DALA INSIDE

💥Маңғыстаудағы West Oil Software компаниясындағы ереуілге қатысты West Oil Software көлік компаниясындағы жағдайға байланысты Бәсе (бұл дереккөзге сенім жоқ) сілтемелерімен көптеген хабарламалар алдым. Бұл туралы не айтуға болады? Компания Маңғыстаумұнайгазға көліктік қызметтерді ұсынумен айналысады. Штатта 540 аса адам жұмыс істейді. Компания 2018 жылы West Oil Software-ге өткен Ойл Транспорт Корпорэйшн (ОТК – ҚазМұнайГаз ҰК еншілес компаниясы) экс-қызметкерлерінің негізінде құрылған. Ауысу кезінде қызметкерлерге 5 жылдық жалақының 50%-ы ұсынылды (орта есеппен әрбір экс-қызметкер 10 млн теңгеден алған болатын). Kompra.kz сайтының ақпаратынша қазіргі орташа айлық жалақылары 740 мың теңгені құрайды (ЕТҚ 2022 жылы - 5 млрд теңге, 2023 жылдың 11 айында - 6,2 млрд теңге). 5 жыл өткеннен кейін экс-қызметкерлер оларды қайтадан Еңбекақы төлеудің бірыңғай жүйесі қарастырылған (жоғары жалақылар және түрлі премиялар) ҚазМұнайГаз компаниялар тобына қосуды талап етіп отыр. Қызметкерлер ОТК қызметкерлері сияқты ұқсас жұмыстарды орындап жатқанына наразы, бірақ бұл басқа заңды тұлға. https://t.me/NRG_monitor/1957

🪕Орысша айтысатын Балғынбекке жаңа шанс берілды "Жаңа орыс мектептерін аштық". Россотрудничествоның ойынша биыл олар Қазақстанда жақсы нәтижеге жеткен. Ресейдің жұмсақ күші болып саналатын Россотрудничество биылғы жылдың есебін дайындай бастады. Есептің Қазақстанға қатысты тарауы ауқымды болып шықты. Онда Россотрудничество Қазақстанның оңтүстігінде ашылатын үш орыс мектебін өзінің жетістігіне жатқызған. Россотрудничество статистикасы орыс мектептерінің саны бойынша Қазақстанның Орталық Азияның барлық мемлекеттері арасында көш бастап тұрғанын көрсетеді. 2023 жылы Қазақстанда орыс тілінде оқытатын мектептер саны 3606 болса, көрші Өзбекстанда 1 мыңнан астам, Қырғызстанда 751, Тәжікстанда 200, Түркіменстанда 71 мектеп болған. Қазақстанда биыл 339 880 оқушы бірінші сыныпқа барды. Оның 70,7 пайызы қазақ тілін, қалғаны орыс тілін таңдаған. Қаймана қазақтың ордасы - Оңтүстік Қазақстанда үш орыс мектебін ашу арқылы Ресей осы аймақтың мүлде орыс тілінен айрылып қалу қаупімен күреспек. Осы үш мектепке Россотрудничество қаржыны аямайтын болады. Одан бөлек, қазақ халқының орыс тіліне деген қызығушылығын арттыру үшін келесі жылы Россотрудничество орысша айтыс ұйымдастыруды қолға алмақ. Яғни, домбырасын күйлеткен қазақ ақындары мүшайрада орысша айтысуы тиіс. Оған демеушілік ету "Роснефть" басшысы, атынан ат үркетін суперолигарх Игорь Сечинге табысталады. Алғашқы Гран-приге 1 миллион доллар, ал екінші, үшінші орынға коттедждер, 4-5 орындарға Лексус автокөліктері, 6-10 орындарға 20 миллион теңгеден қою ойда бар. Мұндай жүлделер қойылса, Балғынбек бастаған ақындар орыс тілін Пушкиннен артық меңгеріп алары сөзсіз. Орысша айтыс тікелей эфирден көрсетіледі деп жоспарлануда. "Я руски знаю қарачо, Мне нужен Лексус, да ты че" деген шедеврлерді тыңдайтын күн де алыс емес сияқты. DALA INSIDE Россотрудничество креативінің көбейетінін сезіп отыр. Иә, кішкене өзгергендері, жаңаша жұмыс істегендері өздеріне де қажет қой. Арнамызға жазылыңыздар 👇 https://t.me/dalainside

