DALA INSIDE

⚡️Миттал Қазақстанға "кіру" үшін 100 млн доллар параны кімге берді?... Бұған дейін саясаткер Болат Әбілев әріптесіміз Борейкоға берген сұхбатында миллиардер Лакшми Митталдың қазақ жеріне қалай және кімнің ықпалымен келгенін айтқан. «Миттал мырза Қазақстанға Машкевичтің арқасында 1995 жылы күзде келді. Сол жылы Мұхтар Жәкішев екеумізді аустриялық Voestalpine («Фест Альпине») компаниясымен бірге «Қарметкомбинаттан» қуып шықты. Сосын ештеңе істеуге тырысқан да, талпынған да жоқ. «Қарметкомбинатты» кім басқара алады деген сұрақ туындады. Биліктегілер әуелі ақша салып, кейін жекешелендіріп алу үшін ыңғайлы адам іздеді. Себебі, қылышын сүйретіп қыс келіп қалған. Мұндай алып комбинатты қысқа дайындамаса, тағы болмайды. Кенет, осы кезде Миттал пайда болды. Тіпті, оны Қазақстанға Александр Машкевич ертіп келгені және жоғарыдағылармен жеке таныстырғаны туралы айтылып жатты», – деді Б. Әбілов. Сондай-ақ, саясаткер 1998 жылы Ұлыбританиядағы ВВС телекомпаниясының өкілі Қазақстанға келіп, өзіне хабарласқанын жеткізген. «Қарметкомбинатты» екі апта басқарған екенсіз? Біз сізді ол жақтан қандай себепке қатысты қуып шыққанын білеміз...» деген қызық нәрсенің шетін шығарды. Сөйтсем, Миттал мырза ВВС-ге берген сұхбатында Қазақстанға қалай тап болғанын тәптіштей келе, өзін Машкевич шақырғанын мойындаған. «Қазақстанға «кіру» үшін ақша бердіңіз бе?» деген тікелей сауалға Миттал «Иә, «комиссиондық» негізде 100 млн АҚШ долларын беріп жібердім» деп жауап беріпті» деп тағы бір шындықтың бетін ашты. Демек, Миттал 100 млн долларды Машкевичке, ал ол мұны жоғарыда отырғандарға үлестірген. Өкініштісі, «Қарметкомбинаттың» құны кемі 2 млрд долларға бағаланғанымен, Миттал оны бар-жоғы 220 млн долларға сатып алды. Онда да қаржыны бірден емес, комбинаттың өнімнен түскен пайдамен есептесті. Салыстырмалы түрде айтсақ, Миттал 🇺🇦 Украинадағы дәл осындай зауытқа 5 млрд доллар төлеп қол жеткізген болатын. DALA INSIDE комбинаттың жаңа қожайыны туралы мәлімет жинауда. Арнаға тіркелуді ұмытпаңыз👇 https://t.me/dalainside

⚡️Тоқаев: "Миттал? Ең жауапсыз инвесторға кез болдық..." "Болар іс болды, апат орын алды. Материалды, қаржылық тұрғыда толыққанды көмек көрсетеміз. Апаттан зардап шеккен барлық отбасыға қол ұшын созамыз, олар ешнәрседен тарықпайды. Сіздерге сөз беремін! Қажет болса, арнайы қор құрамыз. Көпке созбай кәсіпорын басшылығын тегіс ауыстырамыз. Миттал? Инвестормен жұмысты біржолата тоқтатамыз. Қолдан келгеннің бәрін істейміз. Бұлар кезінде елімізге кіріп алған. Біз ең жауапсыз инвесторға тап болдық...". https://t.me/dalainside

🔥Барселона - Реал Мадрид матчынан ₸20 000 дейін қайтару мүмкіндігі 🏆Бұл жай ғана классика емес – бұл "Эль-Классико". Барселона мен Реал Мадридтің матчын көру үшін бүкіл әлем бойынша миллиондаған адамдар теледидар экранына телміреді. 11-турға дейін каталондықтар "Реал Мадридтен" бір ұпайға артта қалды. Бұл матч түбегейлі және чемпиондық жарысқа тікелей әсер етеді. "Барселона" өз алаңында ойнайды, сондықтан оның жеңісіне 2.56 беріледі. Мадридтіктерің қонақ мәртебесіне қарамастан, мүмкіндігі шамалас - 2.78. 🔵Қазірдің өзінде клуб жанкүйерлері сүйікті командасына тәуекелсіз ұтыс тігу жасай алады. 1xBet компаниясы әзірлеген "Тәуекелсіз ұтыс тігу" арнайы акциясы болжамыңыз сәтсіз болған жағдайда, 20 000 дейін қайтаруға көмектеседі. 🔥Ойынға ұтыс Барлық оқиғалардан, сондай-ақ супержүлделер мен фрибеттерден хабардар болыңыз

Қазпошта өз ғимаратының үстіне жүк көлігін көтерді... "Қазпошта" қазақстандықтарды Республика күнімен құттықтайды! Отанымыз – Қазақстан Республикасы өркендей берсін!

