Self Improvement

​​#taqriz Ushbu kitobni yosh onalar uchun judayam zarur deb bilaman. Chaqaloqni anglash, his etish judayam chiroyli tarzda bayon etilgan va ona qornidan to 3yoshgacha bo'lgan davrdagi rivojlanishi, asosan uyqusi tushuntirilgan. Tug'ilganidan keyin dastlabki 6 oyda ona va bola orasidagi rishta qanchalik muhimligi, va keyingi yillar uchun mustahkam poydevor bo'lishligi haqida yozilgan. Bolani qanaqa uxlatish, so'rg'ichdan to'g'ri foydalanish, emizgan holatda uxlatganda nima bo'lishi, yoki ba'zi onalar chaqaloq yig'lagandan ko'krak tutish noto'g'riligi, hammasi batafsil etib o'tilgan. Bolani yotog'ini alohida qilish, o'zi uxlab qolishi uchun qanaqa sharoit yaratish, hattoki uxlatish sxemalari ham bor. Farzandimga homilador paytim bitta kursga rosa qiziqqanman, nomi "Orom uyqu" midi esimda yo'q. Yozganman adminiga, yaxshiyam qabul qilishmagani😂, u kursda o'qish uchun bola kamida 3oylik bo'lishi kerak ekan. Lekin qisqacha tushuncha oganman, va o'sha narsa xatoligini keyin tushunib yettim nevropotologla bn maslahatlashgandan keyin, va ushbu kitobdayam o'sha usullar bolaga qanaqa darajada yomon ta'sir qilishi yozilgan ekan. Bir gap bilan aytganda hamma homilador ayollarga va chaqalog'i bor onalarga tavsiya qilaman o'qishni. Birinchi farzandimda qilgan xatolarimniyam tushunib yettim va keyingi farzandlarimda xudo xohlasa shu o'qiganlarimni qo'llab ko'raman. Hayrli mutolaa💝💖 @selfdeprules

#taqriz#review Masaru Ibukaning "Uchdan keyin kech" kitobi haqida. Kelajak avlodni yaxshi qilib tarbiyalash, mukammal darajaga yetkazish har bir ota-onaning eng muhim burchi hisoblanadi. Shu sababli hozirda faqat tarbiyaviy kitoblarni mutolaa qilyapman. Shu paytgaca ancha kitob o'qigan bo'lsam, eng sodda tilda va juda to'g'ri tilda tushuntirilgan deb "Uchdan keyin kech" kitobini bemalol ayta olaman. Bola 6 oylikdan suza olishi, yurishdan oldin konkida ucha olishini bilarmidingiz? Hayron qolganingiz tabiiy. Men birinchi o'qiganimda juda hayratda qoldim. Aslida go'daklarning qobiliyati kattalarnikidan ancha oldinda bo'larkan. Faqat buni to'g'ri yo'naltira olish ota-onaga, oilaviy muhitga bog'liqligi aytib o'tilgan. Uch yoshgacha boladagi fundament yaxshi qurilsa, katta bo'lganidan keyin o'rganish, o'qish, ishlashda boshqalarga nisbatan kamroq qiyinchiliklarga uchrashi yoritib berilgan. Ko'pchilik, masalan ota-onasi, qarindosh urug'i ahloqsiz bo'lib o'tgan bolalarniyam shunaqa bo'lib yetishadi deb o'ylashadi. Lekin aslo bunday emasligi ancha tadqiqotlarda isbotlangan. Yoki, aksincha, ota-ona o'qimishli, ziyoli bo'lsayam farzandi ularga o'xshamasligi mumkin. Hamma narsa berilgan tarbiya va oilaviy muhitga bog'liqligi tushuntirib o'tilgan. Shunday ekan bolani rivojlanishi, harakteri genlarga aloqasi yo'q. Bir yoshga yetmagan bolagayam gapirish, nutqini rivojlantirish, tushunsa-tushunmasa boshqa tillarda multfilm yoki ko'rsatuvlar ko'rsatilishi kerakligini bilganimdan keyin bolamga nisbatan ko'p narsani o'zgartirdim. O'zi o'g'limga faqat yo ingliz tili, yo rus tilida qo'yib beraman multfilmlarni. 3 oyligidan multfilm ko'rishni boshladi va 4 oyga kelib, multfilmi boshlansa kuladigan odat chiqardi, yana 2ta qismini juda miriqib ko'rishini sezib qolganimda to'g'risi hayratda qolgandim. Chunki 4 oylik bola allaqachon bilyapti nima boshlanganini. Lekin ushbu kitobni o'qigach hammasiga tushundim. Bola nimaga o'rgatilsa, shuni qilarkan. Bundan tashqari 4.5 oyligida 1-marta ingliz tilida gapirganimda manga qarab og'zini ochib qotib qoldi, nima bo'lganiga tushunmasdan😂. Lekin hoz gapirsam kulib qarab yotadi😁. Albatta sizda savol tug'ilishi mumkin, bola baribir tushunmidi, nima keragi bor deb. Hozirgi zamonda bola qachon bo'lsayam baribir chet tilini o'rganishga majbur. Qachon o'rganishni boshlasayam, miya o'zi funksiyalashtirarkan, chunki u oldinam eshitgan bu narsalarni, shu narsala qaytalanib o'rganishi oson bo'larkan. Xullas, bir gap bilan aytganda o'qilishi shart bo'lgan kitoblardan biri. Tarbiya, o'rgatish qancha erta boshlansa, kichkintoyingiz kelajakda kamol topishi shuncha osonlashadi. Yoqimli mutolaa🌸 @selfdeprules

