DALA INSIDE

⚡️ Гульжан Ергалиева, кто вы такая?.. Таяуда Алматының орыстілді тұрғыны Гульжан Ергалиева өзінің желідегі парақшасында «Мұндай нақұрыстарды не істеуге болады?» деп айналасына сұрау тастап, пост жазыпты. Бұл жолы Гүлекең «нақұрыс-идиот» деп өзі жылдар бойы күресіп жүрген ескі билікті емес, екі қолға бір жұмыс таппай Алматының іргесін паналап, күнелтіп жүрген ауыл қазағына сын садағын бағыттапты. Бұдан кейін біздің де талағымыз тарс айырылды. Өйткені біз де Гүлекең айтқан «нақұрыс-идиоттардың» біріміз. Қалаға сіңіскенімізге бар болғаны 5-10 жылдың жүзі болған шығар. Сондықтан талай қазақ апамыздың сөзін өз ауласына лақтырылған тас ретінде қабылдағаны анық. Сонда Ерғалиқызын не мазалайды дейсіз ғой? Оның ойынша Алматының айналасы ауыр және қорқынышты конгломератқа толып кетіпті. Апамыздың ойынша мұндай “жат элементтер” еліміздің абыройын асқақтатқан чемпиондарды танымаса, пышақтап өлтіре салудан тайынбайды-мыс. Бұл жерде алжасқан Ергалиева мәнерлеп сырғанаушы Денис Теннің өлімін меңзеп тұрғанын түсіндік. Бірақ Денис Тен Алматының шетінде емес, қаланың қақ ортасында пышақталмады ма? Бұған Алматының айналасындағы елді-мекен тұрғындарының не қатысы бар? Түсініксіз?.. Айтпақшы, апамыз өз жазбасында ауыл қазағын маргинал қылмыскерге теңейді, оларды көргенде “ақымақтардың армиясын” көргендей болады екен. Қарапайым ауыл қазағы Гүлекең өшігетіндей не істеп қойды? Сол жағын ұқпадық. Бірақ мұны жайдан-жай қалдыруға болмайды. Бұдан кейін апаймыз ауыл қазағын ары қарай тағы айыптай түседі. – Бұл ақымақтар автобус жүргізушісіне шабуыл жасап, соның кесірінен аялдамада тұрған қарапайым адамдар қаза тапты. Қаланың шетінде осындай бейадамдар көп қоныстанған – олар егеуқұйрық сияқты өмір сүреді. 50 шаршы метр бөлмеде 30 адам болып тұра береді (құдды солардың үйіне күнде барып, шай ішіп жүрген адамдай гәпіріпті). Мұндай адамдар қалада күмәнді жұмыс істеп, топтасып ұрлық жасап, Алматыда субмәдениет қалыптастыруда, – деп лағып кетіпті. Апамыздың осы сөзінен оның Рысқұлов көшесінен төмен қарай аттап баспағанына ондаған жыл болғанын байқағандай болдық. Баяғыда жарнамалық газеттердің жылжымайтын мүлік сататын бөлімінде «ниже Рысқұлова не предлагать» деген ескертулер жүруші еді. Соны билік әрең қойдырып еді. Енді Гульжан Ергалива сол әңгімені қайта бықсытып, ауыл қазағының ар-намысын аяққа таптап отыр. Сөз соңында алжасқан апамыз «Құқық қорғау органдары мен жергілікті билік орындары мұны зерттеп, шара қолдануы қажет. Қаланың ортасындағы қоғамдық орындарға тұмсығын тықпасын, ❗️ Алматының шетіндегі өздерінің “гаремдерінен” аяғын аттап баспасын!» – деп Алматыдағы қазақтарды екіге бөліпті. Иә, күні кеше ғана автобуста орын алған жағдай бәрімізді шошытты. Бірақ осы қайғылы оқиғаны алға тартып, тұтас ауыл қазағын тілдейтін «Гульжан Ергалиева, кто вы такая?». Бұл ел ішіндегі араздықты қоздыру емес пе? Ергалиеваның жауапқа тартылуын талап етеміз! Нұрлан Жұмахан, арнайы DALA INSIDE үшін

