DALA INSIDE

⚡️Қытай капиталының қазақша акценті: Байзақта басталып, Таразда жалғасқан өндіріс симфониясы Жамбыл облысында бір күнде екі ірі өнеркәсіптік жобаның тұсауы кесілді. Осыны өзі аймақтағы инвестициялық климаттың жаңа кезеңге аяқ басқанын көрсетеді деп хабарлайды DALA INSIDE. Президент Тоқаев өңірлерге инвестиция тартуды басты басымдық ретінде айқындап берген болатын. Соның жарқын мысалы Жамбыл облысында жаңадан бой көтеретін екі ірі кәсіпорын. Екі жобаға да қытайлық инвесторлар қаржы құймақ. Біріншісі, Байзақ ауданындағы тәуелсіздік алғалы алғаш рет салына бастаған жаңа қант зауыты. Құны 200 миллион долларды құрайтың зауыттың экономикалық ғана емес, стратегиялық маңызы да зор. Елдің ішкі нарығын өзімізде өндірілген өніммен қамтамасыз ету арқылы импорттық тәуелділікті төмендету бүгінгі күннің басты міндеті. Осы тұрғыдан алғанда, жылына 120 мың тонна қант шығаратын зауыт ішкі нарықтағы жағдайды түбегейлі өзгертіп, еліміздің азық-түлік қауіпсіздігін нығайта түседі. Өнімнің сапалы болатыны өз алдына, жаңа зауыт аймақта 350-ден астам адамды жұмыспен қамтымақ. Жергілікті диқандар да шикізатты зауытқа тікелей жеткізуге дайын отыр. Екінші жоба, Тараз индустриалды аймағында іске қосылатын ауыл шаруашылығы техникасын шығару кәсіпорны. Бұл жоба да өңірдің экономикалық дамуына тікелей әсер етіп, отандық агросектордың тиімділігін арттыруға септігін тигізбек. Жылына 2 мыңға жуық трактор мен өзге де ауыл шаруашылық техникасын шығаратын зауыт, ең алдымен, аймақ фермерлерінің заманауи техникаға деген сұранысын қанағаттандыруға мүмкіндік береді. Қытай инвесторы жобаға 10 миллиард теңге қаражат бөлген екен. Кәсіпорын 60-қа жуық жергілікті тұрғынды тұрақты жұмыспен қамтамасыз етеді. Бүгінгі рәсім тек аймақтық деңгейдегі оқиға емес. Мемлекет осы арқылы шетелдік инвесторларға ашық әрі тиімді орта қалыптастырып отырғанын тағы бір дәлелдеді. Жалпы, биыл Жамбыл облысына құйылған инвестиция көлемі өткен жылмен салыстырғанда 32,4 пайызға артқан. Бір жылға жетпейтін уақытта 391 миллиард теңге тартылғаны аймақ экономикасының белсенді түрде өсіп жатқанын айғақтайды. Алдағы үш жылда облыс басшылығы жалпы құны 300 миллиард теңгеден асатын тағы 20 ірі жобаға бастамашы болмақ. Аймақ басшысы Ербол Қарашөкеев бұған дейін "осы арқылы тұрғындардың әл-ауқатын көтеруді мақсат тұтатынын" айтқан болатын. https://t.me/dalainside

🤜🇰🇿Қазақстан өз нарығын қорғауда сылбырлық танытуда Өзбекстан мен Тәжікстан букмекерлік бизнес пен оған қатысты қаржылық ағымдарды бір орталықтан реттеуді ұсынған ресейлік кәсіпкер Умар Кремлевтің (Лутфуллоев) қызметінен бас тартты, деп жазады ВЧК-ОГПУ. Ал Қазақстан әлі де түпкілікті шешім қабылдамаған. Бұл елдер өздерінің ұлттық жүйесін құруды жөн көріпті. Себебі олай болмаған жағдайда мәліметтердің көршілес елдің арнайы қызметтерінің қолына түсу қаупі туындайтын еді. Котёл жазғандай, соңғы бір жыл ішінде Кремлев Орталық Азиядан шықпай, бірде Өзбекстанда кеңестік боксшыларға ескерткіш ашып, бірде Тәжікстанда жоғары лауазымды тұлғалармен кездесіп, бірде өзбек