DALA INSIDE

🇰🇿🇺🇦Батыс қазақ қоғамының антиресейшіл позициясына алаңдаулы! Қазақстанда Путин шапқыншылығын айыптайтын аудиторияның ауқымы ұлғая түскен. ОБСЕ сарапшылары батысшыл, украиншыл ұстанымдағы қазақтілді қауымның белсенделігінен қауіптеніп отыр. Олардың ойынша бұл Ресейдің Қазақстанға қатысты күдігін қоюлата түседі. Одақтас елдегі орыстандыру процесі толық тоқтап, қазақтандыру үрдісі қарқын алып жатқанын көріп отырған Кремль антиресейшіл қозғалыстың күшейгенін қаламайды. Тиісінше, Тоқаев билігіне қысым артып, Астананың маневр жасайтын кеңістігі тарыла түседі. "ОБСЕ сарапшылары Ақорда идеологтарына осындай мәндегі ескерту жасаған", - деп хабарлайды @dalainside Батыстағы саяси технологтардың пайымдауынша Тоқаев билігінің дипломатиядан өзге құралы жоқ. Қазақстанның әскери әлеуеті Ресейге төтеп берер жағдайда емес. Ақордаға батысшыл позицияны бәсеңдету керек. "Астана екі бүйіріндегі алпауыт елдердің тілін табуға мүдделі. Қазақ қоғамындағы антиресейшілдіктің соңы Мәскеумен араздыққа ұласуы мүмкін. Тоқаевтың орнында Абылай хан отырса да Ресейдей агрессор елмен ашық кетіспеуге тырысар еді", - дейді арнамызға пікір білдірген Ақордаға жақын дереккөз. Украинаның қазақтілді ортаның күн тәртібінен түспей тұрғаны ОБСЕ-нің назарына ілігуі тегін емес. ❗️Жыл басынан бері Қазақстанда митинг өткізу туралы 36 өтініш түссе, соның 20-сы Украинаға арналған. Ақорда идеологтары мұның басым көпшілігіне рұқсат бермеген. Соған қарағанда Батыс сарапшыларының ескертуі елеусіз қалмаса керек. https://t.me/dalainside

"Бүгінде Қазақстан Республикасында цифрлы технологияны дамыту ісінің масштабы күн өткен сайын кеңейіп, маңызы артып келеді. Huawei компаниясы осы үрдісті назарға алып, Қазақстанда қолға алынған маңызды цифрлық жобаларға қолдау көрсетіп, оның табысты жүзеге асуына мүдделі болып отыр. Өзара ынтымақтастықтың аясында цифрландыру саласындағы жетістіктер қалалық инфрақұрылым нысандарына, ауыл шаруашылығына, консультативті қызмет көрсету саласына енгізіледі. Сонымен қатар АКТ инфрақұрылымдарына заманауи цифрлық шешімдерді енгізілуімен, цифрлық қызмет сапасы арта түсетін болады", – деді Huawei Technologies Kazakhstan компаниясының Бас директоры Чжао Сюй мырза. Қол қойылған меморандум қазақстандық цифрлық экожүйенің жоғары жылдамдықты байланыс саласымен арадағы байланысын жандандырып, жетілдіруді көздейді. Бұдан басқа тұрақты бұлттық қызмет пен кешенді өндірістік тізбектердегі жұмыспен қамтудың деңгейін арттыратын болады. https://t.me/huaweimediatalks

Меморандумға қол қойғандағы басты мақсат – еліміздегі ақпараттық-коммуникациялық инфрақұрылым (АКТ) саласы мен еліміз үшін маңызды индустрия саласында инновациялық шешімдер мен технологияларды енгізу және отандық бизнестің халықаралық бәсекеге қабілеттілігін арттыруды көздейді. Меморандумда ынтымақтастың басты бағыттарының бірі ретінде Қазақстанда алдыңғы қатарлы цифрлық шешімдерді енгізіп, АКТ саласын дамыту белгіленді. Осы келісімге сай алдағы уақытта елімізде кеңжолақты және мобильді интернеттің мүмкіндігін арттыру және ел аумағында 5G жүйесін дамытуға баса мән берілмекші. Бұдан басқа құжатта инновациялық технологиялар саласында зерттеулер мен консультативті қолдаулар көрсету, тәжірибе алмасу, арнайы мамандардың цифрлы саладағы біліктілігін көтеру ісі де қамтылған. https://t.me/huaweimediatalks