👋"G-Park" басшысы Ғабит Сәтмағамбетов: Мен Астанадамын! Астанадағы атышулы "G-Park" құрылыс компаниясының басшысы, Астана мәслихатының экс депутаты Ғабит Сәтмағамбетов DALA INSIDE дереккөзінің "ол Дубайда" деген инсайдын жоққа шығарып, өзінің Астанада жүргені туралы видеосын инстаграм сторисіне жариялады. Онымен бірге DALA INSIDE телеграмына "Дубайда жүр" деген ақпаратты жоққа шығарып, Астанада екендігін хабарлайтын материал беруін сұрап хат жолдады. DALA INSIDE копирайтерлерінің Ғабит Сәтмағамбетовтың Астанада жүргеніне сенбеуіне еш негіз жоқ. Сондықтан оны Астанада деп санаймыз. Бірақ "G-Park" проблемаларының қордаланып келе жатқаны анық. Ғабит Сәтмағамбетовке осы пост арқылы үш ашық сұрақ қойып отырмыз: - Ғабит мырза, Астана әкімдігі "G-Park" құрылыс компаниясына жаңа үйлер салуға тыйым салды. Оны қала әкімі Жеңіс Қасымбек ресми мәлімдеді. Оған не себеп болды деп санайсыз? - Қазір қанша үлескер өз қаржысын кері талап етіп отыр? Олардың талабы қалай орындалады? - Қазақстан Республикасының "Үлескерлік құрылыс туралы" Заңында құрылыс компанияларына үлескерлік құрылыс туралы келісім-шартсыз адамдардан ақша жинауға тиым салынған. Неге "G-Park" компаниясы осы заңды бұзып, үлескерлермен "брондау" шартын жасасты? Осы үш сұраққа Ғабит Сәтмағамбетов өзінің инстаграм сторисі немесе бізге хат жолдау арқылы жауап бере алады. Ал біз оны міндетті түрде жариялайтын боламыз. DALA INSIDE үлескерлер проблемасына алаңдап отыр. Себебі, бұл жолы Ұлттық қордың қаржысы жетпейді. Бізге жазылып алыңыздар 👇 https://t.me/dalainside

💥Көлгінов тергеуге барып жүр Астананың бұрынғы әкімі Алтай Көлгінов Антикор тергеушісіне аптасына бір рет барып, сұрақтарына жауап беріп келеді, дейді DALA INSIDE дереккөзі. Экономикалық қылмыстар бойынша тергеушіні Алтай Сейдірұлының Астана қаласын басқарған кезіндегі бірнеше ірі жобасы, әсіресе коммуналды шаруашылық пен отын-энергетика саласындағы қабылдаған шешімдері қызықтырып отыр. Қазір Көлгінов Қазақстан аумағын тастап ешқайда шыға алмайды. 2016 жылдан бастап Алтай Көлгінов үлкен өңірлер мен қалаларға әкім бола бастады. Алдымен Батыс Казақстан облысын басқарса, 2019-2022 жылдары Астана қаласына әкім болды. 2022 жылдың аяғында Премьер-Министрдің орынбасары лауазымына дейін шарықтады. Алайда жарты жыл өтпей, 2023 жылдың жазында барлық лауазымынан айрылды. Көлгіновке айып тағыла ма? Ол жағы белгісіз. Тіпті куәгер ретінде аман қалуы да мүмкін. Қазір тергеушілер әр эпизодты майшаммен қарауда. DALA INSIDE мәселені бақылап отыр. Бізге жазылып алыңыздар 👇 https://t.me/dalainside

👊Судьяларға компромат жинау науқаны басталды ҚР Жоғарғы Сотының Ішкі қауіпсіздік бөлімінің басшысы Темірлан Шонаев жиналыста судьялардың үстінен компроматтар болса, белсенді әкелуін сұрауда. Жалпы, сот корпусында ауқымды реформа жасау мақсатында, судьяларға ауқымды ақпараттық шабуылдар ұйымдастырылатын болады. Артынан масштабты тазалаулар басталмақ. Реформа өз жемісін бере ме? Әлі кесіп айту қиын. Бізге жазылыңыз 👇 https://t.me/dalainside

