DALA INSIDE

🏃Назарбаев өзі кетерден бір күн бұрын Бишімбаевты босатқан еді Назарбаев қызметінен кетерден бір күн бұрын Бишімбаевтың ісіне тікелей араласып, оны темір тордан босатуға мұрындық болды, дейді DALA INSIDE дереккөзі. Себебі, экс Елбасы Бишімбаевтың сотталуына өзін сәл де болса кінәлі санап, "жас баланың өміріне балта шаптым-ау" деп іштей уайым жеген еді. Ол уайымын кейде жақындарымен және Абай Бисембаевпен де бөлісіп отыратын. Сол үшін Антикор бастығы Қайрат Қожамжаровқа іштей суып қалды. Ақыры өзі отставкаға аттанардан бір ай уақыт бұрын, 2019 жылдың ақпанында ақыры Бишімбаевқа рахымшылық жасалып, жазасы 4 жылға қысқарған. Жалпы, Бишімбаев Назарбаевтың тұсында атқа қонды. Президент көмекшісі, «Самұрық-Қазына» АҚ Басқарма төрағасының орынбасары, «Бәйтерек» ұлттық басқарушы холдингі» басқарма төрағасы қызметтерін атқарды. Екі рет Ұлттық экономика министрі болды. «Қазақстанның Даму Банкі» АҚ, «СПК Каспи» ҰК» АҚ, «Қазатомөнеркәсіп» ҰАК» АҚ, «Қазпошта» АҚ, «Қазақстан темір жолы» ҰК» АҚ және т.б. директорлар кеңесінде қызмет істеді. Бір сөзбен айтқанда, Бишімбаев Назарбаевтың сүйікті кадрларының бірі болды. Экс министрдің 2019 жылы босап шығуы заң нормаларына қайшы келмейді, өйткені ол барлық шартты талаптың үдесінен шыққан. Дегенмен Назарбаевтың биліктен кетерде Бишімбаевқа рақымшылық жасауында бір мән көлекейлеп тұрғандай. Тағы бір айта кетерлігі, қазір елімізде жемқорлық бойынша істі болғандарды мерзімінен бұрын босатуға тыйым салынған. 2021 жылы Президент Қасым-Жомарт Тоқаев ауыр және аса ауыр сыбайлас жемқорлық қылмысы үшін сотталғандарды мерзімінен бұрын босатуға тыйым салатын заңға қол қойды. Бірақ Қуандық Бишімбаев осы өзгерістерден бұрын бостандыққа шығып алды да, енді тағы бір ауыр қылмысқа қолын малып отыр. DALA INSIDE карма мәселесіне де біраз үңіледі. Бишімбаев "Байтерек" басшысы мен министр болып тұрған кезде қарапайым қызметкерлерді жұмыстан шығарып, талай көз жасына қалған еді. Көз жасы жібермейтінін уақыт тағы бір рет дәлелдеді. Сол үшін бізге жазылып алыңыз 👇 https://t.me/dalainside

⚡️Испандар ескі Қазақстанның экспанциясына қарсы шықты... Назарбаев әулетінің Каталониядағы Коста Браво жағалауында іші-сырты үлде мен бүлдеге оранған зәулім вилласы бар. DALA INSIDE-қа мәлім болғандай аумағы 3000 шаршы метрді алып жатқан хансарайдың 16 жатын бөлмесі бар. Тек жуынып-шайынуға арналған туәлет пен ваннаның саны 20-ға жуықтайды. Вилладағы кинозалдың өзі 90 шаршы метрден асып жығылады. Бұған үш сауна, бірнеше жакузи, жаттығу залы, шәй бөлмесі мен массаж залын және қосыңыз. Оны айтасыз-ау, тіұшаққа арналған алаңның өзі кішігірім стадионмен пара-пар. Лиорет Де Мар курортындағы Коста-браво жағалауын ен жайлап жатқан Назарбаев әулеті жалпы аумағы 20 гектар жерді шыр айналдыра қоршап алған. Дәл осы виллада Назарбаевтың ортаншы қызы Динара мен күйеубаласы Тимур қонақ күтеді екен. DALA INSIDE-тың