🇬🇧🧑‍🌾 Жалға жүр, жат жерге кет, мал тауып кел! Англия фермасына жұмысқа орналасу инструкциясы... Жеңіл атлетикадан ел чемпионы 23 жасар Йассауи Аманқос бүгінде Англияның Аш қаласындағы фермада жұмыс істейді. DALA INSIDE Англия фермасындағы жұмыс жайлы Аманқостан, сондай-ақ, қазақтарға Еуропадан жұмыс тауып берумен айналысатын AGRI-HR компаниясының өкілінен мәлімет сұрады. 1️⃣ Сағатына 6 мың теңгеден аламыз Йассауи Англияға AGRI-HR сайты арқылы досымен бірге келген. "Алдымен сайтқа тіркелдік, екі айдан кейін оплайн сұхбатқа барып, 8 жарым айдан кейін Ware-Farms деген фермаға келдік. Орналасқан орны Францияға жақын жердегі Аш қаласында. Тәулігіне 8 cағаттан 5 күн жұмыс істеп, екі күн демаламыз. Әр жұмыс сағатына 6 мың теңгеден аламыз. Айлықты апта сайын төлейді. Алғашында қара өрік тердік, кейін алмұрт, қазір алма жинаумен айналысамыз», – дейді ол. 2️⃣ Жұмысқа тұру үшін қанша ақша қажет? Аманқостан компания соттылықтың болмауы, денсаулыққа қатысты анықтамаларды сұраған. "Мұнда келу үшін шамамен 600-800 мың теңге аралығында ақшаңыз болуы тиіс. Оның 155 мыңы визаға, билетіңізге кетеді. Алғашқы уақытта таксиіңіз, тамағыңызға, жүріп-тұрғаныңызға 60 мың теңгедей қажет. Келгесін ферма иелері өздері күтіп алып, тіркеуден өткізеді, жұмыс барысын таныстырады. Фермамыз кішкентай, қазір он шақты адам бармыз, соның жетеуі қазақ...», - дейді Аманқос. 3️⃣ Қазақтарды жұмысқа апаратын компания: Делдалдарға алданып қалмаңыз, өтінішті өзіңіз де бересіз... Аgri-hr компаниясының менеджері DALA INSIDE-тың сұрақтарына қысқа-нұсқа жауап қатты. Сайтқа кез-келген адам өтініш беріп, қатыса алады. Сондай-ақ, компания қызметіне ақы алатын делдалдар мен жеке меншік фирма өкілі ретінде қызмет ұсынатындарға сенбеуге шақырды. "Алдымен, ақпаратпен танысып, жұмысқа онлайн өтінімді толтыру керек. Кейін, жұмысқа қабылдау менеджері телефон арқылы сұхбат жүргізеді және сұрақтарға жауап береді. Үшінші қадам, жұмысқа орналасу үшін соттылықтың жоқтығы және денсаулық жағдайы туралы анықтама, фото және паспорт қажет. Төртінші кезеңде, біз өтініш берушіні сұхбатқа шақырамыз. Бесінші кезең, жұмыс визасын алуға арналған нысанды толтыруға көмектесеміз», - дейді ол. Айта кететіні, Ұлыбритания елшілігінде сұхбаттасудан өз бетіңізше өтесіз. 4️⃣ Жұмысқа орналасудың жалпы шығыны Жұмыс визасы (Tier 5) – 246 фунт стерлинг (147 мың теңге). Аgri-hr сізге өтініш беру процесінде және визалық агенттікке ақпарат беруге көмектеседі. Виза алу процесін аяқтау үшін сізге виза агенттігіне бару керек. Бір бағытқа ұшу шамамен 270 000 теңге. Әуежайдан фермаға жол жүру 40-50 фунт (27 000 теңге). Компания егжей-тегжейлі маршрут картасын беруге міндетті. Алғашқы 2 аптада жатын орны, тамаққа 200 фунт стерлинг (116000 теңге) ақшаңыз болуы тиіс. Жұмысшылардың айлығы бір аптадан кейін төлейді. Англияға жұмысқа орналасуға көмектесетін ТЕГІН сайттар: Agropraktika, Osradek-Hr, Agri-HR және Pro-force. Аманқос фермадағы жұмыстың жеңіл емесін жасырмай айтты. Сұхбаттың толық нұсқасы: https://dalanews.kz/angliia-zhumys Айтқандай, бізге тіркеліп алыңыз. DALA INSIDE бұл туралы әлі талай айтады👇 https://t.me/dalainside