🔥Бағдат Мусин "Қазақтелекомға" кетпек Цифрлық даму, инновациялар және аэроғарыш өнеркәсібі министрі Бағдат Мусин жаңа жылдан кейін "Қазақтелеком" ұлттық компаниясын басқаратын болады дейді, DALA INSIDE дереккөзі. Оның министр лауызымында отырғанына үш жылға жуықтады. Бағдат Мусин еліміздегі цифрландыру ісіне жауап беріп жүрді. Жетістіктері де, кемшіліктері де болды. Тіпті Жапонияны басып озған кездері енді тарих қойнауына енбек. Мусин үшін ұлттық компанияны, әсіресе "Самұрық-Қазына" қорына қарасты ұйымды басқару таңсық емес. Ол 2014-2017 жылдары «Қазпошта» АҚ басқарма төрағасы болып қызмет еткен. Сол жылдары ол тіпті өз айлығын қысқартамын деп жастық максимализмге барған еді. Қазір қырыққа толғандықтан, ондай қылық шығара қоймайтыны белгілі. DALA INSIDE дереккөзі "Мусиннің өзі Қазақтелекомға баруға қарсы емес" дейді. Соңғы уақытта бітпей кеткен совещание, жиын, коллегиялардан қажи бастаған. Министрлікке қарағанда Қазақтелеком тыныштау жер. Айлығы да жақсы. Мусин келсе, онда Қазақтелекомның "мәңгі билеушісі" Қуанышбек Есекеев орнын босататын болады. Есекеев басқа лауазымға емес, тікелей тергеушілерге баруы да ғажап емес. "Ескі Қазақстан" шлейфінен келе жатқан, Сатыбалды, Jusan істеріне қатысты оған да біраз сұрақтар бар. DALA INSIDE Мусин мен Есекеев тағдырын мониторингке алды. Бірге бақылайық 👇 https://t.me/dalainside

🇰🇿🥚🇷🇺Жұмыртқа соғысы: Ресей мен Қазақстан таласқа дайындала бастады Ресейдегі бағасы күрт қымбаттаған жұмыртқа Кремльді аяғынан тік тұрғызды. Жаңа жылға дейін жұмыртқа бағасы түспесе, министрлер мен губернаторлардың бастары кетуі мүмкін. ВЦИОМ-ның жабық зерттеуінде "жұмыртқа бағасы екі есе өссе, халық наразылығы артып, сайлауға барайын деп отырған Путиннің рейтингі құлдырайтыны" анық көрсетілген. Бұған мазасызданған Кремль үкіметті басқарып отырған Михаил Мишустинге жерді төңкерсе де, жұмыртқа бағасының қымбаттауын 60% пайыздан асырмауды тапсырды. Ресей үкіметі бірден жұмыртқа импортына баж салығын алып тастады. Және мүмкін болса, Қазақстандағы бар жұмыртқаны өздеріне алып кетуді ойластырып отыр. Ресейдің біздің жұмыртқаға ауыз салуы Жаңа жылға дейін инфляцияны 10 пайызға түсіру үшін жанталасып жатқан қазақ үкіметінің бар жоспарын бұзайын деп тұр. Осыған орай, қазақтың Әлиханы ауыл шаруашылығы мәселесіне қатысты жиын өткізіп, оның жабық есіктің артында өткен қысқа бөлігінде жұмыртқа соғысына дайындығымызды пысықтауға кірісті. DALA INSIDE дереккөзі, Қазақстанның жұмыртқа экспортына уақытша шектеу қою мүмкіндігін де жоққа шығармайды. Үкіметке қалай болғанда да, Жаңа жылға дейін жұмыртқаны қымбаттатпау керек. Жұмыртқа соғысында кім жеңеді? Смайылов па, Мишустин бе? Оны алдағы уақытта білетін боламыз. DALA INSIDE қоңырауы әр үйде қосулы болсын. https://t.me/dalainside

🪨Тас басын иіп, қазақ ұлтының мүддесін мойындады. Қазақстан ОДКБ-ны толық сындыра алды 10 күннен кейін Қазақстан ОДКБ төрағалығын қолына алады. Оның бас хатшысы Иманғали Тасмағамбетов "Қазақстан қалай жұмыс істе дейді, солай жұмыс істеуге дайынмын" деп отыр. DALA INSIDE дереккөзінің айтуынша, біраз ішкі консультациялардан кейін, Иманғали Нұрғалиұлының саяси салмағын ескере отырып, Ақорда оны ротация аясында ОДКБ хатшылығында қалдыратын болып шешкен. Енді Тасмағамбетов Қазақстанның ОДКБ-ға қатысты берген "Жол картасын" қабылдап, сол бойынша ұйымның келер жылғы жұмысын бекітпек. Негізгі ауқымды шаруалар - әскери жаттығу жұмыстары. Қазақстан, Ресей, Қырғызстан мен Тәжікстан полигондарында жеті жаттығу өткізу жоспарланған. Тасмағамбетов ОДКБ төрағалығына отырып алып, тура Путин мен Лукашенко сияқты "Ұжымдық Батыс қауіп төндіріп тұр. АҚШ, Еуропамен күресу керекпіз" деген сарындағы пластинаны қайта-қайта айналдыра бастаған. Онысы Путинге майдай жақса, Ақорданың ашуын келтірген. Ресей идеологиясы ықпалында қалып, біраз батыл мәлімдеме жасап кеткен Тасқа Қазақстан президенті Қасым-Жомарт Тоқаев емеурінмен ескерту жасаған болатын. Тасмағамбетов сабасына тез түсіп, дер кезінде жел ауанын байқады. ОДКБ туралы айтарымыз аз емес. Бізге жазылып алыңыздар 👇 https://t.me/dalainside

