DALA INSIDE

🇮🇹👂Италия инвесторлары қазақтарды қалай алдап келді? Енді оның салдары қандай болуы мүмкін? "ККС-Сичим" қазақ-итальян бірлескен кәсіпорнының қызметкерлері жалақыны 50%-ға көбейтуді талап етіп, митингке шығып отыр. Ал "ККС-Сичим" басшылығы ондай жағдай жоқ дейді. Басты себебі, итальян инвесторлары ойға келгенін істеген. "ККС-Сичим" – италиялық Sicim мен қазақстандық ҚазКомСервистің бірлескен кәсіпорны. Заң бойынша, Қашаған және Қарашығанақты игеру үшін инвесторларда қазақстандық қамту болуы тиіс. Сондықтан, мықты мұнай кен орындарын алу үшін итальяндықтар осындай бірлескен кәсіпорын құрып алған. Бірақ "ККС-Сичим" оларға тек прокладка ғана. @nrg_monitor дерегі бойынша, ақша қалай "ККС-Сичим" шотына түседі, бірден итальяндықтар оны Sicim компаниясының Қазақстандағы филиалына аударып тастайды. Сонда филиалдағы қаржы "ККС-Сичим" шотындағы қаржыдан 9 есе асып кеткен. Осы арқылы жұмысшыларға ақша жоқ деп сылтау айта алады. Ия, шынымен де, себебі "ККС-Сичим" шотында ақша жоқ қой. Ал есесіне, барлық тендерлерге "ККС-Сичимді" қатыстырып, қазақстандық жұмыс орындары бар деп, былтыр Қарашығанақтан 1,5 миллиард доллардың контрактысын алып алды. Оның алдында, бәлендай қаржыны игерді. Бұған көп жылдар бойы Қазақстан жағы көз жұмып келген. Қазақстан тарапынан заңның орындалуын қадағалауы тиіс "PSA" компаниясы Энергетика министрлігіне жалған есеп беріп отырған. Нәтижесінде, біздегі Қашаған мен Қарашығанақты игеріп жатқан Италия инвесторлары өздері алып келген ақшаны түрлі махинациялармен қайтадан өздеріне шығарып алып жүрген. Есесіне, инвестиция салдық деп, енді келісім бойынша ондаған жылдар бойы қазақ мұнайынан қомақты үлес алып отырады. Және біз оған ештеңе істей алмаймыз. Себебі, халықаралық арбитраж арқылы Ұлттық қорымызды тартып алуға мүмкіндіктері жетеді. Айтқандай арнамызға тіркелуді ұмытпаңыз👇 https://t.me/dalainside

💥🇯🇵Путиннен маза кетті! Жапония Ресейге қатысты стратегиясын түбегейлі өзгертті... Украинаның ұрыс даласындағы алғашқы жетістіктерінен кейін Жапония Сыртқы істер министрлігі «Дипломатияның көгілдір кітабын» шығарды деп жазады Dalainside. Мұнда талай уақыттан бері даулы мәселеге айналып, Ресейдің уақытша басып алған Итуруп, Кунашир, Хабомай және Шикотан аралдары Жапонияға тиесілі аумақ екені алғаш рет жазылды. Ресми Кремльдің алаңдаушылығы үдей бастады. Тіпті, «жапон үкіметі дамудың бейбіт жолын аттап өтіп, қателік жіберіп отыр» деген пікір де білдірді. Осы сәттен бастап Токио мен Мәскеу арасындағы саяси қарым-қатынас іс жүзінде тоқтатылды. Бірақ оған дейін бұрынғы премьер-министр Синдзо Абэ Путинмен 27 рет кездескенін айта кеткен жөн. 2022 жылдың желтоқсан айының соңында Жапония 3 негізгі қауіпсіздік құжатына түбегейлі түзету енгізді. Бұл құжаттар – Ұлттық қауіпсіздік стратегиясы, Ұлттық қорғаныс стратегиясы және қорғаныс құрылысының жоспары. Атап айтқанда, таяу жылдары Жапония қорғаныс шығындарын екі есеге, яғни ЖІӨ-нің 2%-ына дейін көбейтіп, жылына 320 млрд 💰-ға (әлемде АҚШ пен