Жетібайда ереуілге шыққан "West oil Software" жүргізушілерінің жалақылары орташа есеппен алғанда 735 мың теңгені құрайды. Оған қоса, 2017-2018 жылдары олар "Oil Transport Corporation" (ОТК) компаниясында жұмыс істеп, екі жақты келісім бойынша жұмыстан өз еркіммен шыққанда 10-11 млн теңгені құрайтын өтемақыны алған. Бұл сол келісім-шарттың түпнұсқасы, жұмыскердің аты-жөні құпия сақталған. Мұндай ақшаны алып, ешқандай реніштеріміз жоқ, еш кінәраттарымыз жоқ деген келісімге қол қойғаннан кейін, қайтадан бізді ОТК компаниясына алындар деп талап етіп жатыр. Бұл заңсыз әрекет әрі манипуляцияның белгісі емес пе?

"Ойл Транспорт Корпорэйшн" компаниясының директоры Ербол Тұрниязовтың "West Oil Software" компаниясы жүргізушілерінің еңбек жағдайлары туралы "Сұрауы бар" YouTube-арнасына берген сұхбатынан

💥Кеншілердің көз жасы: Лакшми сатты, Лаврентьев алды «АрселорМиттал Теміртау» компаниясының су жаңа қожайыны - Forbes тізіміне енген отандық миллиардер Андрей Лаврентьев. Бірқатар телеграм арналар "Лаврентьевтің артында билік тұр, Ақорда тағайындады" деген қауесетті қаулатқан еді. Бізге жеткен мәлімет бойынша, кәсіпкер мен билік арасында ондай "сыбайластық" немесе "келісімдер" болған емес. Мұның бәрі Лаврентьевтің бақталастарының шығарған қаңқуы. Лаврентьев жауапкершілікті мойнына алып, кәсіпорынды дамытатынын айтқан. Өйткені Миттал қалтаның қамын күйттеп, компанияны мүлде қараусыз қалдырған еді. Әуелде Лакшми Миттал компанияны 3,5 млрд долларға бағалаған. Келіссөздер барысында тараптар 286 миллион долларға тоқтады. Лаврентьев бұдан бөлек компанияның екі несиесін төлеп беруі керек. Оның 250 миллион доллары қысқа мерзімді несие, қалған 250 миллион ұзақ мерзімді. Жаңа қожайын 4 жыл ішінде комбинаттың 500 миллион доллар қарызын өтейді. Лаврентьевтің ұлты неміс. 1979 жылы Алматыда туған. Forbes нұсқасы бойынша Қазақстандағы ең ықпалды 50 кәсіпкер тізімінде 26-шы орында тұр. Жұбайы – Гауһар Ихсанова, ұлты қазақ. Қазақ болғанда да, Қазақстан Компартиясы Орталық Комитеті түсті металлургия бөлімінің бұрынғы меңгерушісі Ахмет Әділовтың немересі. Кеншінің ұрпағы. Әділов – Қаныш Сәтбаевтың жан жолдасы болған. Соның арқасында Никольск қаласының атауы Сәтбаев болып өзгергенін біреу білсе, біреу білмес. Алматыдағы бір көшесін де Сәтбаев есімімен ататты. Бүгінде Андрей мен Гауһар алты бала тәрбиелеп отыр. Әкесі – Сергей Петрович, техникалық гидротехникалық құрылыстың инженері, ғылым кандидаты, оның жобасы бойынша Бартоғай су қоймасына бөгет салынған. Анасы – Элла Антоновна – Мемлекеттік жоспарлау комитетінің экономисі, Германиядан көшіп келген отбасының қызы, Майер әулетінен Жамбылға белгілі педагогтер, ішінде қазақ тілі мен математика пәнінің мұғалімдері шыққан. Бізді оқып жүріңіздер. Себебі оның сіздің өміріңізге тікелей әсері бар 👇 https://t.me/dalainside