⚡️ West Oil Software жұмысшылары «ҚазМұнайГаз» өкілдерімен келіссөз жүргізуден бас тартты... 20 желтоқсанда Қарақия ауданының әкімі Сымбат Төретаев West Oil Software жұмысшыларымен келіссөз жүргізуге талпынды. Алайда жұмысшылар «ҚазМұнайГаз» штатына жұмысқа орналасуды талап етіп, кездесуден бас тартты, деп хабарлайды Қарақия ауданының әкімдігі. Төретаев кеше West Oil software-дің наразы қызметкерлерімен кездескен. Әкім наразы қауымды сабырға шақырып, мәселені үстел басында шешуді ұсынған. Жұмысшылар әкім ұсынысын қабыл алған. 20 желтоқсан күні таңертең «ҚазМұнайГаз» АҚ төрағасының орынбасары Дәулетжан Хасанов, «Маңғыстау Мұнай Газ» басшысы Мұрат Мұстафаев, West Oil software басшылығы мен Қарақия ауданының әкімі ереуіл өтетін жерге келіп, уағда бойынша келіссөз процесін бастауға шақырды. Алайда, West Oil Software бұған дейінгі уәдеден айнып, келіссөзді бастаудан бас тартқан. - Арнайы комиссия келіссөз жүргізуге дайын. Бұл жағдайды реттеудің ақылғы қонымды жолы, оны пайдалану қажет, - деді Дәулетжан Хасанов жиналғандарға. Алайда, WOS қызметкерлері «ҚазМұнайГаз» штатына жұмысқа орналасуды талап етіп, келіссөзден бас тартты. WOS-тың бірқатар мамандарының жалақыны «ҚазМұнайГаздағы» еңбекақымен теңестіру, ҚМГ еншілес кәсіпорнының штатына кіру сияқты қосымша талаптары орынсыз екенін ескеру қажет. Неге? WOS-тың кей қызметкерлері бұрын "ҚазМұнайГаздың" еншілес ұйымдарының қызметкері болған және 2018 жылы 5/50 бағдарламасын пайдаланып, өз еркімен жұмыстан шыққан әрі аталған бағдарлама аясында 5 жылдық жалақысының 50% алған. Орташа алғанда, бір адамға төленетін төлем сомасы шамамен 11 млн теңгені құрады. Осы себепті ҚазМұнайГаздың ЕТҰ штатына көшуі туралы талаптар да мүмкін емес. Ереуілге байланысты "West Oil Software" ЖШС күніне шамамен 23 млн теңге шығынға батуда. https://t.me/dalainside

🤌Қазақстан Батьканы жаңа жылдан кейін жазаламақ Қазақстанның Германияға мұнай экспортына кедергі келтіріп отырған Беларусьтің әрекетіне тиісті жауап ойластырыла бастады. Бұл туралы Министрлер кабинетіндегі жағдаймен таныс DALA INSIDE дереккөзі хабарлады. Қазақстан, Германия және Ресей биыл "Дружба" құбыр жүйесі арқылы Германияның "Шведт" мұнай айыру зауытына жылына 1,2 миллион тонна қазақ мұнайын жіберуге келіскен еді. Құбыр Ресей, Беларусь, Польша арқылы Германияға барады. Енді күтпеген жерден Минск өзі арқылы өтетін учаске тарифын тоннасына 455,94 рубльден 653,8 рубльге дейін, яғни 43,4 пайызға көтереміз деп қиғылық салуда. Егер тарифтер күрт өссе Қазақстан тарапы қосымша 1 миллиард теңгеден астам шығынға ұшырайтын болады. Беларусь президенті Александр Лукашенконың Қазақстанға деген көзқарасы соңғы кездері оңды болып жүрген жоқ. Бірақ Батька не істесе де, Қазақстанның оны жазалайтын қуатты рычагы болмай тұр. Минскті тек беларусь азық-түлік импортын шектеу арқылы сәл ренжітуге болады. Үкімет үйіндегілер тарифті орнында қалдыру үшін барын жасап көрмек. Германияға мұнай экспортын үзуге болмайды. Себебі, келісімдерге қол қойылған. DALA INSIDE осыны бақылап отыр. Бізге жазылып алыңыздар 👇 https://t.me/dalainside

