DALA INSIDE

❗️Дабыл: 6 күннен соң Путин мобилизация жариялайды. "Дезертирлер" Жаңа Қазақстанға лап қояды... 15-ші қаңтарда Ресейде мобилизацияның екінші этапы басталуы мүмкін. Кремль 500 мың "балмұздақты" мұздай қаруландырып, майдан даласына жөнелтуді көздеуде. Dalainside Путиннің алғашқы мобилизацияны тартыншақтап жасағанын ұмыта қойған жоқ. Кремль көсемі жұрт жаппай алаңға шыға ма деп қауіптенген-тін. Бірақ орыстар әдеттегідей бас көтермеді. Билікті ататын 💣 HIMARS-ы жоқ, іштей кіжініп жүрген ақыл-есі cау орыстар қарсылық танытудың орнына елден безіп кетті. Осылайша Путин мобилизациясына қолайлы жағдай жасап берді. Украин барлау қызметінің мәліметінше, мобилизация 2.0 – "Ресей экономикасына табыс әкелетін салаларда" істейтін ер-азаматтарды қамтиды. Яғни, middle class (орта тап) өкілдеріне бағытталады. Жарлық қатты, бірақ жан тәтті: алдағы күндері біз "орысқашқанның" екінші сериясына куә боламыз. Украин топырағын ⚰️ тыңайтқанды қаламайтын орыстар Қазақстанның шекарасына қарай шұбырары анық. Кремль оларға бас ауыртпайды. Бар салмақ бізге түседі. Жаңа Қазақстан атажұртынан зытайын деп отырған орыстарды қабылдауға (бәлкім, қабылдамауға) дайын ба? Бұл үлкен сұрақ. Түнеукүнгі мобилизацияда елге 100 мың орыс "басып" кіріп, елдегі әлеуметтік-саяси ахуал күрт ушыққан. ЦОН-дарда шұбатылған кезек, пәтердің арендасы шарықтап, жастар далада қалған. Ол кезде күн жылы еді... Қытымыр Қаңтарда тағы 100 мың орысты құшақ жая қарсы алып, бұл қазақтардың ашу-ызасына тиіп, ауылдан келген студенттер қыстың көзі қырауда далада түнер болса, мұның соңы әсте жақсылыққа әкелмейді. Ол кезде екінші Қаңтар болмаса да, соған ұқсас дүниелер қайталануы әбден мүмкін. Ақорда идеологтарына Тоқаевтың 7️⃣ жылын аман-есен өткеру үшін мұндай сценарийдің алдын-алу қажет-ақ. Мұндай мүмкіндікті Дариға мен Тимур бастаған ескі биліктің өкілдері де мүлт жібермесі белгілі. Dalainside мобилизацияның екінші кезеңінде Қазақстанға лап қойғалы отырған орыстарды шекарадан кері қайтаруды ұсынады. Олардың "Алматыны көрмедік. Аунап-қунап қайтуға келе жатырмыз..." деген алдап-сулауына сенбеген жөн. Алғашқы мобилизацияда Қазақстанға қашқан орыстар "туристпіз" дегенді алға тартып, 🚧 шекарадан өткен-ді. Путиннің "спецоперациясын" соғыс деп кесіп айтқан Жаңа Қазақстан соғыстан қашқан туристерді "дезертир" деп танып, радикалды шара қабылдауға дайын болуы тиіс. Бүйтпесе біздің елге қатысты Симонян мен Соловьевтің провокациясын Путин соғыстан қашқан орыстардың қолымен жүзеге асырады. Соғыстан қашқандар Троя қақпасына еркін кірген ағаш атқа айналып жүрмесін. Сақ болайық. Айтпақшы, арнамызға тіркелуді ұмытпаңыз. https://t.me/dalainside

