MohirDev.uz

Ish suhbatidan o'tish bo'yicha tavsiyalar 🧑‍💻 Ko'pincha dasturchilar ishga kirish uchun 3 bosqichli suhbat jarayonidan o’tishlari kerak bo’ladi: - HR bilan intervyu; - texnik intervyu; - menejer bilan intervyu. Xo'sh, intervyular qanday o’tkaziladi va unga tayyorgarlik jarayonida nimalarga e’tibor berish kerak? Videoda bunga batafsil javob oling 👉https://youtu.be/e4sClkLPPKg @mohirdev - kasbiy xotirjamlikka shu yerda erishiladi Telegram | Instagram | Youtube

Ayollar IT sohasida qanday muvaffaqiyatlarga erisha oladi? Navbatdagi mehmonimiz Women in Tech hamda TFAS grantlari sohibasi Ummatoy Yo'ldosheva bo'ladi. Ummatoy Yo'ldosheva bugungi kunda ALULASTRA kompaniyasida Product Owner bo'lib faoliyat yuritmoqda. Suhbatimiz davomida qizlar uchun IT sohasidagi imkoniyatlar, qanday qilib StartUp loyihangizni amalga oshirish va muvaffaqiyat omillari haqida gaplashamiz. Jonli efir ertaga soat 19:00 da youtube kanalimizda bo'lib o'tadi. @mohirdev - kasbiy xotirjamlikka shu yerda erishiladi

🎉Tabriklaymiz, siz dasturlashni o’rganishga qaror qildingiz. Lekin bitta muammo bor… qaysi dasturlash tili? Tanlov ko'pligidan, biror dasturlash tilini tanlash juda qiyin jarayonga aylanadi. Ba'zan esa o'rganuvchilar boshqalarning fikriga asoslanib bir dasturlash tilidan ikkinchisiga sakrab yurishadi va oltinga teng vaqtlarini yo'qotishadi. Bu jarayonni osonlashtirish uchun boshlang'ich o'rganuvchilar o'zlariga quyidagi savollarni berib, o'zi xohlagan tilni tanlashlari kerak: Qanday loyihalar qilish mumkin. Qanday loyihalarda ishlamoqchi bo’layotganingizga qarab tilni tanlaganingiz ma’qul. Talab. Nechta kompaniya bu dasturlash tilida ishlovchi dasturchilarni qidirishmoqda? Ishga joylashish qanchalik qiyin? Ba’zi dasturlash tillariga bo’lgan talab boshqalarga qaraganda baland bo’ladi. Bu tilni ishlatayotgan dasturchilarning o’rtacha oyligi. Tanlayotgan tilingiz orqali qancha daromad ko’rishingiz mumkin? Qaysi dasturlash tilidagi boshlang’ich dasturchilar eng ko’p topayapti? Tajriba oshishi bilan qaysi dasturlash tilidagi dasturchilarning daromad darajasining o’sish ehtimoli yuqori? O’rganish qiyinlik darajasi. Agar bu dasturlash tilini o’rganishga kirishsangiz, o’rganish jarayoni yoqimli bo’lishiga ko’zingiz yetadimi yoki teskarisi? Bu tilni o’rganishni boshlash osonmi yoki yetarlicha boshlang’ich talab qilinadimi? Dasturchilarning fikri. Boshqa dasturchilar bu til bilan ishlab mazza qilishayaptimi yoki boshqa dasturlash tiliga o’tish niyatidami? Kelajakda ham aktual bo’lishi. Bu dasturlashga 5 yildan keyin ham talab bo’ladimi? O’rganishga 6 oy yoki 1 yil sarflaganingizdan keyin bu til trendda bo’ladimi? Post foydali bo'lgan bo'lsa, dasturlashni o'rganish niyatidagi yaqinlaringiz bilan ulashing. Telegram | Instagram | Youtube

MohirDev.uz pinned a photo

Mohir Podcast #1 Mohir Podcast - erkin tarzda, hech qanday rasmiy qolibga solinmasdan olib boriladigan suhbatlar seriyasi. Loyihaning birinchi sonida karyeyarni o'zgartirish, chet eldan turib ishlash, loyiha boshqaruvi, Mohirdevning yangi ofisi, o'rganishdagi qiyinchiliklar kabi mavzularda suhbatlashildi. Ishtirokchilar: Muhammad Xalil (COO, Mohirdev), Abdulla Xaydarov (Proyekt Menejer, Applied Labs) va Ravshanbek Ibrohimov (Proyekt Menejer, Mohirdev) Suhbatni ko'rish👉https://youtu.be/HiARCJkzn5c @mohirdev - kasbiy xotirjamlikka shu yerda erishiladi Telegram | Instagram | Youtube