анықтағанындай әулет ғимаратты 2007 жылы сатып алып, капремонт жасаған. Жергілікті жұрт "Вавилон сарайы" деп атап кеткен вилла содан бері қанатын кеңге жайып, жан-жағындағы территорияны жалмай бастаған. Жерорта теңізінің жағалауына алып баратын соқпақ жолды тып-типыл етіп, қарамағына қосып алыпты. Бұрын соңды мұндайды көрмеген испандықтар ескі Қазақстанның экспанциясына қарсы шығуда. "Esto es el colmo! (шыдамымыз шегіне жетті). Назарбаевтар жағалауға апаратын жолды, дуалмен қоршап тастады. Вилланың жанына жолау мүмкін емес. Іші-сырты толған күзет, 🦮 қабаған иттерді абалатып қойған, бақылау камерасы басқан ізіңді аңдып отырады", - дейді наразы қауым. Туристердің сүйікті соқпағын сүріп тастаған Назарбаевтар соттан да именіп отырған жоқ. Жаяу жүргіншілердің жолын ашып, қорғанды бұзуды талап еткен Каталония қалалық кеңесінің бұйрығына құлақ асар емес. DALA INSIDE-қа бұл активтің қандай жолмен келгені қызық. Жоқшылықтан қажыған қазақтың көз жасы жатқан жоқ па? Шетелдегі байлықты қайтару науқанына іліге ме, жоқ па? Бұл жайлы алдағы уақытта айтамыз. Арнаға тіркеліп алыңыз👇 https://t.me/dalainside

💥Асталависта Ниязов: Даниал Ахметов "Самұрық-Қазынаны" басқаруға келмек Қазақтың нөмірі бірінші әл-ауқат қоры Даниал Ахметовтың қолына өтетін болады дейді, DALA INSIDE дереккөзі. Шығыс Қазақстан облысының экс әкімі, экс Премьер-Министр Астанаға қоныс аударды және оның қолына Самұрықтың қазіргі жағдайы туралы толық есеп салынған қызыл папка берілді. Даниал Ахметовтың қандай шартпен обоймаға оралғаны белгісіз. Бірақ оның облыс әкімі лауазымынан отставкасы Ақордамен арасын суытқан жоқ еді. Ол әу бастан Президент Қасым-Жомарт Тоқаевпен жақсы тіл табысты. 2003-2007 жылдар аралығында Даниал Ахметов үкімет басқарғанда Тоқаев оның қомандасында Сыртқы істер министрі болып қызмет еткені есімізде. Ахметов ел тарихында бір облысты ең ұзақ билеген рекордсмен әкім. Ол Шығыс Қазақстан облысын үзіліссіз 9 жыл бойы (2014-2023) басқарды. Ал жалпы облыс әкімі ретіндегі өтілі бақандай 17 жыл. Бұл бойынша оған марқұм саяси қайраткер Бердібек Сапарбаевтың рекордына 1 жыл жетпей қалды. Самұрықты басқарған соңғы авторитет - Ахметжан Есімов болатын. 2021 жылы оны Алмасадам Сатқалиев, ал Сатқалиевті 2023 жылы Нұрлан Жақыпов алмастырды. Жақыповты Ақорда уақытша менеджер ретінде ұстайтыны әу бастан белгілі болған еді. Себебі, Қазақстан экономикасының 60%-ын құрайтын Самұрық-Қазына басшысының дәрежесі Премьер-Министрдей деп есептеледі және оны саяси салмағы ауыр қайраткерлер алып жүреді. Даниал Ахметовтың аяқталмай қойған карьерасын DALA INSIDE бір көзімен бақылап отыратын болады. Бізге жазылып алыңыз 👇 https://t.me/dalainside

