DALA INSIDE

🛩️🇰🇿Талғат Ардан күз басталмай тұрып Қазақстанға жеткізіледі Түркия құзырлы органдары Антальяда ұсталған Талғат Арданды көп ұзамай Қазақстанға экстрадициялауға қарсы емес. Бейресми каналдар арқылы Ресей жағы да Ардан мәселесіне ендігі қызықпайтынын жеткізген дейді, DALA INSIDE дереккөзі. «Росатомның Қазақстандағы бірінші АЭС-ті салатыны жарияланғанша, «Ардан-Тасмағамбетов» факторы Кремльдің қолындағы джокер болып отырған. Астана жақсы дипломатиялық маневр жасағандықтан, енді Тас картасымен ойнау Ресей үшін қисынсыз. Сондықтан ол күн тәртібінен кетеді. Бірақ Сол жағалау 2027 жылға дейін «Тасмағамбетов мәселесін» біржақты қылуы тиіс», - дейді, дереккөз. Мәселені Иманғали Нұрғалиұлы тарапынан «президенттік сайлауға қатыспаймын» деген гарантия алу арқылы шешуге болады. Бірақ, іс насырға шауып бара жатса, Ақорданың қолындағы компромат папкасы ауырлау болу үшін қылмыскер деп танылған LRT-ның бұрынғы басшысы Талғат Арданның "показаниесі" керек екені түсінікті. Ресей Арданның Түркиядан экстрадициясын жасырын тежемейтін болса, 2027 жылға дейін осы папканы толықтырып қоюға мүмкіндік бар. «Негізгі және ең құнды куәгер Талғат Ардан емес, LRT-ның іздеуде жүрген соңғы фигуранты Қанат Сұлтанбеков. Ол АҚШ-та жасырынып жүр. Тасмағамбетовке қарсы жазған хаты бұқаралық ақпарат құралдарында жарияланды. Егер «Жаңа Қазақстан» онымен келісімге келіп, елге алдырып, тергеуге келістірсе, нағыз қажет мәліметтер сол кезде пайда болады. Себебі Қанат Сұлтанбеков Тасмағамбетовтың Астана қаласының әкімі кезінде орынбасары болып қызмет етті. Ол шынымен де көп нәрсе біледі», - дейді, дереккөз. LRT – Қазақстандағы коррупцияның ескерткіші ретінде тарихта қалған жоба. Онымен байланысқан кез-келген саясаткердің қолы былғанады. Және үлкен саяси амбицияларын тежеп қоймақ. Биыл қыста Иманғали Тасмағамбетов ОДКБ төрағасы қызметін босатады. Ары қарай Қазақстан бұл саясаткермен не істейді деген сұрақ туындайды. Нұрғалиұлына Еуразиялық экономикалық комиссияны басқарту бойынша біршама идеялар бар. Салмақты беделін Одақтағы Қазақстан позициясын қорғауға пайдалану бойынша да ойлар айтылған. Тек бір зат түсініксіз болып тұр. Тасмағабетовке қазақ мүддесі жақын ба, әлде Ресей мүддесі жақын ба? Осы сұрақта әлі күнге дейін консенсус табылмады. https://t.me/dalaniside

🎉 AMARKETS компаниясы Porsche Cayenne және тағы 100+ керемет сыйлықтар ұтыс ойынын жариялайды! 🎉 Брокерлік компания AMARKETS өзінің 17 жылдық мерейтойын атап өтіп, сізге Porsche Cayenne және жалпы құны $200 000 болатын 100-ден аса супер сыйлықты ұтып алу мүмкіндігін сыйлайды! 🚗💻📱 Қалай қатысамын дейсіз бе? Өте оңай: 🔸 Жеке кабинетіңіз болмаса — тіркеліңіз. 🔸 Жеке кабинеттегі «Менің купондарым» бөлімінен қатысатыныңызды растаңыз. 🔸 Сауда шотыңызды кемінде $500-ге толтырыңыз. 🔸 1 лот көлемінде сауда жасап, купонды белсендіріңіз. Жеңімпаздар бірнеше кезең бойынша анықталады. Кездейсоқ сандар генераторы 2025 жылдың 20 январында, 2025 жылдың 21 апрелінде, 2025 жылдың 21 июлінде және 20 октябрында 25 ұтыс купонын таңдайды. Porsche Cayenne 2025 жылдың 27 октябрында бөлек ұтыс ойыны өткізіледі. Купон саны шектелмеген — неғұрлым көп болса, жеңіске жету мүмкіндігіңіз де жоғары! Саудаңыз табысты болсын, ал ұтыс — сәтті болсын! Қатысу үшін — төмендегі сілтеме арқылы тіркеліңіз:

