргі ортақ мемлекеттік идеология - "Әли" идеологиясы болып табылады. 2030 жылға дейін, яғни Әли дәуірінде біз рухани-моральді проблемаларымызды шешеміз. Ал Кемел дәуірінде, оның басында болатын үшінші президентпен Қазақстанның материалды-техникалық қарыштап дамуы қолға алынатын болады. Ол кезде жасыл сутегі, торий реакторы, магнитты-катушкалы транспорт пен логистика, Vision коммуникация кеңістігі сияқты жаңа салаларды меңгереміз. 2030 жылдан бастап біз Кемел идеологиясына өтуіміз тиіс. "Әр президенттің тарих бекіткен өз миссиясы бар екені анық көрінді. Қазақ халқы небір нәубетті бастан өткерген, көп жылаған ел. Оның да бір қуанып, жүзіне күлкі оралатын уақыты алда деп сенемін", - деп жазады сарапшы. Негізі, Әли идеологиясының атауы ықшам және түсінікті, ал мазмұны нақты болғандықтан жас буын арасында тез таралады және қолданысқа енетін сияқты. Бұған дейін, 1991 жылдан бері идеологиясыз вакуумда өмір сүріп келдік. Ортақ идеология болмағандықтан, халық түрлі ағымдардың жетегінде кете бастады. Енді әділдік идеологиясының маңайына топтассақ, ел болып, етек-жеңімізді жинау қиын болмайды. Ұлттық идеология туралы әлі де толғанамыз. Арнаға тіркелуді ұмытпаңыз 👇🏽 https://t.me/dalainside

⚡️Ол Путиннің шапқыншылығын қолдайды! Ресейлік медиа маман Қазақстанда лауазымды қызметке тағайындалды... Белгілі PR маман, әріптесіміз Назым Жанғазы ресейлік МузТВ арнасының экс-директоры Арман Дәулетияровтың қазақстандық теленарыққа кіруіне қарсы шықты. Дәулетияров күні кеше Президент телерадиокешені төрағасының кеңесшісі боп тағайындалған. «Бұл өте-мөте қауіпті үрдіс! Ол 🇷🇺 Ресей азаматы. Президент ТРК-сы Тоқаевтың қызметін ел-жұртқа жеткізетін негізгі құрал. Мұндай ортада өз азаматтарымыз тер төгуі тиіс. Телеарна контентін төңірегіне қазақстандық көзқараспен қарайтын азаматтар әзірлеуі қажет. Дәулетияров? Ол шоу-бизнес өкілі. Елдегі саяси әлеуметтік-ахуалдан мақұрым. Өмірбақи ырду-дырдудың ортасында жүрген адамның мемдеңгейдегі жоба әзірлеуге өресі жете ме?! Президент қызметін насихаттау, Ақорданың ақпаратын таратуды Арман секілді адамдарға табыстауға болмайды…», - дейді ол. Жанғазының пікірінше телеарна басшылығы өрескел қателік жіберген, кадр саясатына мұншалықты салдыр-cалақ қарауға болмайды. ❗️ "Ең сорақысы, Дәулетияров "орыс әлемінің" белсенді өкілі. Ол Путиннің шапқыншылығын жақтап, Украинаны басып жаныштауға қолдау білдірген. Оның бір жылғы бұрынғы сұхбатын шолып шыққан болсаңыз, осы айтқаныма көзіңіз жетеді. Киевті үш күнде жаулап алуды көксеген 🔫 Кремльдің ойы іске аспай, санкциялар буындыра бастаған тұста Арман бастаған "путинистер" Қазақстанға безді. Осы арада: "егер Ресей Украинаны жаулап алса, Дәулетияров Қазақстанға қайтып келер ма еді?" деген орынды сауал туындайды. Әй, қайдам! Аттап баспас еді. Сондықтан да оның қазіргі образына алданып қалмаңыздар…», - дейді Назым Жанғазы. Оның пайымдауынша, Арман Дәулетияров МузТВ-ны басқарған тұста көрші елдерге Ресей саясатын ұлықтайтын пропагандамен айналысқан. DALA INSIDE бұған қатысты петиция ұйымдастыруды көздеп отыр. Бұл туралы әлі де айтамыз. Арнаға тіркелуді ұмытпаңыз👇 https://t.me/dalainside