Proyekt menejer bo'lish osonmi?⠀ Loyiha boshqaruvida baʼzan bilimlarning oʻzi kamlik qiladi. Avvalgi postlarimizda aytib oʻtilganidek, sizning hayotiy tajribalaringiz ham muhim rol oʻynaydi. Proyekt menejerlardan kundalik muammolarini hal qilish, shuningdek, javobgarlik, moslashuvchanlik, analitik va strategik fikrlash, qatʼiyatlilik, stressga chidamli shaxsiyat va tavakkal qilishni yaxshi koʻrish talab qilinadi. Ayniqsa muloqotga kirishimli boʻlsangiz, odamlar bilan yaxshi chiqisha olsangiz bu soha aynan siz uchun. Proyekt menejer sifatida muvaffaqiyat choʻqqilarini zabt etmoqchi boʻlganlar uchun, quyida tajribali mutaxassislarning maslahatlarini keltirdik: • Biznes va riskni boshqarish jarayonlarini yaxshi tushunish • Muayyan muammolarga nafaqat texnik bilimlar, balki hayotiy koʻnikmalar orqali toʻgʻri yechim bera olish • Kuchli liderlik qobiliyati • Byudjetni toʻgʻri taqsimlay bilish • Tanqidiy fikrlash • Bosim ostida toʻgʻri qaror qabul qila olish • Yaxshi muloqot qilish va muzokara olib borish qobiliyati • Kuchli ishbilarmonlik • Kreativ fikrlash • Analitika Koʻrib turganingizdek har bir kasbning oʻziga yarasha qiyinchiligi bor. HH.uz saytining maʼlumotlariga koʻra yurtimizda proyekt menejerlar oʻrtacha $200 — $3000 gacha maosh taklif qilinyapti. Oʻzbekistonda bu kasbga boʻlgan talab yuqori boʻlgan, raqobat yoʻq boʻlgan bir paytda dangasalikka chek qoʻyish ayni muddao. Oʻz maqsadlari yoʻlida hormay-tolmay mehnat qiladiganlar uchun Project Management kursini tavsiya qilamiz. Bizda oʻqishingiz uchun faqatgina internet, kompyuter va kuchli xohish talab qilinadi xolos. Qisqa muddat ichida talabgir soha mutaxassisi boʻlish imkoniyatini qoʻldan boy bermang. Telegram | Instagram | Youtube

Muvaffaqiyatli karyera qurishni istaganlar uchun⠀ Agar birinchi ishingizga endigina erishgan bo'lsangiz, keltirilgan maslahatlar sizning foydangizga ishlaydi. Xususan, muvaffaqiyatli karyerani orzu qiladigan har qanday mutaxassis oʻz ishiga sidqidildan yondashishi afzaldir. Xoʻsh, qanday qilib ishda muvaffaqiyat qozonish mumkin? 1. Ish beruvchining maqsadlarini toʻgʻri tushunish Kompaniya ichidagi atmosferaga koʻnikishga harakat qiling. Boshliq yoki menejer bilan doimo yaxshi aloqada boʻling. Ularni berilgan topshiriqlarni aʼlo darajada bajarishingizga ishontiring. 2. Yuqori kayfiyat Ishda hamma narsa boʻlishi mumkin. Qiyin vaziyatlarda, tabiiyki, jamoaning kayfiyatini tushib ketadi. Qolaversa, bu ish surʼatiga ham taʼsir qiladi. Yaxshi xodim nafaqat oʻzini, balki jamoadoshlarini ham oldinga unday oladi. 3. Yakdillik Kompaniya oʻsishi uchun oʻz shaxsiy manfaatlarini ishdan ustun qoʻymaydigan xodimlardan tashkil topgan boʻlishi kerak. Birdamlikdagi harakat sizni karyerada oʻsishingiz uchun xizmat qiladi. 4. Gʻiybat Afsuski, jamiyatimizda ildiz otgan bu illat odatiy holga aylanib qoldi. Baʼzi bir odamlar mansab pillapoyalaridan koʻtarilish uchun hamkasblarini boshliqlariga yomonlaydi. Ishoning, mana shu harakat sizning karyerada singaningizni anglatadi. Aqlli boshliq, bu ishingizdan xulosa qiladi, siz esa kompaniya bilan xayrlashaverasiz. Jamoa ham bir oila, undagi sir uning ichida qolishi kerak. 5. Masʼuliyat Sizga ishonib topshirilgan vazifani chin dildan bajarishga harakat qiling. Komfort hayotga oʻrganib qolmang. Dangasalikdan voz keching. Masʼuliyatli boʻlsangiz, kompaniyada ham hurmat topasiz. 6. Deadline Biz buni deyarli har yozgan postlarimizda eslatib oʻtamiz. “Bugungi ishni ertaga qoʻyma” degan maqol bekorga aytilmagan. Avval aytib oʻtganimizdek, shaxsiy manfaatlarni ishdan ustun qoʻymang. Telegram | Instagram | Youtube