🤜«Kazakh Invest» ұлттық компаниясының басшылығы келесі аптада «таяқ» жемек 2024 жылы Қазақстанға тікелей инвестиция тарту минусқа кіріп кетіп, оның таза ағыны минус 2,55 миллиард долларды көрсеткен. Бұл соңғы 30 жылда болмаған ең нашар және масқара көрсеткіш. Қазақстан инвестиция бойынша бүкіл Орталық Азия аумағының аутсайдеріне айналып отыр. Тіпті дәстүрлі аутсайдер Тәжікстан 291 миллион доллар инвестиция тартып, Қазақстаннан 10 есе озып кеткен. Ал Өзбекстан тікелей шетелдік инвестицияның таза ағынында Қазақстаннан жүз есе озып кетіп, 2,8 миллиард доллар тарта білген. «Ақорда кабинеттерінде тікелей инвестицияға жауапты «Kazakh Invest» ұлттық компаниясы бір жыл бойы не бітірді?» деген заңды сұрақ қойылды. Компанияның бүкіл топ-менеджменті және басқарма төрағасы Ержан Елекеевтің жұмыс нәтижесіне өте нашар баға беріліп отыр. Кадрлық шешімдер жақын арада жариялануы тиіс», - дейді, DALA INSIDE дереккөзі. Өз кезегінде «Kazakh Invest» былтыр негізгі капиталға салынған инвестициялардың Орталық Азия бойынша бізде ең көп болғанын айтып ақталуда. Ол көрсеткіш 41 миллиард доллардан асқан. Сонымен бірге, компания инвестицияның баяғыдай шикізаттық бағыттан кетіп, сапалы бағыттарға, әсіресе химия, металлургия, инфрақұрылымға келіп жатқандығын алға тартады. «Негізі Қазақинвестты көп шырылдатпаса да болады», - дейді, дереккөз. Оның айтуынша, бұл ұлттық компания тек кішкентай және орташа инвесторлармен өз платформасында жұмыс істейді. Және елге келіп жатқан ірі инвестицияларда Қазақинвесттың еш әсері жоқ. 2023 жылғы рекордты инвестициялар шикізатқа қатысты болды. Мысалы, Теңізшевройлдың Теңіз кенішін кеңейту жобасы үлкен рөл ойнады. Ондай кездерде Қазақинвестпен ешкім ақылдаспайды да. Ірі тұлғалар өзара кездесіп, мәселені шеше салады. Жалпы, «Kazakh Invest» бар болса да, жоқ болса бізге келген, келмеген инвестицияларда оның ешқандай әсері жоқ. «Kazakh Invest деген барда жалаңаш билеп тұрған қыз сияқты. Барға келген адам вискиге тапсырыс бере ме, бермей ме, оны билеп тұрған қыз емес, адамның қалтасындағы ақша көлемі, жалпы көңіл-күйі, ниеті шешеді ғой. Сол сияқты Қазақинвест пен инвестицияның арасында ешқандай байланыс жоқ», - дейді, дереккөз. Іші бос, еш пайдасы жоқ, не істеп не қойып жүргенін білмейтін мұндай ұйымға акционерлік қоғам және ұлттық компания статусы тым артық сияқты. Сондықтан болашақта ол кішірейіп, ұлттық статусынан айрылып, ЖШС формасындағы шағын фирма болып қалуы мүмкін. Келесі аптада бір өзгеріс болары хақ. https://t.me/dalainside