🇷🇺🏭 "Росатом" артық қыламын деп тыртық қылды «Росатом Орталық Азия» ЖШС бас директоры Сергей Громов Қазақстан үшін 1200 МВт қуаты бар екі энергоблок (ВВЭР-1200) салуға дайын екендіктерін мәлімдеген болатын. Сонда Росатом бізге 3+ категориясындағы 2400 МВттық АЭС ұсынып отыр. Алайда, мұндай мәлімдеме Қазақстанның ақпарат кеңістігінде "АЭС-ті Росатом салатын болды" деп қабылданып кетті және қоғам белсенділерінің шоғырлана бастауына түрткі болды. Енді АЭС мәселесі референдумнан мүлде өтпей қалуы мүмкін. Росатом лоббиі француздардан үстем болатыны айқындалса, көптеген үкіметтік емес ұйымдар референдумға дейін халықты жалпы АЭС-ке қарсы бағытта қыздыратын болады. Парламентте де антиАЭС-тік коалицияның негізі қалана бастағанын көріп отырмыз. Және оның қозғаушы күші депутат Ермұрат Бапи болуы тиіс. Бапи мен үкіметтік емес ұйымдар арасындағы өзара координация әлі орнамады. Бірақ азаматтық блок осы мәселені Парламентте Бапи арқылы қозғауға дайын отыр. Референдум қашан болады? DALA INSIDE дереккөзі АЭС-ке қатысты референдумның 2024 жылдың наурыз не сәуір айларына көзделіп отырғанын айтады. Оған дейін үкіметтің өзі де АЭС-тің қаржылық моделі бойынша толықтай бір шешімге келуі тиіс. Нақты шешім болмай тұр. Себебі АЭС-ке 15 миллиард доллар керек. Ал бюджетте бір тиын да жоқ. Ондай ақша Ұлттық қор мен Зейнетақы қорында ғана бар. Ұлттық қорда жатқаны 57 миллиард доллар, оның 15-ін АЭС-ке берсе, қорда түк қалмайды және қоржынды 100 миллиард долларға жеткізу бойынша жоспардың күл-талқаны шығады. Қазақстан бір жыл бойы сарыла күтіп, мұнайдан 20 миллиард доллар тауып отыр. Және ол қаржыға көптеген жоспар: трансферт, басқа да шығындар, бәрін құрып тастаған. Мұнайдың жылдық табысын АЭС құрылысына беруге үкіметтің іші ашиды. Давай, халықтың ақшасын жұмсайық Зейнетақы қорында 36 миллиард доллар жинақталған. Бұл халықтың 25 жыл бойы тірнектеп жинаған ақшасы. Осы ақшаның 15 миллиард долларын АЭС-ке жаратып жіберу ұсынысы да қаржыландыру сценарийінде бар. Бірақ үкімет халықтың наразылығынан қаймығуда. БЗЖҚ ақшасына қол салуға Ұлттық Банктің де қарсы шығатыны сөзсіз. Росатом Түркияда "Аққую" АЭС-ін ВОО қаржыландыру жүйесі (Build – Own – Operate = Сал – Басқар – Жүргіз) бойынша салып жатыр. Яғни өз ақшасына салады, өздері жүргізеді, ал түріктер тек нақты бекітілген тарифпен электр энергиясын сатып алып отырады. Аққұю АЭС-і ресми түрде Ресей Федерациясының меншігі болып қала береді. Қазір Аққұю құрылысына 15 миллиард доллар транш жіберу үшін Росатом түрлі евробондтар орналастырып, қарызға кіре бастады. ВОО жүйесін Қазақстан да қарастырған болатын. Бірақ онда Росатомнан сатып алатын электр энергиясы тым қымбатқа түсейін деп тұр. Және Балқаш жағасындағы ең үлкен стратегиялық нысан Ресейдің қолында болады. Онда КТК құбырымен бірге "Үлкен" АЭС-ін қолға түсіретін Кремль Қазақстан билігін өз қалауынша, қуыршақ сияқты ойнатып отыруға мүмкіндік алмақ. Сондықтан ВОО-ның саяси қатері үлкен. Оны "Сол жағалау" жақсы түсінеді. Осының бәрін ескерген Үкіметтің АЭС-ке ниеті біршама суып қалды. Қазақтың Әлиханы бір жағынан бізде сутегі өндіргісі келетін швед-неміс инвесторлар пулына да үмітпен қарап қояды. Егер олар Hyrasia зауытына жел мен күн арқылы қуат беретін технологияларды Маңғыстауда сынақтан өткізіп, оның нәтижелері біз күткеннен асып түссе, онда АЭС емес, бос даланың бәріне осындай қондырғылар қойып тастайық деген ойлар да жоқ емес. АЭС - қазақтың бағы ма, соры ма? Оны ешкім білмейді. Әзірге Үкімет көлік алуға ақшасы жоқ, "соны кредитке алса қалай болады екен, төлей аламыз ба?" деп ойланып отырған қарапайым отбасыға ұқсап отыр. Ал халық референдумда "АЭС-ке жол жоқ" деп дауыс берсе, қазақтың Әлиханы тіпті ренжімейтін сияқты. Керісінше Кремль алдындағы сылтаулары да қомақты болады. DALA INSIDE атом технологияларының жілігін шағып, майын ішкен қазақи жалғыз телеграм. Бізді оқып жүріңіздер. Себебі оның сіздің өміріңізге тікелей әсері бар 👇 https://t.me/dalainside