🇰🇿🇹🇷Ұлықтау рәсіміндегі оғаш көрініс: Ердоған Тоқаевқа неге өкпелі?.. Түркия көшбасшысының ұлықтау рәсімінде Тоқаевтың Ердоғаннан оқшау отыруы Тұран одағының төңірегіне топтасқан қазақтардың ұнжырғасын түсіріп жіберді. Ердоған сол қапталына Мирзияевті, оң жағына Әлиевті отырғызғаны белгілі. Жаңа Қазақстанның лидері бұл үштіктен шеткерірек орналасты. Қазақтілді ортаға оғаш көрінген осы көрініс түрлі пыш-пыш әңгімеге түрткі болды. Соңғы аптада арнамыздың пошта жәшігіне түскен сауалдың дені осыған арналды. Ердоған Тоқаевқа неге өкпелі? Кім кімді ренжітті? Сенім мен сыйластыққа не себепті сызат түсті? Тұран одағының болашағы бұлыңғыр тартты ма?.. DALA INSIDE мұның жауабын мәжілісмен Самат Нұртазадан сұрады. «Мұны дипломатиялық мінез көрсету дейді. Яғни, өкпе-ренішті білдіру ғана. Мәселе Солтүстік Кипрден шыққан болуы керек. Ол арасы сол сәтке куә адамдарға анық аңғарылған сияқты...», - дейді депутат. Ұлықтау рәсімінде Ердоған Әзірбайжан, Өзбекстан және Солтүстік Кипр басшыларын алдымен атады. Төртінші кезекте ғана Тоқаевқа тоқталды. Неге?.. «Себебі Түркияның желкесінде тұрған, бауырлас Солтүстік Кипр мемлекетін Қазақстан мойындамады. Тоқаев: «Бұл - БҰҰ жарғысына қайшы» тікесінен айтты. Ердоған соған бұртиған болар. Әлбетте, ешкіммен қабақ шытпай, сыйластықта өмір сүрген жақсы. Бірақ, кез келген жағдайда Қазақстан мүддесі бірінші орында тұруы тиіс. Егер біз Солтүстік Кипрді мойындасақ, оның арғы жағында «бізді де мойында» деп Қырым, Луганскі мен Донецкі, Косова мен Тайвань тулап шығады. Президенттің Петербордағы: «Косованы да, Қырымды да мойындамаймыз» деп меңзеген сөзі Солтүстік Кипрға қатысты өз жалғасын тапты», - дейді Нұртаза. Депутат дәл тапқан диагноздың бірі: Түркия Қазақстанның проблемасын терең түсіне алмайды дегенге саяды. «Түркия біз секілді Ресеймен, Қытаймен шектесіп жатқан жоқ. Біздегі өмір өлшемі бөлек, жер аумағымыз үлкен. Тоқаевтың тұсында қандай жағдайда болмасын өз мүддемізді алға қоятын психология қалыптастырып жатырмыз. Бейжің көсемі елге келгенде «Қазақстанның аумақтық тұтастығын қолдаймыз» дей келе, өзіне қатысты тура осындай қарым-қатынасты талап ететінін меңзеген еді. Бұл арадағы жағдай да соған ұқсас. Солтүстік Кипрді мойындап, басымызға бәле тілеп алар жайымыз жоқ. Қазақстанда сепаратизмге жол жоқ! Кез келген мемлекеттің территориялық тұтастығын мойындаймыз, сыйлаймыз, қолдаймыз әрі осындай қарым-қатынасты өзімізге қатысты да талап етеміз. Тоқаевтың ұстанымы осындай», - дейді депутат. Мәжілісмен Тұран одағы төңірегіндегі әңгімелерді иллюзияға балап отыр. Оның әскери ұйымға айналуы екіталай. «Геосаяси аухалға шынайы көзбен қарау керекпіз. Түркияның тұрған жері бір басқа, біздің орналасу ерекшелігіміз бір басқа. Анкараның өзі НАТО-ға мүше. Одақ құрылған күнде ЕАЭО секілді экономикалық-мәдени-рухани байланыстарға негізделеді деп ойлаймын», - дейді депутат Нұртаза. Айта кетелік, түрік көсемі бұған дейін Украинаның Донецкі мен Луганскі облыстарын тәуелсіз деп таныған Кремльдің шешімін сынға алған еді. Бұл туралы әлі де айтамыз. Арнаға тіркелуді ұмытпаңыз👇 https://t.me/dalainside