🏠Қазақстан «ипотекалық скандал» алдында тұр Мемлекет өзі байқамай коммерциялық ипотекалық нарықты өлтіріп ала жаздады. Енді кінәлілерді жазалау процесі басталуы мүмкін. «Қаржы нарығын реттеу және дамыту агенттігі өз шешімінен өзі шошып кетті», - дейді, DALA INSIDE дереккөзі. «Ипотека ЖТСМ-ындағы алтыбақан ҚНРДА төрайымы Мәдина Әбілқасымованың ең сәтсіз кейсі болайын деп тұр. Бұған дейін қаржы нарығын реттеу агенттігі еш уақытта дәл бұлай өз шешімін тез өзгертпеген болатын. Агенттіктің өз ішінде қазір эмоционалды толқулар жүруде. Кезінде бұл норманы модельдеп, дәлелдеп қорғаған қызметкерлер, яғни бас мамандар мен эксперттер таяқ жеп жатыр», - дейді, дереккөз. Әңгіме екінші деңгейлі банктер ипотекасының жылдық тиімді мөлшерлемесін 20 пайыз деңгейімен шектеуге қатысты болып отыр. ҚНРДА осы норманы енгізіп, ол ереже 16-шы маусымнан бастап заңды күшіне енуі тиіс еді. Банктер өз қарсылығын ашық білдірмесе де, «техникалық жұмыстар» деген желеумен ипотека беруді мүлде тоқтата салды. Ал мемлекет банктерді коммерциялық ипотека беруге мәжбүрлей алмайды. Сондықтан агенттік шошып кетті де, норманың өз күшіне енуін қараша айына дейін шегеріп қойды. «ҚНРДА ипотекадағы жылдық тиімді мөлшерлемені шектеуді ақырындап ұмыттырып, жалпы бұл норманы алып тастайтын сияқты. Себебі банктер «20 пайызбен ипотека беру бізге қызық емес» деген сыңай танытуда. Бұл шантаж да болуы мүмкін. Ондай болса банктер мемлекетті қалпақпен оңай қағып алды деп айтуға болады», - дейді, дереккөз. Банктер ипотекадан бір күнде кетіп қалса, онда бұл нарықта тек мемлекеттік «Отбасы банк» қана қалады. Ал бұл ҚНРДА-ның жалпы қаржы нарығын дамыту, бәсекелестікті арттыру бойынша стратегиясына қайшы нәрсе. Сонда агенттік өзі дамытуы тиіс қаржы нарығын өлтіріп алуы ғажап емес. Банктер биылғы жылдың бірінші тоқсанында 390 миллиард теңгеге ипотека берген. Базалық ставканың жоғары болуынан коммерциялық ипотека пайыздары қымбат болып тұр. Сондықтан кез-келген адам мақұлдау ала бермейді. Ол үшін борышкердің табысы жоғары, басқа кредиттері аз болуы тиіс. Ал жалпы нарықта берілген және төленіп жатқан ипотеканың жалпы сомасы 6,7 триллион теңгеге жетіп отыр. Бұл фундаменталды потолокқа жақындап қалғанымызды білдіреді. Фундаменталды потолок деген не? Кредит алған 9 миллион қазақстандықтың 24 триллион теңге кредиті бар. Оның 6,7 триллион теңгесі ипотека. Отандастарымыздың табысы күрт артпаған жағдайда, олар қазіргі ипотеканың үстінен тағы ипотека қосып ала алмайды. Алдыңғысын жабуы тиіс. Сондықтан ипотека портфелі шамамен 8 триллиондық шекпен тоқтайды деген болжам бар. https://t.me/dalainside