👊Ельцинді ұру, Рахатпен соғыс: Назарбаевтың мемуары бестселлер болатыны даусыз Нұрсұлтан Назарбаев өзі жазып жатқан кітаптың жартысын аяқтады. Бұл жолы Қазақстанның тұңғыш президенті басқа кітаптарына қарағанда ащы шындық жолын таңдады дейді, DALA INSIDE дереккөзі. Мемуар сыртқы саясат пен ішкі саясат қитұрқыларына арналады. Назарбаев өзін сатып кетті деп санайтындарға да біраз "жылы" лебізін аямаған. Экс "Нұраға" "зиялы" қауымға кітап беттерінен сәлем айтпақ ниетте. Кітап хронология бойынша келе жатқандықтан, автор әлі "Қаңтар" оқиғасына жете қоймады. Назарбаевтың алғашқы кітаптарының бірі болып табылатын "Без правых и левых" туындысында "Желтоқсан оқиғасын" сипай суреттегендей, бұл жолы да "Қаңтарды" жылы жауып өте ме деген күдік бар. Ал егер ештеңе жасырмай шынайы жазса, Назарбаев версиясындағы "Қаңтарға көзқарас" осы кітаптың ең көп оқылатын тарауы болары сөзсіз. Әзірге мемуардың нақты атауы анықталмады. "Желтоқсаннан Қаңтарға дейін. Тақтағы 35 жыл" деп атамайтыны түсінікті. Бірақ "Балалық шағымның аспаны" деген түкке тұрғысыз атаулардан көрі, біздің нұсқамыз дұрыс болар еді. DALA INSIDE бұл кітаптың тағдырына алаңдап отыратын болады. Бізге жазылыңыз, бірге алаңдайық 👇 https://t.me/dalainside

🔥"Милан» – ПСЖ" матчынан ₸20 000 дейін қайтару мүмкіндігі 🏆Чемпиондар Лигасының топтық кезеңінің бірінші айналымы өтті. Алда жауап матчтары! Екі апта өте сала, футбол әуесқойлары "Милан" – ПСЖ тартысын тағы да көрмек. Өткен ойында париждіктер қарсыласын 3-0 есебімен жеңіп, "Миланға" мүмкіндік қалдырмады. Енді "россонерлер" өз алаңында ойнайды, бірақ тіпті "туған жер" факторы да оларды фаворит етпей тұр. Итальяндық клубтың жетістігі 3.24-ке бағаланады, ал ПСЖ жеңісіне 2.2 беріледі. 🔵1xBet компаниясы сіздің осы матчта жеңіске жету мүмкіндігіңізді арттырады! Арнайы дайындалған"Тәуекелсіз ұтыс тігу" акциясы сіздің болжамыңыз сәтсіз болған жағдайда, 20 000 дейін қайтаруға көмектеседі. 🔥Ойынға ұтыс Барлық оқиғалардан, сондай-ақ супержүлделер мен фрибеттерден хабардар болыңыз

🐎Бір Тимур бәйгеден шықты Freedom Holding Corp баспасөз қызметі Тимур Турлов "АрселорМиттал Теміртаудың" жаңа акционері болуы мүмкін деген инсайдерлік ақпаратты жоққа шығарды. DALA INSIDE арнасына хабарласқан баспасөз-қызметі: «Бұған дейін жарияланған Тимур Турлов «АрселорМиттал Теміртау» компаниясының жаңа инвесторы болуы мүмкін деген ақпарат шынайы емес. Турлов мырза кәсіпорынды сатып алу бойынша келіссөздер жүргізген жоқ және жоспарлаған емес», - деген ресми мәлімдеме ұсынды. Бұл ретте, металлургия, өндіріс Тимур Турлов үшін мүлде бейтаныс сала екенін айта кету керек. Турлов негізінен қаржы, инвестиция, брокерлік және банк саласының маманы болып табылады. Тізімдегі екінші Тимур, Құлыбаевтың баспасөз-қызметі әзірге ақпаратқа қатысты комментарий берген жоқ. Бізге жазылып қойыңыздар 👇 https://t.me/dalainside

