DALA INSIDE

💥 Жаңбыршин бастаған бір топ депутат атышулы Мухоряповтың үстінен арыз берді! Мәжілістегі "Жаңа Қазақстан" депутаттық тобының мүшелері "кәсіпкер ел тыныштығына нұқсан келтірді" деп санайды. Бұл топ президент Тоқаевтың пәрменімен құрылғанын ескерсек, Мухоряпов қазірдің өзінде қораға кірді деуге негіз бар 😁

🔥⬆️ Мухоряповтың жауапқа тартылуын талап еткен петиция 5 мыңнан артық қол жинады!

💥🫵 Мухоряповтың жауапқа тартылуын талап еткен петицияға 5 мыңнан артық адам қол қойды! Сонымен кешеден бері Chocofamily компаниясының негізін қалаушы Рәміл Мухоряповтың қазақ тіліне қатысты айтқан сөзі желіде дау туғызды. Фейсбук әлеуметтік желісіндегі Мухоряповтың жауапқа тартылуын талап еткен петицияға 5 мыңнан артық адам қол қойып үлгерді. "Шындықтан қаша алмайсың" паблигінде желі белсендісі Шадияр Олжай атты азамат "Мухоряповтың жазаға тартылуын талап етейік! Қазақ деген ұлтты мазақ қылғаны үшін жауап берсін" деп жазба қалдырды. Қазірдің өзінде жазбаға 5 мыңнан артық лайк басылып, 1 мыңнан аса пікір қалдырылған. Секунд сайын петицияға қосылушылардың саны артып келеді. Демек, бұл қазақ тілді аудиторияның барын және ана тіліміз үшін күресетінін көрсетті. Енді желі белсендісі 5 мың лайк жинаған, былайша айтқанда 5 мың адам қол қойған постты петиция түрінде жоғарыға жолдағалы отыр. Қазақтілді қауым кәсіпкерге тиесілі компаниялардың қызметінен жаппай бас тартуда. https://t.me/dalainside

