DALA INSIDE

🔥Тимур Турлов отпен ойнай бастады Және онысы өзі үшін қайғылы аяқталуы мүмкін. Freedom Holding Corp. (банк, брокерлік, инвестициялық және сақтандыру бизнесі) қожайыны Тимур Турлов монетарлы билікке қарсы риторикасын күшейтіп келеді. Бірақ оның бұл жүрісі бизнесіне үлкен залал келтірмек. "Ақорда Турловтың әр қадамын жіті бақылап отыр. Сол жағалау үшін оның бизнес аренадан саяси аренаға ауысып кетпеуі аса маңызды. Сондықтан оның соңғы мәлімдемелері мұқият саралануда", - дейді, DALA INSIDE дереккөзі. Дереккөздің айтуынша, 2024 жылдан бастап Тимур Турлов үшін өте қауіпті кезең басталды. Ол өзін кланаралық ойындарға араластыруға жол беріп, қаржылық тәуекелдерін бақылауды күшейтпесе биылғы жыл Freedom экожүйесі үшін жақсылықпен аяқталмайын деп тұр. 2023 жылдың қарашасында Тимур Турлов қадағалаушы органдардың (Ұлттық Банк пен Қаржы нарығын реттеу және дамыту агенттігі) комплаенс (қаржы полицейі) бойынша жаңа талаптары банктерге штат бойынша ауыр жүк артып отырғанын мәлімдеген еді. Сол кезде оның қадағалаушы органдармен арасы суып бара жатқаны байқалған. Ал 2024 жылдың басында Тимур Турлов Ұлттық Банкке тікелей шабуыл жасады. Ол жоғарғы базалық ставканың кез-келген экономикалық жобаларды өлтіріп жатқанын мәлімдеп, банктердің экономиканы кредиттемеуіне монетарлы билікті айыптаған еді. Өткен жұма күні алғашқы жауап Ұлттық Банк төрағасы Тимур Сүлейменовтен келді. Бас банкир Freedom қаржылық моделі базалық мөлшерлеме, TONIA және банкаралық мөлшерлеме деңгейіне өте сезімтал екенін айтып, оларды осы жағынан алғанда жақсы түсінетінін мәлімдеді. Бірақ Сүлейменовтың осы жауабының артында, оның Freedom-ның осы моделіне барынша мұқият назар аударатынын сездіретін емеурін анық байқалған. Freedom тәуекелі жоғары, авантюралық қаржылық модельмен жұмыс істейді. Біраз елдерде бұл модель заңсыз болып табылады. Бір сөзбен айтқанда Freedom құнды қағаздарды айналдырып қайта кепілдікке салып, сол арқылы қаржылық есептілікте өз активтерін үрлеп, яғни үлкейтіп көрсетеді. Сол кезде спекуляциялық жолмен облигацияларды қайта айналдыра беруге гандикап алады. Тек ол үшін TONIA ставкасының төмен болғаны және ҚНРДА-ның осы манипуляцияларға көз жұмып қарағаны аса маңызды. Ұлттық Банк Тимур Турлов жасаған демаршты есінде сақтап қалды және келесі айда ҚНРДА арқылы өзінше болып кеткен банкирді жазалауды ойластыра бастады дейді, DALA INSIDE дереккөзі. Бір сөзбен айтқанда, ҚНРДА қаржылық ұйымдардың пруденциалды нормативтеріне құнды қағаздардың қайта кепілдікке салынуына шектеу қояса, сол күннен бастап Freedom Bank үлкен проблемаларға тап болмақ. Бұған дейін қаржы нарығындағы қадағалаушы және монетарлы билік (ҚНРДА мен Ұлттық Банк) Турловтың кейбір тентек қылықтарына көз жұмып келгендей болған. Бірақ Тимур Русланұлы қызыл сызықтың арғы жағына көбірек өте бастады. Ал Қазақстанда еш қылықтың жауапсыз қалмайтынын бесінші сынып оқушысына дейін біледі. DALA INSIDE Турлов тағдырын мұқият бақыламақ. Бұл бір қызық кейс болатынын ішіміз сезеді. Бізбен бірге бақылаңыздар 👇 https://t.me/dalainside

