Калькасыз қазақ тілі. Назгүл Қожабек

Сатып алу үрдісі Үрдіс - тенденция. Сонда, сатып алу тенденциясы болады. Бірақ мынаны жазғандардың видында иметь еткені - тенденция емес, процесс. Ал процесс - үдеріс (құдай өзі кешірсін). Екі сөз ұқсайды екен деп жөнді-жөнсіз алмастыра беруге болмайды ғой… Сол бір жексұрын сөзді таңып бергендерге назам тиіп кетпесе екен 🥲 Әйтпесе, “ажырасу үрдісі” дегенде, процесті айтты ма, тенденцияны айтты ма деп дүдамал боп қалады екенсің. Құдай үшін, процессті процесс дей беріңіздерші.

енді осы жердегі жіңішке деген не екенін тауып көр. Узкие брюки ма, Тонкие брюки ма? Узкие болса - тар шалбар Тонкие болса - жұқа шалбар

Шалбар таситындар шығыпты. Штаны носить етіп жүргендер шығар деп шырамыттым...

❌тілдік курс ⁉ язвковой курс ✅ тіл (үйрету) курсы

❌ ұлттық қызығушылық ⁉ национальный интерес ✅ ел мүддесі

❌ экономикалық жаңалықтар ⁉ экономические новости ✅ экономика жаңалықтары

❌эмоционалдық даму ⁉️ эмоциональное развитие 1️⃣қазақ тілінде -дық жұрнағы қосылып жасалған қатыстық сын есім мен тұйық етістік (типа заттанып тұрса да) тіркеспейді 2️⃣ эмоционал + дық = emocion + al + ный Бір жұрнақ артық көрінбей ме?

Жарық-ты-лық. -лық дегенін алып таста. Не қалады? Жарықты? ондай сөз бар ма қазақта? Құдай-ау, казаховед болған соң, өлдім дегенде төрт жыл оқыдың ғой, соның бір семестрінде МОРФОЛОГИЯ, бір семестрінде СӨЗ ТІРКЕСТЕРІ СИНТАКСИСІН оқыдың ғой. Өлдім дегенді бір сабаққа бардың ғой. Өлдім дегенде бір кітап оқыдың ғой, айналайын-ау, мынау не қылғаның?

О заман да бұ заман, экрандағы "контраст" дегенді "кереғарлық" деп аударғанды қай атаңнан көріп едің, ойбай-ай, ойбай 😢

Осыны бар ғой, орыс жазып берген жоқ, қытай жазып берген жоқ, осыны ҚАЗАҚ жазды. "Казаховед" деген аты бар қазақ жазды... Ішің ашығанда да удай ашитыны осы ғой... Қазақ тілін совет бүлдірген жоқ, орыс бүлдірген жоқ. ӨЗІМІЗ. ӨЗІМІЗ ҚҰРТТЫҚ. БІЛІМСІЗ ФИЛОЛОГ КАЗАХОВЕДТЕР ҚҰРТТЫ.