❗️🍔McDonald’s Қазақстаннан біржола кетті. Путиннің сөзін сөйлегеніміз үшін... Америкалық аспаз компанияның Қазақстаннан кетуіне қатысты талқылау толастамай тұр. Бұдан шетелде бой тасалап жүрген саясаткерлер де сырт қалмапты. Канаданы паналаған "ҚазАтомның" экс-топ менеджері Рүстем Тұрсынбаевтың айтуынша "мұны елдегі еттің сапасымен байланыстыру логикаға сыймайды". Dalainside сарапшының аргументтерін арна оқырмандарының назарына ұсынады. "McDonald’s-тың Қазақстандағы дәмханалары осы күнге дейін қажетті ингредиентті теріскей көршіден алдырып келді. Мак Ресейден теріс айналғанмен, осы компанияға ет тасымалдаған орыстың компаниясы орнында. Медведевке тиесілі Мираторг қажетті шикізатты Қазақстанға қиналмай жеткізер еді. Мәселе етте емес, сапа стандарты сылтау ғана..." – дейді ол. Ендеше McDonald’s Қазақстанды неге тастап кетті? Бұған себеп – біздің 🇷🇺 орыспен дос болғанымыз. Путиннің сөзін сөйлегеніміз. Ресейдің сыбайласы атанғанымыз. Күллі әлем бізді солай қабылдайды. Мак-тың елден кетуінің астарында - репутациялық тәуекелдер жатыр. Америкалық компания абыройына дақ түсірмеуді көздейді, кету туралы ұйғарымға Қазақстандағы франшизаның қожайыны, экс-президенттің құдасы Боранбаевтың тұтқындалуы да түрткі болған. Сөй деген Тұрсынбаев "Қазақстанның әлдеқашан санкцияға ұшырағанын әрі шетелдік инвестицияға сусап отырғанын" айтыпты. "Естеріңізде болар, бұған дейін McDonald’s-тың деңгейіндегі америкалық компания Қазақстанда ет өңдейтін зауыт салмаққа ниеттенген. Әңгіме емеуріннен әріге аспады. Елдегі инвестклиматты мұқият шолып шыққан 🇺🇸🇪🇺 Батыс бизнесі Жаңа Қазақстанның заңнамасынан кінәрат тапты. Елдегі саяси ахуалға талдау жасады, теріскейдегі көршісі түртпектеп отырған елде саяси тұрақтылық орнай қоярына күмәнмен қарады. Ең бастысы "Ресейдің сыбайласымен" сөз байласудың қауіп-қатері мол боларын түсінді", – дейді ол. Әлемге әйгілі брендтің Қазақстаннан нарығынан едел-жедел шығып кетуі әсте жақсы үрдіс емес. Қазақтар бургерсіз қалғанына қынжыла қоймас, біз үшін қыстан 🐎 соғымсыз шығу сынақ. Мәселенің әлеуметтік сипаты бар: компанияда 2 мың адам еңбек еткен-тін. Оларды қайда жібереміз? Мак-тың аналогын ашуға қазақ кәсіпкерлерінің қайсысы тәуекел етер екен? Айтпақшы, арнаға тіркелуді ұмытпаңыз. https://t.me/dalainside

☀️Күншығыстан шыққан күн. Қазақстан Ресейдің уран диктатын Қытаймен теңестірмек Қытай 15 жылда 150 атом реакторын салады. Оған қажет уран таблеткаларын (арнайы кешенді құрам) Қазақстан беретін болады. Өскемендегі "Үлбі-ТВС" зауыты биылдан бастап Қытайда жұмыс істеп тұрған АЭС-терге таблетка жіберді. Қытай жыл сайын 6-8 реакторды іске қосуды жоспарлап отыр. Солайша, 2035 жылға қарай Қытайда өндірілетін барлық электр қуатының 10 пайызы АЭС арқылы алынбақ. Қазір ортақ генерациядағы атом энергетикасының үлесі 5%. Бір АЭС стандарт бойынша 2 энергоблоктан (реактор) тұратынын ескерсек, 150 реактор дегеніміз 75 АЭС болады. Жоспар бойынша, 2 жылдан кейін Қытай АЭС арқылы 70 миллион кВт электр қуатын өндіруі керек. Биыл Қытайда ортақ қуаты 55,78 млн кВт болатын 54 реактор жұмыс істейді. Оған қоса, 23 реактордың құрылысы жүріп жатыр. Қытай - әлемдегі ең үлкен энергия тұтынушы ел. Ол тоқты пайдалану жағынан АҚШ-тан озып кеткен. Осы электрдің 60 пайызын Қытай көмір жағып, содан алып отыр. Бірақ, көмір қырсығынан экология нашарлап барады. Қазақстанға бұл не береді? Қытай "Росатом" сияқты біздегі уран кен орындарын басып алмай, терезесі тең әріптестік орнатқысы келеді. Бізге Қытай өз технологиясы бойынша зауыт салып берді. Ал біз ураннан таблетка жасап, оны Қытайға үздіксіз сатуға уәде бердік. Бұл көптеген жылдарға созылатын экспорттық табыс әкелетін болады. Ресей қалай істеді? Кремль Мұхтар Жәкішевті соттатып, "Қазатомпром" ұлттық операторы басшылығына Владимир Школьникті отырғызып қойған еді. Школьник бізде уран өндіріп жүрген канадалықтармен келісім-шарттарды бұзып, олардан тартып алған уран рудниктерін "Росатомға" беріп жіберген. Росатом біздің уранды тегін алып, уран рудасын өзінде байытып, Ресейдегі АЭС-тер мен өздері әлем бойынша салған АЭС-терге таблетка сатып отыр. Мұнда жеңіліп отырған тек Қазақстан ғана. Енді Қытай бізге қолдау білдіретін болса, өз рудниктерімізден Росатомды біртіндеп ығыстыра беруге болады. Қазақстан Ресейге уранды байыту бойынша тәуелді болып отыр. Бізде уран байытатын фабрика жоқ. Технология да жоқ. Қазір "Қазатомпром" уранды Ресейде байытып, оны қайтадан Өскеменге әкеліп, содан таблетка жасайды. Егер Қытай бізге уран байытатын фабрика салып берсе, Ресей диктатынан құтылуға болады. Енді осыған Қытайды көндіру керек. https://t.me/dalainside