🍼"Самұрық-Қазына" қорын әлдекімдер тыныш қана сорып келген "Самұрық-Қазына" қорына қарасты "Қазақстан темір жолы" ұлттық компаниясының сатылған әр билетінен жекеменшік "Instant Payments" фирмасына ақша түсіп отырған. Жалпы алғанда тоғыз жылда 5,7 миллиард теңге аударылған. Ол компанияның қазіргі қожайыны кезінде "Оператор РОП" штатында қызмет еткен Диас Мәдиқожин болып шықты. Оның атында криптовалютамен айналысатын "Global crypto mining limited" фирмасы тіркелген. Одан бөлек ауыл шаруашылығындағы лизинг бойынша қызмет көрсететін "Leasing group" компаниясында үлесі бар. Ол туралы бірінші болып "Еуразия" телеарнасы хабарлады. Осылайша, Әлия Назарбаеваның мойнына қыл арқан түсті. Және ол жайлап тартылып келеді. "Әлияға қатысты қылмыстық істің қозғалуына жетерлік 18 томдық дәйек жиналды. Әсіресе РОП-тың құрылтайшысы болған, Әлия Назарбаеваның үй күтушісі деп саналатын Шынар Мұхтарованың Дубайдан экстрадициялануы көп көмектесті. Ол тергеуде қажет барлық ақпаратты берді. Тергеумен келісіп, шартты жазаға кесіліп, бостандыққа шықты", - дейді, DALA INSIDE дереккөзі. Қазір Дариға, Динара мен Әлия Назарбаевалардың қылмыстық іс орбитасына ілініп, Интерпол арқылы қудалауға ұшырамауына Кремль ара-ағайындық етіп, "Жаңа Қазақстан" фемидасын әрең ұстап тұр. Бірақ ол статус-кво қанша уақытқа дейін созылатыны белгісіз. DALA INSIDE осы әулетке қатысты бірнеше құпия инсайдты сіздер үшін сары майдай сақтап отыр. Бізбен бірге болыңыздар 👇 https://t.me/dalainside

🌅Асқар Мамин саяси аренаны біржолата тастады Қазір ол Ыстамбұлда демалып, Истикләл көшесі мен Таксим алаңында көбірек қыдыратын болған. Босфорға қарап, кешкі уақытын ойланумен өткізеді. "Жаңа Қазақстан" тарапынан әзірге Асқар Маминге сұрақ жоқ. Сондықтан ол шетелге емін-еркін шыға алады. Ал онымен кезінде қызметтес болған көптеген шенеуіктерге Қазақстан аумағын тастауға бейресми тиым салынған. Яғни, шекарадан өткізбейді. DALA INSIDE Асқар Ұзақбайұлын ұмытпайды. Бізге жазылып алыңыздар. https://t.me/dalainside

🙅Қазақтың Әлиханы демалсын: Парламент Үкіметті отставкаға жіберу мәселесін өзара шеше алмай қырылып жатыр Алдағы жұмада өтетін Парламент палаталарының біріккен отырысында Amanat партиясы Үкіметке "сенімсіздік вотумын" жариялауды ойластырып отыр. Вотум Президент Тоқаевтың Парламентке арнайы үндеуі аясында бастама ретінде көтерілуі мүмкін. "Оның нақты шешімі ертең белгілі болады", - дейді, DALA INSIDE дереккөзі. Мәжіліс фракциялары екі лагерьге бөлінген. Мәжіліс Спикері Ерлан Қошанов бастаған топ Үкіметті осы отырыстан қалдырмай отставкаға жіберуге дайын отырса, ешкімді ренжіткісі келмейтін "көгершіндер" тобы Әлихан Смайылов басқаратын Үкімет ең болмағанда Наурыз мейрамына дейін жұмыс істесін деген пікірде. Бір жағынан Ерлан Қошанов Әлихан Смайыловты да, оның командасын да алып тастаса, оның орнына кімді қоямыз деген мәселе тіпті ушығып тұр. Қазақстанның проблемасы - Премьер-Министр ретінде барлық тараптарды қанағаттандыратын, берілген тапсырмаларды түбіне дейін жеткізіп орындайтын кәсіби тұлға жоқ. Әлихан Асханұлы Қазақстанды кері кетірді дей алмаймыз. Бірақ оның үкіметі елді даму жолына бағыттауға қауқарсыз және Ұлттық қорды барған сайын аяусыз сора