олимпиадашыларына 100 мың доллардан сыйлық үлестіріп жүрген. Алайда мұндай жомарт қадамдар оның басты жобасын - аймақтың букмекерлік нарығы мен қаржылық ағымдарын бақылауға алу бастамасын жүзеге асыруға көмектеспеді. Кремлевке жақын дереккөздердің бағалауынша, оның Орталық Азиядағы саяхатына 3 миллион доллардан астам қаражат жұмсалған. Дегенмен, Өзбекстанда бұл жоспар толықтай сәтсіз аяқталды. Букмекерлік бизнесті заңдастыру мәселесін ұзақ талқылаған соң, билік оны Ұлттық перспективалық жобалар агенттігінің (НАПП) құзыретіне берді. Тәжікстанда жағдай Кремлев үшін одан бетер күрделі болды. Президенттің ұлы Рустам Эмомалимен кездесулер мен өзінің туған Гиссар ауданында жол салу бастамасына қарамастан, елдегі букмекерлік нарықты реттеу Қаржы министрлігінің құзырында қала берді. Ұзақ келіссөздерден кейін Тәжікстан билігі де Ресейдің ЦУПИС жүйесінен бас тартты. Кремлевтің тарихи отанындағы қайырымдылық жобалары Тәжікстанға ЦУПИС орнатуға көмектеспеді. Енді Қазақстан Кремлев үшін соңғы үміт болып отыр деп отыр, ВЧК-ОГПУ. Бізде жағдай өзгеше өрбуде. Бірнеше жылдан бері Бәс тігулерді есепке алудың бірыңғай жүйесін (ЕСУ) енгізу төңірегінде дау-дамай толастар емес. Ел ішіндегі дереккөздер мұны Кремлев пен Ресейдің ЦУПИС жүйесімен тікелей байланыстырады. ЦУПИС бүгінде Ресейдегі бүкіл букмекерлік нарықты бақылайды әрі миллиардтаған табыс әкелуде. Сарапшылар «құмар ойынға тәуелділікпен және көлеңкелі схемалармен күрес» деген ресми ұранның артында санкция салынған банктермен байланысты ресейлік құрылымдарды Қазақстанның қаржы жүйесіне кіріктіру әрекеті тұр деп санайды. Қазақстан әзірге Умар Кремлевтің ұсынысына нақты «жоқ» деген жоқ. Дегенмен жұмыс топтарында отырған кейбір шенеуіктер мұндай біріздендіруге алаңдаушылық білдіріп отыр. Ал Қырғызстанда бұл мәселе әлі талқылану үстінде, нақты шешім қабылданған жоқ. https://t.me/dalainside

💥Феникс құсы. Балалар үйіндегі дау да шенеуіктің мансабын тоқтата алмады Алматы облысында қызметінен қуылған Білім басқармасының бұрынғы басшысы енді жаңа қызметке тағайындалуы мүмкін. "Тараптар Бағанашылдағы балалар үйіндегі айқай-шу басылғанын күткен еді. Енді сол сәт туындап тұр. Алматы облысы Білім басқармасының бұрынғы басшысы Салтанат Беспаева жаңа қызметке тағайындауға кедергі жоқ сияқты", - дейді, DALA INSIDE дереккөзі. Дереккөздің мәліметінше, Салтанат Дауысбекқызы басқарма басшысы қызметінен босағанымен, әкімдіктен кетпеген. Оның орнына бұған дейін Еңбекшіқазақ, Іле аудандары мен Қонаев қалалық білім бөлімдерін басқарған Арайлым Төлеубекова тағайындалған еді. Сөйтіп Салтанат Беспаеваның қарамағында еңбек еткен кадр басқарма басшылығына келді. Ал тамыздың басында қызметтен босатылған бұрынғы басқарма басшысы Іле аудандық білім бөліміне жетекші болады деген ақпарат тарады. https://t.me/dalainside