👊Бандитский Петропавл. Қазақстан 90-шы жылдарға қайтып оралды Солтүстік Қазақстан облысында рейдерлікпен айналысып, шаруаларды тонап, егістіктерді өртеп, мал барымталайтын бандиттік топтар пайда болған. Бұл туралы «Барс» шаруа-фермерлік қожалығының басшысы және «Салахадин» ЖШС-ің директоры Бари Амоев арнайы баспасөз-мәслихатында мәлімдеді. Мағжан Жұмабаев ауданында егін далаларын өртеп, мал мен техниканы ұрлап, механизмдер мен агрегаттарды істен шығарып, шаруашылықтың жұмысшылары мен олардың отбасыларына қоқан-лоқы көрсететін қылмыстық топ пайда болған. Осы бандиттерден өткен ғасырдың 80-ші жылдарының соңынан бері дәнді дақылдар өсіріп, мал шаруашылығымен айналысып келе жатқан Бари Амоев та зардап шегіп отыр. - Жергілікті қарақшылар мені екі рет өлтірмек болды, кездейсоқ оқиғалардың салдарынан олардың пиғылы жүзеге аспай қалды. Мәселен, 2000 жылы түнгі уақытта үйіміздің есігін сыртынан тіреп қойып, өртеп жіберді. Денемді күйік шалғанымен аман қалдым, - дейді Бари Амоев. Оның айтуынша, ол бірнеше рет өз шаруашылығына Қазақстанның өзге облыстарынан жұмыскерлерді отбасыларымен бірге шақырып, оларға үй-жай беріп, алғашқы уақытта ақшалай көмектесіп, мал беріп, жаңа жерде үйренісуіне жағдай жасаған. Алайда, олардың үйлеріне түн ішінде еңгезердей жас адамдар келіп, балағаттап, қорқытып үркіткендіктен адамдар отбасыларын алып, үйлерін тастап қашқан еді. Ауылда шаруашылықта жұмыс істей алатын еңбекке жарамды адамдар болғанымен шаруа қожалығының басшысына комбайнерлерді, шопырларды, механиктерді және басқа мамандарды Қазақстанның өзге өңірлерінен шақырып, олар өздерін қорғай алатындай бір жерге орналастарып қоюға тура келеді. https://youtu.be/XnOYqcsWczI?si=ZHQam5dzmi-7vCRQ

DALA INSIDE ватсап каналы ашылды Міндетті түрде жазылып алыңыздар! Болашақта ватсап телеграмды басып озады. Ватсап канал ұдайы жаңарып отырады https://whatsapp.com/channel/0029VaFUhwc8fewslvtYb702