бастады. Осы тұста "Сол жағалаудағы" кей қырағы көздер Ерболат Досаевты еске алып отыр дейді, дереккөз. Қошанов көгершіндерді сындыра білсе, осы жұмада Үкіметті талқандайтын болады. Ерлан Жақанұлына да осындай бір ерлік жасау керек болып тұр. Ол өзі басқаратын Мәжілістің бәрін дірілдететін органға айналғанын қалайды. Ал Әлихан Смайылов Конституция бойынша Ерлан Қошановқа қарсы шыға алмайды. Сондықтан өз мансабының кілтін Парламент қолына тапсырып, үнсіз жұманы күтпек. DALA INSIDE дереккөзі қазақтың Әлиханы отставкаға кетуге кет әрі емес дейді. Сәл демалып алғаннан кейін Алматы сынды қалаға әкім болып бару Смайылов үшін тамаша шешім болар еді. Бәрі Парламентке, және бастысы Қошановтың Президент әкімшілігімен қандай консультация жүргізгеніне байланысты. Жұмаға екі күн қалды. DALA INSIDE қазақтың Әлиханы келе жатқан ауыр әрі жауапты еңбек жолын қадағалап отыр. Бірге қадағалайық 👇 https://t.me/dalainside

🏭👋Асайын асады, жасайын жасады. "Сол жағалау" Павлодар облысы әкімінен құтылуды ойластыра бастады Астанада Павлодар облысының әкімі Асайын Байхановтың мәселесін "реттеу" бойынша Үкімет пен Ақорда арасында жабық пікір алмасулар кезеңі басталды. Бұл туралы DALA INSIDE дереккөзі хабарлады. Асайын Қуандықұлының жеке басына, тазалығы мен адалдығына сұрақ жоқ. Оның шешімдерінде жемқорлық фактілері байқалмаған. Әңгіме басқада. Павлодар өндірістік, техногендік проблемалары бастан асатын алып өңір. Бұл жақта барлық мәселені шешіп, апаттарды болдырмай отыру үшін бизнесмендерді босаңсытпайтын, бәрін жұдырығында ұстап отыратын авторитет, саяси "тяжеловес" керек. Соңғы рет Қанат Бозымбаев сондай фигура болған. Бозымбаев кеткелі Павлодарға тяжеловестер табылмай жүр. Бозымбаев кезінде Павлодарда алып зауыттары бар Машкевичтерді бір қоңыраумен жинап, өздеріне артылған жауапкершілік салмағын сезіндіретін. Асайын Байханов облысқа 2022 жылдың аяғында келді. Бірақ Павлодардың жер асты байлығын сорып жатқан олигарх кәсіпкерлер Байханов бар ма, жоқ па, мүлде елемейді және білгенін жасай бастады. Мысалы, ішінде адам толы автобус құлап кеткен Майқайындағы рудникке ие компания Кипрдегі оффшорда, Сербия азаматына тіркелген. Нақты қожайыны кім? Алтын қазатын рудникте еш қауіпсіздік ережелері сақталмаған. Олар қазған қуыстарына цемент құюы керек еді. Әкімдік өзімен-өзі отыра берген соң, әкім талап етпегеннен кейін олигархтар да артық шығын шығармай, барынша пайда сорып, қауіпсіздікті тәрк етуге үйреніп алған. "Майқайын алтын" рудниктері сияқты апаттар Павлодар облысының басқа да өндірістік ошақтарында болуы мүмкін. Сол себепті, бұл жаққа сөзі өтетін, шаруақор, саяси салмағы бар кандидат іздестіріле бастады. Асайын Байхановтың ауыл шаруашылығы саласында біліктілігі мықты. Сондықтан оны өңірдің ауыл шаруашылығы саласын дамыту бойынша пайдалану идеялары да айтылды. Оған Асайын Қуандықұлы келісе ме? Ол жағы белгісіз. Өңірлердегі ауыс-түйістердің алғашқысы осы Павлодардан басталады деген болжам бар. Оны да көре жатармыз. DALA INSIDE қосулы болсын 👇 https://t.me/dalainside