🥵Қоспаевтың жабылмайтын ауызы Болаттың жүрегін жаралауда Кипрде құрықталып, Қазақстанға жеткізілген, Болат Назарбаевтың рейдерлік бандасын басқарған Елдос Қоспаев тергеуде белсенді сөйлей бастады дейді, DALA INSIDE дереккөзі. Қоспаев біраз ақпараттың басын ашып, кем дегенде екі эпизод бойынша Болат Назарбаевты соттауға жететін материал жиналды. Бірақ Болаттың командасы өз кезегінде "инфаркт" операциясын бастап кетті. Оның алдында, "Қаңтар" оқиғасынан кейін "Барыс" пен "Алтын Орда" базарларына қатысты "Жаңа Қазақстанның" батыл қадамдарынан қорыққан Болаттың командасы "БН ракпен ауырып, әл үстінде жатыр" деген арнайы назар аудару операциясын сәтті өткізген болатын. Бір нәрсе анық, Болат Назарбаев тек өзіне ыңғайсыз сұрақтар туындағанда ғана ауырып қалады. Қазіргі инфаркт та Қоспаевтың жұма күнгі тергеушілермен сырласу сәтімен сәйкес келді. Заңсыз активтерді қайтару комиссиясы Нұрбол Назарбаевпен қашан айналысады? Тіпті Болат Назарбаев қайтыс болса да, ол үшін "Жаңа Қазақстан" алдында жауап беретін адам бар. Ол - Болаттың ұлы Нұрбол Назарбаев. Заңсыз активтердің ішінен дәл қазір қайтарып алу керек дүниелер: Magnum гипермаркеттер желісінің үлесі, Тастақ базары, Никольский базары. Одан бөлек жүздеген жер телімдері, коттедждер, автокөліктер де өз кезегін күтуде. Нұрбол да бекер отырмай, осының бәрін сатып, криптовалюталарға айналдырғысы келеді. Тек жер телімдері бойынша қиындық тумаса да, ірі активтерді сату оңай болмай тұр. Сатып алушылар болашақ проблемалардан қорқады. Болат Назарбаевтың үстінен қылмыстық іс қозғауға бәрі тастай дайын отыр. Тек құзырлы органдар "пациент" кезекті рет симуляция жасап жатыр ма, әлде шынымен де "Жаңа Қазақстан" ең бақытты сантехниктің жүрегін жаралады ма, осыны анықтап алғысы келеді. DALA INSIDE Болат Назарбаевтың бақытты өмірін де, бақытсыз өмірін де жазған болатын. Әлі де көз қырын салып отырады. Бізге жазылып алыңыздар👇 https://t.me/dalainside

🦸Лакшмидан Тимурға. Жаңа Миттал кім болады? DALA INSIDE дереккөзі "АрселорМиттал Теміртаудың" жаңа инвесторы ретінде отандық олигархтар - Freedom Holding қожайыны Тимур Турлов пен Назарбаевтың күйеу баласы, Халық банктің мажоритарлы акционері Тимур Құлыбаев қарастырылып отырғанын айтады. Тараптар баға бойынша компромисске келген, дегенмен коммерциялық моменттерді әлі де болса талқылау қажет. Келіссөз осы айдың соңына дейін созылмақ. Қос тарап та Үкіметпен жарты жыл бойы келіссөз жүргізген. Костенко шахтасындағы соңғы трагедия Лакшми Миттал сұраған сатып алу ақысын күрт кеміткендіктен, зауытты арзанға сатып алудың сәті енді түсіп отыр. Бұған дейін Миттал Қарағанды металлургия зауытын 4 миллиард долларға бағалап келсе, 46 кеншінің ажалынан кейін тәбетін бірден 1,3 миллиард долларға дейін кемітті. Мұндай ақша Тимур Құлыбаевта бар және ол Халық банктің бірнеше пакет акцияларын сатып, өз капиталын тағы толықтыра алады. Ал Турлов Құлыбаевтай гигант емес, сондықтан зауытты қақшып аламын десе, инвесторлық синдикатталған пул ұйымдастырып, әсіресе Болат Өтемұратовтың капиталын тартуы мүмкін. Қарағанды зауыты - пайда әкеліп отырған өндіріс ошағы. Тек оған өндірістік қауіпсіздікті күшейту үшін кемі 3 миллиард доллар