👬Путинтану ғылымдарының докторы. Назарбаевқа жаңа жұмыс табылды Бірнеше елдің барлау қызметі мен дипломатиялық корпустары Нұрсұлтан Назарбаевты кеңесші ретінде тарту туралы "жабық консультациялар" өткізе бастады. Нұрсұлтан Әбішұлы видеоларды қарап, қай жерде Ресей президенті Владимир Путиннің өзі, ал қай жерде оның сыңары (двойник) болғанын анықтап беруі тиіс. Назарбаев Путинды 2000 жылдан бері өте жақсы зерттеді. Олар 20 жыл бойы жылына бірнеше рет кездесіп жүрді. Сондықтан бұл жұмыс бірінші президенттің қолынан келетіні анық. Тек Назарбаевтың ондай ұсынысқа қалай қарайтыны, реакциясы әзірге белгісіз болып тұр. Путиннің сыңары бойынша ақпараттар Батыстан бөлек Қытайды кәдімгідей мазалай бастады. Төраға Си дипломатиялық корпусына ешқандай сыңар, подделкалармен қол алыспаймын деген қатаң позициясын білдіргелі бері, Пекин Путинмен кездесу мәселесін майшаммен қарау үстінде. Ал Батыс Путиннің шын Путин екенін анықтау үшін жасанды интеллект күшіне де жүгіне бастады. Адамды дауысынан тану технологиясымен айналысатын Speech Craft Analytics негізін қалаған маман Дэвид Поуп Владимир Путиннің осы аптада Орыс халық кеңесінде сөйлеген сөзі мен биыл мамырдағы Жеңіс күніндегі сөзінің аудиоларын 10 функция бойынша тексеріп, екі шарада екі түрлі адамның сөйлегенін анықтаған. Әр адамның саусақ іздері сияқты, дауыс тембрінде де ешкім қайталай алмайтын бірегей ерекшеліктері болады дейді, Дэвид Поуп. Путиннің Путин емес екендігі дәлелденсе, әлемдік саясатты үлкен дау күтіп тұр. DALA INSIDE солтүстік жаққа ұзақ қарап отыр. Бірге қарайық 👇 https://t.me/dalainside

👉🫦Жүнді жүн тартты: Love Айка "досьесі" Қазақстандағы салафизмнің құдайды алдап келгенін дәлелдеп отыр Қазақстандағы ең ірі секс-барон, беделді сутенер Love Айканың желіде тарап кеткен клиенттер тізіміндегі азаматтардың 60-70 пайызы сақалды болып шыққан. Үстінде жүні барлардың астында жүні барларға ессіз құмарлығы шариғат нормасын бұзып, ауыр күнаға батырып отыр. Ол - Зина деп аталады. Шариғат бойынша ер азамат тек заңды некедегі жарымен жыныстық қатынасқа түсуі тиіс. Бірақ отандық салафиттер Шариғаттың осы қатаң заңын бұзып жіберген. Теологтар "Зина тозаққа апарады" дейді. Намаз оқып, күнәні жуып шайғандай болу көмектеспейді екен. Елдегі салафизм офисі де бұл тізіммен таныс. Бірақ еш реакция бермейтін болды. Жәл..птердің "қарапайым халық" тізімінде салафиттер көп болса, VIP тізімде әншілер мен шенеуіктер өріп жүр. Не болса да, тізім айды аспанға шығарып, елдегі біраз саяси құбылыстардан назарды өзіне алып кетті. DALA INSIDE осы тізімді әрі қарай қазуға аса құлықты да емес. Бізге жазылып алыңыздар 👇 https://t.me/dalainside