📲Pronto: Арманмен жатып, Мақсатпен оян Қазақстандағы салафизм офисіне қызмет ететін Pronto өткен жылдың соңында "А+" операциясын сәтті аяқтады. Ал биыл қазақтың ұлттық құндылықтарын қорғау мақсатында сақалдыларды әшкерелеп жүрген тағы үш тұлғаға ақпараттық шабуыл жасау көзделген. "Оның екеуі депутат, ал бірі танымал фейсбук блогер", - дейді, DALA INSIDE дереккөзі. Бұл ақпараттық шабуылда жаңа гибридтік технологиялар қолданылып көрмек. Pronto отандық әлеужелі кеңістігіне жаңа леп алып келді. Тик-токта "Аяз Ата баран, Жаңа жыл харам" сынды вирусты роликтар, хиджап пен никаб жамылған қыздардың түнгі стримдері үлкен аудитория жинауда. Инстаграм да толық бақылауға алынды. Қазір Pronto-ны тек фейсбук қана алаңдатып отыр. Себебі, фейсбук олар тарататын тезистерді негативпен қабылдауын тоқтатар емес. Осыған орай, фейк аккаунттардың санын 500-ден 700-ге дейін арттыру жоспары қабылданды. DALA INSIDE Pronto жүрістеріне мониторинг жасап, зерттеп отыр. Бізбен бірге болыңыздар 👇 https://t.me/dalainside

💸Forbes манипуляциясы. Сатыбалды Байтасовтың духын "сындырды" ма? Қайрат Сатыбалды қайтарған ақша миллион адам тұратын Шымкенттің бір жылдық бюджетінен асып кетті. Антикор "Қайрат Сатыбалдының 650 миллиард теңгеге бағаланатын активтері қайтарылды" деп мәлімдеген. Қазіргі бағаммен бұл 1,4 миллиард доллар. Бірақ осыншама байлығы бар Қайрат Сатыбалды неге Форбстың байлар тізімінде болған жоқ? Соңғы рет Сатыбалды бұл тізімде 2018 жылы көрінді және сол кезде оның дәулеті 163 миллион долларға ғана бағаланды. "Қайрат Сатыбалды 2018 жылы Forbes иелеріне өте түсінікті ескерту жасады. Сатыбалды ескертуінің немен аяқталатынын "Сауат Мыңбаев трагедиясынан" бәріміз көрдік. Рейтинг жасаушылар Сатыбалдыны ашуландырғысы келмеді. Оның талабы бірден орындалды", - дейді, DALA INSIDE дереккөзі. Осыдан Форбс тізіміне шынымен дәулетті, бірақ оны жария қылғысы келмейтін азаматтардың ілінбейтінін аңғаруға болады. Сондықтан оны объективті тізім деп қарастырудың қажеті жоқ. Барлық ақпарат жария болғанда, бұл тізімде біз аты-жөнін ешқашан естімеген белгісіз тұлғалар да пайда болар еді. Сатыбалдыға келсек, қайтарылған 1,4 миллиард доллар оның барлық активтері емес. Кезіндегі үзеңгілес азаматтарға да біраз нәрсе жазылып қойған. Және Сатыбалды жазасын өтеп шыққаннан кейін олар бойынша дивидендтер талап ететіні түсінікті. Қайрат Сатыбалды ісі аясында Қылмыстық кодекстің 218-бабы 3-бөлігі («Қылмыстық жолмен алынған кірістер және заңсыз ақшадан түскен пайданы жылыстату») бойынша сотқа дейінгі тергеу аяқталды. Бірақ енді тағы бір бап қозғалып отыр. Ол салықтан жалтарды деген күдікке ілінген. DALA INSIDE мәліметінше "Жаңа Қазақстан" Қайрат Сатыбалдының сотын биылғы наурыздан қалдырмай бастап кетуге ниетті. Негізгі тергеу жұмыстары аяқталды. Қазір Прокуратура мен Сот арасында ішкі консультациялар жүруде. DALA INSIDE бір көзі осы процестің ішінде болады. Бізге жазылып алыңыздар 👇 https://t.me/dalainside