🇰🇿🇨🇦Қазақтар Канадаға ағыла бастайды. Ауқатты елге адам күші керек... Жаңа Қазақстанның аяқ алысына көңілі толмайтын қазақтардың қарасы көбейіп келеді. Өзгерістен үміт үзе бастаған олар комфортты өмір сүретін орта іздеуде. Ол үшін құрлық асуға да әзір. Ал, шалғайдағы Канада дейтін бай-бақуатты елге 👷‍♂️жұмыс күші жетіспеуде. Туу көрсеткіші төмендеп, адами капиталдың потенциалы сарқылу үстінде. Елде 👨‍🦳 зейнеткерлер саны күрт өскен, ал қолға күрек ұстауға жарайтын адам саны күн өткен сайын кеміп барады. Мұның алдын-алу үшін ел үкіметі үстіміздегі жылдың қаңтарынан бастап 2025 жылға дейінгі аралықта жыл сайын 500 мың адамды құшақ жая қабылдайтын болады. Осылайша алдағы 3 жылда Канада халқының саны 1,5 млн адамға ұлғаяды. Көптен бері осы елге қоныс аударуды көздеп жүрген қазақтар мұндай мүмкіндікті мүлт жібергісі келмейді. Жастин Трюдо үкіметі жұмыс істеуге құлшынып тұрған мигранттарды 💵 өкпелетпеуге уәде беріп отыр. Кореяда табыс тауып, комфорт өмірдің шет-шағасын көрген қазақтар ит арқасы қияндағы Канадаға сапар шегуге әзір. Олар осы елде ұрпақ өрбітіп, біржолата тұрақтап қалуға кет әрі емес. Тоқаевтың тұсында айтарлықтай өзгеріс боларына күмәнмен қарайтын аудитория өмірінің "жеті жылын" бекер өткергісі келмейді. Канадада 38 млн-ға жетеқабыл халық тұрады. Жер көлемі жөнінен Ресейге ғана жол беретін мемлекет үшін бұл тым мардымсыз көрсеткіш. Ел экономикасын құлдыратпау үшін Трюдо үкіметіне мигранттар ауадай қажет. DALA INSIDE алдағы уақытта Канадаға көшудің заңды жолдарын анық-қанық жазады. Арнаға тіркелуді ұмытпаңыз👇 https://t.me/dalainside

❗️⚡️Видеодәлел: Алдарыңызда - Алматы облысы полиция департаментінің экс-басшысы Серік Күдебаев. Жалы күдірейген Күдебаев Қаңтар кезінде өңір коменданты бола тұра, департамент ғимаратын тастай қашқан. https://t.me/dalainside