🎬 "Үш Б" операциясы: арнайы прокурорлар Германияға қашан барады? "Боранбаев - Бекетаев - Бәйбек" тергеу операциясы өзінің орталық фазасына жетті. Қайрат Боранбаевтың соңғы дамбалы қалған күні тергеушілер экс әділет министрі Марат Бекетаевті құрықтады. Бекетаев "Стати ісі", "Әбілазовты қудалау" барысында, Мәсімов схемасын пайдаланып, мемлекеттік қаржыны сыртқа жіберіп отырған. Стати ісі бойынша Бекетаевтың 300 миллион доллар шығын әкелгенін біз талай рет жазғанбыз. "Кешеден бастап Марат Бекетаев сөйлей бастады", - дейді, DALA INSIDE дереккөзі. Тергеушілерге "Bolachak Consulting" эпизоды бойынша Бауыржан Бәйбектің үстінен қылмыстық іс қозғауға мүмкіндік ашылады. Одан кейін Назарбаевтың кластасының баласын Германияда құрықтап, экстрадициялау бойынша шаралар жасалмақ. Бәйбектің сотталуы "Үш Б" операциясына нүкте қояды. Стати трагедиясы... Мәсімов, Боранбаев пен Бекетаев елімізді 1 миллиард долларға "қораға" кіргізген еді. 2013 жылы елімізге келген инвестор Анатол Статидің "Толқын" мен "Боранкөл" мұнай кеніштерін Мәсімов пен Боранбаев рейдерлік жолмен тартып алады. Стати халықаралық арбитражға шағымданады. 2016 жылы Әділет министрлігіне келген Бекетаев Статилерді мүлде жоқ қылып жіберу үшін онымен соттасуға қыруар мемлекет қаржысын оңды-соңды шаша бастайды. Бұл банкетке Бауыржан Бәйбек те қосылады. Алайда кейбір шетел соттары Статиді қолдап, Бекетаев-Бәйбек тандемінің жоспары іске аспай қалған. Швеция соты Стати пайдасына 76 миллион доллар, ал Гибралтар соты 2 миллион доллар кесіп берді. Енді ол ақшаны Қазақстан тез арада Статиге төлеуі тиіс. Еліміз қазірдің өзінде 500 миллион доллар болатын өтемақы төлеуді кейінге қалдыру үшін сот шығындарына 300 миллион долларын жұмсады. Бұған қоса, 500 миллион долларға проценттер жүріп жатыр. Анатоли Стати «Біз Қазақстаннан өтемақыны асықпай, бірақ сенімді түрде өндіртіп жатырмыз. Бірнеше жыл бұрын Қазақстанның 1 миллиард доллардың жартысын төлеп құтылатын мүмкіндігі болып еді. Бірақ осы қомақты шығындардан жеке пайда көргендер басқаша шешім қабылдады», - деп отыр. "Үш Б" операциясының сәтті өтуі "Жаңа Қазақстанның" тарихи процесі - "Отбасы" операциясына толық жол ашады. Тек қана Сара Алпысқызына еш сұрақтар болмайды. Жалпы, қазақ халқының өзінде Отбасы мүшелерінің ішінен осы Сара Алпысқызына ғана сәл де болса құрмет бар сияқты. DALA INSIDE бұл туралы әлі де айтады. Арнаға тіркелуді ұмытпаңыз👇 https://t.me/dalainside