Қытайдан кейінгі үшінші орынға) жеткізуді жоспарлады. Кюсю және Хокайду аралдарына радиусы 1000 шақырымға жететін гипердыбыстық зымырандар, сондай-ақ басқа да аралдарға радиусы 3000 шақырымға дейінгі зымырандар орналастырылады. Осылайша, алғаш рет жаудың тойтарысын қайтару үшін алдын ала соққы беруге болатынын да меңзеп отыр. Ол үшін «Ұшқышсыз ұшатын дрондарды орналастыру бағдарламасына» 1 трлн иен бөлмек. Шын мәнінде, Жапония 2022 жылы бейресми түрде AUKUS (Австралия, Ұлыбритания, АҚШ) үш жақты әскери аймақтық білім альянсына кірген болатын. Бұл оқиға Тынық мұхиты кеңістігін айтарлықтай тепе-теңдікте ұстайды делінді. Dalainside-тың болжамынша Жапония келесі G-7 саммитіне төрағалық етеді. Қазірдің өзінде мемлекеттің ұстанымын жеткізген Премьер-министр Фумио Кишида Ресейге қарсы санкцияларды күшейтуді қолдайтынын жария етті. Сонымен қатар, Жапония үкіметінің басшысы 9-13 қаңтар аралығында Канада, Франция, Италия, Ұлыбритания және АҚШ-қа жасаған стратегиялық саяси сапар барысында бірқатар келісімге, соның ішінде әскери сипаттағы маңызды құжатқа қол қойды. Бұл тұрғыда ресми Токио 2023 жылды қазіргі заман тарихындағы бетбұрыс жылы деп атап отыр. Яғни, агрессиясы басым Ресейдің халықаралық-құқықтық тәртіпті бұзуына жол бермеу керектігіне күш салатынын ашық мәлімдеді. Ал бұл кезде путин әкімшілігі Жапониямен арадағы үдеп бара жатқан қақтығысты болдырмауға бар күш-жігерін салуда. Кремль Токионың халықаралық қадамдарын «АҚШ-тың саяси тапсырысы» деп атағанымен қоймай, Жапонияны Қытайға қарсы қоюға тырысып әлек. Ал, ресми Бейжің салқынқандылық сақтап, сабырлылық танытуда. Себебі, Қытай халық республикасы екі азиялық жолбарыс арасындағы ықтимал қақтығыс Оңтүстік Курил аралдарына қатысты емес, Тайвань дағдарысы аясында болуы мүмкін екенін жақсы біледі. Арнаға тіркелуді ұмытпаңыз. https://t.me/dalainside

🤙Қазақстан ішкі нарықтан 4,9 триллион теңге қарыз алғысы келеді Қаржы министрлігі 2023 жылға арналған мемлекеттік құнды қағаздарды (облигацияларды) шығару жоспарын жариялады. Оған сай 4,89 триллион теңгеге облигациялар орналастыру көзделген. Демек, мемлекет ішкі нарықтан осындай соманы қарызға алғысы келеді. Бірақ, мемлекеттік құнды қағаздардың барлығы бірдей биржада өте қоймайды. Себебі, нарық ойыншылары көп жағдайда мемлекеттік құнды қағаздардың (МҚҚ) кірістілігін тым төмен деп бағалайды. МҚҚ оларға консервативті, орта мерзімді портфель жасақтау үшін керек. Сондықтан жоспар әдеттегідей 100 пайызға орындалмайтыны анық. Егер, биылғы бюджет дефициті 3,2 триллион теңге екенін ескерсек, Қаржы министрлігінің 4,9 триллион теңгеге облигация өткіземіз деген жоспары осы 3,2 триллионды жабуға бағытталатыны сөзсіз. Бірақ, ішкі нарықтан қазіргі жағдайда 3,2 триллион теңге тартудың өзі оңай емес. Биылғы МҚҚ-лар 1 жылдықтан бастап 15 жылға дейінгі облигациялар. Оның ішінде, инвесторларға 420 миллиард теңгеге қысқамерзімді 1 жылдық облигациялар ұсынылмақ. https://t.me/dalainside