🔥💥Қаңтар оқиғасы: Бас прокурор баян еткен 7 тезис Мәжілісте Қаңтар оқиғасы туралы тың мәліметтер айтылып, Бас прокуратура бір жыл бойы жүргізілген тергеу нәтижесін жариялады. Dalainside Бас прокурор Берік Асыловтың осы оқиғаға қатысты бірқатар тезистерін теріп алып, арна оқырмандарына ұсынды. Сонымен, Мәжілістегі тыңдауда Қаңтар трагедиясына қатысты келесідей ақпарат берілді: 1️⃣ Тоқаев? Елдің жоғарғы басшылығын ауыстыру операциясы мұқият жоспарланған. Бұл мемлекеттік төңкеріс әрекеті болды. 2️⃣ Бүкіл 2021 жыл бойы орындаушылар радикалды шараларды қолдану мақсатымен жасырын дайындалған. Қоғамның бірлігі пысықталған сценарийлер бойынша шайқалған. 3️⃣«Дикий Арман» ҰҚК -дағы үйлестірушінің басқаруымен әрекет еткен. "Ол тәртіпсіздіктер ұйымдастырып, халықты бақылауға алып, билікке ультиматум қою үшін "халық кеңесін" құруы тиіс еді. Оған Алматы қаласы мәслихатының экс-депутаты белсене көмектескен, сондай-ақ ұйымдасқан түрде "Қазақстан" қонақүйіне келген қарақшыларды қаруландырған қылмыстық топтың белсенді мүшесі Махатов болды", – дейді Бас прокурор. 4️⃣ Бектанов? Тергеуге сәйкес төтенше жағдай кезінде ол заңсыз бұйрық беріп, әскери стратегиялық нысандарды қорғаусыз қалдырған. Бұрынғы Қорғаныс министрі елде конституциялық тәртіп орнату жөнінде шара қабылдамаған. 5️⃣ Құқық қорғаушылар атыс қаруын ойрандау әрекеттері зорлық фазасына ауысқанда ғана қолданған. Құқық қорғаушылардың көбінде атыс қаруы болмаған. «Полицияға қылмыскерлерге қарсы оқ ату командасы қажет емес. Заңдардың нақты нормалары бар», – дейді Берік Асылов. 6️⃣ Ұйымдастырушылар арасында жоғары дәрежелі шенділер де, ОПГ мүшелері де болған. 7️⃣ Қаңтардағы тәртіпсіздік кезінде ҰҚК қызметкерлері ❗️МӘСІМОВ-тың бұйрығымен ғимараттарын қараусыз қалдырған. Оның тапсырмасы бойынша Алматы қаласы мен Қызылорда облысы бойынша ҰҚК ғимараттарын тастап шыққан. Сондай-ақ, басшылықтың пәрменімен Алматы және Жамбыл облыстарының ішкі істер департаменттерінің ғимараттары қараусыз қалдырылған. Мәжілістегі тыңдауда осындай "отчет" берілді. Жаңа Қазақстанның Қаңтарға қатысты риторикасы өзгерді ме, қалай ойлайсыз? https://t.me/dalainside

⚡️🔥Жаңа Қазақстан Қаңтар туралы шындықты айтуға әзір... Ақорда мұндай месседжді Мәжіліс төрағасы Ерлан Қошанов арқылы жеткізді. Билік Қаңтардың жарасын жасыра берсе, жұрттың осынау трагедияға қатысты сауалдары алдағы "жеті жыл" бойына толастамасын түсінген сынды. Бүгін "Қаңтар оқиғасына" тұп-тура бір жыл толды. Қоғамның алабұртқан көңіл-күйін бүгінгі ауыс-түйістер де алдарқата алмады. "Жұрттың Қаңтар туралы ашық ақпарат алғысы келетінін" айтқан Қошанов: "Бұған мемлекет те мүдделі" дейді. Мәжіліс төрағасының айтуынша Тоқаев халықтан ештеңені жасырмауы тиіс, қоғам шындыққа көз жеткізуі керек. Мәселе, ол қандай шындық? Біз күткен ақиқат айтыла ма? Билік алаңға шыққандарды айыптауды доғарып, оларды "бандылар" мен "лаңкестерге" теңеген риторикадан бас тарта ма? Қошановтың мәлім еткеніндей өткен 365 күнде Қаңтардың себеп-салдарын зерделеген тергеу амалдары жүргізілген. Соның нәтижесін ашық жариялайтын күн туған. "Осы арқылы қоғамдағы түрлі пікірлер мен қилы қауесеттерге тоқтау саламыз. 2023 жылғы 5 қаңтарда Мәжіліс қабырғасында осыған қатысты арнайы тыңдау өтеді. Тыңдауда Бас прокурор мен құқық қорғау органдары басшылары есеп береді", – дейді ол. Жаңа Қазақстан Қаңтар туралы шындықты айтуға әзір ме?.. https://t.me/dalainside