🎉Biz bilan ekanligingizdan xursandmiz! Mamnuniyat bilan shuni e'lon qilamizki, Instagram sahifamizdagi kuzatuvchilarimiz 10 mingdan oshdi. O'tgan vaqt davomida Mohirdev jamoasi sizlar uchun ko'plab mavzularda foydali postlar ulashishga harakat qildi. Undan tashqari, yoshlarimiz orasida axborot texnologiyalari sohalarini targ'ib qilish uchun o'z sohasining mutaxassislari bilan bepul vebinarlar tashkillashtirib kelmoqdamiz. ⭐️ Albatta, kuzatuvchilarimizning oshishi yelkamizga ulkan mas'uliyat yuklaydi. Biz siz uchun harakatdamiz. Bildirilgan ishonch uchun tashakkur! Telegram | Instagram | Youtube

Fikrlashni kuchaytiruvchi foydali resurslar⠀ Logika va IT bir-biri bilan chambarchas bogʻliqdir. Mantiqiy fikrlashingiz qanchalik yaxshi boʻlsa, ishda boʻladigan turli xil muammolarga tezkorlik bilan yechim bera olasiz. Shuning uchun ham ish beruvchilar intervyuda doimiy ravishda nomzodlarning fikrlash doirasini bilish uchun sinovlar oʻtkazishadi. Quyida sizlarga logikani kuchaytiruvchi servislarni qoldirdik: ❇️BrainExer.com Xotirani kuchaytiruvchi mashqlar toʻplami hamda logika uchun foydali oʻyinlarga boy sayt. Undan tashqari smartfonlar uchun ilovasi mavjud boʻlib, shaxsiy kun tartibingizga mos ravishda shugʻullanish imkoni bor. ❇️CogniFIT.com Eng foydali servislardan biri boʻlib, undan Yevropaning baʼzi maktablarida, shuningdek oila psixologlari doimiy ravishda foydalanib keladi. Saytdagi mashqlar maxsus mutaxassislar tomonidan tuzilgan boʻlib, logikani rivojlantirishga sezilarli ravishda hissa qoʻshadi. ❇️Wikium.ru Miya faoliyatini yaxshilash va kognitiv funksiyalarni rivojlantirish uchun onlayn platforma. Siz onlayn oʻyinlar, simulyatorlar yordamida diqqatni jamlay olasiz, xotirangizni kuchaytirasiz, fikrlashingiz oʻstira olasiz. Eʼtiborli jihati shundaki, platforma sizni dastlab sizni sinovdan oʻtkazadi, shundan soʻng darajangizga mos ravishda mashqlar jadvalini tuzadi. ❇️Brain Blow Oʻyin oʻynashni yaxshi koʻruvchilarga bu servis yoqsa kerak. Ilova sizga turli xildagi oʻyinlar, mantiqiy savollar, jumboqlar, topishmoqlarni taqdim qiladi. Oʻyin davomida sizni sinovdan oʻtkazadi va yakunda rivojlanishingiz uchun mashqlar toʻplamini taqdim qiladi. Telegram | Instagram | Youtube

Efir boshlandi: https://youtu.be/q9eVSOj9by8

Bugun soat 20:00 da MohirFest 22 bo'yicha efir o'tkazamiz. Kimda savollar chiqayotgan bo'lsa, kirishi mumkin. LINK: https://youtu.be/q9eVSOj9by8 Ehtimoliy savollarga javoblar: - Efir yozib olinadi. - YouTubeda bo'ladi. - Savollaringizni YouTubeda yozib yuborsangiz bo'ladi. - Darslarga oid savollarga guruhlarda javob beramiz, YouTubeda umumiy MohirFest haqida gaplashamiz. - Soat 20:00 da bo'ladi. - Efirni Muhammadjavohir o'tkazadi. - Soat 20:00 dan kechroq kirsangiz ham bo'ladi. Efirni boshiga qaytish uchun videoning boshiga o'tkazasiz vaqt qismidan. - Efir yozib olinadi. - Saytga kirishda muammo bo'lyaptimi? Efirni ko'ring. Kutishni xohlamasangiz, juda ko'p marta yuborayotgan yo'riqnomamizni ko'ring. - Sizga SMS kelmadimi? Buning ham sababini aytamiz efirda. Hozir esa @mohirfest da SMS kelmaganda nima qilish kerakligi haqidagi postni ko'rib u yerdagi qo'llanmaga qarab ro'yxatdan o'ting: https://t.me/mohirfest/28 Bizni kuzatib boring: @mohirfest | @yoshlaragentligi | @mohirdev