🕺Супермаркеттерде, жанармай құю бекеттерінде, коммуналдық қызметтерге төленген қаражаттың 10% қалай кайтаруға болады? Home Card Lite келесі санаттарға жоғары кэшбэк береді: Супермаркеттер, жанармай құю бекеттері, коммуналдық қызметтерді төлеу: ашылғаннан кейінгі алғашқы 90 күн — 10%, содан кейін — 5% Ойын-сауық саябақтары — маусым айында 10%. Бұл санат ай сайын дауыс беру арқылы өзгереді. Сонымен қатар, картаға қызмет көрсету, шығару және жеткізу — тегін. Барлық аударымдар мен төлемдер комиссиясыз. Егер сізде әлі де Home Card Lite картасы болмаса, картаны жаңа ашқан адамдарға банк Welcome bonus – 1000 Т ұсынады. Ол үшін 30 маусымға дейін Home Card Lite картасын ашып, карта ашылғаннан кейін 7 күннен кешіктірмей 1000 теңгеден астам сомаға сауда жасау керек. Бонус 7 күн жарамды, сондықтан оларды жұмсауды немесе картаға аударуды ұмытпаңыз, 1 бонус = 1 теңге. Акция бұрын банк өнімдерін пайдаланбаған жаңа клиенттерге арналған. Картаны бөлімшеде, мобильді қосымшада немесе home.kz сайтында ашуға болады. #pr

⚡️Тоқаев «қазақтандыру» процесін бастап кетті. Кремль «Ата жолынан» астар іздеуде… Алдағы айдан бастап Жаңа Қазақстан қиырдағы қандастарға атажұртына емін-еркін келіп, еңбек етуге, кәсіп бастауға мүмкіндік беретін «Ата жолы» картасын үлестіре бастайды. DALA INSIDE-қа жеткен мәлімет бойынша Кремль идеологтарының Тоқаев бастамасынан үрейі ұшып отыр. Картаның саяси эффектісі жойқын боларынан сезіктенген Мәскеу «Ата жолына» қарсы провокацияларға қамданып жатыр. Оны Данияр Әшімбаев, Марат Шибұтов сынды «орыс әлемінің» пулындағы саясаттанушы/блогерлердің қолымен жүзеге асыратын болады. Затулин, Миронов секілді «шовинистер» де тақым қысып отыр. Бұлар: «Ата жолы» елдегі үш миллион орыстың азаматтық құқын шектейді. Оралмандар орыс тілінің өрісін тарылтады. Олар онсызда асқынып тұрған русофобияны өршіте түседі. Бағдарлама арқылы атажұртында бизнес бастайтын қандастар орыстілді аудиторияның жеп отырған нанына ортақтасады…» деген манипуляцияға барады. «Қазақстанда тұратын 130 ұлтты қайда жібересіздер, «қазақтандыру» процесін астыртын жүргізіп Мәскеудің ашуына тимеңдер» деген мессежді Ақордаға жолдауға тырысады. ❗️ Тоқ етерін айтқанда, Кремль Жаңа Қазақстанның ұлттық мемлекет құруына қарсы. Титулды ұлттың саны көбейгені «орыс әлеміне» қауіп төндіретін фактор. DALA INSIDE-қа жеткен тағы бір мәлімет бойынша қазақ билігі «Ата жолы» арқылы атамекеніне инвестиция құйғысы бар қазақтарды теріскей өңірлерге бағыттауға тырысады. Картаның мерзімі 10 жылға жарамды. Оған қолы жеткен қандастар елге емін еркін кіріп, Қазақстан азаматтығымен пара-пар құқыққа ие болады. «Ата жолы» арқылы шеттегі қандастарды теріскейге тартып, потенциалды сепарларды изоляциялауға мүмкіндік аламыз. Шеттегі қазақтар солтүстік өңірге инвестиция құйса, оңтүстіктен құйылар көш те көлікті болады. Бұл туралы әлі де айтамыз. Арнаға тіркелуді ұмытпаңыз 👇🏽 https://t.me/dalainside