🔥Милан - Ювентус матчынан ₸20 000 дейін қайтару мүмкіндігі 🏆Қызу қанды Италия жанжалсыз өмір сүре алмайды. Заңсыз ұтыс тігулер туралы іске 200-ге жуық футболшының қатысы бар. Бірақ жаза осы уақытқа дейін тек біреуіне – "Ювентустың" жартылай қорғаушысы Николо Фаджолиге қолданылды. Барлық күңгірт оқиғаларға қарамастан, итальяндық футбол өзіне назар аудартады! "Милан" мен "Ювентус" үздік 3-ке кіреді, демек, бізді итальяндық колоритпен ымырасыз шайқас күтеді! 🔵1XBET компаниясы осы матчта жеңіске жету мүмкіндігін арттыруға дайын! Арнайы дайындалған "Тәуекелсіз ұтыс тігу" акциясы сіздің болжамыңыз сәтсіз болған жағдайда 20 000 дейін қайтаруға көмектеседі. 🔥Ойынға ұтыс Барлық оқиғалардан, сондай-ақ супержүлделер мен фрибеттерден хабардар болыңыз

⚡️ Пакуем чемоданы, братья! Ресейліктер Байқоңырдан кетіп жатыр... DALA INSIDE-қа жеткен мәлімет бойынша Байқоңырдағы Ресей азаматтары ат-көлігін сайлап, буынып-түйініп отыр. Қазақстанмен келісімшарт 2050 жылға дейін күшінде, десе де, ғарыш айлағындағы Ресейдің белсенділігі біртіндеп бәсеңдеп келеді. Зымыран ұшыру кешендері сирек қолданылып, алда не болады деген сұрақ көбейген. Қала көптеген қиындықтарға тап болуда. Роскосмос рейстерін Ресейдің қиыр шығысында жаңадан салынған «Восточный» космодромына ауыстырмақ. Әмірика да космодромдағы ғарыштық бағдарламасын тәмәмдаған. Бұған Роскосмостың монополиясына қарсы тұратын 🚀 SpaceX-тің бәсекелестігі және қосылған. Әмірикалық компания халықаралық ғарыш станциясына арзан және сенімді зымыран ұшыру қызметін ұсынып отыр. Ресей мен Украина арасындағы соғыс та мәселені ушықтырып, Батыспен қарым-қатынас бұрын-соңды болмаған деңгейде шиеленісті. DALA INSIDE-қа белгілі болғандай қақтығыс басталғалы Ресей экипаж мүшелерінің семьясынан басқа батыстық қонақтарды Байқоңырға кіргізбеген. Кремльді шырмап тастаған санкциялар ғарыш айлағындағы Қазақстанмен бірлескен бірнеше жобаға да кедергі келтіруде. Ресей халықаралық ғарыш станциясына ресейлік және шетелдік экипаждарды жіберу үшін ғарыш айлағын пайдалануды жалғастыруда. Бірақ Байқоңырдағы ресейліктер бір кездері тіршілігі қайнаған қаладан қоныс аударуды ойластыру үстінде. Оған ескірген инфрақұрылым мен шектеулі экономикалық перспективалар себеп болып отыр. ❗️ Мұндағы орыстар: «Қалаға қазақтар көптеп қоныстанып, ресейліктер кетіп жатыр. Бұл жердің болашағы жоқ...» деген ұйғарымға іштей бекіп қойған. Байқоңырда туып-өскен орыстың көпшілігі мектеп бітірген соң атажұртына, Мәскеуге, Санкт-Петербургке ағылады. Қаладағы 57 мыңға жуық халықтың 16 мыңы Ресей азаматтары. Осындай мәселелерге тап болған Кремль Байқоңырда тұратын азаматтарын көшіруге арналған бағдарлама әзірлеген. 