💰Amanat олигархтары. Депутаттың бизнес қабілеті Антикорды да қызықтырды Amanat партиясы депутатының фирмасы Атырау облысында 141 тендерді жеңіп алып, 15 миллиард теңгеге мемлекеттік келісімшарттар алған. Мәжіліс депутаты болып отырған Әділ Жұбанов құрылтайшы болып табылатын «БатысАльянсСтрой» компаниясы 2016 жылдан бері Атырау аумағында сұмдық белсенділік танытуда. Келісімшарттардың басым бөлігі Атырау облысындағы қала құрылыс басқармасы мен түрлі аудандық әкімдіктермен жасалған. Қазіргі таңда фирманы есім-сойы мен әкесінің аты сәйкес келетін Жанабай Жұбанов басқарып отыр. "Әрине, Мәжіліс депутатының өзі бизнес басқара алмайды. Жақын туысына беріп қояды. Бірақ тұтастай алғанда бәрібір оның беделі, таныстығы, сөзі бизнестің жүруінде үлкен рөл ойнайды. Қазір Антикор депутаттардың бизнесін, жүріс-тұрысын бір көзімен бақылап отыр. Әділ Жұбанов ерекше мониторингке әлдеқашан ілінген", - дейді, DALA INSIDE дереккөзі. Болашақта Мәжіліс депутаттарының бизнесіне аудит жүруі мүмкін. Қазір мұндай идея Үкімет қабырғасында бейресми талқылануда. Себебі, Парламент қабырғасында жүрген халық "қалаулыларының" басым бөлігінің артында бизнес бар. Бірер жыл бұрын, депутаттардың жалақысының өсуіне мораторий жарияланғаны есте. Бірақ жалақымен күн көріп жүрген бір де бір депутат байқалмайды. Әсіресе Amanat партиясының депутаттары билікке жақындығын алыс өңірлерде тыныш монетизациялап жатқаны туралы аз айтылып жүрген жоқ. Енді кешенді тексеріс басталуы мүмкін. https://t.me/dalainside

🇰🇿🏦Ұлттық банк азаматтардың 2,5 млрд теңгесін сақтап қалды Ұлттық банктің Антифрод-орталығы ашылғалы бері 2,5 млрд теңге алаяқтардың қолына түспеді. Айта кету керек, бұл орталық өткен жылы банктер, құқық қорғау органдары мен байланыс операторларының басын біріктіріп құрылған болатын. Орталық осы уақыт ішінде 60 мыңнан астам инцидент тіркеді. Кибер алаяқтықта жиі кездесетін жағдайлар – бұл телефон арқылы жасалатын алаяқтық (22%), жалған инвестициялық ұсыныстар және «дропперлік» карталар арқылы жасалатын операциялар (19%). Ұлттық Банк жасанды интеллект технологияларын қолдану арқылы алаяқтық схемаларды болжау мүмкіндігін дамытуды жалғастырып жатыр. Сонымен қатар, антифрод орталығы Бас прокуратура мен байланыс операторларының деректер базаларымен интеграцияланады. Айта кету керек, қазіргі уақытта Антифрод-орталығына 200-ден астам ұйым қосылған. https://t.me/dalainside

🛩️«Қарлығаш D12»: Қазақстан дрон державасына айналуды көздеп отыр Қазақстан Ресей-Украина соғысының тәжірибесіне сүйеніп, өзін өте тиімді жағынан көрсеткен дрон типтерін саралау жұмысын бастап кетті. Тиімді, арзан және құрастыруы технологиялық жағынан оңай дрондарды жақын болашақта конвейерге қою көзделген. «Паутина» операциясынан кейін дрондардың соғыс келбетін өзгерткеніне әскерилердің толық көзі жетті. Көлемі үлкен, бағасы удай қымбат стратегиялық бомбылаушы ұшақтарды құны 100 долларлық шағын дрондар қиратып жатқан картина үлкен держава мен шағын мемлекет арасындағы паритетке үлкен түзету енгізіп отыр. Аспанға бір мезетте миллион дрон жібере алатын шағын мемлекет кез-келген қарсыласқа қиындық туғызады. Біздікілер өз шансын енді түсінді», - дейді, DALA INSIDE дереккөзі. Енді