⚡️Төңкерістің түп иесі: Назарбаевты темір тор күтіп тұр ма?.. Ескі Қазақстанның өкілдері Мағауиннің сұхбатын естіген де, елеген де жоқ. Есесіне, Тоқаевтың "Егеменге" шыққан етектей мақаласы ескі гвардияның тарапынан мұқият синтезделіп, терең анализ жасалуда. DALA INSIDE-қа жеткен мәлімет бойынша Назарбаев кланы "сұхбаттың салдары қандай болады?" деген сауалдың төңірегінде ойланып толғануда. Дүйім елді дүрліктірген мақалада Тоқаев Қаңтар оқиғасының тасасында Назарбаевтың жақтастары тұрғанын мойындаған. Осынау трагедияға триггер болған саяси шешімді кімдер қабылдағанын (Шәріпбаев & Құлыбаев) тұспалдап өткен. Бекетаев, Байбек, Мәсімов сынды экс-президенттің шабармандары Ақорда мен Кітапханаға алма-кезек кіріп, сөз тасығанын, мұның соңы мемлекеттің шаңырағын шайқалта жаздағанын жасырмай айтқан. Бұдан туатын логикалық сауал: өзі босатқан орынды өзі тартып алмақ болған әрі мемтөңкеріс жасауға талпынған Назарбаев жауапқа тартылуы мүмкін бе? Экс-президенттің ет жақындары мен сенімді серіктері түнеукүнгі сұхбаттың перспективасынан, яғни, ұзақ мерзімді қауіп-қатерінен сескенуде. DALA INSIDE-қа мәлім болғандай желтоқсанның қақ ортасында кенеттен 🇷🇺 Мәскеуге жол жүрген Назарбаев Кремль көсеміне Сатыбалды мен Самат Әбіштің мәселесінен бөлек, "Қаңтар оқиғасы қайталанар болса, Тоқаевқа ара түспеу..." туралы бұйымтайын жеткізген. Пүтін бұл ұсынысты қабыл алды ма, жоқ па ол жағы жұмбақ 💬 DALA INSIDE Назарбаевтан кейін араға апта салып Петерборға аттанған Кемелұлының жүзі жүдеу, көңілі әлденеге алаң екенін аңдаған еді. Сол жолғы жиында Пүтіннен аулақ жүруге тырысқанын да Назарбаев сапарының табымен байланыстырған едік. Қалай болған күнде ескі Қазақстан есе жібергісі жоқ. Назарбаев жақтастары "Егеменге" шыққан мақалаға жауап дайындап жатыр. Ескі гвардия Қаңтар 2.0 қайталанғанын қалайды. Ал Жаңа Қазақстанның қолындағы жалғыз көзір - Мәсімовтың саяси эффектісі әлсірей бастады. Халық бәрінің артында тұрған "басты кейіпкерді" сұқ саусағымен көрсетуде. Әбішұлы? Экс-президент әлі талай дүниені былықтырады. Арнамызды аңдып отырыңыз👇 https://t.me/dalainside

🫶✍️Қазақстан қазақи "Россотрудничество" жасамақ "Qazaq tili" эндаумент қорын қазақтың жұмсақ күшіне айналдыру жобасы жабық есік жағдайында талқылана бастады. Эндаумент қорға Мемлекет басшысы Қасым-Жомарт Тоқаев өз қалтасынан 7 миллион теңге тапсырғаннан кейін, біраз бизнесмен де шамаларына қарай жарналарын өткізе бастаған. Қазақтың жұмсақ күші қандай болады? Ол сыпайы түрде қазақтілді қызықты контенттерді көбейту, қазақ тілінің қолданыстағы аясын кеңейту. Және ең басты мақсат - тіл сауаты. Қазақша тұрмыстық деңгейде сөйлесетін азаматтардың көбісі сауатты жаза алмайды. Сауатты қазақ тілі - бүгінгі күннің ең үлкен проблемасы болып отыр. Qazaq tili эндаумент қоры халықаралық "Қазақ тілі" қоғамының аясына кіреді. Оны Рауан Кенжеханұлы басқарып отыр. Қазақтың жұмсақ күші - талайдан бері көкейде жүрген мәселе. Осының алғашқы идеялары 7-8 жыл бұрын айтылған болатын және ол кезде басты акцент латын әліппиіне берілген еді. Қазір "латын шаруасы" кейінге ысырылып, контент, оқулықтар кириллицада жалғасын табады деген түсінік бар. Қазақтың жұмсақ күші қай жаққа жол тартады? Қытайдағы қазақтар салт-дәстүрін, тілін жақсы сақтап отыр. Россотрудничество біздің оңтүстік аймағымызға енгені сияқты, Қазақстан да Ресейдің қазақтар көп тұратын облыстарында тілдік мектептер ашу мәселесін ойластыруда дейді, DALA INSIDE дереккөзі. Өз кезегінде Россотрудничество 2023 жылдың қорытынды есебін аяқтап қалды. Оны сайтында наурыз айында жариялауы тиіс. Россотрудничество Қазақстанның оңтүстігінде ашылатын үш орыс мектебін өзінің жетістігіне жатқызып отыр. Орыс мектептерінің саны бойынша Қазақстан Орталық Азияның барлық мемлекеттері арасында көш бастап келеді. 