​​#taqriz 🌻Piter Til — "Noldan birga" Shu kunlarda ko'proq biznes boshqaruvi, strategik fikrlash va to'g'ri qaror qabul qilishga o'rgatadigan kitoblarni o'qiyapman. Avvaliga Asaxiyda chop etilgan ushbu kitobning sarlavhasi meni o'ziga tortdi. Va keyin o'qib shunga amin bo'ldimki, haqiqatdan kitobda ajoyib ma'lumotlar, foydali maslahatlar va inglizcha aytganda "guide"lar berib o'tilgan ekan. Kitobning asosiy mundarijasiga qarasak, unda startaplarni to'g'ri boshqarish, jamoaga odamlarni qanday jalb qilish va ish faoliyatida qaysi omillarga tayanib muvaffaqiyatga erishish haqida bayon qilingan. Orangizda agar moliyachilar bo'lsa, (bo'lmasa ham) ko'pchiligingiz "PayPal" kompaniyasi to'g'risida eshitgan bo'lsangiz kerak. Ushbu kompaniyaga eng boshida 6 ta inson boshchiligida asos solingan. Eng qiziqarlisi, ularning 3 nafari kommunistik davlatlardan qochib kelgan bo'lsa, 4 nafari maktab davrida qo'lbola bomba yasagan — qisqa qilib aytganda "o'ta g'alati shaxslar" bo'lishgan. Kitobda asosan "PayPal" tarixi haqida hikoya qilinadi, masalan, kompaniya boshida obunachilar uchun pul to'lagan, dastlabki yillarda esa deyarli foyda ko'rmagan. Bundan tashqari, "Microsoft"ga bo'lgan hujumlar, "Apple"ning bozorga kirib kelishi borasida ham ko'plab qiziq faktlar ochiqlangan. Shuningdek, unda oldingi zamonlarda internet kirib kelishini odamlar qanday qarshilagani va keyingi o'zgarishlar, raqobat mafkurasi, jumboqlar, mafiya strukturalari haqida aytib o'tilgan. Masalan, startaplar 7 ta tamoyilga asoslanib qurilishi, u muvaffaqiyatli chiqishi uchun hech bo'lmaganda, ulardan 4 tasiga erishilgan bo'lishi kerakligi ta'kidlangan. Bunday startaplarga misol qilib - ko'pchilikka tanish va elektrokarlar ishlab chiqishga ixtisoslashgan "Tesla" startapi keltirilgan. "Tesla"ning har bir qadami boshqa katta kompaniyalar kuzatuvida bo'lgan, misol uchun, "Daimler" kompaniyasi "Tesla"ning akkumlyatoridan, "Mercedes-Benz" transmissiyasidan, "Toyota" dvigatelidan nusxa olgan deyishadi. Hattoki "General Motors" ham "Tesla"ning keyingi harakatlarini oldindan bilish maqsadida maxsus kuzatuvchi ishchi guruhi tuzishgan deyishadi. Bundan tashqari, investorlar bilan ishlash vaqtida nimalarga e'tibor qaratish, qaysi tamoyillarga tayanish bo'yicha ham misollar bilan tushuntirib o'tilgan. Xulosa qilib aytadigan bo'lsak, bu kitob menga juda yoqdi. Asar muallifi, mashhur "PayPal" va "Palantir" kompaniyalari asoschisi, hozirda o'z sohasida gigant korporatsiyalarga aylangan "Facebook" va "SpaceX" kabi startaplarning ilk investorlaridan biri bo'lmish - muvaffaqiyatli biznesmen Piter Til ushbu qo'llanma orqali biz bilan o'z ish tajribasini bo'lishadi, hayotiy voqealardan misollar keltiradi. Shu sababdan, kitobni bemalol biznes boshqaruvi sohasiga qiziqqan istalgan o'quvchiga tavsiya qilaman. Yoqimli mutolaa:) @selfdeprules

#taqriz Brayan Treysining "Lider Shaxsiyati" kitobi. Bilasiz, shaxsiy hayotda, ishda muvaffaqiyatga erishib, muvozanatni saqlash juda muhim. Ish deb oilani, oila deb ishni unutib qo'ymaslik kerak. Ushbu kitob ishda, umuman olganda hayotda o'z o'rningizga ega bo'lishingizga yordam beradi. Muvaffaqiyatga erishish sirlari, ishda kerakli xodim, oilada mehribon, farzandlariga to'g'ri yo'l-yo'riq ko'rsata oladigan ota-ona bo'lish haqida anchagina guidelar, maslahatlar berib o'tilgan. Motivatsion kitob bo'lib qolmasidan, balki psixologik ham ancha narsalar tushuntirilgan. Oldinlari psixolog bo'lishni qanaqadir orzu qilardim. Keyinchalik o'z ustimda ishlab bu fikrni xatoligini tushunganman. Lekin bu kitob mutolaasidan keyin har bir shaxs o'ziga o'zi yaxshigina psixolog ekanligini angladim. Ong osti qanday ishlashi, har bir narsani miyada dasturlash, stress ta'sirini kamaytirish, salbiy his-tuyg'ulardan qutilish, hamda yana ko'p foydali narsalar berilgan. O'qib ko'rishingizni maslahat beraman. @selfdeprules