👑🇷🇺"Император Путин": Дугин мен Малофеевтің жобасы өтпей қалды Кремльдің ішкі саяси блогында жанжал басталды дейді, DALA INSIDE арнасының Ресей қауіпсіздік кеңесіне жақын дереккөзі. "Царьград" медиажүйесінің қожайыны Константин Малофеев Орыс халық соборын ұйымдастырып, сол жерге Путинді шақырып, оны орыс императоры атамақ болған. Яғни Путин өзін император деп танып, 2024 жылы сайлауға түсудің орнына референдум өткізіп жіберуі тиіс. Ал саясаттанушы Дугин болса осы шараның анонсы мен тіпті Путиннің онда сөйлейтін сөзін жариялап жіберген. Бұл президент аппаратымен келісілмегендіктен, Кремльде үлкен шу шықты. Аппарат басшысының орынбасары Сергей Кириенко бұл идеяға мүлде қарсы болған. Ал ішкі саясатқа жауап беретін Яринға керісінше бастама ұнап отыр. Кремльдегі басым көпшілік мұны арандату деп санайды. Сондықтан Малофеев пен Дугин таяқ жеуі мүмкін. Бірақ бәрі Путиннің көзқарасына қатысты болады. Кремль қожайыны әлі өз позициясын білдірмеді. Путиннің 2024 жылы сайлауға түсуі Қауіпсіздік кеңесі басшысы Николай Патрушевтің жоспарында жоқ. Былтыр Патрушев Путинмен өзінің ұлы Дмитрий Патрушевке билікті өткізіп береді келіскен болатын. Сонда ғана қазіргі президентке айтарлықтай гарантия беріледі. Бірақ көршілес мемлекеттердегі транзиттердің немен аяқталғанын көрген Путин "билікті өткізу жоспарына" салқын қарай бастады дейді, инсайдерлер. 2024 - Ресейдегі саяси толқындар жылы болатыны анық. Солтүстіктегі Джеки Чандар DALA INSIDE назарында. Бірге тамашалайық 👇 https://t.me/dalainside

⚡️Назарбаев: Ұрпақсыз емеспін, ұлдарым бар... Айдың басында DALA INSIDE Әбішұлының көз майын тауысып кітап жазып жатқанын хабарлаған. Бізге жеткен мәлімет бойынша Назарбаев өзі өмірден өткесін соңынан сөз ергенін қаламаған. Сондықтан осы отыз жылда бастан кешкенін бір кітапқа сыйдыруды жөн санаған. Экс-президенттің өз қолымен жазылған ең шынайы шығарма қарашаның орта шенінде тәмам болып, әулеттің басқан ізін аңдып отырған аудиторияға жол тартты. "Менің өмір жолым" деп аталатын кітапта Назарбаев сынаптай сырғып өткен дәуренді ой елегінен өткеріп, ағыл-тегіл ақтарылады. Саяси айтыс-тартыстан бөлек, жеке өміріне қатысты қым-қуыт оқиғаларды жіпке тізеді. Тоқалы бар (екінші отбасы) екенін мойындайды. Әсел Исабаеваға ес-түссіз ғашық болғанын айта келе, екеуінің арасындағы махаббат хикаясын майын тамызып баяндайды. Одан туған екі ұл - Тауман мен Бәйкеннің ұрпақ сабастығын жалғап, әулеттің үзілгелі тұрған үмітін қайта тірілткенін әңгімелейді. Назарбаевтың қос мұрагері - ат жалын тартып мінер жасқа жетті. Тауман 2005 жылы өмірге келсе, Бәйкен 2008 жылы дүние есігін ашқан. Экс-президенттің екі ұлға ерекше акцент беруі тегін емес. Бұл бір жағынан сіз бен бізге қыр көрсету. DALA INSIDE-қа жеткен мәлімет бойынша сырт көзге сыр алдырмаса да, Әбішұлы қазіргі президентке өкпелі. Осыған дейінгі Тоқаевтың тарапынан айтылған астарлы сын Назарбаевқа ауыр тиген. Экс-президентке соңына адал болуға серт берген ескі гвардия ертеңгі күні Тауман мен Бәйкен тандемінің төңірегіне топтасуы ғажап емес. Інісі Болаттың өлімінен кейін үлкен басқосу өткізген Нұрағаның не білгені бар? Ескі Қазақстан келер жылға қандай "тосын сый" дайындап отыр. Бұл жайлы алдағы күндері айтамыз. Арнаға тіркелуді ұмытпаңыз👇 https://t.me/dalainside