Қазақстан танк, ауыр артиллерия мен снарядтарға ғана иек арта бермей, қаржыландырудың көлемді бөлігін дрондарды құрастыру мен сатып алуға бағыттайтын болады. Дереккөздің айтуынша, дрон құрастыратын өндіріс Қытайға жақын аумақта орналасуы тиіс. Бұл қосалқы бөлшектердің логистикасы мен қауіпсіздік жағынан өте дұрыс шешім. «Бұған дейін Қорғаныс министрлігіндегі ресейшіл басшылық саналы түрде дрондардың соғыстағы маңызын төмендетіп келген еді. Осының кесірінен Қазақстан алтын уақытын жоғалтып алды. Мүмкін қарсыласқа қарсы тұру үшін біздің арсеналымызда алғашқы уақытта 200 мыңдай арзан дрон болуы тиіс. Конвейерлі зауыт ашылса, осы мәселені 1-2 жылда түзетуге болады. Болашақта кемінде 5 миллион дрон ұстап отырсақ, бізге агрессия жасар алдында кез-келген мемлекет ойланады немесе біздің осы дрондарымызды диверсия арқылы құртуға тырысады», - дейді, дереккөз. Бұл ретте Қытаймен технологиялық кооперация аса қажет екені түсінікті. Сол себепті Қытаймен тығыз жұмыс істеген «Қазпошта» компаниясының басшысы Әсел Жанасова Ақордаға алдырылды. Қорғаныс министрі ауысты. Дереккөз енді талантты инженерлер, программистер, жасанды интеллект пен радиоэлектронды режим мамандары бір жерге шоғырландырыла бастайтынын айтады. Қазақстандық әскери FPV дрондардың алғашқы типі «Қарлығаш» деп аталуы мүмкін. Ол толық автономды болады деп күтіуде. Яғни радиоэлектронды күрес қатты дамыған заманда ешқандай байланысқа иек артпай, борттағы жасанды интеллект көмегімен өз бетінше шешім қабылдап, жаудың әскери техникасы, нысандары мен солдаттарын жоя алатын қабілетке ие болуы тиіс. https://t.me/dalainside

💸Депозитке 15 000 АҚШ долларына дейін 100% бонус алыңыз 🔥XM өздерінің 15 жылдығына орай ерекше акция бастады: 4 апта – 4 мүмкіндік. Депозитке 15.000 долларға дейін бонус. Бұрынғыдан да көп табыс табуға дайынсыз ба? 🚀XM — әлемдік деңгейдегі трейдинг платформасы: ▪️ 1000+ сауда құралы; ▪️ Жылдам ақша енгізу/шығару; ▪️ Тегін онлайн дәрістер; ▪️ Миллиондаған пайдаланушы. 📈Тіркеліңіз де, сауданы бастаңыз. Ал ХМ сіздің депозитіңізді екі есе арттырады👉СІЛТЕМЕ #15YearsXM#15YearAnniversaryPromo#TradeMoreGetMore#XM#XMGlobalPromo

🇷🇺🇧🇾Назарбаев Ресей-Беларусь одағының болашағын шеше алмады Назарбаев пен Путиннің соңғы бейресии жеке кездесуінде Қазақстанның Ресей-Беларусь одағына қосылу мәселесі де талқыланған. Дәлірек айтсақ бұл сұрақты Путин қойған, ал Назарбаев "билік менде емес қой" деп жауап берген. DALA INSIDE дереккөзі Путиннің ақсақалдан біраз геосаяси кеңес сұрағанын хабарлайды. "Тоқаев пен Си арасындағы байланыс сөз болды. Путинді Си мырзаның Тоқаевты қаншалықты деңгейде қолдайтыны өте қатты қызықтырады. Бұл оның алдағы біршама маневрлар кезінде Си факторын ескеру керек пе, жоқ па деген сұрағына жауап іздеген түрі болуы мүмкін. Себебі Кремль Қазақстандағы тұңғыш АЭС таңдауы Си Цзиньпиннің пайдасына шешілді деген сигнал алып отыр. Мәскеу Қытайға