Toyota Camry 80 қазақ жүрегі үшін соғыста оңбай жеңілді Биыл Тойота Камри 80 моделі премьера ретінде автосалонда көрсетіледі. Ал 2024 жылы Қазақстанға жетпек. Бірақ оның бізде баяғыдай жаппай сатылуы күмәнді. Себеп: Тойота ай қарап жүргенде корей мен қытай автопромы Қазақстанды толық жаулап алды. Тіпті жаңа Camry дизайны да корей мен қытай көліктерін қайталайтын сияқты. Мысалы, алды жағы JАС пен Elantra-ға қатты келеді. Арты аумаған Қытайдың Xpeng көлігі. Camry өзгелер жасаған мода аясынан шыға алмағанын байқатты. Жіңішке диодтар, үлкен ауа жұтқыш, кузовқа тігістіріліп кірілген тұтқа, 2 дисплейі болады. Бірақ мұны бізге КИА, Hyundai, Exeed, Jac маркалары баяғыдан бері көрсетіп қойған болатын. Қазақстан нарығында жаңа Camry бағасы 22 миллион теңгеден басталатын болады. Мұндай баға әрине сату көлемін тежейтіні анық. Кезінде Lada-дан кейін сатылым бойынша екінші сатыда жүрген Camry жыл сайын өз позициясын жоғалтып, енді бесінші орынға құлдырады. Абсолютті хит - Шевроле Кобальт. 2022 жылы (қаңтар-қараша) бізде 30 749 Шевроле сатылған. Ал Тойота бар болғаны 8593 көлік сата алған. Бір жағынан бұл адамдардың жаңа көлікті, бірақ арзандауын таңдай бастағанын көрсетеді. Демек, Қазақстанда Camry дәуірі аяқталды деуге толық негіз бар. https://t.me/dalainside

⚡️♟Арман Жұмагелдиевтің "кураторы" кім? Атышулы "Дикий Арманның" ұйымдасқан қылмыстық тобына ҰҚК-ның адамдары қамқорлық жасаған, ал Қаңтар оқиғасына әзірлік 2021 жылғы жазда басталған. Dalainside сөй деген cаясаткер Жақсыбек Құлекеевтың "Ақорда үшін күрес" атты еңбегіндегі Арманға қатысты тарауды шолып шықты. Бұған дейін Бас прокурор "Дикий Арманның" ҰҚК -дағы үйлестірушінің басқаруымен әрекет еткенін хабарлаған еді. Оның "үш әріптегі" кураторы кім? Бұлар неге бүлік шығарды? Түпкі мақсат Тоқаевтың орынтағы ма? "Арман Жұмагелдиев соңғы 5 жыл бойы Қазақстандағы қылмыс әлеміндегі оқиғаларға жауапты болған, оған ҰҚК-де істейтін кураторлары көмектескен. Тергеу "Жұмагелдиев ұзақ уақыт Ұлттық қауіпсіздік комитеті 5-ші департамент жетекшісі Руслан Ысқақовтың бақылауымен қызметін жалғастырып келді" деген қорытындыға келген. Алайда, кімді-кімді өз мақсатына пайдаланып келгені толық түсінікті емес. Бір абзацта Ысқақов Арманға Қазақстандағы трансұлттық қылмыстық топтардың елдегі қылмыстық жағдайға ықпалын жою үшін серіктес болуға ұсыныс жасаған десе, бір абзацта, Ысқақов "Әділ Қытай", "Айшуақ Жантүгел" қылмыстық топтарын ұстау бойынша іс-шараларды ұйымдастырып, Шпек деген лақап атқа ие Рамазан Ғаббасовты қамауға атсалыса отырып, Дикийді оперативтік іс-шаралардан қорғап отырған делінеді. Демек, ҰҚК алаңды түрлі ОПГ-дан тазартып, ал Арманның тобын айналып кетіп отырған. Жұмагелдиев ҰҚК-ның қамқорлығына сүйеніп, аймақтарға өз қарақшыларын қойып, тұтас Қазақстанды Нойс деген лақап аты бар Нұржан Иманалиевке тапсырған. Иманалиев қазір түрік түрмесінде отыр", – деп жазады Құлекеев. Осы деректерді пайдаланған танымал журналист Михаил Козачков Қаңтарға дайындық 2021-дің жазында басталғанын тілге тиек етеді. "Дикий Арман" бастаған ОПГ-лар халықты үрейлендіріп, 🕺 Тоқаевты кету туралы шешім қабылдауға итермелеу үшін террорлық акт жасауды, артынша қылмыс әлемінің лидерлері мен қоғамға белгілі адамдардан уақытша "Халық кеңесін" құрып, өздерінің адамын президент етуді жоспарлаған. Осыған байланысты Руслан Ысқақов жаппай тәртіпсіздікке дайын болу үшін Дикий Арманға күзет фирмасын тіркеп, қару мен шымыр жігіттерді жинауды тапсырған" деп жазады журналист. 