Калькасыз қазақ тілі. Назгүл Қожабек

Осы нәрсе сөз болған сайын әйтеуір біреу “сідік шаптырым жер” дегенді айтып қалады. Қазақшалау дегенде де, мен дүкенімнің жарнамасына олай деп жазбайм ғой…

❌ қадамдық қолжетімділікте ⁉️ в шаговой доступности ✅ екі аттап баратын жерде ✅ екі аттам жерде

❌ балалықта ⁉️ в детстве ✅ бала кезімде

Уәжділіксізділіктендірілмегендіктеріңізден, айтпақшы 😂

❌ ұлттық биімен күтіп алды ⁉ встретили национальным танцем ✅ ұлттық биін билеп күтіп алды

❌ аяқпен тепкілеу Тепкілеу дегеннің өзі тек бір-ақ мүше істейтін әрекет.

Тек ❌ көзбояушылық ✅ көзбояу

Байқадыңдар ма, әріптестер, видеоға не мақалаға тақырып қойғанда кейбір медиа атаулы сөздің қасына (негізі атаулы сөз емес ол) сұрақ белгісін қоя салатын болды. Кейбір видеолардың мұқабасында «Көзбояушылық?», «Теракт?», «Халықты алдау?» деп тұрады. Мен масқара лингвист не филолог емеспін, бірақ қазақ тілінің табиғатына сондай жат көрінеді мына форма. Орысшадан келген ең сүйкімсіз кальканың бірі деп есептеймін. «Очковтирательство?», «Теракт?», «Обман народа?» деген оларға ноп-норм, мысалы. Қазақтар ма, ме, ба, бе, па, пе деп аяқтайды ғой сұрақты. Осы шылаулардың ақысын беріп жүрейік, қазақтар 🙊

Әрине, “саған қанша жас?” дегеннен жақсы 🤣

❌ жасың қаншада? ✅ жасың нешеде?

Мәдидің әнінде Қарқаралыға қарата “сайыҢнан сайғақ құрлы пана таппай” дейді. Ал бірнәрсені үшінші жақтан айтсаң, “сайынан”, яғни пана берер жер - сайын емес, сай.