🏦Қаржы пирамидалары – қазақстандықтар ақшаларын қайда салмауы тиіс? Желге шашылған инвестиция. Қаржы мониторинг агенттігінің мәліметі бойынша, 2022 жылдың алғашқы 5 айында 17 мың қазақстандық қаржы пирамидаларына түсіп, оған 27 миллионнан астам жеке қаражаттарын салған болды. Оған қоса қаржы мониторинг органдары 24 қаржы пирамида жайлы мәліметтерді сотқа дейінгі тергеу аясында бірақ алған болды. Шынында салымшылардың шығыны әлдеқайда көп. Бүгінде қаражатты қайда салудың қажеті жоқ және қаржылық пирамиданы қалай тану жолдарын талдайтын боламыз. 😢Жасырыну Пирамида ұйымдастырушылары жиі адамдарды акцияларға, жылжымайтын мүлікке немесе криптовалютаға қаражаттарын салуды ұсынатын желілік маркетинг немесе инвестициялық компаниялар секілді жұмыс жасап, жасырынады. Шындығында, жаңа салушылардың ақшасы инвестициялық жобаларға немесе бағалы қағаздарға жетпейді, керісінше пирамиданың бұрынғы қатысушыларының дивидендтік кірісіне айналады. Адамдар мен ақша ағыны біткен бойда пирамида құлайды. Қаржы пирамидасының белгілері: ▫️Қаржы реттеулерге сай Қаржы мониторинг агенттігінің лицензиясының жоқтығы; ▫️Олар айына немесе жылына 20-35% -дан астам табысқа уәде береді. Тіпті ірі инвестициялық компаниялар да банктік депозиттер бойынша сыйақыдан бірнеше есе жоғары табыс алуға уәде бере алмайды (жылына 12-15%). Мысалы, Halyk Finance және Jusan Invest өз клиенттеріне мұндай жоғары табысқа кепілдік бермейді. Кірістілік неғұрлым жоғары болса, инвестицияларды жоғалту қаупі соғұрлым жоғары болады екенін ұмытпау керек; ▫️Сізді басынан бастап қосымша бонустар алу үшін, жобаға жаңа қатысушыларды тартуға ұсынады; ▫️Компания өнімдерін сату үшін, бірінші реттен үлкен көлемдегі міндетті жарнаны қажет етеді. Бұндай талап оларды желілік маркетинг көрінісін жасауға көмектеседі; ▫️Кірістерді төлеу схемасы анық емес немесе тым күрделі. Кейде ақшаны алу үшін тым көп талаптарды орындау қажет; ▫️Олар пайда табуға 100% кепілдік береді. Алайда ешқандай заңды инвестициялық әдістер толықтай табысқа кепілдік бере алмайды. Инвестициялар әрқашан тәуекелдерге байланысты, сондықтан оның келешегін болжау өте қиын. 🤔Тұзаққа қалай түсіп қалмауға болады? Өзіңізді алаяқтардан қорғанып және жинаған ақшаңызды бекер қаржы пирамидасына салмау үшін, Қаржы нарығын реттеу және дамыту агенттігінің (ҚР АРҚР) сайтында ұйымды тексеріп, тиісті лицензиясы болуына көз жеткізу керек. Сондай-ақ, АХҚО веб-сайтында жалпыға қолжетімді фирманың немесе жеке тұлғаның қаржы орталығындағы уәкілетті немесе тіркелгенін көрсететін тізілімдер бар. Қазір компаниялардың көбісі өздеріне сенімділігін арттыру үшін, АХҚО лицензиясына ие болып, адамдарға кепілдік ретінде ұсынады - сіз оны publicreg.myafsa.com/authorized/ веб-сайтында тексеруіңіз жөн. 🖊️Жарқын мысалдар «Grand 24 Lombard» қаржы пирамидасының кесірінен 17 мың қазақстандықтар зардап шекті, келтірілген шығын көлемі 30 миллиард теңгеден асады. Алаяқтылық жылжымайтын мүлік пен автокөліктерді нарықтық бағадан 20%-ға жоғары бөліп төлеуге сатып алыну арқылы өткен; Финико қаржы пирамидасының кесірінен, ақ көңіл халық 5,9 млрд теңгеге жуық жинағынан айырылды. Адамдарға салған соманың 150% дейін ай сайынғы сыйақыға уәде берді, айта кетсек ең төменгі жарналары $500 құрады; Құрамына «Мударабах Капитал» ЖШС, «Мушараках Капитал» ЖШС және тағы басқалар кіретін «ACD Technology» ЖШС 290-нан астам қазақстандықты 8,5 миллиард теңгеге алдап кеткен. Ай сайынғы уәде етілген табыс, салым сомасының 20 пайызын құрады. 👨‍💼Қалай күресіп жатыр? Қаржы мониторинг агенттігінің міндеті күдікті инвестициялық компанияларды алдын ала анықтау және қызметіне жол бермеу. Алайда шынында жұмыс мыңдаған қазақстандықтар алаяқтардын құрбаны болғаннан кейін бірақ басталады. Қазіргі таңда жеке сақтандық үшін, ҚР ҒЗО сайтында қаржылық пирамида белгілері бар ұйымдардың үнемі жаңартылып отыратын тізімімен танысуға болады. Сондай-ақ, сенаторлар екі оқылымда қаржы пирамидасын ұйымдастыру және оларға жарнама жасауға қатысты жаңа заң жобасын мақұлдап, Мемлекет басшысының қол қоюын күтуде. @findala

🔥👆 Атышулы Рәміл Мухоряпов бизнестегі беделді жігіттерден сөз ести бастады

💥🇰🇿 Тіліңе ие бол, Рәміл! Қазақ кәсіпкерлері жалпыұлттық бойкотқа қосылды Атышулы Рәміл Мухоряпов бизнестегі беделді жігіттерден сөз ести бастады. Сырымбек Тау, Дулат Тастекеев сынды азулы азаматтар мемтілді менсінбейтін Мухоряповқа жақсылап тұрып жауап қатты. "Балақтағы бит басқа шықты! Жаңа Қазақстанда тілді таптаған, қорлаған адамдарға қатаң шара қолданылу қажет...", – деді Сырымбек Тау. Ал Дулат Тастекеев қазақ тілін қажетсінбейтін Рәмілге "тілін тартып сөйлеуге" кеңес берді. Күні кешегі жағдай Рәмілше пайымдайтын біраз адамды тәубесіне түсірген. Бұлар бұдан кейін қазақтілді ортаның қас-қабағына қарап сөйлейтін болады. Тау мен Тастекеевтің тандеміне қазақтілді бизнестің өркендеуіне мүдделі өзге де кәсіпкерлер жаппай үн қосып жатыр. Елдің алдында қадірі кетіп, қазақтілді аудиторияның қарғысына ұшыраған Рәміл Кремльдің агрессорлық саясатын қолдайтын болып шықты. 😤 Әлемжеліде таралып жатқан скриндер Мухоряповтың "путиншіл" позициясын әшкерелеп берді. Рәмілден ендігі кезекте бизнес - әріптестері де бас тарта бастауы мүмкін. Олар Мәскеудің агрессорлық саясатын ақтайтын адаммен істес болғанды қаламайтыны анық. Ал Сырымбек Тау мен Дулат Тастекеевке Мухоряпов босатқан вакуумды толтыратын кез келгендей. Chokolife қосымшасынан жаппай бас тартып жатқан қазақтілді қауым қазақша қызмет көрсететін осы тектес сервиске мұхтаж. https://t.me/dalainside