2021 жылдың соңында президент Путин Ресейге кеткісі келетіндерге баспана алуды жеңілдететін жарлыққа қол қойды. Қала әкімшілігінің мәліметінше, 1000-нан астам отбасы осы бағдарлама бойынша Ресейге оралуға өтініш берген. Бұл қаладағы орыс халқының айтарлықтай бөлігі. – Бағдарлама мақсаты – ресейлік азаматтардың жұмыссыз қалмауын қамтамасыз ету. Қалада өндіріс орны атымен жоқ. Роскосмос кетсе, 7,5 мың жұмыс орны жабылады, – дейді Байқоңыр қаласының әкімі Константин Бусыгин Agence France-Presse агенттігіне берген сұхбатында. Айтуынша, ғарыш айлағы жабылса, көп өтпей қаланың жүрек қағысы тоқтайды. Айта кетсек, екі ел арасындағы келісім бойынша Ресей Қазақстаннан "Байқоңырды" 2050-ші жылға дейін жалға алған (арендасы жылына 115 млн 💲). Бірақ санкция қыспағындағы солтүстік көршіге көнерген және мол инвестицияны талап ететін ғарыш айлағын ұстап тұру аса қымбатқа түсуде. DALA INSIDE бұл туралы әлі де айтады. Арнаға тіркелуді ұмытпаңыз👇 https://t.me/dalainside

🏦Лоббилер соғысы: Үкімет банктерге қарсы күресте Парламентті көмекке шақырды Кредиттің ставкасы жоғары болғандықтан, 2022 жылы отандық банктер 1,47 триллион теңге таза пайда алған болатын. Ал биыл 7 айдың өзінде олар 1,24 триллион теңге табысқа кенелген. Бірақ банктер бизнесті несиелеуін азайтып, негізінен халыққа тұтынушылық кредиттер берумен айналысып келеді. Ал президент банктерді экономиканы кредиттеуге бұрғысы келген. Банктер залогпен қиналып жүргісі келмей отыр. Және текетірес күшейіп барады. Бүгінгі Мәжілістегі талқылауды Үкімет ҚНРДА көмегімен заң актілеріне айналдыру арқылы ауыр соққы жасамақ. Ал банк лоббиінің жауабы қандай болады? DALA INSIDE дереккөзінің айтуынша, коллекторлар бойынша ұсынысқа банк лоббиі қарсы болмайды. Және банкирлер біршама капиталын микроқаржы ұйымдарына аударып, солар арқылы бизнестерін жүргізбек. Кек қайтару да жоспарда бар. "Қошановты жазалау" операциясы аясында анонимді телеграм арналарда бір-екі компромат пайда болады. Халыққа кредит берудің негізгі қызығын Тимур Құлыбаев, Вячеслав Ким, Михаил Ломтадзе сынды акулалар көріп отыр. Каспи мен Халық банк өзара бәсекелес болса да, осы мақсатта күш біріктіруге қарсы емес. Ал Қошанов не деп еді? Мәжіліс төрағасының айтуынша Қазақстанда 8,4 млн адам банктерге берешек. Соңғы 1,5 жылда бұл көрсеткіш 28 процентке өскен. “1,7 миллион адам қарызын уақтылы төлей алмай отыр. Осының бәрі несие проблемасының қаншалықты асқынғанын көрсетеді. Кредитті оңды-солды таратуды доғару керек”, – деген-ді Қошанов. Бұл туралы әлі де айтамыз. Арнаға тіркеліп алыңыз👇 https://t.me/dalainside