тікелей қарсы шыға алмайды. Сондықтан ішкі қыжыл бар болса да, бұл шешімді жария түрде қабылдайды", - дейді DALA INSIDE дереккөзі. Осы айда Астанада өтетін "Қытай-Орталық Азия" саммитінде CNNC корпорациясы мен ҚР Атом энергетикасы Агенттігі арасында ғасыр келісіміне қол қойылуы мүмкін. Егер ол жүзеге асса, онда Балқаш жағасында Қытайдың меншікті ұлттық ядролық жобасы - HPR-1000 реакторлары бой көтеретін болады. Путин Назарбаевті араға жарты жыл салып екінші рет қабылдап отыр. Оның алдындағы жеке бейресми кездесу 2024 жылдың желтоқсанында, Нова-Огарево резиденциясында өткен еді. Жалпы бұл кездесулерде Назарбаев Путинге Қазақстандағы ішкі саяси ахуалды, кланаралық тартыстар барысын, кімнің не істеп жүргенін баяндап отыратын сияқты. Бастысы мұндай әрекеттер еліміздің мемлекеттік қауіпсіздігіне қауіп төндірмеуі тиіс. Себебі Назарбаев мемлекеттік құпияны ұстаушы тұлға. Ол кімнің кім, ненің не екенін Қазақстандағы кез-келген адамнан анағұрлым жақсы біледі. https://t.me/dalainside

🗡️Мәсімовтың қылышы үшін күрес басталды Кәрім Мәсімовтың бөлек лотқа қойып сатылатын мүйізден жасалған семсері өзге ұлттың қолында кетпеу үшін, этникалық ауқатты кәсіпкерлер осы аукционға қатысып, Мәсімовтың қылышын сатып алмақ. «Негізі коллекцияда қылыш, семсер, тіпті катана да бар. Кәсіпкерлерді қызықтырып отырғаны - сабы мүйізден жасалған, тарихы терең, бағалы қылыш. Мәсімов ол қылышты бекер алмаған болатын. Болашақта ол сакралды мәнге ие болып, қазақтар үшін Кенесарының басы қандай маңызды болса, бұл да белгілі этникалық топ үшін сондай маңызға ие болуы мүмкін», - дейді, DALA INSIDE дереккөзі. Қазір мүйіз сапты бұл қылыш электронды аукцион реестрінде шамамен 1,3 миллион теңгеге бағаланады. Бірақ аукцион барысында бағасы бірнеше есе өсіп кетуі ғажап емес. «Тіпті 10 миллион теңгеге өссе де, сатып алуға дайын адамдар бар» дейді, дереккөз. Кәрім Мәсімовтың бұл қылышының энергетикалық қасиеті туралы ақпарат бар. Дереккөз президент ретінде өз адамын қойып, өзі Қазақстанды көлеңкеден толық басқарар жоспарын ойлағанда Кәрім Мәсімов осы семсермен серттескен деген қауесеттермен бөлісті. Енді қай кәсіпкер осы қылышқа ие болса, сол өз саласының кем дегенде монополисіне айналады пікірлер пайда бола бастады. Және семсердің өз ұлтының, этносының қарауында қалуы міндетті деген пәтуа да айтылған. DALA INSIDE бұл аукционның барысын бақылап отырмақ. Және мүйіз семсерді қолға түсірген кәсіпкердің бизнестегі болашағы да сараланатын болады. Осы семсер отандық аукциондағы сатып алуға ниет білдірушілер саны бойынша жаңа рекорд қоюы мүмкін. https://t.me/dalainside