🤝Цифрлық даму министрлігі мен Huawei меморандумға қол қойды Елімізде цифрлы технологияларды дамыту мақсатында ұйымдастырылған Digital Bridge халықаралық форуымында ҚР Цифрлық даму, инновациялар және аэроғарыш өнеркәсібі министрлігі мен Huawei Technologies Kazakhstan компаниясы өзара түсіністік туралы Меморандумға қол қойды. Ортақ келісім бойынша тараптар Қазақстанда Цифрлық хаб құруға келісті. https://t.me/huaweimediatalks

🤌Мәндібек үшін мәнсіз сайлау Өкінішке орай, тәуелсіз журналист, қоғам белсендісі Ербол Мәндібек Қазақстан Президенті бола алмайды. Себебі оның жасы 40-қа толмаған. Ал Конституция және Сайлау туралы конституциялық Заң бойынша, Президенттікке үміткерге 40 жас межесі шарты қойылады. Ербол Мәндібек Орталық сайлау комитетіне бүгін құжаттарды тапсырамын деп мәлімдеген болатын. ОСК құжаттарды алуын алады және тіркемей тұрып тексереді. Сол кезде шартқа сай емес деп қайтарып бермек. Ербол Мәндібек өз үндеуінде “Егер алда-жалда байқаусыз жеңіп кетіп жатсам, Қазақстандықтар жұмақтағыдай өмір сүреді”, - деген еді. Енді Қазақстан азаматтары неге Ербол сәл ертерек тумады деп өкініп отыр. https://t.me/dalainside

🙈Мемлекет те, қазақ та қарыз Қазақстанның Үкіметі де, халқы да қарыз алғанды сұмдық жақсы көреді. Биылғы жылдың бірінші жартысында мемлекеттік борыш көлемі 22,9 триллион теңгені құрады. Бұл Қазақстанның ішкі жалпы өнімінің 24 пайызы. Біздің ІЖӨ қазір 95,4 триллион теңге деп бағаланады. Мемлекеттік борыш екіге бөлінеді: үкіметтік және үкіметтік емес. Үкіметтік дегеніміз Қаржы министрлігі немесе "Бәйтерек" холдингі алған қарыздар. Үкіметтік еместері Ұлттық Банк пен әкімдіктер алған борыштарға жатады. Қазіргі 22,9 триллион теңгенің 20 триллионы сол үкіметтік қарыз. Оның өзі ішкі және сыртқы деп бөлінеді. Ішкі қарызды Қаржы министрлігі биржаға құнды қағаздар шығарып, сол арқылы алады. Сыртқы қарыздарды көбіне бізге Халықаралық валюта қоры, Дүниежүзілік Банк, ЕБРР сынды қаржы институттары береді. Үкімет алған 20 триллион теңгеден 12,1 триллион теңгесі ішкі қарыз, ал 7,9 триллионы сыртқы қарыз болып табылады. Біздің Үкімет биылғы жарты жылда қарыздарды қайтару үшін 725 миллиард теңге жұмсады. Осы сома жыл санап ұлғайып келеді. Ол жақсылықтың нышаны емес. Халық өз үкіметінен қалыссын ба))) Қазақстан азаматтары 12,7 триллион кредит алып алған. Бұл тек жеке тұлғалардың қарызы. Яғни халықтың борышы Үкіметтің ішкі қарызынан 600 миллиард теңгеге асып кеткен. Осыған қарап, қарыз алу нарығы елімізде жаңа сатыға көтерілді деп айтуға болады. https://t.me/dalainside

Ғылым және жоғары білім министрлігімен Меморандум жасасқан Huawei Technologies Kazakhstan компаниясының бас директоры Чжао Сюй өздерінің 20 жылдан бері Қазақстан нарығында табысты жұмыс істеп келе жатқанын айтты. "Бүгін қол қойған меморандум біздің компанияға ҚР Ғылым және жоғарғы білім министрлігінің үлкен сенім артып отырғанының белгісі. Біз үшін бұл үлкен жауапкершілік. Huawei Technologies Kazakhstan компаниясы 20 жылдан бері Қазақстан нарығында табысты жұмыс істеп, осы уақыт аралығында 14 Академия ашқанын мақтанышпен айта аламын. Алдағы уақытта біздер студенттерге тек қана Huawei компаниясының халықаралық сертификатын ғана табыстап қоймаймыз, сонымен қатар жетекші компанияларға жұмысқа тұрып кетуі үшін іс-тәжірибеден өтуіне де кеңінен жол ашамыз", – деді Чжао Сюй мырза. Меморандум бойынша алдағы уақытта студенттер АКТ саласында білім алып, сертификаттаудан өте алады. Бұдан басқа арнай білім беретін конкурстарға қатысып, болашақта жұмысқа тұру мүмкіндігіне де ие болатынын да айта кетуіміз керек. Сонымен қатар оқытушылардың да білім саласына қатысты үрдістер мен Huawei компаниясы ұйымдастырыған біліктілікті арттыру бағдарламаларына қатысуына жол ашылатын болады. https://t.me/huaweimediatalks

