Shingil

Хитойда, Гуанчжоудаман. Бу ерда йилда икки марта дунёдаги энг катта кўргазмалардан бўлган, уч босқичли (фазали) "Canton fair" бўлиб ўтади. Биз биринчи фазага келдик, менга қизиқ бўлган электроника, замонавий энергетика, кузатув ва масофадан бошқарув технологиялари, енгил ва юк машиналари, уларга боғлиқ бўлган барча жиҳозлар кўргазмаси мана шу биринчи босқичда эди. Бу айнан бизнинг соҳамиз эмас, лекин бизга яқин бўлган йўналишлар, биз уларнинг хизматларидан, технологияларидан фойдаланамиз. Янги таъминотчилар топиш, уларнинг соҳасидаги ўзгаришларни доим кузатиб бориш бизга қизиқ. Бундан ташқари, буёғига Marjon билан реклама ва логистика соҳасидаги халқаро кўргазмаларда ҳам доимий иштирок этиб боришни режа қилиб қўйдик. Чунки кўргазмалар ҳалигача b2b мижозларни топиш учун энг яхши ишлайдиган, синалган канал бўлиб ҳисобланади

🟢 Вакансия: Frontend Developer (Vue 3 / Nuxt) Бизга тажрибали фронтендчи керак. Агар сен Vue 3, Nuxt билан ишлашни яхши билсанг ва интерфейслар орқали одамларга қулайлик яратишни ёқтирсанг — бу жой сен учун. 📌 Талаблар: - Веб-разработкада 4+ йиллик тажриба - Vue.js билан камида 2 йил иш тажрибаси - JavaScript / TypeScript, Composition API, Pinia/Vuex, Routerʼни яхши билиш - HTML5, CSS3, SCSS, Tailwind ёки шунга ўхшаш технологиялар билан ишлай олиш - SPA, SSR, CI/CDни тушуниш ва жамоа билан ишлай олиш - Тозa ва қўллаб туришга қулай код ёзиш кўникмаси ➕ Афзаллик бўлади: - Nuxt 3 ва Vite билан тажриба - Тестлаш (Jest/Vitest/Cypress) бўйича билими - Node.js ёки бэкенд интеграциялари ҳақида тушунча 💼 Мажбуриятлар: - Янги функционал ишлаб чиқиш - Мавжуд кодни қўллаб-қувватлаш - Vue 3 / Nuxt асосида SPA лойиҳаларини ривожлантириш - Қайта ишлатиладиган компонентлар ва UI библиотекасини яратиш - REST / GraphQL APIлар билан интеграция қилиш - UX ва ишлаш тезлигини оптималлаштириш - Код ревью ва жамоа менторлиги - Архитектура ва режалаштиришда қатнашиш 🚀 Нима таклиф қиламиз?: - Тез ўсиб бораётган стартапда иштирок этиш - Технология танлаш эркинлиги - Замонавий стек ва аҳил жамоа - Архитектура қарорларига таъсир қилиш имконияти 📍 Формат: офисда иш (тўлиқ ставка, 5/2, 8 соатлик иш куни) Агар шу йўналиш сенга яқин бўлса — резюмeнгни ва нега сени қабул қилишимиз кераклиги ҳақидаги қисқа хатни [email protected] га юбор.

Бир нечта мулоҳазалар ва янгиликларни ёзмоқчиман: On.ai асосчиси Нурболат телеграмдаги сторисларида (учта видеодан иборат) букмекерлар ҳақида яхши фикрлар билдирибди, кўриб эсимга тушган мулоҳаза шуки, ҳар бир бизнеснинг инсоний қиёфаси, ўз принциплари бўлиши керак. Бизнесингиз ҳам гапирган гапингиз ёки ёзган фикрингиз каби сизнинг амалингиздир. Қадриятларингиз шахсий ёки тижорий деб бўлинмаслиги керак. Инсонлар учун кимга яқин юришлари, ким билан доимий суҳбатдош бўлаётганликлари муҳим, бу унинг кунига, амалларига таъсир қилади. Гап фақат инсонлар ҳақида эмас, яхши, фойдали китоб, подкастлар ҳам сиз учун суҳбатдошдир. Куръон билан ҳар куни озгинадан бўлсада ҳамсуҳбат бўлишнинг зарурлиги ҳикматини шундан ҳам тушуниб олиш мумкин. Бизнес яхши юриб кетиши учун жуда бир космик ҳаракатлар шарт эмас, жамоа бўлиб тўхтамасдан маҳсулот устида ишлаш ва уни доимий яхшилаб боришингиз етарли. Илья Стребулаевнинг "Венчурное мышление" китобини ўқимаган тадбиркорлар бўлса ўқишни маслаҳат бераман, зўр фикрлар, инсайтлар топасиз. Marjon га инвестиция жалб қилишнинг биринчи раундини ёпиш арафасидамиз, яқинда батафсилроқ эълон қиламиз. Кейинги йил бошидан Marjon билан Саудия Арабистони ва Миср бозорига чиқаяпмиз, яна учинчи давлат ҳам режада бор, лекин униси ҳали жуда аниқмас.