🆘❗️ Мухоряповтың мемлекеттік тілге неліктен қарсы болғанын осыған қарап-ақ түсінуге болады. Айналамызда "путинизммен" ауыратындар толып жүр...

💥⬆️ "Мухоряповтың сөзінде шовинистік көзқарас анық көрініп тұр. Қазақтар оны тәубесіне түсірді!..", - дейді заңгер Ләззат Ахатова.

🧨⚖ Мухоряповтың пікірінде шовинизм белгілері бар ма? Бұған танымал адвокат Ләззат Ахатова жауап берді. Dalanews.kz тілшісімен сауалдасқан заңгер Мухоряповтың үстінен бір адам емес, қоғам болып арыз түсіру керектігін жеткізді. – Ләззат Кендебайқызы, Мухоряповтың ресейліктермен болған кездесуде айтқан пікірінде шовинизмнің белгілері бар ма? – Меніңше, шовинистік көзқарас пен пиғыл анық көрініп тұр. Менмендік, мәдениетсіздікті өзі көрсетті. Қазақстанда тұрып, қазақ тілін сыйламады. Шынтуайтына келгенде, оның тауып отырған табысы қазақстандықтардың арқасында келіп отыр. Қазақ аудиториясының ақпараттық шабуылы әжептәуір соққы болды деп ойлаймын. Журналист Айбар Олжай прокуратураға арыз түсіріпті, Дәулет Мұқаев та шабуыл жасапты. Ертең мен де Қылмыстық кодекстің 174-бабы бойынша арыз түсіремін. Мұнда әкімшілік іс те бар. Ол алауыздық тудырып отыр. Бір адам емес, қоғам болып кірісуіміз керек. Ресми арызға ресми түрде жауап береді деп ойлаймын. – Іле-шала Chocolife басшысы Рамиль Мухоряпов кешірім сұрады. Осы бізде кешірім сұрай салу әдетке айналған жоқ па? – Кешірім сұраған бейнежазбасын көрдім. Біреу қазақша шала-шарпы жазып берсе керек. Соны оқып берген сияқты. Міндетті түрде жазаға тартылуы керек. Бәлкім, үлкен мөлшерде айыппұл салу керек пе? Мұндайлар қалтасына салмақ түссе ғана ойланады. Қазақтілді аудитория телефондарынан қосымшасын өшіріп тастап, қаншама адам байкот жариялады. Өте дұрыс! Тәубесіне түсті ғой. Кешірім сұрағанының өзі соны білдіреді. Бұлар әбден басынып алған. Осындайда өзіміздің мәңгүрт қазақтарға өкпелеймін. Кейде өз тілімізді өзіміз сыйламаймыз. Қазақша сөйлесең, орысша жауап береді. Содан кейін Мухоряпов сияқтылар «Қазақтың өзі ана тілін сыйламай жатса, бізге не керек?» демей ме? Егер қайда жүрсек те, қазақ тілін бәрінен биік қойып, өз тілімізді қадір тұтсақ, ешкім басынбайтын еді. Сол Мухоряпов басқа елде солай айтып көрсінші!? Біз тек айтып қана қойсақ, «Бұлар шулап-шулап қояды» дейтін еді. Шағым, арыз түсіріп, қосымшасын жойып тастап едік, 💵 қалтасына салмақ түсті. Қомақты табысынан айрылды. Қаржылық соққы болды. https://t.me/dalainside