📕 Кітапта айтылғандай ҰҚК-дан нұсқау алған Арман Алматыға 17-ші желтоқсан күні келіп, ешкімге білдірмей, өзге ОПГ қатысушыларымен кездескен. Ал 5-ші қаңтарда Ысқақов Жұмагелдиевке адам жинап, алаңға баруды тапсырады. Арман ол жақта Мәслихат депутаты Қайрат Құдайбергенмен кездесіп, жақтастарының әрекетін ұйымдастыра бастайды. Жұмагелдиевтің тапаншамен қаруланған адамдары қаладан 30-дан астам адамды ұстап, "Рицт Карлтон" қонақүйінің паркингі мен "Қазақстан" қонақ үйінің банкет залында күштеп ұстаған. "Тергеу дерегінше, ол адамдарды камераға түсіріп, есірткі тұтынғанын, мародерлік жасап, Әблязов құрған ҚДТ саяси қозғалысының мүшеміз деп айтуға мәжбүрлеген. Артынша кураторы Ысқақовтың нұсқауы бойынша ұсталғандары ҰҚК-ға тапсырған" дейді Құлекеев. Жұмагелдиевке қатысты тарау мұнымен аяқталмайды. Dalainside қылмыс әлемінің серкесі туралы тың мәліметтер табуға тырысады. Арнаға тіркелуді ұмытпаңыз. https://t.me/dalainside

🛤️Арбайтен, арбайтен. Қазақстанға КТК құбырынсыз өмір жоқ Келесі жылы Қазақстан Дружба құбыры арқылы Германияға мұнай экспорттайтын болады. Бірақ оның жылдық көлемі 1,5 миллион тонна ғана. 2022 жылы, түрлі қиындықтарға қарамастан Қазақстан КТК арқылы 52,2 миллион тонна мұнай жіберген. Біздің былтырғы жалпы экспорт 64,3 миллион тоннаны құрағандықтан, КТК үлесі 81,2% көрсетті. Биыл осы үлес одан да көбеймек. Себебі биылдан бастап тек ТШО, NCOC, KPO сынды алыптар ғана емес, өзіміздің шағын Адай петролеум, Толқынмұнайгаз сынды компаниялар да КТК арқылы мұнай айдауға кірісейін деп отыр. https://t.me/dalainside

📊Базалық ставка 17%-ға жетпейді Ертең Ұлттық Банк базалық ставка бойынша шешімін жариялауы тиіс. Бірақ оның қазіргі 16,75% деңгейінен өсуі екіталай. Себебі, біз инфляцияның (20,3%) шарықтау шегіне жеттік және инфляция ақырындап төмендей бастайды. Жоғары базалық ставка кредитті қымбаттатты да, керісінше жинақтау моделі күшейді. Нарықтан басы артық ақша кетіп қалды. "Ұлттық Банк базалық мөлшерлемені көтеру циклін аяқтауға жақындады. Оның қазіргі деңгейі жеткілікті жоғары деп бағаланады. Базалық мөлшерлемені ұзақ уақыт бойы бүгінгідей мәндерде сақтау инфляцияны тұрақтандыруға және оны орта мерзімді перспективада біртіндеп төмендетуге мүмкіндік береді. Жаңа проинфляциялық күтпеген өзгерістер болмаған жағдайда ақша-кредит саясатын одан әрі күшейту ықтималдығы төмен деп бағаланады", - деп Ұлттық Банк өзінің былтырғы хабарламасында жазған болатын. Осы циклдің аяқталғанын көріп отырмыз. Мұндай жағдайда базалық ставканы осы мәнде ұстай тұрған тиімді болады. Оны тез