🎲Спорт және туризм министрлігінің букмекерлік лоты Антикорға дейін жетті "Nomapay" деп аталатын бұған дейін белгісіз төлем компаниясы отандық банктерге шлюз резервтеу бойынша белсенді түрде ұсыныс жасауда", - дейді, DALA INSIDE дереккөзі. Оның сөзінше, компания өзін банктерге Букмекерлік ставкаларды бірыңғай есепке алу жүйесінің (ЕСУ) операторы деп таныстыруда. Бір қызығы, мемлекет тарапынан бұл жүйенің операторы әлі анықталып, жарияланған жоқ. Жеке компания лот қорытындысы шықпай жатып оның нәтижелерін қайдан білетіні сұрақ тудырады. "2024 жылғы 20 желтоқсанда үкімет 100% мемлекетке тиесілі «Бірыңғай есеп жүйесінің операторы» ЖШС-ін құрды. Ол ЕСУ жұмысын қамтамасыз етуі керек еді. Компания 2025 жылдың 13 қаңтарында тіркелген. Қазір оның жарғылық капиталы мардымсыз, штаты жоқ, бағдарламалық жүйесі де дайын емес. Мемлекеттік сатып алу реестрінде осы жүйеге қажетті ІТ-платформа әзірлеу немесе сатып алу туралы бірде-бір лот жарияланбаған. Салалық Цифрлық даму министрлігі бұл жобаға ресми түрде еш тартылмаған", - дейді, дереккөз. Министрлікке жақын тағы бір инсайдер ЕСУ жүйесінің ешбір қазақстандық IT-компанияны жолатпай, дайын ресейлік бағдарламаны сатып алатынын растап отыр. Сонда бізге СБЕР кейсі сабақ болмаған сияқты. Талантты программистеріміз барда, біреудің қаңсығына миллиардтаған қаржы жұмсауды қашан қоямыз? Бір қызығы министрлік конкурсқа өтініш беруге небәрі бес күн берген. Және оның екеуі демалыс күндері болып шықты. Өз тарапынан Қазақстанның букмекерлер қауымдастығы бұл әрекетті тікелей манипуляция деп атап, қазіргі таңда Антикорға шағым жолдады. Онда конкурстың формалды түрде өткені, іс жүзінде басқа қатысушылардың бәсекелесуіне мүмкіндік болмағаны жазылады. Тіпті балама ретінде қатысқан «Қазпоштаның» даму стратегиясында букмекерлердің төлемдерін өңдеу бағыты қарастырылмаған. "Мемлекеттік оператор қағаз жүзінде ғана бар кезде, "Nomapay" компаниясы банктермен техникалық интеграция процесін бастап кеткен. Олар ірі төлем трафигіне арналған AS210663 автономды жүйесін биыл көктемде тіркеп алған. Төлем ұйымдары қауымдастығының хатында Nomapay компаниясының ресейлік ЕЦУПИС платформасын Қазақстанға технологиялық негіз ретінде әкелмек екені жазылады. Мұны компанияның құрылтайшысы, танымал блогер Айтым Жақыповпен байланыстыруға болады. Себебі оны инстаграмда "брат" деп атап жүрген Умар Кремлев Ресейде дәл осындай ЕЦУПИС жүйесінің иесі болып саналады. Және ол соңғы кездері Жақыповтың жобаларын белсенді түрде қаржылай қолдай бастады", - дейді, дереккөз. Profit.kz бағалауынша, Қазақстандағы заңды букмекерлік ставкалардың жылдық айналымы 1,2 триллион теңгеден асады. Егер осы нарыққа жалғыз оператор бақылау орнатса, небәрі жарты пайыз комиссияның өзі миллиардтаған табыс әкеледі. Сонымен қатар бұл құрылымның қолына миллиондаған клиенттің жеке деректері мен банктік төлем ағынын қайта бөлетін тетік те түспек. 