🏦"Самозанятыйларға арналған банк": Solva-да шанс бар ма? Микроқаржы ұйымы ретінде жұмыс істеп, адамдарға онлайн кредит беріп келген Solva ("ҚазМикроФинанс" ЖШС) енді банкке айналатын болды. Ол туралы бүгін Solva Қазақстан қор биржасына хабар берді. Банкке айналу бірнеше қадамнан тұрады, оның әрқайсысын Solva үшін ҚНРДА бекітіп берген. Осы жоспарды бұлжытпай орындаса, ҚНРДА Solva-ға алдағы мамыр айында банк лицензиясын беруі тиіс. Solva - жұмыссыздарға, ресми табыс көрсете алмайтын базардағы саудагерлерге, таксистерге арналған микроқаржы ұйымы болатын. Соларға онлайн кредит беріп келген. Енді банк болса да, осы клиентураны сақтап қалуға ниетті. Solva банк болса, активтері көлемі жағынан нешінші орында болады? Олардың алғашқы ТОП6-дан табылуы неғайбыл. Себебі, кезінде Альфа-Банкты сатып алуға ақшалары жетпей, Альфаны ЦентрКредит банкі жұлып әкеткен болатын. Заңды және жеке тұлғалар жинаған депозиттік базасы да жоқ. Салымдарды олар тек бір жылдан кейін тарта алады. Сондықтан тізімнің төменгі жағында жүретін банк болатыны сөзсіз. Бірақ, былайша алғанда қаржы жүйесіне жаңа банктің қосылуы біздің дамып жатқанымыздың белгісі. Ол өте жақсы нышан. https://t.me/dalainside

Мемлекет басшысының Жарлығымен Ғани Бектайұлы Бейсембаев Қазақстан Республикасының Оқу-ағарту министрі лауазымына тағайындалды

⚡️66 жастағы Иманғали Тасмағамбетов жаңа жұмысына кірісті Ол бүгіннен бастап Ұжымдық қауіпсіздік туралы шарт ұйымының бас хатшысы қызметіне кірісті. Бұл ұйымды 2026-шы жылға дейін басқарады. Иманғали Тасмағамбетов 2019 жылы зейнет жасына жетуіне байланысты Қазақстанның Ресейдегі Елшісі қызметінен босаған болатын. Содан бері жұмыссыз жүрді. https://t.me/ulys1

❗️🇷🇺Кремль қазақстандық тик-токерлерге көз тігуі мүмкін. Пропаганда ақпараттық кеңістікті кеңейткісі келеді... Dalainside-қа жеткен мәлімет бойынша Кремль қазақстандық тик-токерлерге "қызығып" отыр. Путин идеологтары еліміздегі 10 мыңнан 10 млн-ға дейінгі аудиториясы бар блогерлердің тізімін әзірлеп қойған. Оларға қомақты қаламақы 💸 төлеуге де дайын. Басты талап - Ресейдің ұнамды образын қалыптастыратын роликтерді көбейту, Батысты балағаттау, украин халқына тіл тигізу. Ең төменгі гонорар 50 мың теңгеден басталып, 250 мың теңгеге дейін жетеді-мыс. Қазақстандық TikTok кеңістікті пропагандалық контентпен 🚽 толтыруды көздейтін Кремль осы арқылы соғыс басталған сегіз айда абыройдан жұрдай болған Путиннің позициясын күшейткісі келеді. Ал ресейлік тик-ток кеңістікте 💤 контенттен аяқ алып жүре алмайсыз. Сервистің мәліметі бойынша "россия вперед" және "zанаших" дейтін хэштегтермен белгіленген роликтер соңғы бірнеше айда 2 млрд көрілім жинаған. Қадыровты ұлықтайтын және ЧВК "Вагнердің" қылмыстарын насихаттайтын роликтердің көрілімі 1 млрд-тан асып жығылған. Путин пропагандасы Ресеймен шектеліп қалмай, іргелес елдерге де таралуға мүдделі. Осы мақсатта қазақстандық тик-ток аудиторияның тамырын басып көрмек. Мұндағы оқырманның талғамы мен таңдауынан біршама хабары бар Dalainside Кремль пропагандасының пәрменінен қауіптенеді. https://t.me/dalainside

📈Ұлттық қорға 2023 жылы 6 триллион теңге түспек Ал одан 3,2 триллион теңге алынады. Оның 2,2 триллион теңгесі кепілдендірілген трансферт, ал 1 триллион теңгесі нысаналы трансферттер. Сонда Ұлттық қорда 2,8 триллион теңге плюс ретінде қалады. Ол шамамен 6 миллиард доллар. Ақша қайдан түседі? 1,8 трлн теңге – мұнай компанияларына салынатын корпоративтік табыс салығы, ал қалғаны табиғи және басқа да ресурстарды пайдаланудан түсетін ақша. Қазір Ұлттық қорда 52,3 миллиард доллар бар. 6 миллиард долларға көбейетін болсақ, қор көлемі жыл аяғында 58 миллиард доллардан асуы тиіс. https://t.me/dalainside