Бугун "Йил рекламаси" кўргазма фестивали - TAF! да қатнашдик.

Marjon даги рекламани мижозларга анча қизиқарли қилувчи ва масштаблаштиришни осонлаштирадиган янги технологияни жорий қилаяпмиз. Биз рекламани янги даражага олиб чиқамиз. AI агентлар даврида digital да инсоннинг эътиборини тортиш қийинлашиб, реклама нархи ошиб бораверади. Бу эса ташқи рекламанинг қадрини янада кўтаради. Биз ташқи рекламада ҳам самара жиҳатдан, ҳам тўлиқ аналитика тақдим эта оладиган кучли ўйинчига айланамиз. AI агентларни ўз фойдамизга ишлатамиз. Бу ҳақида кейинроқ батафсил ёзиб қолсам керак

Higgsfield — Қозоғистоннинг биринчи юникорн-стартапи деб тан олинди. Уларнинг супержамоасини, улардаги потенциални кўра олган венчурларни ва барча қозоғистонликларни табриклаймиз. Бу бошланиши.

Чегарасиз фикрлаш - фаундерларда бўлиши керак бўлган муҳим хислат. Сиз ўз индустриянгизда дунёни ўзгартиринг, ўйин қоидаларини бошқатдан ёзинг, бунга эса стандарт фикрлаш, локал доирада ва бугуннинг қобиғида қолиш билан эришиб бўлмайди.

Онам ва ўғлим билан бирга кетаётиб, бир нарса оволиш керак бўлди, Korzinka да тўхтасам, ҳали ёпиқ экан. Эшик тепасида ёзилган, 08:00 да очилиши керак, соатга қарасам 07:59, кутиб турдик. Соат 08:01 гача кутамиз, очмаса кетамиз, дедим. Ич-ичимдан очилишига ишонардим. 08:01 бўлди, очмади, қўзғалаётиб ойнадан қарасам, эшик очилди) Тўхтадик, онам ва ўғлим магазинга кириб кетишди. Сизам ишни вақтида бошланг, вақтида топширинг, мижозларни куттирманг. Шунда сизга ишонишади.

Paradigmalarning o‘zgarishi: asta-sekin, keyin birdaniga Tarixdagi eng katta o‘zgarishlar texnologiyaning o‘zidan emas, balki odamlarning dunyoni boshqacha ko‘rishidan boshlanadi. Bu — paradigma o‘zgarishi. 📌 Paradigma — jamiyatning yashash tizimi. Dastlab yangilik noodatiy ko‘rinadi, hatto kulgili tuyuladi. Keyin unga havas qilinadi. Oxiri esa odatiy me’yorga aylanadi. Bugungi paradigmalar: - AI — mahalliy til va ma’lumotlarni qadrlamoqda. - Yashil energiya — yashash masalasi. - Islomiy fintech — milliardlab odamga xizmat. - Masofaviy ish — iste’dodlarni yurtida saqlamoqda. 👉Batafsil maqolada o'qing __ Paradigm shifts: slowly, then all at once The biggest changes in history don’t come from tech alone — they come from how people see the world differently. That’s a paradigm shift. 📌 Paradigm = society’s operating system. At first, new ideas seem strange. Then they inspire envy. Finally, they become normal. Today’s shifts: - AI values local languages & culture. - Green energy = survival. - Islamic fintech serves a billion. - Remote work keeps talent at home. 👉Read the full article Instagram | LinkedIn | X (Twitter) | Facebook | YouTube

Операционкада банд бўлганлар билишади, гоҳида турли ишлар устма-уст қалашиб кетади. Одатда энди бирига вақт ажратсангиз устига бошқаси келиб қолади ва биринчи ишни ташлаб кейинги ишга уннаб бошлаганингиз учун шунақа бўлади. Охирида эса ҳеч қайси ишингиз бажарилмайди, ҳаммаси чала бўлиб қолади. Бунақа ҳолатда ечим - битталаб бажариш. Битта ишни тугатиб олгунча бошқасига қайрилиб ҳам қараманг. Шундагина вақтингиз унумли бўлиб, ишларингиз олдга силжишни бошлайди. Натижалар кўриниб, кайфиятингиз ҳам кўтарилади Бу қоидани анча олдин кашф этганман ва ишларим кўпайиб кетганда шунга амал қилишга ҳаракат қиламан. Бугун сизлар билан бўлишгим келди.