арада түсірудің де қажеті шамалы. Экономиканы кредиттеу мен базалық ставка арасында тұрақты корреляцияның жоқ екенін байқап отырмыз. Мысалы, макроэкономикалық жағынан 2022 жылды 3,1% өсіммен аяқтадық. Бұл жоғары ставканың экономикалық өсім бойынша Үкіметке қойылған KPI-ға еш кедергі болмағанын көрсетеді. Демек, Үкімет те бір жеңілдеп қалуы тиіс және биыл фискалды саясатын Ұлттық Банктің монетарлы саясатымен көбірек үйлестіруге өзі де ынталы болады дегенді аңғартады. https://t.me/dalainside

💥🇰🇿Захарова, бұған не дейсің? Қазақтар енді Киевте киіз үй тігіп жатыр... Киевтегі Шевченко саябағында аумағы 64 шаршы метрді құрайтын, алып киіз үй әне-міне бой көтереді. "Мызғымас" киіз үйді орнатуға қазақ кәсіпкерлері қолдау көрсетіпті. Киіз үйдің уығын бекітіп, шаңырағын көтеруге еріктілер де жәрдемдесіп жатыр. 16 керегесі бар (16 қанатты) киіз үй Киев қана емес, күллі 🇺🇦 Украинадағы ең үлкен киіз үй болғалы тұр. Ашылуы осы аптаның сенбісінде, сағат түскі екіге жоспарланған. Бұл Украин жерінде тігілген осымен екінші киіз үй. Бұған дейін басқыншылардан зардап шеккен Буча қаласында қазақтардың қолдауымен киіз үй тігілген еді. Оларда Ресей шабуылы кесірінен жылу мен жарықсыз қалған жұрт бой жылытып, жүрек жалғап, байланыс құралын қуаттандыратын арнайы орын жайғасады. Қазақтар киіз үйге бола қылқынып жатқан Ресейдің қас-қабағынан қаймығып отырған жоқ. Алдағы уақытта дәл осындай киіз үйлер - Черкасс, Одесса және Хәрківте орнатылады. Бұған дейін Ресей СІМ ресми өкілі Мария Захарова Қазақстанды Бучадағы қазақ үйге байланысты түсініктеме беруді талап еткен. Еліміздің СІМ-өкілі "Ресейге ресми жауап берілмейді" деп кесіп айтқан. Айтқандай, арнаға тіркелуді ұмытпаңыз 👇 https://t.me/dalainside

🔥🪑Ертең Елбасы туралы заң түпкілікті күшін жояды... 30 жыл тақтан түспей, ел алдындағы қадір-қасиетін жоғалтқан экс-президент үшін ертең "траур". "Тұңғыш президент - Елбасы" туралы заң күресінге кетіп, түпкілікті күшін жоятын сәтке дейін небәрі 24 сағат қалды. Мәжіліс спикері Ерлан Қошанов парламент палаталарының бірлескен отырысына шақыру жөніндегі жарлыққа қол қойды. Жиын ертең, сағат 10.00-да өтеді. Бірлескен отырыста "Тұңғыш президент - Елбасы" туралы заңның күшін біржолата жою мәселесі қаралуы мүмкін. Бірер күн бұрын Қазақстанның Конституциялық соты бір топ депутаттың өтінішін қарап, "Тұңғыш президент - Елбасы" заңның күшін жойған. Конституциялық сот бұл шешім "маусымда өткен референдум" мен "қазақтардың қалауын ескеріп шығарылғанын" айтады. Сот "2022 жылғы 5 маусымдағы референдумды назарға алып, тұңғыш президент – елбасының мәртебесі мен өкілеттігін, оларды Конституциялық заңмен регламенттеу мүмкіндігін, Конституциялық кеңеске өмір бойы мүшелігін, сондай-ақ оның артықшылықтарын – мәртебесінің өзгермеуін, қатарынан 2 реттен артық президент болып сайлану құқығын Ата заңнан сылып алып тастады" дейді. Конституциялық сот қаулы бірден күшіне енетінін, 🙅‍♂️шағымдануға жатпайтынын мәлімдеді. Былтыр желтоқсанда мәжіліс "Тұңғыш