🏦Банк қожайындары «қызыл сызықтар» жөнінде кеңеспек Мемлекет банктерге тізесін қаттырақ батыра бастағандықтан, еліміздегі бірнеше банк қожайындары бұрынғы бәсекелестік пен алауыздықтарын ұмытып, бірлесіп қуатты лобби құру жөнінде ақылдаса бастады. Олардың ойынша соңғы екі жылда мемлекет жекеменшік банктерге көп тиісіп, мүмкіндіктерін де, даму перспективаларын да шектей бастаған. «Банктерге салынатын корпоративті табыс салығы келесі жылдан бастап 20 пайыздан 25 пайызға көтеріледі. Онымен қатар, жекеменшік тұлғаларға кепілсіз кредит беру бойынша көптеген шектеулер енгізілді. Енді мемлекет жеке тұлғалардың депозиттерін де қарап отырмақ. Аталған үш қысым банктерді таза табысынан айыратыны анық. Банк қожайындары осыған алаңдап отыр», - дейді, DALA INSIDE дереккөзі. Бұған дейін банктердің негізгі выручкасы жеке тұлғаларға кепілсіз несие беруден келетін. Биылғы жылдың 7 айында еліміздегі банктердің таза табысы 1,6 триллион теңгені құрады. Енді жаңа шектеу нормалары енгізілсе, кредит алатын жеке тұлғалардың саны күрт азаяды. Сонымен бірге, көлеңкелі, бейресми табысы бар адамдар ақшасын депозиттен шешіп, қолма-қол түрінде үйінде сақтайды деген болжамдар бар. Себебі, салық органдары кез-келген жеке тұлғаның депозиттегі қаржысына қатысты сұрақ қою мүмкіндігіне ие болмақ. Дәл осы тұста табысы азайған банктердің салық жүктемесі де артып, одан қалатын таза табыс мүлде мардымсыз болу қаупі бар. «Банктер сезіп отыр. 2025 олардың мол табыс алатын соңғы жылы. 2026 жылы мұндай мүмкіндік мүлде болмайды. Сондықтан, өз құқықтары мен бизнестерін қорғау үшін бірігіп, лоббилерін күшейтпек. Осы орайда, банк акционерлері Қазақстан қаржыгерлер қауымдастығының ықпалын арттыруды көздеген. Қауымдастыққа Үкіметпен қатаң сөйлесе алатын беделі бар, белгілі банкирлердің бірін басшы қылу идеясы да талқыланған», - деп бөлісті, дереккөз. Банкирлер Үкіметке қызыл сызықтар қоюға дайын. Яғни, қазір қабылданған нормалардан басқа болашақта банктердің табысына ауыз салатын, өмірін қиындататын жаңа шектеулер енгізілмеуі тиіс. Лобби билікпен осы мәселені келісіп алмақшы. Ал банктерді «үйту керек, бүйту керек» деп түрлі мәлімдемелер жасап жүрген Парламент депутаттарымен Қаржыгерлер қауымдастығы айналысатын болады. https://t.me/dalainside

Яндекс Go қолданбасында әр адамға лайықталған біртұтас ұсыныстар легі пайда болды Яндекс Go қолданбасында әр қолданушыға арнап лайықталып түзілетін ұсыныстар легі пайда болды. Ұсыныстар легіне қолданбаның ішіндегі сервистер кіреді. Жаңа опцияның арқасында қолданушы бұл ұсыныстарды бір интерфейсте көре алады. Сәйкесінше қажетті тауарлар мен қызметтерді іздеу уақыты қысқарады. Ұсыныстар легіне Тағам, Лавка (Алматы және Астана қалалары), Афиша және Музыка сервистерінің ұсыныстары кіреді. Ұсыныстар легі супераппта күнделікті өмірде қажет дүниелерге жылдам қол жеткізіп, дәл қазір керек болуы мүмкін нәрсені тезірек табуға көмектеседі. Оның қатарында мысалы келесілер бар: • Лавка сервисінен отбасылық кешкі асқа қажет азық-түлік табу; • Тағам сервисіндегі мейрамханалардың тағамдарын жеткізу; • Афиша сервисінен концертке немесе спектакльге билет алу; • Музыка сервисінде аудиопревьюі бар жаңа музыкалық трек тыңдау. Ұсыныстар легі әр пайдаланушының қалауы мен аталған сервистердегі белсенділігін ескере отырып түзіледі. Ұсыныстарды Яндекс Go қолданбасының басты экранынан табуға болады. ®PR құқығында