👊🏦 Назарбаевтың әмияны емеспіз! Әулетпен байланысты холдинг ақтала бастады... Jysan Holding бұған дейін екі бірдей белді басылымның үстінен шағымданған. Британдық The Telegraph пен openDemocracy: "Jysan-ның түп иесі - Назарбаев. Компания әулеттің активін басқару үшін құрылды" деп жазған. Мұны теріске шығарған компания жалма-жан сотқа жүгірген. "Күні кеше осы істің алғашқы раунды өтіп Jysan Holding басым түсті", - деп хабарлайды DALA INSIDE. Холдинг юристері компанияның экс-президентке қатысы жоқтығын айтып, ақталып бақты. "Отбасының активін сақтаумен айналыспаймыз. Соның кесірінен холдинг беделіне дақ түсті. Британиядағы бірқатар жобалар жүзеге аспай, қалды», - дейді. Сот барысын бақылаған DALA INSIDE-қа бұлардың тезистері таңсық емес. Формалды түрде, Назарбаев та, оның көмекшілері де еш жерде емес, Жусан тақырыбына мүлде қатысы жоқ. Компанияның мекенжайы да Қазақстаннан жырақта, АҚШ-тың Невада штатында тіркелген. "Jysan Holding" өз кезегінде "New Generation Foundation" қорына қарайды. Бұл қор өткенде ғана "NU (Nazarbayev University) Generation" деп аталатын. Назарбаевтың атын Жусанға қатысты барлық жерден алып тастау операциясы аясында қордың аты өзгерді, оның басшылығынан Қазақстан азаматтары, кезінде Назарбаевтың жанында жүрген көмекшілері Ербол Орынбаев, Аслан Сәрінжіпов, Рүстем Хамзин, Евгений Пан түгел кетті. Оның орнына басқармаға американ лоббистері келді. 2000 жылдары бізде Білім және ғылым министрі болған Нұралы Бектұрғанов қана қалды. Бірақ ол да АҚШ азаматы. ❗️ Бұдан секем алған шетелдік БАҚ: "Jusan Назарбаевқа тиесілі 7,3 млрд 💲 -ды сұқ көзден сақтап отыр. Холдинг экс-президенттің Британ аралығындағы сандығы сынды. Әулеттің жиған-тергені осы сандықта сүрленіп жатыр" деп жазған. Семьяның бизнес-империясын әшкерелеген материал жанжалға ұласып, тараптар сотта кездесті. Даулы істің алғашқы раунды Jusan- ның пайдасына шешілді. Судиа Жереми Жонсон мақаланың мақамы «айыптау сарынында жазылған» деген холдинг өкілдерінің сөзін сөйлей жөнелді. The Telegraph пен openDemocracy Jusan-ның шағымын сөз бостандығын шектеу деп бағалап, мақаладағы Назарбаевқа қатысты тезистерді алып тастаудан бас тартты. Бұл әулетпен байланысты холдингтің түпкілікті жеңісі емес. Британ басылымдары біраз жерге барысқалы отыр. Бұл туралы әлі де айтамыз. Арнаға тіркеліп алыңыз👇 https://t.me/dalainside

⚡️ Жаңа Қазақстан дау-дамайдан шаршады: "Тіл патруліне" тыйым салу туралы шешім қабылданды... DALA INSIDE-қа жеткен мәлімет бойынша Риддердегі айғай-шудан кейін төбе жақта тілге қатысты қызу талқылау өткен. Осы отырыста "Тіл патрулінің" тағдыры түбегейлі айқындалған. Мемлекет тіл мәселесін толықтай өз қолына алмақ. "Риддердегі рейдке" ұқсас инсидентке бұдан былай жол берілмейді. Әрідегі Қуат Ахметов пен берідегі Диас Құзайыровтың әрекетін қайталағысы келгендерге қатаң шара қолданылып, жауапқа тартылады. Жаңа Қазақстан тілдің төңірегіндегі жанжалдың жиілеп кеткеніне алаңдаулы. Теріскей көршімен арадағы сыйластыққа сызат түсірмеу маңызды. Сол жағалаудағы азды-көпті мемлекетшіл азаматтар қазақтілді аудиторияның "ана тіліміз жоғалу алдында тұр" деген үрейден арылғанын қалайды. Құзайыров? DALA INSIDE-қа белгілі болғандай билік тарапынан Диасқа