президент - Елбасы" туралы Конституциялық заңның күшін жою процесін бастаған. Экс-президент оның семьясы 22 жыл бұрын қабылданған "Елбасы заңының" қызығын көрді . Заңға сай: Назарбаев пен оның отбасы қылмыстық жауапкершілікке тартылмайды, қамалмайды, мүліктері тәркіленбейді, шектеу қойылмайды. "Тұңғыш президент" заңында Назарбаев және оның отбасы мүшелерінің 💰 "банктік шоттарының құпиялығына және банк шоттарына тиіспеуге кепілдік берілетіні" жазылған. "Елбасы заңы" Қазақстандағы автократия мен әділетсіздіктің айқын көрінісі еді. Айтқандай, арнаға тіркелуді ұмытпаңыз 👇 https://t.me/dalainside

🇷🇺📈По ком звонят колокола? Ресейдің рекордты бюджет дефициті - солтүстіктегі үлкен кризистің сигналы Бізге елдегі басы артық рубльден арылу жұмыстарын тездеткен жөн. Құнсыздаған Ресей валютасы банк баланстарына аяусыз соққы бере алады. Ресей 2022 жылдың бюджеттік қортындысын шығарды. Бюджеттік дефицит 3,3 триллион рубльді құраған. Бұл 45 миллиард доллар. Біз үшін бүкіл бір Ұлттық қор десе де болады. Осы дефицитті жабу үшін Ресей өзінің әл-ауқат қорынан қаржы шығындамақ. Ресей әл-ауқат қорында 10,8 триллион рубль жатқан болатын. Оның 3,3 триллионы өткен жылғы дефицитті жабуға кетсе, қалатыны 7,5 триллион рубль. Ал биылғы дефициттері қандай болмақ? Ол үлкен сұрақ. Тіпті алдағы 2-3 жылда Ресей толық өз резервін құртып тастауы да ғажап емес. Екінші проблема - рубль бағамы болып тұр. Ресей рубль курсын ұстау үшін юань резервтерін жағуға шешім қабылдады. Оның Орталық Банкі биржада көптен бері интервенция жасамаған еді. Ол резерві қаншаға жетеді? Резервтер тым көп жағылса, Орталық Банк курсты еркін жібере салуға шешім қабылдауы да мүмкін. Онда рубльдің қатты құлауын көре аламыз. Арзан рубль бізге инфляцияны түсіруге жақсы мүмкіндік береді. Бастысы, Ресейдің азық-түлікті тоқтамай өндіре бергені керек. Ал рубль - ақша сақтау үшін ең қауіпті валюта деп айтар едім. Рубль болса, соған Ресейден азық-түлік алып алған дұрыс. Арнайы Dalainside үшін: Айбар Олжаев

🔥🚘 Chevrolet Onix vs Lada Granta: Өзбек автопромы орыстың қаңсығын Қазақстан нарығынан тықсырып шығармақ... Тұран одағын құруға түрткі болатын тағы бір маңызды қадам жасалды. 65 млн адамы бар аймақтың бұдан былай көлік саудасының көркін қыздыратын төл нарығы бар. Dalainside күні кеше құрылған "Түркі автопромына" қатысты тың мәлімет тапты. Өткен жылдың соңына таман Қазақстан, Өзбекстан және Әзірбайжанның көлік өндірушілері тізе қосып, жаңа көлік альянсын құрғанын мәлімдеген. Потенциалы зор, келешекте аясы ұлғая түсетін ұйымның құрылуына өзбектің UzAuto Motors-ы ұйытқы болғанын айта кетуге тиіспіз. Бұдан былай Қостанайдағы "СарыарқаАвтоПром" орыстың салдыр-күлдір Lada Granta-сы емес, арғы тегі америкалық, алайда бөлшектері Ташкенттен жеткізілетін Chevrolet Onix-ті құрастырады UzAuto сықпыты салиқалы, салоны кең, комфортты седанның өндірісін биылғы жылдың көктемінде "пісміллә" деп бастап кетпек. Бұл қатарға кейіннен Баку да қосылады. Өзбектердің амбициясы асып-тасып тұр. Жылына 