🇪🇺Он микрон. Қазақстан санкция бойынша Еуроодақпен жабық келіссөздер өткізу туралы ойлана бастады Осы аптада Bloomberg Еуроодақтың Ресейге бағытталған санкцияларының кезекті пакетінде реэкспорт жолдарын қатаң жабу қарастырылатынын хабарлады. Оның аясында Қазақстан шартты қайталама санкцияға ілінуі мүмкін. Шартты деп отырғанымыз – санкция Қазақстанға белгілі бір тауар категориясын сатып алуға ғана тиым салады. Бұл компьютермен басқарылатын станоктар (СNС) мен машина құрастыруға арналған жабдықтар болып отыр. Бір сөзбен айтқанда Еуроодақ Қазақстаннан халықаралық нарықта осындай станоктарды көбірек сатып алып, оларды Ресейге сатып жатыр деп күдіктенеді. Мысалы, Ресейге санкция салынбаған 2021 жылы Қазақстанның солтүстік көршісіне «көлік, құрылғылар, прибор мен аппараттар» категориясындағы экспорты 471,4 миллион долларды құраса, санкция толық жұмыс істей бастаған 2023 жылы ол көлем 2,7 миллиард долларға жеткен. Ал 2024 жылы 2,1 миллиард долларды құрады. Қазақстанның Ресейге приборлар экспорты бірден бес есе өсіп кеткені күмән туғызатыны заңды. «Еурокомиссия CNC станоктарын Қазақстанға сатуға тиым салса біздің қазір қолға алып жатқан қайта өңдеу саласындағы инвестициялық ауқымды жобаларымыз тұрып қалады. Станоктардың бәрі Ресейге реэкспорт ретінде кетіп жатқан жоқ. Бізге де керек станоктар бар. Сондықтан Қазақстан комплаенс тексерісті қатаңдатуға, тіпті еурокомиссарлар біздің аумаққа өткен құрылғылардың қай жерге орнатылатынын инспекциялап, тексеруге де келісуі мүмкін. Бастысы қайталама санкцияны болдырмау. Әйтпесе инвесторлар бірден қашып кетеді», - дейді, DALA INSIDE дереккөзі. Еуроодақ 2023 жылы санкциялардың 11-ші пакетінде «anti-circumvention tool», яғни санкцияларды жүйелі айналып өтетін үшінші елдерге белгілі бір «санкциялық тауарлардың» экспортын шектеу механизмін енгізген. Tier 4.B тізімінде 10 микрондық дәлдіктегі CNC станоктарының әскери өндіріске қолданылу мүмкіндігі көрсетіліп, санкциялық тауар санатына жатқызылды. Қазақстан экономикасы CNC станоктарына тікелей тәуелді. Токарлі бағыты дөңгелек бөлшектерді кесуге, бұрғылауға, ойық салуға қолданылады. Қазақстан бұдан қазіргі таңда құбыр муфтасын, подшипник, біліктер әзірлеуде. CNC фрезер станогы арқылы біз металл, алюминий, пластик пен ағаш өңдеп, түрлі салада қолданып жүрміз. Құрылыс конструкциялары мен вагон жасауда CNC плазмалық кесу станогын пайдаланамыз. Теңіз, Қарашығанақ, Қашаған сияқты мұнай кеніштерінде қолданылатын құбырлар, фланецтер, сорғы-бөлшектерді жөндеу және өндіру үшін отандық мұнай сервисі компаниялары CNC станоктарымен жұмыс істейді. Одан бөлек, ERG, Қазцинк, Qarmet сияқты алпауыттар жұмыс істейтін тау-кен металлургия кешені экскаватор, конвейер, ұнтақтау қондырғысы, балқыту пештеріне арналған бөлшектерді CNC арқылы дайындайды. Тұлпар зауыты, СемАЗ, КАМАЗ-Қостанай, KIA Qazaqstan сынды ірі өндірістері бар машина жасау және вагон индустриясы барлық металл бөлшектерін CNC арқылы кеседі. Қостанайда Агромашхолдинг CNC арқылы ауылшаруашылық машиналарын құрастырады. Сол себепті Қазақстан барынша шартты қайталама санкцияларды болдырмауға тырыспақ. Тиісті консультациялар қызу жүруде. Белгілі бір сигналдары келесі аптада шыға бастауы мүмкін. https://t.me/dalainside