2021 жылы осыған ұқсас ЦУС жобасы іске қосылмақ болғанда, ол жемқорлық дауына ұласып, қылмыстық іс қозғалған еді. Сол кезде министрлік өкілі Hermès сөмкесі түрінде пара алып, жеке делдалдық компанияны лоббилегені үшін ұсталған. Қазіргі жағдай тура сол оқиғадан аумайды. Өте жылдам өткізілген конкурс, қағаз жүзіндегі мемлекеттік компания және оның артында тұрған ықпалды күштердің көлеңкесінен-ақ ескі сценарийдің "Жаңа Қазақстан" дәуірінде қайта жаңғырғанын байқаймыз. Жалпы бұлайша қаржы бақылауын сыртқы құрылымдарға берудің салдары ауыр болуы мүмкін. Мысалы, Беларусь 2020–2022 жылдары ресейлік банктерге (Сбербанк, ВТБ, ВЭБ) экономикалық тәуелді болып қалғандықтан, Ресейге қарсы санкциялар сол елдің де қаржы жүйесін күйретті. Елдің ішкі жалпы өнімі 4,7 пайызға төмендеп, SWIFT жүйесіне кіру құқығынан айырылды. Экономикасы 10 жыл бұрынғы деңгейге шегінді. Ал 1990 жылдары Шығыс Еуропада Батыс банктерінің жаппай экспансиясы капиталдың шетелге кетуіне, несие саясатына бақылаудың жоғалуына әкелді. 2008 жылғы дағдарыс кезінде бұл елдер әлдеқайда қатты зардап шекті. Қаржы ағындарын кім бақылайды, экономикаға сол иелік етеді. Ал экономиканы басқаратындар саясатты да реттеп отыратыны айдан анық. https://t.me/dalainside

🪄"Ұзын құрық" операциясы: Алматының ірі кландары жаңа әкімді бірден қоршауға алмақ Алматыда ірі құрылыс жобаларын жасап жатқан алпауыт кландар жаңа әкім Дархан Сатыбалдыға кімнің кім екенін бірден білдіруге тырысты. Сатыбалдының ағалары жүргізетін құрылыс бизнесі туралы ақпараттардың телеграм арналарда бір мезетте шыққаны бар, одан кейін халықпен кездесуде "қызық" сұрақтардың қойылатыны бар, барлығы алдағы келіссөздерге дайындық сатысына ұқсайды. "Кландардың бұған дейін әкім болған Ерболат Досаевқа тісі бата алмады. Досаев оларға көмектеспеді, бірақ қатты жолдарын да кеспеді. Бейресми статус-кво болды. Енді кландарға келесі циклдің тендерлері керек. Сол үшін олар алдымен жаңа әкімге өздерінің ықпалы мен мүмкіндіктерін білдіріп, одан кейін ғана келіссөздерге келеді. Бұл олардың сүйікті тактикасы", - дейді, DALA INSIDE дереккөзі. Алматы - Орталық Азия бойынша бюджеті ең көп мегаполис. Сондықтан бұл жерге ең азулы деген девелоперлер жиналған. Тендерден үлкен табыс алуға болады. Олардың мұндай сигналын Дархан Сатыбалдының қалай қабылдайтыны белгісіз. "Дархан Сатыбалдыны ағалары туралы ақпаратпен түрту абсурд. Өйткені ол бұған дейін де біршама өңірде әкім болды. Бұл мәселені ашық айтып, нүктесін қойып тастаған болатын. Кландардың басқа ілігі болмай тұрған сияқты", - дейді, дереккөз. Дархан Сатыбалды кезінде көпбалалы отбасыдан шыққандығын, жеті ұл, бір қыз болғанын өзі ашық айтқан болатын. Әкім отбасының кішісі. Ағалары 90-шы жылдардан бастап бизнес бастаған, саудамен көтерілген кәсіпкерлер. Дархан Сатыбалдының оларға еш ықпалы да, әсері де болмаған. Керісінше олар кесір тимесін, сөз келмесін деп Сатыбалды әкім болып отырған өңірлерде мүлде жұмыс істемейді. Демек, Сатыбалдының ағалары құрған SAT құрылыс тобы Алматы бойынша тендерлерге қатыспайды. Сондықтан кландардың бәсекелестік бойынша уайымы негізсіз. Ақпараттық соғысты абайсыз бастап қойғандар "артық қыламын деп, тыртық қылып" жіберген сияқты. https://t.me/dalainside