🙅🇰🇿Қазақтар бизнесмен Рамиль Мухоряповтың Choco өнімдеріне бойкот жариялады Мухоряпов елге қашып келген ресейліктермен өткен кездесуде "егер сіз орысша сұрап, сізге қазақша жауап берсе, сол адам ұлтшыл және оның мәдениеті төмен" деп қадап айтты. Бір қызығы, Қазақстанда орысша білмейтін, сөйлеуге қиналатын адамдардың да баршылық екенін ол ұмытып кеткен сияқты. Және қазақ тілінің мемлекеттік тіл болып саналатынын, демек біздің осы елде қазақша сөйлеуге моральді құқығымыз бар екенін Рамиль Мухоряпов жоққа шығарып тастады. Бас прокуратура Мухоряповтың бұл сөздерін ҚР Қылмыстық Кодексінің 174 бабы бойынша тексере алады. Тек ол үшін оның үстінен кез-келген Қазақстан азаматы шағым түсіруі тиіс. Рамиль Мухоряповтың Chocofamily Holding қызметіне Chocolife.me купондары, Chocotravel авиабилет сервисі, Chocomart.kz, Lensmark.kz интернет-дүкендері, Chocofood.kz тағамға тапсырыс беру және жеткізу қызметі, iDoctor.kz дәрігер іздеу сервисі мен кэшбэк алуға арналған Рахмет мобильді қосымшасы кіреді. 2021 жылдың қортындысы бойынша холдинг выручкасы 17,8 миллион долларға жетті. Choco өнімдерін тұтынбай, толық алмастыруға болады. Қазақ аудиториясы Chocolife.me купондарын BeSmart-қа, Chocotravel авиабилет сервисін Kaspi Тревелге, Chocomart.kz, Lensmark.kz интернет дүкендерін Kaspi.kz дүкеніне, iDoctor.kz дәрігер іздеу сервисін Doq.kz сервисіне, Рахмет кэшбек мобильді қосымшасын Dosmart қосымшасына алмастыра алады. Әрине, Мухоряповтың ертең кешірім сұрайтыны анық. Бірақ "айтылған сөз - атылған оқ". Қазақ аудиториясының көңілін қалтыру бизнеске де, имиджге де бәрібір салқынын тигізбек. https://t.me/dalainside

🇷🇺📈Қазақстан экономикасында 88 миллиард Ресей рублі бар Оның 40 миллиард рубльден астамы бізге соңғы 3 айда келген. Бұл туралы ҚНРДА есебімен танысқан LS басылымы жазады. Теңгелей шақсақ - бұл 678,2 миллиард. Экономикаға қатты қысым көрсетпесе де, шағын ықпалы бар. Капиталдың ағуы инфляцияға да жағымсыз әсер берді. Маусым айының соңында барлық шетелдіктер (оның ішінде ресейліктер де бар) Қазақстан банктерінде сақтап отырған ақша көлемі 410,7 миллиард теңге болды. Ал жыл басында ресейліктердің біздің банктерде ұстаған қаражаты 145,6 млрд теңгені (25,3 млрд рубль) құраған еді. Рубль массасы артып бара жатыр, дәлірек айтсақ 1 қаңтар мен 10 қазан аралығында рубль көлемі 3,5 есеге өсті. Қыркүйектің басында Қазақстандағы банк депозиттерінің жалпы көлемі 28,2 триллион теңгені құрады. Оның ішінде ресейлік капиталдың үлесі 2 пайыздан асып отыр. https://t.me/dalainside

🐄Екі емес үш сиыр. Қазақстан бюджеті өзі сауатын үш сауын сиырды ресми түрде бекітті Қазақстан Парламенті «Республикалық және облыстық бюджеттер, республикалық маңызы бар қалалар, Астана бюджеттері арасындағы 2023 - 2025 жылдарға арналған жалпы сипаттағы трансферттердің көлемі туралы» заң жобасын мақұлдады. Заң жобасында үш донор өңір бекітілді. Олар - Алматы мен Астана қалалары және Атырау облысы. Осы үш өңір өзара қосылып бюджетке 2023 жылы 426 миллиард теңге, 2024 жылы 465 миллиард теңге, ал 2025 жылы 498 миллиард теңге беруі тиіс. Байқасаңыздар, жыл санап жүктері ауырлай түседі, яғни 30 миллиардтан көбейіп отырады. Ал қалған 17 өңір осы үш донорды емеді. Олар 2023 жылы 5 триллион теңге, 2024 жылы 5,3 триллион теңге, ал 2025 жылы 5,8 триллион теңге болатын бюджеттік субвенциялар алмақ. Әсіресе, жаңадан құрылған үш облысқа бюджет көбірек бөлінуде. Жалпы, 2023 жылы бюджеттің шығындары 23 триллион теңгені құрайтын болады. https://t.me/dalainside