Калькасыз қазақ тілі. Назгүл Қожабек

Орысша: Бірдеңенің бірдеңе болуымен құттықтаймын! Қазақша: Бірдеңенің бірдеңе болғаны құтты болсын!

«өзін жазғырды», «өзін айыптады», «өзін кінәлады», «өзінен көрді» деген бірталай тіркес барда «өзін кінәлі сезінді» деген сүйкімсіз қойыртпақ бірдеңеге неге жабыса аласыңдар осы? 😩 жазғыру — түркітүбірлі сөз, айыптау — арабтүбірлі сөз, кінәлау — парсытүбірлі сөз, өзін кінәлі сезіну — не орысша емес, не қазақша емес бір сөз.

❌ сен неге олай айтасың? ⁉️ почему ты так говоришь? ✅ неге олай дейсің?

❌ баласының ұрып-соғатындығын айтып шағымданбаған ба екен ✅ балам ұрады деп шағынбаған ба екен

❌ мектеп бітірудің отыз жылдығы ❗️ тридцатилетие окончания школы ✅ мектеп бітіргенімізге / бітіргеніне отыз жыл

Дық соққан тіл болды ғой…

❌ қолының босамайтындығын айтып ✅ қолы босамайтынын айтып ✅ қолым босамайды деп

Ең қиыны… Анау деген филолог, тіпті доктор, профессор, тілге жауапты ұйымдардың басшылары да… “Бұл қате ғой” десең, “Неге?” дейді. Оны дәрігердің соқырішек қай жақта екенін білмегеніне теңер едім өз басым…

Көбін осы сұрақ ойландырды. Ненің көбін? Кімнің көбін? Орысшада "многих, большинство" болғанымен, қазақ тілінде "кімнің не ненің көбі" екенін көрсету керек.

2GIS қазақшалау - үкімет, тіл комитеті араласып, лингвистерді қатыстырып істелген жоба еді мен білгенде…

1 қыркүйек алдында қаптайтын қате: ❌ мектепке жол ⁉ дорого в школу ⁉ қазақ тілінде екі зат есім, оның алдыңғысы барыс септік жалғаулы, кейінгісі атау септікте тұрып тіркеспейді ✅ Мектепке барар жол (тым құрыса) *Қазақ тілін құртып жатқан - не оысша, не қазақша білмейтін аЛдармашылар.*

Кто-то им сказал, что это қазақша…