⚡Татубаев-Кексель-Дүйсенов: "Жаңа Қазақстан" Қожамжаровқа барынша жақындады Қыркүйектегі жабық келіссөздерден кейін Қайрат Пернешұлының тағдыры шешілмек. Не осы триомен қылмыстық іс орбитасы шектеледі, не Қайрат Қожамжаровқа да іс қозғалады. "Дүйсеновке іздеу салынуы Қайрат Қожамжаровқа айқын сигнал болуы тиіс. Қазақстан шын саудаласса, Мәскеуде жүрген Қожамжаровқа "питерлік достары" да, Медведев те көмектесе алмайды. Қазақстан арқылы Ресейдің Қытайға мұнай транзиті, ал Қытайдан Ресейге ауадай қажет заттардың контрабандасы сынды бізде де мықты көзірлер бар. Астана оның біреуін шығарса, Мәскеудің өзі бес минутта Қайрат Қожамжаровты ұстап бере салады", - дейді DALA INSIDE дереккөзі. Биыл Қожамжаровтың командасы толық жойылды. Жемқорлықпен күрес бойынша Ұлттық бюроның экс-басшысы Талғат Татубаев шілденің басында азаптау ісі бойынша қамауға алынды. Арнайы прокурорлар қызметінің экс-басшысы Олеся Кнксель осы азаптау бабы бойынша күдікті ретінде танылды. Қазір тергеу жүріп жатыр. Ал өткен аптаның соңында бұрынғы бас көлік прокуроры Мақсат Дүйсеновке іздеу жарияланды. Интерпол арқылы тез ұсталады деп күтілуде. Қайрат Қожамжаров ұзақ жылдар бойы жемқорлықпен күрес мекемелерін басқарды. Оның кезінде антикор Агенттік те, Бюро формасында да болды. Артынан Бас прокурор, сенатор лауазымында болды. 2023 жылдың басында Парламенттегі орнын босатып, мандаттан айрылды. Содан бері ол еліміздің саяси сахнасынан кетті. Соңғы рет Пернешұлы Қазақстанда 2023 жылдың қарашасында, Болат Назарбаевтың асында төбе көрсетті. Сол кезде өзі туралы «жеке заң компаниясын аштым» деп қысқа жауап бергені есте. Екі дереккөздің мәліметінше, қазір Мәскеудегі пәтерінде тұрады. "Жаңа Қазақстан" Қожамжаровтың әлсіз тұсын біледі. Ол - отбасының активтері мен бизнесі. Ресейге шығарып алған Қожамжаров капиталына қол жеткізе алсаса да, еліміз оның отбасының активтерімен айналыса бастады. Қайрат Қожамжаровтың туған бауыры Дулат Қожамжаров "Hill Corporation" майлау материалдарын шығаратын зауыттың жалғыз иесі. Биыл сәуірде Бәсекелестікті қорғау және дамыту агенттігі «Қазақстан темір жолы» ұлттық компаниясы мен Hill Corporation арасында локомотивтерге арналған мотор майын жеткізу саласында 624 млн теңгеден астам сомаға бәсекеге қарсы келісім жасалғанын анықтаған. Артынан компания құрылтайшысының үлесіне шектеу қойылды. Осы арқылы Дулат Қожамжаров зауытынан айрылып қалуы мүмкін. Одан бір ай бұрын мемлекет Hill Corporation-ның «еншілес» компаниясынан Шымкент маңындағы 54,7 гектар жер учаскесін қайтарып алды. Қалалық жер ресурстарын басқару департаментінің жоспардан тыс тексеруі барысында бұл жердің «Hill Invest» ЖШС-не аукционсыз, ҚР Жер кодексін өрескел бұза отырып берілгені анықталған. Жер ауыл шаруашылығы өнімдерін өндіруге бөлінгенімен, компания онда мұнай