бір жолға рақымшылық жасалған. Риддердің шенділерінен қазақша сөйлеуді талап етіп, кейіннен кешірім сұраған тіл белсендісі сотталмайды. Диастан кейінгі тіл жанашырларына ілгеріде айтқандай мұндай кеңшілік жасалмайды. Ал "Тіл патрулінің" орнын "Қазақ тілі" қоғамы алмастырмақ. Түнеукүні Тоқаевтың қабылдауында болған ұйым төрағасы Рауан Кенжеханұлына мекемені жаңа форматқа көшіру туралы талап қойылған. Ұйым мемтілдің қолданыс аясын арттыруда агрессиясыз, ақылмен, сабырмен жұмыс істеуі тиіс (соның ішінде теорияны тастап, практикалық жұмысқа тездетіп көшуі керек). DALA INSIDE мемлекеттің осы тараптағы позициясын қолдайтынын жасырмайды, десе де... "Тіл патрулі" қазақтілді ортаның сұранысынан пайда болған стихиялық ұйым. Оны уақытша тежеуге болады, бірақ мүлде шектеп тастау мүмкін емес. 1) Осы жыртықты жамағысы келетін "Қазақ тілі" қоғамы өзіне жүктелген ауыртпалықты арқалай ала ма? 2) Мемтілді есіктен сығалатпай отырған мекемелермен сауатты күрес жүргізуде қандай стратегия қолданады? 3) "Тіл патруліне" қатысы жоқ, бірақ осы бағытта ың-шыңсыз, дау-дамайсыз, заңға сүйеніп іс тындырып жүрген белсенділермен (мәселен, Жандос Өстемірұлы) тіл табыса ма?.. Бұл жайлы алдағы уақытта егжей-тегжейлі айтамыз. Арнаға тіркелуді ұмытпаңыз👇 https://t.me/dalainside

⚡️Жаңаөзен қаласының мүмкіндігі шектеулі тұрғыны ауыл шаруашылығын дамыту үшін грант алды... Маңғыстаулықтар үшін мұнайшы болудан басқа жолдар да бар екенін дәлелдейді. Жаңаөзен қаласының тұрғыны Эрик Жұмабаев бірінші топтағы мүгедектігі бар азамат, бірақ соған қарамастан жеке ауыл шаруашылығы ісін жүргізеді. Ол жақында ауыл шаруашылығын дамыту үшін мемлекеттен 1,3 млн теңгені құрайтын грант алды. Алдағы уақытта сүт, құрт және ірімшік сияқты табиғи сүт өнімдерін өндіру үшін өз кәсібін кеңейтуді жоспарлап отыр. Жаңаөзен қаласына жұмыс сапары аясында өңір басшысы Нұрлан Ноғаев азаматтарды жеке мәселелері бойынша қабылдады. Әрі қарай да қолдау көрсетеміз деп айтты. Сонымен қатар, кәсіпкер 🏭 "Өзенмұнайгаз" компаниясымен тамақ қалдықтарын алуға келісімшарт жасаған. Тағам қалдықтарын алған соң сұрыптаудан өткізіп, өзінің фермасындағы арнайы, құрылғы арқылы кептіреді. Бұл өңделген қалдықтар құрғақ мал азығы ретінде пайдаланылады. 💬 Жоғары табыс табу үшін, мұнай өнеркәсібінің жұмысшысы болу міндет емес. Мұнайға қарамастан экономикасын өркендетіп отырған аймақтар қаншама. Қол қусырып отырып, мен үшін басқалары жұмыс істейді деу қате. Үлкен жетістікке адам адал жұмыс істеп, жүз пайыз еңбектенген кезде ғана қол жеткізеді. Ең бастысы-өз ісіңе деген сүйіспеншілік. Қазіргі уақытта менің 🐄 екі сиырым бар және мен жергілікті тұрғындарға сүт, қаймақ және ірімшік сияқты табиғи өнімдерді ұсынамын. Менің мақсатым - ауыл шаруашылығын одан әрі дамыту, - деді Эрик Жұмабаев. https://t.me/dalainside #PR