Ҳозиргина бир ролик кўрдим, унда ўзбек тадбиркори Япониядаги 153 та отели бор компания раҳбарининг метрода юришидан ҳайратланиб, ана камтарлик, деб қойил қолиб гапирган. Бизда шунақа ҳолатни тасаввур қила оламизми? Амалда деярли йўқ бунақа ҳолат, лекин бу қанчалик ёмон? Ёки бу борада японларга ҳавас қилиш қанчалик тўғри? Келинг, аввал, бизда нега бунақа ҳолат учрамаслигини тушунишга ҳаракат қиламиз. 1. Жамоат транспорти етарли ривожланмаган, пробкалар нисбатан камроқ. Бу жамоат транспортидан кўра шахсий транспортда юришни самаралироқ қилади. Тадбиркор учун вақт масаласи муҳим. 2. Пиёда юришдан кўра машинада юриш инсонлар нафсига ёқади. Комфортни севиш ҳаммани табиатида бор. 3. Ғалати парадокс шундаки, бизда шу даражадаги ТОП менежер метрода юрса одамлар уни гапиришади, шов-шув бўлади. Одамлар мени ё ошиқча камтар, ё қурумсоқ, ё писмиқ дейди, қариндошлар, дўстлар чойхонада устимдан кулишади деган фикрдан чўчигани сабаб ҳам у пиёда юра олмайди. Айтмоқчи бўлган асосий фикрим шуки, айнан мана шу, одамлар нима дейди деган фикр борлиги учун ҳам япон менежери жамоат транспортида юрар, эҳтимол? Бизда машинада юрмаган бойни гапирадиган одамлар уларда тескарисини, қиммат машинада юрса гапиришар, балки? Чунки, Японияда жамоат фикрига боғлиқлик даражаси, жамоат олдида гапга қолишдан қўрқиш юқори, деб бир неча марта ўқигандим. Агар шунақа бўлса, биздаги қиммат машинада юрувчи ТОП менежер ва унинг Япониядаги жамоат танспортида юрувчи ҳамкасбининг қадрияти бир хил даражада, улардан ҳайратланиш керакмас. Иккаловиям бир хил, одамлар нима дейди гапдан чўчишадиган бир ожиз банда.

Marjon нинг янги лойиҳаларидан бирини ишга тушириш арафасидамиз Бир лойиҳа ишга тушаркан, одатда ундан кейинги лойиҳалар устида иш қизғин бораётган бўлади Шу сабаб жамоамизни кенгайтиришга эҳтиёж туғилаяпти. Жамоамизга Senior Backend Developer керак. Нималар талаб қилинади: 3 йилдан кам бўлмаган тажриба. Texnik talablar: 1. Backend dasturlash tillaridan birida (Python (+ frameworklar Django/FastApi/) ) senior darajada tajriba. 2. Microservices architecture va REST / gRPC APIlarni loyihalash va qo‘llash tajribasi. 3. Database management: SQL (PostgreSQL, MySQL) va NoSQL (MongoDB, Redis) bilan ishlash. 4. Real-time communication: WebSocket, Socket.IO, MQTT yoki gRPC streaming bilan ishlash tajribasi. Mapping & GPS texnologiyalari: 1. Geo-hisoblash (masofa, marshrut, geofencing) 2. Yandex Maps, Mapbox yoki OSRM integratsiyasi Payment & Wallet integratsiyasi: 1. P2P to‘lov tizimlari, balansni boshqarish 2. Transaction safety, fraud prevention High-load systems: 1. Katta foydalanuvchilar oqimida tizimni barqaror ishlatish 2. Caching (Redis, Memcached), Queue (Kafka, RabbitMQ) 3. Cloud & DevOps asoslari: 4. Docker, Kubernetes, CI/CD pipeline 5. Monitoring (Prometheus, Grafana, ELK) Soft skill talablar: 1. Katta loyihalarda ishlab, teamwork va code review tajribasi. 2. Scalability va security yechimlarida strategik fikrlash. 3. Product manager va mobil dasturchilar bilan yaqin ishlash ko‘nikmasi. 4. Real-time tizimlarda tezkor troubleshooting qila olish. Мурожаат учун [email protected] почтамга ёзишингиз мумкин