30 мың "Ониксті" Lego секілді ойнап жүріп құрастырамыз дейді. Қазақстанның арғы-бергі тарихында мұндай көлемдегі көлік бұрын-соңды өндірілген емес. Ал өзбек жерінде Қазақстанның нарығына бейімделген "запчасть" орталығы ашылады. UzAuto мен Қазақстан Даму банкінің келісімі шеңберінде Қостанайдағы зауытқа алдағы жылдары 570 млн доллар инвестиция құйылады. Dalainside өзбектің көлік құрастырудағы көшбасшы компаниясы орыстың автопромын отандық нарықтан ығыстырып шығады деп топшылайды. 🇷🇺Орыстар ше? Олар "Ониксті" түсінде ғана көреді. Арнамызға пікір білдірген АҚШ елшілігінің өкілі өзбек компаниясы мен америкалық 🇺🇸 General Motors-тың арасында ұзақмерзімді стратегиялы келісім жасалғанын айтып берді. UzAuto-ның төбе басында (директорлар кеңесінде) GM-ның топ-менеджерлері отыр. "Америкалық концерн UzAuto-ны кіндік Азиямен шектейді. Қазақстанның көмегімен 🚧 санкцияны айналып өтіп, ресейлік нарыққа шығуға жол бермейді", – дейді дереккөз. Ал біз "Түркі автопромының" кеңістігі ілгерідегі үш елмен шектеліп қалмасына сенімдіміз. P.S. Ресейліктер қалтаға салмақ салмайтын импортты көліктерге сусап отыр. Теріскей көршімізде Hyundai Solaris-тің өндірісі тоқтаған, есесіне осы көліктің шанағы (кузовы) жетіп артылады. Бұларды Қазақстанға жеткізіп, Hyundai Accent құрастырып шығады да, кейін қайтадан Ресейге кіргізеді екен. Бұдан кейін көлік бағасы да шарықтап шыға келеді. Ресейге Accent деген атпен кіретін Hyundai көліктері біздегімен салыстырғанда 3-4 млн теңгеге қымбат. Айтқандай, арнаға тіркелуді ұмытпаңыз. https://t.me/dalainside

📊Инфляция 20 жылдық рекорд жаңартты 2022 жылы инфляция 20,3% құрады. Бірақ осы белестен кейін төмен құлдырап барады. Ол туралы @jusan_analytics жазады. Бұл соңғы 20 жылдан астам уақыттан бергі ең жоғары көрсеткіш. Соңғы рет сандардың өсімі жылдық тұрғыда тек 2000 жылдың наурызында ғана жоғары болған еді – 20.6%. Жоғары инфляциямен күрес жолында Қазақстанның Ұлттық Банкі былтыр базалық мөлшерлемені 6 рет көтеруге мәжбүр болды. Сөйтіп ол барлығы 650 базалық пунктке жоғарылады. Соның нәтижесінде базалық мөлшерлеме 2016 жылғы деңгейіне жетті. "Желтоқсанның қорытындысы бойынша айлық инфляция біздің болжамнан төмен қалыптасып (1.2%), бәсеңдеуін жалғастырды. Бұл үрдіс 2022 жылдың қазанында байқалған еді", - дейді, Jusan аналитиктері. Теңгенің ресейлік рубльге қатысты 16%-дан астамға нығаюы желтоқсанның қорытындысы бойынша тұтыну тауарларының бірқалыпты қымбаттауына септігін тигізді. Бұл бірқалыпты жағдайды тіпті Жаңа жыл қарсаңында шығындардың өсуі де өзгерте алған жоқ. Біз үшін сервистік инфляцияның серпіні күтпеген жағдай болды. Оның бәсеңдеуіне қарап, жалпы тұтыну бағалары деңгейінің не үшін болжамды көрсеткіштен төмен қалыптасқандығын түсінуге болады. Дейтұрғанмен, бағалардың өсу қарқынының бәсеңдеуі инфляция төмендеп жатыр дегенді емес, бағалардың бұрғынғыға қарағанда баяу өсіп жатқандығын ғана білдіреді. Қалай болғанда да бұл, бағалардың беті сәл де болса бері қарай бастағанын білдіреді.