2023 жылы Қазақстанда орыс тілінде оқытатын мектептер саны 3606 болса, көрші Өзбекстанда 1 мыңнан астам, Қырғызстанда 751, Тәжікстанда 200, Түркіменстанда 71 мектеп болған.Қазақстанда биыл 339 880 оқушы бірінші сыныпқа барды. Оның 70,7 пайызы қазақ тілін, қалғаны орыс тілін таңдаған. Қаймана қазақтың ордасы - Оңтүстік Қазақстанда үш орыс мектебін ашу арқылы Ресей осы аймақтың мүлде орыс тілін ұмытып қалу қаупімен күреспек. Осы үш мектепке Россотрудничество қаржыны аямайтын болады. Одан бөлек, орысша айтыс ұйымдастыру бойынша Балғынбек Имашевпен келіссөз жүргізу жоспарда бар. Яғни, Балғынбек, Жандарбек сынды ақындар Түркістанда өтетін халықаралық мүшайрада домбырамен орысша айтысады деген креативті сценарий қарастырылуда. Әзірге "әр ақын кем дегенде Toyota Land Cruiser жаңа көлігін мінеді" деген сыбыс таратылды. Ол ақындардың қазірден бастап орысша сайрауға іштей дайындала беруі үшін керек. Қазақтың да, орыстың да жұмсақ күші саусақтарын жыбырлата бастады. Мемлекеттер мәдени экспансияның маңызын енді түсініп келеді. DALA INSIDE Россотрудничествоны да, Qazaq Tili эндаументін де мониторингке алды. Маңызды құбылыстар басталса хабарлайтын боламыз. Арнамызға жазылыңыздар 👇 https://t.me/dalainside

🥚Қазақстан "жұмыртқа кризисіне" дайындала бастады Келесі аптада Үкімет осыған қатысты жабық кеңес өткізуді ойластырып отыр дейді, DALA INSIDE дереккөзі. Елде жұмыртқа 4 ай бойы қымбаттап келеді. Өткен аптада оның қымбаттауы 0,7 пайыз көрсетіп, әдеттегі баға өсуі нормасынан екі есе асып кетті. Бұл Ресейдегі жұмыртқа тапшылығының салдары болуы мүмкін. Ресейде қазір жұмыртқа дағдарысы белең алып отыр. Баға қымбаттағандықтан, отандық құс фабрикаларына жұмыртқаны Ресейге экспорттау өте тиімді бола бастады. Ресей Премьері Михаил Мишустин үшін жетпей жатқан жұмыртқаны Қазақстаннан алдыру оңтайлы вариант болып отырғаны жасырын емес. Бұл ретте қазақтың Әлиханы қиналып қалуы мүмкін. Премьер Смайылов өткен желтоқсанда жылдық инфляция деңгейін 9,3 пайызға түсіріп, президент алдындағы уәдесін толық орындаған болатын. Ол үшін 2024 жылдың басында инфляцияны 9-9,5% коридорында ұстап отыру өте маңызды. Жұмыртқа инфляция себетіндегі негізгі тауардың бірі. Ол күрт қымбаттаса инфляция деңгейі дереу өсе бастайды. Қазір елімізде 69 құс фабрикасы бар. Оның 34-і жұмыртқамен айналысады. 2022 жылы Қазақстан 5 миллиард дана тауық жұмыртқасын өндірген болатын. 2023 жылы да шамамен осы көлемді сақтап қалды. Елдегі жұмыртқа ішкі тұтынуды жабуға әрең жетеді. Артық жұмыртқа экспортына біздің фабрикалардың қауқары жоқ. Қазақтың Әлиханы отандық жұмыртқа нарығын барынша қорғайтын болады. Министрлер кабинетінің басты мақсаты - оның тапшылығын болдырмай, бағаны төмен деңгейде сақтап қалу. DALA INSIDE жұмыртқа соғысының бел ортасында болады. Бізге жазылып қойыңыздар 👇 https://t.me/dalainside