инвестиция керек. Үкімет жаңа инвесторға - "енді шахталарда адам өлмесін және ешкім жұмыссыз қалмасын" деген өте түсінікті және қарапайым екі талап қойып отыр. Бұған дейін зауытты ресейлік инвестор сатып алады (соның ішінде Северсталь) деген пыш-пыш әңгіме тараған. DALA INSIDE дереккөзі мұны үзілді-кесілді жоққа шығарып отыр. "Орыстар бұл жобаға жоламайды. Миттал? Ақорда онымен сыпайы қоштасып, ың-шыңсыз шығарып салғанды қалайды. Билікке "Стати-2" скандалы керек емес. Британ заңнамасын жақсы білетін Митталмен ерегесер болсақ, ертең Лондонға сүйреп сілікпемізді шығарады. Үнді олигархының заңгерлері шетінен монстр. Халықаралық құқықты бүге-шігесіне дейін меңгерген бұлармен ашық шайқасу қауіпті..", - дейді дереккөз. P.S.Тұрлов? Материал жарыққа шыға сала Freedom Holding Corp-тың баспасөз қызметі хабарласып, Тұрлов "АрселорМиттал Теміртаудың" жаңа акционері болуы мүмкін деген инсайдерлік ақпаратты теріске шығарды. Бұл туралы алдағы уақытта егжей-тегжейлі айтамыз. Арнамызды бақылап отырыңыз👇 https://t.me/dalainside

⚡️Бүгін бауырлас елдердің басы қосылады: Тоқаев маңызды мәлімдеме жасауға оқталып отыр... DALA INSIDE Астанада өтетін Түркі елдерінің 10-шы саммитін тағатсыздана күтуде. «TURK TIME» деген тақырыпты арқау еткен саммитке бір кіндіктен тараған туысқан ұлттардың басшылары түгел жиналды. Бізге жеткен мәлімет бойынша Тоқаев бүгінгі жиында батыл мәлімдеме жасайды. Түркі одағын құруға алғышарт болатын іс-қимылға көшуге, түркітілдес аудиторияны бір жұдырыққа жұмылдыратын өміршең идеяны ойлап табуға үндейді. Жалаң ұран, сылдыр сөзді қойып, «түркі әлемінің» өрісін кеңейтін пайдалы кейс әзірлеу керектігін тілге алға тартады. Бұ бастама Анкарадан атажұртқа алып-ұшып жеткен Ердоғанның тарапынан қолдау табары сөзсіз. Түркия президенті Түркі мемлекеттерінің жағрафиясын кеңейтіп, ұйым қатарын жаңа мүшелермен толықтыра түсуге мүдделі. Саммитке Мажарстан мен Түрікменстан бақылаушы ел ретінде қатысады. Ердоған Израиль тақырыбын да айналып өтпесі анық. Бізге болғандай Түрік лидері аталған мәселені самиттің күн тәртібіне шығарғалы отыр. Бұл туралы айтарымыз көп. Арнамызға жазылып алыңыз 👇 https://t.me/dalainside

🗼Есіл жағасындағы Ватерлоо. Макрон бізді "мақұл" дегізе алды ма? Франция президенті Эмманюель Макронның сапары бірнеше тақырыпты қамтыса да, басты бағыты уран болды. Бұл ретте, қонақтың мақсаты болашақта Франция АЭС-терінің тұрақты жұмыс істеп тұруын реттеп кету болатын. Ол үшін реакторларды қуаттап тұратын уран оксидінің импорты тоқтап қалмауы керек. Қазақстан француздарды барынша түсініп отыр. Оны Макрон сапарына дейін Француз даму агенттігімен арнайы келісім жасағанынан байқауға болады. Енді ФДА-ға бізде кез-келген инвестиция жасауға, кәсіпорынды сатып алуға рұқсат берілді. Француздардан инвестиция келсе, оған қарымта ретінде бізде уран өндіріп жатқан Orano алпауытына қосымша уран кеніштерін бере аламыз. Мұны