Калькасыз қазақ тілі. Назгүл Қожабек

Журналист, СММ мамандарының бәрі осы каналға жазылса ғой, осы нәрсе туралы менің зарлап, қақсап айтып жүргенімді естісе ғой, оқыса ғой...

❌ мас / шеккен күйінде адам қаққан ⁉️ в пьяном виде ✅ мас болып / ішіп алып / шегіп алып

⁉️ освежаемся холодной водой ✅ салқын суға түсіп сергиміз

❌ Қоғамдық айыптау жоқ ⁉ общественное обвинение, порицание ✅ қоғам айыптамайды, сөкпейді

Қазақ тіліне қайсысы қауіптірек? Радио жүргізушінің "ал, үйлеріңіздегі танцполды жарып отырыңыздар" дегені ме... әлде... сахнадағы спектакльде он ғасыр бұрын өмір сүрген деген кейіпкердің аузынан "Алтынның үстіндегі ұйқысыздықтан сабанның үстіндегі тәтті түс артық" деген реплика шыққаны ма? Жүргізушіге айтсаң, түсіндірсең, ол тілін түзейді, оны жөндеуге болады, оның үстіне эфирде айтылған нәрсе ауаға тарады да кетті, тасқа басылып, таспаға түсіп қалмайды. Саханада айтылған нәрсе қайта-қайта айтылады, актер ол репликаны жаттап алды, өзгерте қоюы қиын. Енді бір жағынан... Радио жүргізуші - сол сәтте "суырып салып" айта салды. Ал пьесаның тіліне автор, редактор деген адамдар жауап береді. Енді бір жағынан... Театрға баратындардан радио тыңдайтындар көбірек қой... Сонда... а?

Абай Құнанбаев өз заманында “СӨЗ ТҮЗЕЛДІ, ТЫҢДАУШЫМ, СЕН ДЕ ТҮЗЕЛ” - деп өскелең ұрпақтың тіл тазалығына үлкен ұқыптылықпен қарап, сақтық мұнарасы ретінде жыр жолдарын жазған. Сөз зергерінің өлеңдері бүгінгі таңдада өзектілігін жоғалтпаған… Тарихта қоғам тәрбиесі мен тіл тазалығына саналы ғұмырын арнаған тау тұлғаларымыз әр дәуірлерде болғаны ақиқат. Дегенмен, кешегі Абайдың тілге қатысты тура жолын, жылында ғана айыр тіл болады деген дуалы ауыз Шерхан Мұртаза қоғамдағы тіл мәселесін өз абыройынан биік қоюуы мен Фариза апамыздың ізін ХХІ ғасырда жалғап жүргендердің бірегейі Назгүл Қожабек ханым деп танимыз. Осы орайда https://t.me/kalkastop парақшасының 5 жылдық туған күнімен құттықтаймын. Қазақ тілінің мәртебесі мен мерейін арттырудағы нақты нәжижелі жұмыстарыңызбен, тынымсыз еңбектің нәтижесіне көзіміз куә, ұлтқа адал қызметтеріңіздің жемісі еселене беруіне тілектеспіз! Астаналық тілге жанашыр, қамқор азаматтар жиналып керемет кеште тілге қатысты мәселелер тарихымен таныс болдық. Алматыдан арнайы келген дүбірді естіп, менде бір орнымда тұра алмай, өз құттықтауымды жеткізу арқылы қоғам тәрбиесі мен тіл тазалығына немқұрайлы қарамамайтындығымды тағы бір мәрте айтқым келді… Осы іс-шараның қолдаушысы @choco_kz холдингі мен басшысы Рамиль Мухоряпов мырзаға алғысымызды білдіреміз. “Тілге құрмет - Елге құрмет” Назгүл ханым біз Сізбен біргеміз!

❌ онкодерматолог арқылы алдырып тастау ✅ онкодерматологқа барып, алдырып тастау

қазақ тілінде екпін жоқ! дейтіндер жетесіз бен жетесізді, көргенсіз бен көргенсізді, шешеміз бен шешемізді, қарайды мен қарайдыны, құсайын мен Құсайынды, қалыпты мен қалыптыны, өтеді мен өтедіні, жарады мен жарадыны, тіледі мен тіледіні қалай ажыратады екен?

“Калькасыз қазақ тілі” арнасының 5 жылдық белесіне арналған кешке билет сатыла ма? Жоқ. Бұл кешке қатысу тегін, ашық кеш болады. Шын тілеулес, ниеттес адамдар келеді деп күтіп жүрмін. Ал неге тегін? Өйткені бұл кештің демеушісі бар. Каналдың да, менің контентімнің де, жұмысымның да ілгері басуына сеп болайық деген @choco_kz холдингі мен оның басшысы Рамиль Мухоряпов мырзаның қолдауы арқасында екі қалада басқосу өткізіп, калькасыз қазақ тілін дәріптеп, қонақтарға естелік болар пайдалы сыйлықтар таратып жатырмыз. Осы іске мұрындық болып, екі араны жалғап жіберген @anuarbek_zhalel мырзаға мың алғыс. Қазақша контентті қолдау - қазақ тілін қолдау. Кеш Астанада, ÖzgeEpic креатив-хабында өтеді. 6 сәуір, сағат 16:00. Көңіл сыйғанша келіңіздер. Әдемі естелік суреттер болады.

24 наурызда Алматыда, ÖzgeEpic креатив-хабында “Калькасыз қазақ тілі” арнасының 5 жылдық мерейтойы өтті. 6 сәуірде сағат 16-00-де Астанадағы ÖzgeEpic креатив-хабында астаналық оқырмандарымды күтемін 🙏🏻