өңдеу зауытын салуды жоспарлаған. «Hill Invest» ЖШС-нің басшысы – бұрынғы бас прокурордың тағы бір бауыры Қуат Қожамжаров. Ал Қайрат Қожамжаровтың балалары Бексултан мен Ельнар Пернеш, Жанайдар Қайрат пен Жанел Қайраттар «Astana Real Estate Management» ЖШС-іне иелік етеді. Компания жылжымайтын мүлікті жалға берумен айналысады. Қожамжаровтың ұл-қыздары Елорданың Есіл ауданында орналасқан 9 қабатты «Астана» бизнес-орталығындағы кеңселерді жалға беріп жүр. Ал "Жаңа Қазақстан" кез-келген уақытта бұл бизнес-орталықтың заңсыз сатылғанын, не заңсыз салынғанын "анықтай" алады. Сондықтан Қожамжаровқа қысым көрсету рычагтары аз емес. https://t.me/dalainside

👍Үкімет 2024 жылғы Президент Жолдауын толық орындады Былтыр ЖІӨ көлемі бойынша мақсатты көрсеткішке қол жеткізілді және ол 5%-ды құрады. 2025 жылдың бірінші жартыжылдығында еліміздің экономикалық даму көрсеткіштері айтарлықтай жақсарды. Ол инвестицияларды ынталандыру, өнімділікті арттыру және экономиканың шикізаттық емес салаларын кеңейту есебінен жалғасуда. Биылғы 7 айдың қорытындысы бойынша экономиканың өсуі соңғы жылдары 6,3%-ды құрап, рекордтық көрсеткішке жетті. Нақты сектордағы өсім 8,3%-ды құраса, қызметтер өндірісі 5,2%-ға артты. Негізгі драйверлер көрсеткіштері келесідей: көлік +22,5%, құрылыс + 18,5%, сауда +8,6%, тау-кен өнеркәсібі +8,5%, өңдеу секторы +6,1%. Өңірлердің дамуы, инвестиция тарту, өңдеу өнеркәсібіндегі жобалар, ауыл шаруашылығы, кластерлік өндіріс бойынша барлық мақсатты индикаторларға қол жеткізілді. Толық ақпарат👇 https://primeminister.kz/news/reviews/prezidenttin-2024-zylgy-zoldauy-ekonomikany-artaraptandyru-zane-150-mlrd-tikelei-investiciia-30452

🇰🇿Жұмсақ сигналдар: әкімдер Жолдаудан кейін "кері байланыс" алмақ Қазақстан биылғы саяси маусымды 8-ші қыркүйектен бастап ашатын болды. Сол күні Мемлекет басшысы Қасым-Жомарт Тоқаев дәстүрлі Жолдау аясында атқарушы аппаратқа жаңа тапсырмалар беріп, бұған дейін істелген жұмыстың қорытындысын шығармақ. Бүгін Үкімет бюджеттік жұмыстарды пысықтап тастады. Ал әкімдер жылу маусымына дайындық және жол-көлік инфрақұрылымы жұмыстарын тездетіп жатыр. "Дұрыс жөнделмеген, жұмысы аяқталмаған, істен шыққан ТЭЦ автоматты түрде әкімнің отставкасына алып келмек. Бұл оларға ескертілді. Қарағанды мен Павлодар облыстары басты назарда болып отыр", - дейді, DALA INSIDE дереккөзі. Биылғы Жолдау әлеуметтік блокта табыс пен инфляция арасындағы айырмашылықты жабу, кредит қысымын азайту, саяси реформалар аясында жергілікті басқаруды одан әрі күшейтуге бағытталатыны анық. Экономикада жаңа индустрияландырудың екінші толқыны бойынша тапсырма берілмек. Әсіресе логистика, транзит, қоймалар мен өндіріске шетелдік инвестицияларды көбірек тарту міндеттеледі деп күтілуде. "Жалпы Жолдау позитивті нотада болады. Бірақ Сол жағалау әкімдерді мүлде босаңсытпауға шешім қабылдады. Кей әкімдердің биылғы тірлігі мен нәтижелері ұнамай отыр", - дейді, дереккөз. Парламент те қыркүйектің ортасында ішкі тазалану процесін бастан кешірмек. Біршама мандат мерзімінен бұрын тапсырылуы мүмкін. https://t.me/dalainside