емеуірінмен ақ Премьер-Министр Әлихан Смайыловпен кездескен Orano бас операциялық директоры Николя Мас ашық білдірді. «Қазіргі уақытта бізге екі тараптан да өзара іс-қимылды кеңейтуге ықпал ете алатын ірі жобалар жетіспейді. Сол себепті бүгін мен қарым-қатынасымызды нақты жобалар негізінде жаңғыртуды ұсынғым келеді», — деді ол. Француздар екі жақтан бірдей жүріс жасады. Orano уран өндіру жағын реттеп жатса, Fromatome уран шикізатын дайын таблеткаға айналдыру мәселесін пысықтауға көшті. Олар Қазатомпроммен ядролық отын циклі бойынша тағы бір келісімге қол қойды. Негізі Fromatome технологиясы бойынша еліміз "Үлбі-ТВС" зауытында қазір Қытай АЭС-теріне таблетка жасауда. Француздарға да таблетка жасаудың еш қиындығы жоқ. Осыған қарағанда Макрон ойдағысын орындап, жақсы көңіл-күймен Ташкентке ұшты деуге болады. Уран туралы айтарымыз көп. Арнамызға жазылып алыңыз 👇 https://t.me/dalainside

⚡️Жақиянов: Миттал? Біз басынан қисық жолмен жүрдік. Кешегі апат соның салдары... Костенко шахтасындағы апаттан 46 кенші қаза тапты. «Басынан қисық жолмен жүргеннің салдары осыған әкелді» дейді Ғалымжан Жақиянов. Саясаткерді сөзге тартқан DALA INSIDE осы арқылы түнеукүнгі трагедияның түп-тамырына үңілуге тырысты. Жақияновтың айтуынша бұған жалғыз Миттал жазықты емес. Осы афераның әу бастағы авторлары экс-президент, Үкіметтің экс-басшыларынан жауап алынуы керек. «Төтенмин бұған дейін шахталарда 212 рет заң бұзушылық тіркелген деді. Бұл айтылып қана қоя ма? Бұрын неге шара қолданылмады? Жұрт көшеге шықса, артынан бірге жүгіріп отырады. Ал мына жағдайда неге тексеріп, жауапкершілікке тартпайды?», - дейді ол. Жақиянов үнді олигархы мұның бәрінен оңай сытылып кете ме деп қауіптенеді. Оның пікірінше, Смайылов үкіметі компенсация талап етудің орнына зауытты «меншігімізге қайтарамыз» деп елді алдандырып отыр. «Жұрттың көбі «өзімізге қайтты ғой» деп бұған ризашылық білдіруде. Бұған құқық қорғау орындары, не прокурор, не қауіпсіздік кеңесі дұрыс баға беріп отырған жоқ. Бәрінің ұмтылғаны – активтерді тартып алу мен бөлу... Миттал бізді емес, біз оны халықаралық сотқа сүйреуіміз керек. Өйткені, оның дүниежүзінде басқа да мүліктері бар. Осы апат Ұлыбританияда тіркелсе, оның қалай жауапқа тартылғанын көрген болар едік. ❗️ Назарбаев? Приватизация әу бастан қылмыстық жолмен жүргізілгенін нақты айта аламын. Басынан қисық жолмен жүргенінің салдары осындай жағдайға әкелді. Сол кезде келгеннің көбі шетелдік инвестор емес, соның тоңын бүркеніп алғандар еді», - дейді саясаткер. Дәл сол уақытта «Шетелдік инвестицияны қорғау туралы» заң шыққан. Мәшкевич секілді «қой терісін жамылғандар» осы заңның қызығын көрген. «Содан бергі 32 жылдың соңғы бес жылында көптеген өзгеріс жасауға болатын еді, бірақ ұлттың, елдің игілігіне ештеңе істелмеді. Миттал «Қарметкомбинатты» небәрі 220 млн долларға сатып алды деді. Сол сияқты Екібастұздағы жылына 50 млн тонна көмір