🤌Ескі Қазақстан қайтып келмейді: Тоқаев түсінікті сигнал жіберді Ақорда "Ескі Қазақстанның" лидерлері мен олардың нөкерлеріне бағытталған месседжін ұзақ уақыт пісіріп, 2024 жылдың басында жіберуге шешім қабылдаған. DALA INSIDE дереккөзі 2019-2022 жылдары орын алған "қостабанды билік дәуірінде" Президенттен кейін бірден Кітапханадағы Назарбаевтың кабинетіне жүгірген барлық шенеуіктің карьерасы биылдан бастап тоқтайтынын хабарлады. Қазір изоляторда соттың шешімін күтіп отырған, кезінде Назарбаевтың Қауіпсіздік кеңесіндегі статусын Президенттен жоғары бағалаған экс әділет министрі Марат Бекетаевтың сол мәлімдемелері енді алдынан шығатын болады. 2024 жылдан бастап "Ескі Қазақстан" толықтай жойылады. Оның қаңқасы болған функционерлер мен олигополия өкілдері барлық аренадан түгелдей дерлік кетпек. Жарты жылдан кейін саяси кеңістік "Ескі", "Жаңа" деп бөлінуін тоқтатады. "Ашығын айтсам, осы жаңа бағдары­мыз кейбір ықпалды адамдарға мүлде ұнаған жоқ. Олар бұл өзгерісті елімізде әбден тамыр жайған жүйеге және билік құрылымындағы өздерінің «ерекше мәртебесіне» төнген қатер деп қабылдады. Мұндай адамдар елдегі өзгеріске астыртын, кейде тіпті ашық қарсылық білдіре бастады. Ақыр соңында реформаның бетін қайтарып, өздеріне ыңғайлы бұрынғы қалыпқа оралу үшін бәрін тас-талқан етуге шешім қабылдады" - деді Қасым-Жомарт Тоқаев, Егемен Қазақстанға берген сұхбатында. DALA INSIDE дереккөзі кезінде Қазақстанды жұдырығында түйіп ұстаған ағайынды Нығматуллиндер мәселесінде белгілі бір шешімдер болатынын хабарлады. Біршама жабық консультацияларда осы сұрақ нақты талқыланған. 2024 - аты жер жаратын сот процестерінің жылы болады деп күтілуде. DALA INSIDE процестерді сыртынан емес, ішінен бақылап отыр. Бізге жазылып алыңыздар 👇 https://t.me/dalainside

🌲Сатыбалдысыз Жаңа жыл: салафит бизнесмендерге ауыр міндет артылды Сот Қайрат Сатыбалдыны жаңа жылға дейін босатпай қойғандықтан, ол кеше мемлекетке тағы 55,4 миллиард теңге қайтарды. Заңсыз иеленген активтерді қайтару науқанының жылдық есебі үшін Сатыбалды берген қаржы кәдімгідей позитивті рөл ойнады. Бірақ "Жаңа Қазақстан" Қайрат Сатыбалдыдан кемінде тағы 120 миллиард теңге қайтаруға ниетті. Ол үшін Сатыбалдыға уақыт керек болып тұр. Себебі, ол түрмеден мүлде қайыршы болып шықпас үшін, кезінде өзі демеген, қолдаған салафит бизнесмендерге үшбу хат жолдамақ. Бизнесмендерден кемінде 40 миллиард теңге жинаса, өзінің соңғы 120 миллиард теңгелік активтерін мемлекетке бере алады. Егер ақша келсе, Қайрат Сатыбалды шамамен наурыз мейрамына таман босап шығады деп жоспарланған. Одан кейін Сатыбалдының жүріс-тұрысы, транзакциялары Қаржы мониторингі агенттігінің толық бақылауында болады. Әзірге оның ағымдастары "Харам Жаңа жыл" атты акциямен көзге түспек. Жер-жерде бюджет қаржысына тұрғызылған мерекелік алып шыршалар өртелетін болады. Алғашқы шырша Таразда өртелді. Енді Ақтөбе, Орал сынды қалаларда да шыршаға шабуыл жасалады деп күтілуде. Қайрат Сатыбалды тағдыры DALA INSIDE назарында. Бізге жазылып алыңыздар 👇 https://t.me/dalainside