Отандық ұстаздар да Huawei өткізетін білім беру процесі мен біліктілікті арттыру бағдарламаларына қатыса алады "Алдағы үш жылда Huawei Қазақстандағы цифрлы білім деңгейін ілгерілету үшін АКТ академиясын дамытады. Еліміздің жетекші университеттерінде ынтымақтастық аясында 50-ден астам Huawei академиясы құрылады деп күтілуде. Бұл академиялар бүкіл еліміз бойынша 5000-ға жуық студентті қамтиды деп жоспарлануда. Оқыту нәтижесі бойынша студенттеріміз халықаралық деңгейде мойындалған Huawei сертификатын ала алады", – деді, Ғылым және жоғары білім беру министрі Саясат Нұрбек. https://t.me/huaweimediatalks

🎓Студенттер мен оқытушылар Huawei компаниясында білім алып, тәжірибеден өтетін мүмкіндікке ие болды Digital Bridge 2022 халықаралық форумында Ғылым және жоғарғы білім министрлігі мен Huawei Technologies Kazakhstan компаниясы өзара түсіністік Меморандумына қол қойды. Ол бойынша қазақстандық студенттер мен оқытушыларға жаңа мүмкіндіктер ашылады. https://t.me/huaweimediatalks

"Бүгінде Қазақстан Республикасы цифрлық трансформацияның көптеген бағыттары бойынша Еуразиялық аймақтың көшбасшысы болып табылады. Цифрлық экономика жолындағы мемлекеттің белсенді әрекеттері және заманауи АКТ инфрақұрылымын құру ел дамуының жаңа векторларын ашады", – деді Huawei Technologies Kazakhstan бас директоры Чжао Сюй. "Huawei АКТ технологиялары саласындағы әлемдік көшбасшылардың бірі ретінде Қазақстандағы инфотелекоммуникациялық қызметтерді цифрлық түрлендіруді қолдау және ел индустриясы үшін жаңа құндылық жасау үшін тәжірибесімен бөлісуге дайын". https://t.me/huaweimediatalks

🇰🇿Қазақстан және 5G: "Digital Bridge 2022" форумындағы ойлар Huawei Technologies өткізген «5G on Silk Road» мини-форумы осы айтулы шараның маңызды бөлігі болды деуге келеді. Бұл жерде сала мамандары байланыс саласының цифрлық трансформациясы және Қазақстандағы 5G инфрақұрылымының ең өзекті мәселелерін талқылады. 5G мүмкіндіктерін неғұрлым егжей-тегжейлі көрсету үшін форумда компания ұсынған соңғы буын желілерінің мүмкіндіктерімен таныстыратын көрме алаңы қойылды. Сондай-ақ форум аясында «Huawei Technologies Kazakhstan» компаниясы мен Қазақстан Республикасының Цифрлық даму, инновациялар және аэроғарыш өнеркәсібі министрлігі және Ғылым және жоғары білім министрлігі арасында ақпараттық-коммуникациялық инфрақұрылымды дамытуға бағытталған бірқатар меморандумдарға қол қойылды. https://t.me/huaweimediatalks

📱Huawei және Орталық Азиядағы цифрлық даму: Digital Bridge 2022 қалай өтті? Астанада Digital Bridge 2022 төртінші халықаралық технологиялық форумы жемісті өтті. Мемлекеттік органдардың өкілдері, венчурлық инвесторлар, технологиялық кәсіпкерлер және жетекші қазақстандық және халықаралық сарапшылар, оның ішінде Huawei Technologies Kazakhstan мамандары цифрлық технология саласындағы өзекті мәселелерді талқылау үшін бір алаңға жиналады. 👉 Талқылаудың басты мақсаты – заманауи өндірістік процестерді түрлендіру және жаңғырту жолдарын іздеу. Шараны Қазақстан Республикасының Цифрлық даму, инновациялар және аэроғарыш өнеркәсібі министрлігі Астана қаласы әкімдігінің және Astana Hub IT-стартаптар халықаралық технопаркінің қатысуымен ұйымдастырып отыр. Форумды өткізуге сонымен бірге Huawei Technologies Kazakhstan, Kaspi Bank, Tech Culture, KPMG сынды технологиялық алпауыттар ат салысты. https://t.me/huaweimediatalks