өндіретін дүниежүзіндегі ең ірі «Богатырь» көмір кенін 1996 жылы 20 млн долларға бере салған. Оның ақшасын бір емес, бірнеше жылда қайтаруға келіскен. Ең сорақысы, кен орны қоймасындағы көмірдің өзі 750 млн долларға бағаланған», - дейді саясаткер. Смайылов? Жақиянов жауапкершілікті Смайылов қана емес, Қазақстан президенті бастаған меморгандардан бастауды ұсынып отыр. "Ескі Қазақстанның кінәсі өз алдына, қазіргі жағдайда жаңа Қазақстан да оңып тұрған жоқ. Осындай апат былтыр да болды. Содан бері неге шара қолданбады? Бұрынғыны айта беріп, бұрынғымен күресіп жүре береміз бе?", - дейді ол. Сұхбаттың толық нұсқасы осы жерде:https://dalanews.kz/mittalga-qatysty-ritorika Бұл туралы әлі айтамыз. Бізге жазылып алыңыздар👇 https://t.me/dalainside

🕺"Алвида" операциясы сәтті аяқталды. Бір де бір үнді зардап шекпеді Лакшми Митталдың Қазақстандағы 28 жылдық эпопеясы осымен тәмәм. Осы уақытта Қазақстанда 160 кенші қаза тапса да, Митталдың өз отандастарын жауапкершіліктен құтқарып отыруы өте сәтті болды. Лакшми Митталдың Назарбаевқа жақындығы оған кезінде құқық қорғау органдарына өз жансызын енгізуге жол ашты. Соның арқасында Миттал Теміртауды басқарған үнді менеджерлерін дер кезінде Лондонға қашыруға мүмкіндік алды. Олар апат туралы хабар жетісімен, Қарағанды әуежайында дайын тұрған ұшаққа отырып ұшып кететін еді. 2006 жылы "АрселорМиттал Теміртауды" үнді менеджері Навал Чоудхари басқарып тұрғанда Ленин атындағы шахтада 41 кенші қаза табады. Чоудхари қашайын деп тұрғанда Миттал Қарағанды облысының әкімі Нұрлан Нығматулинмен телефонмен келісімге келіп, өзі ұшып келеді. Артынан Чоудхариді Сатиш Тапария ауыстырады. Оның кезінде 2008 жылы Абай шахтасында 30 кенші өледі. Тапарияны қашады да, орнына неміс Паннир, артынан үнділер Махадеван, одан кейін Паранжит Калон келеді. Калон кезінде 10 шахтер қаза тауып, ол да қашады. Сөйтіп 2020 жылы Теміртауға Биджу Наир бастық болып отырды. Оның кезінде Абай шахтасында 7 адам, Қазақстан кенішінде 5 адам қаза тапты. Былтыр Биджу Наир өзінің қылмыстық іс орбитасына тартылғанына қарамастан қашып кетеді. Биджу қашқаннан кейін, әрі Нығматулин пәрмені кеткендіктен отандық құқық қорғау органдары үнді менеджерлеріне деген риторикаларын қатаңдата бастайды. Осыны ескеріп, және апаттар көбейіп жатқандықтан, Миттал 2023 жылдың басында Теміртауға басшы қылып жергілікті маман Владимир Яблонскийді қойған. Себебі, үнді менеджерлерін қорғап қалу енді қиын болар еді. Яблонскийдің кезінде Костенко шахтасында 46 кенші көз жұмады. Сонда ең ірі апат үнді басшысы емес, қазақстандық менеджер кезінде орын алған болып шыға келді. Яблонский 100 жыл түрмеде отырса да, Митталдың оған жаны ауырмайды. Себебі Яблонский үнді емес. 160 адам өлсе де, 28 жылда бір де бір үнді менеджері бір күн абақтыда отырмаған. Миттал өз жоспарын ойдағыдай орындап шықты. Бұл туралы әлі айтамыз. Бізге жазылып алыңыздар 👇 https://t.me/dalainside