⚡️Нұрекең Мәскеуде жүр. Бүгін 16 желтоқсан... Экс - президент Тәуелсіздік күні Ресейге тартып отырған. DALA INSIDE-қа белгілі болғандай ертең Әбішұлы Путиннің қабылдауында болады. Кремль көсемі кездесуге аса ынтызар емес, алайда тықақтап тұрып алған Нұрекең ақыры діттеген мақсатына жетсе керек. Ақордамен аффирленген телеграм каналдардың айтуынша Әбішұлы атышулы мемуарын алдыға салып барады. "Менің өмірім" дейтін ғұмырнамалық еңбегінде экс-президент Путиннің мақтауын асырып, астына көпшік төсеген-ді. DALA INSIDE дереккөзінің мәлім еткеніндей Назарбаевтың Кремль көсеміне көзбе-көз айтар жеке бұйымтайы бар... Тәуелсіздік күні Мәскеуге ұшып кеткен "тұңғыштың" әрекетінен-ақ, оның ұлық мерекеге атүсті қарайтынын аңғаруға болады. Кремльден ұзап шықпайтын Путиннің Әбішұлын шамалы күте тұруға шыдамы жетер еді. Демек, зейнеткердің жүрегі тыныш емес. Әлденеге алабұртып жүр. Тәуелсіздік мерекесін тәрк етіп, Мәскеуге аттанып кеткен Нұрекеңнің бұл кетісі тегін емес деп топшылауға болады. DALA INSIDE ертеңгі кездесудің астарына үңілуге тырысуда. Арнамызды бақылап отырыңыздар 👇 https://t.me/dalainside

Ақыры «West Oil Software» ЖШС-ның басшылығы өз жұмысшыларының ереуіліне қатысты мәлімдеме жасады. «West Oil Software» ЖШС-ның директоры Қаржаубаев Тлеген Өмірзақұлы.

✊ Жаңа Қазақстан мақалы: "Митингке шықпаған балаға емшек бермейді" Маңғыстауда көлік жүргізушілері ереуілге шығып жатқан "West oil Software" жекеменшік компаниясының басшылары өз жұмысшыларын тыңдап, мәселені шешудің орнына бастарын құмға тыққан түйеқұстай тығылып қалған. Компания басшылығы тарапынан шиеленіске жағдайды шешуге бағытталған ешбір әрекет байқалмады. Жекеменшік компания жұмысшыларымен келіссөзді жалғыз "Қазмұнайгаз" ұлттық компаниясы жүргізуге мәжбүр. Осы мәселе біраз сұрақтар туғыза бастады дейді, DALA INSIDE дереккөзі. Тағы бір мәселе, өндіріс 4 күн бойы тоқтап тұрғандықтан, қыруар шығындар қордалана бастады. Соның қырсығынан компанияның бюджетке төлейтін салығы қысқармақ. Ол Маңғыстаудағы зейнеткерлер, әлеуметтік көмек алып отырған көпбалалы аналардың аузынан жырып, ас жегенмен бірдей. Бұл жауапкершілік кімнің мойнында болады? Бүгін дейін ереуілдеп жатқан шопырлардың жалақылары орташа есеппен алғанда 735 мың теңгені құрайды. Оған қоса, 2017-2018 жылдары олар "Oil Transport Corporation" (ОТК) компаниясында жұмыс істеп, екі жақты келісім бойынша жұмыстан өз еркіммен шыққанда 10-11 млн теңгені құрайтын өтемақыны алған. Заң бойынша, сотпен заңсыз деп танылған ереуіл қатысушыларын жұмыс беруші арнайы баппен жұмыстан шығаруға құқылы. Маңғыстаудағы еңбек нарығы "митинг шантажының" сынақ алаңына айналып бара жатыр. Осыған құнығып кеткен азаматтарды жұмыстан шығарып, олар басқа өңірдегідей сияқты жұмыссыздық немесе 150 мың теңге айлыққа жүрудің не екенін ертерек түсінсе, болашақтағы көптеген проблемалардың алдын-алуға болады. Бүгін 750 мың теңгені аз деген адам дегенін істете алса, ертең 2 миллион сұрайды. Оны көрген көршілері де, таныстары да "мен де мәселемді осылай шешіп алайын" деп митингілеп шығады. Бүкіл Қазақстан митингтен босамай, ешкім жұмыс істемесе біз қалай дамимыз? DALA INSIDE "митингпен шантаж жасау" дертінің кең етек жая бастағанын көріп отыр. Арты жақсылыққа апармайтыны анық. Еңбек митингіне қатысты нақты ережелер, кәсіподақтардың статусын арттыру бойынша кешенді жұмысты қолға алатын уақыт келді. Бізге жазылуды ұмытпаңыздар 👇 https://t.me/dalainside