🏖️Есенов Есімовке "Жаңа Қазақстанға" путевка алып берді "Jusan bank" акцияларының 20 пайызына иелік ететін Ғалымжан Есенов арқылы Қазақстан Республикасы кезінде Мәсімов шетелге шығарып жіберген Жусан банкті өзіне қайтарып алды. Бұл істе Қазақстанға көп көмек берген Ғалымжан Есенов жақсы ұпай жинады дейді, DALA INSIDE дереккөзі. Бір жағынан оның шарапаты Ахметжан Есімовке де тиіп отыр. "Жаңа Қазақстан" тарапынан экс саяси гигантқа ешқандай айып, өкпе, наразылық та жоқ. Тіпті "Отандастар" қоры, "Түркісой" басшылығы сияқты жұмысы аз, беделі әжептәуір қызметке ұсыныстар да қарастырылған болатын. Бірақ Есімов Тасмағамбетовке қарағанда "саясаттан шаршадым, іске араласпаймын" деген емеурін білдіргеннен кейін, тараптар бір-бірін мазалай бермейік деп шешті. Жусанның қайтуымен енді мемлекет 4 банк ұстап отыр. Олар: Bereke bank, Отбасы банк, Қазақстанның даму банкі, Jusan bank. Оған қоса еліміз Еуразия даму банкінің негізгі акционері. Мұны шектен шыққан мемлекеттік капитализм деп бағаласа болады. Осы төртеудің ішінен мемлекетке шын мәнінде экономиканы кредиттеу үшін тек Қазақстанның даму банкі керек. Сондықтан Береке мен Жусанды тез арада сату тапсырмасы тұр. Отбасы банкті шыны керек, 5 жыл бойы сатып көрді, бірақ ешбір инвестор алмай қойды. Сондықтан мемлекет амалсыз өзінде қалдыруға мәжбүр. Қазақстандағы қаржылық активтерді сатудың бір проблемасы - инвесторлар біздің салық саясатымыздан қорқады. Аудиторлардың халықаралық үлкен төрттігі (Big4: E&Y, PWC, KPMG, Deloitte) біздің ірі компанияларға әзірлеген аудиттелген қаржылық есептерде бұл мәселе мазақ қылғандай анық жазылады. Қазақстанның салық заңнамасының түсініксіздігі, күрделілігі және кез-келген уақытта өткен кезеңдер үшін қосымша салық сала салатын практикасы ешбір инвесторға жақпады. Бір сөзбен айтқанда, біз 30 жыл бойы өте қарапайым, түсінікті, тас болып қатып қалатын Салық Кодексін жасай алмадық. Енді не болса да, банктерді сату керек. "Ескі Қазақстанның" есіл ерлері туралы әлі де айтамыз. Арнаға тіркелуді ұмытпаңыз 👇🏽 https://t.me/dalainside

⚡️Абай облысындағы өрт аумағы айтарлықтай қысқарды Өртті сөндіру жұмыстары негізінен екі бағытта: Жерновка – Шүлбі және Қаштақ ауылы маңында үздіксіз жүргізіліп жатыр "Айта кету керек, соңғы күндері өрт аумағы айтарлықтай қысқарды, өрт сөндіру жұмыстары тұрақты бақылауда", – деді облыс әкімі Абай Нұрлан Ұранхаев. Қаштақ ауылы аймағына жеке құрамның 200 адамы, 30 техника, 3 тікұшақ жұмылдырылды. Жерновка – Шүлбі ауданында 300 адам, 40 техника және 9 тікұшақ бар. Ұранхаев Тоқаевтың сынынан сабақ алды ма? Dalainside бұл туралы алдағы күндері егжей - тегжейлі айтады. https://t.me/dalainside