🗡️ Мәсімовтың қылышын аукционда сатып алғандар осы табысын жақсылап "жуған" Мәсімовтің тәркіленген дүниелері мемлекеттік аукционында сатылар алдында, үлкен топтың қылышқа қызығып отырғанын жазған едік. «Негізі коллекцияда қылыш, семсер, тіпті катана да бар. Кәсіпкерлерді қызықтырып отырғаны - сабы мүйізден жасалған, тарихы терең, бағалы қылыш. Мәсімов ол қылышты бекер алмаған болатын. Болашақта ол сакралды мәнге ие болып, қазақтар үшін Кенесарының басы қандай маңызды болса, бұл да белгілі этникалық топ үшін сондай маңызға ие болуы мүмкін», - деген еді, сол кезде DALA INSIDE дереккөзі. Біз күткендей бұл аукцион дүркіреп өтті. Мәсімов коллекциясынан 43 мүлік, оның ішінде кәдесыйлық монеталар, қылыштар және басқа да дүниелер бар, барлығы лоттарға шығарылған. Бастапқы бағасы 7 миллион теңге деп қойылғанымен,сауда қызып, қорытындысында 10 миллион теңгеге сатылды. Кәрім Мәсімовтың бұл қылышының энергетикалық қасиеті туралы ақпарат бар. Дереккөз президент ретінде өз адамын қойып, өзі Қазақстанды көлеңкеден толық басқарар жоспарын ойлағанда Кәрім Мәсімов осы семсермен серттескен деген қауесеттермен бөлісті. Енді қай кәсіпкер осы қылышқа ие болса, үлкен табысқа ие болады деген наным бар. Семсерді қолға түсірген кәсіпкерлер кеше ағайын-туыс, жолдас-жораларын жинап, осы қуанышты жақсылап атап өткен екен. https://t.me/dalainside

🚕Яндекс Такси сервисінде сапар құнының егжей-тегжейлі есебі пайда болды Яндекс Go қолданбасында алдағы такси сапарының құны неден тұратынын білу мүмкіндігі пайда болды. Бағаның егжей-тегжейлі есебінде автомобильді беру құны, бағыт бойынша минуттар мен километрлердің жиынтық құны, егер бар болса, жоғары сұраныс кезеңдеріндегі үстемеақы және қосымша опциялардың құны, оның ішінде балалар креслосы немесе жануарларды тасымалдау құны көрсетілген. Бағаның егжей-тегжейлі есебін таксиге тапсырыс бермес бұрын көруге болады. Ол үшін тариф пен сапар бағытын таңдағаннан кейін смартфон экранының жоғарғы сол жақ бұрышындағы теңге белгішесін басу қажет. 2025 жылдың мамыр айының басында монополияға қарсы комплаенс аясында Яндекс Такси жолаушылар үшін «бағаны нақтылау» функциясын әзірлеу жауапкершілігін өз мойнына алды. Осы жылдың сәуір айында компания “Антология технологий Яндекс Такси: почему цена такая?” деректі фильмін ұсынып, сапардың бағасы неге және қалай өзгеруі мүмкін, сондай-ақ Қазақстанның әртүрлі қалаларында бір қашықтыққа сапардың құны неге әртүрлі болуы мүмкін деген сұрақтарға жауап береді. ®PR құқығында

🚀Марат Жыланбаев аттай шауып жүр Біршама құқық қорғаушылар, оның ішінде Бақытжан Төреғожина бар - денсаулығы нашарлап, өлейін деп жатыр деген марафоншы Марат Жыланбаевтың денсаулығы да, көңіл-күйі де жаман емес сияқты. Оның камерасында қажетті жағдай жасалған. Жыланбаев та ұзақ ғұмыр кешуге ниетті екенін байқатуда. Ендеше грант бенефициарлары жұртты не мақсатпен дүрліктіруде? Марат Жыланбаев "Қазақстанда адам құқығы сақталмайды" деген желеумен түрлі қорлардан грант алуды жалғастырғысы келетін топтың ыңғайлы құралына айналған.