DALA INSIDE

😉 Әйелдер? Олар баласын бақытты ететін адамға дауыс береді... "Аналар кеңесінің" төрайымы Нәзипа Шанай ханым сөй деп тұжырым жасапты. Аналардың таңдауы кімге түседі деп ойлайсыз? 🤔 https://t.me/dalainside

🌅Қазақстан мұнайының алтын дәуірі өтіп кетті ме? 2022 жылдың қортындысы бойынша қауіпті трендке тап келетін боламыз. Ол Қазақстандағы мұнай өндірісінің жыл сайын қысқаруы. Біздің тарихи рекорд - 90 миллион тонна мұнайға тек 2019 жылы қол жеткіздік. Содан бері мұнай өндіруді азайтып келеміз. 2021 жылы – 87,5 млн тонна өндірсек. 2022 жылға қойылған жоспар – 85,7 млн ​​тонна. Оның өзі қысқаруы мүмкін. Себебі Каспий құбыр консорциумының бітпейтін проблемалары, Қашағанның жөндеуден өту үшін жартылай тоқтағаны біздің өндірістік көлемге кесірін тигізуде. Осы ретте, 2030 жылдан кейін әлем бойынша мұнайдың позициясы әлсірейді деген болжамдардың көбейіп бара жатқаны жасырын емес. Бірақ әлем сутегіге өтсе де, Қазақстан тасада қалмайды. Қазір Ақтау мен Каспий мұнайдың емес, сутегінің ошағына айналуға әрекет етуде. https://t.me/dalainside

📊Теңге күшеюін қарашаның ортасына дейін жалғастыра алады Максимумдар жаңармайды, бірақ тренд теңгенің күшеюі бағытында келеді Салық аптасы (валюталық выручканы теңгеге айырбастау) мен базалық ставканың 16 пайызға өсуі ұлттық валютаға дем беріп отыр. Бүгінгі КАSE сессиясының қортындысы бойынша теңге 460,56 USD/KZT деңгейіне тұрақтады. Ал айырбастау бекеттері долларды 468 теңгеден қабылдап, 464 теңгеден сатуда. Екі апта конвертация кезеңін көреміз және базалық ставканың өсуінен теңгелей салымдарға деген қызығушылық артты. Ол долларизацияны кері бұра алады. Бұл ретте Ұлттық Банкке интервенция жасамауға жақсы мүмкіндік пайда болды және нарық тұрақтала бастады. https://t.me/dalainside

🏦📈Ақшаны теңгемен қалай тиімді сақтау жолдарын айта отырайық Бүгін Home Credit Bank банктік депозит сертификаттарын алушыларға арналған «Екі еселік пайда» акциясын бастады. БДС сатып алушыларға, сомасына қарай банк түрлі бағалы сыйлықтар тарту етеді: 👉 9 000 000 теңгеден 14 999 000 теңге сомасына БДС алсаңыз - Samsung Galaxy A03 Core смартфонына ие боласыз; 👉 15 000 000 теңгеден жоғары сомаға БДС алсаңыз –Lenovo немесе HP ноутбугын сыйлыққа аласыз. Акция шарттары қандай? ✔️ Сыйақы мөлшерлемесі: теңгелей жылдық 17,5% (нарықтағы ең жоғары сыйақы) ✔️ Шарттың мерзімі – 12 ай ✔️ БДС сомасы 500 мың теңгеден басталады. Оны банк бөлімшелері мен мобильді қосымшада да ашуға болады ✔️ Сыйақы БДС ұстаушының шотына ай сайын аударылады * * Маңызды! Сыйақы ағымдағы шотқа немесе дебет картасына аударылады. Төленген сыйақыны клиент кез-келген уақытта қалауынша жарата алады. БДС-тың банк депозитінен айырмашылығы – мерзімі біткенше ақшаны шеше алмайсыз және толықтыра алмайсыз. Сертификат ашқаннан кейін мерзімді тосу керек. Себебі, мерзімінен бұрын шарт тоқтатылса сыйақы төленбейді. Егер, шартты уақытынан бұрын бұзсаңыз, онда сіздің БДС сатып алған сомаңыз шарт бұзғаннан бастап 31-ші күнтізбелі күні қайтарылады. Акцияға кімдер қатыса алады? Жеке тұлғалар – ҚР азаматтары мен азаматтығы жоқ тұлғалар * БДС - атаулы, эмиссиялық емес бағалы қағаз. Ол банк салымы болып саналмайды және «Қазақстанның депозиттерге кепілдік беру қоры» АҚ тарапынан кепілдендірілмейді. Өз арманына үздік сыйақы мөлшерлемесімен ақша жинап, және ол үшін бағалы сыйлық алу - Home Credit Bank тарапынан берілген тамаша тарту. 🎉 Осы тиімді ұсынысты 2022 жылдың 31-ші желтоқсанына дейін пайдаланып қалыңыздар! https://home.kz/kk/others/deposit-certificate

🇰🇿Қазақ тілі «тілдер иерархиясының» жүздігінен шығып кетуі мүмкін бе? Бүгін әлемде 5000-7000-ға жуық тіл бар. Өкінішке қарай, жыл өткен сайын өлі тілдер қатары көбейіп жатыр. Қазақ тілінің әлемдік және мемлекеттік деңгейде жай-күйі қандай Дүниежүзілік рейтингте нешіншіміз? Қазір әлемде мойындалған 200-ге таяу мемлекет бар. Бір өкініштісі, осыдан 10-12 жыл бұрын әлемдегі кеңінен қолданылатын тілдердің жүздігінде шамамен 70-ші орында болған қазақ тілі кейбір рейтингтерде 89 орынға сырғыған. Керісінше, еліміз тәуелсіздік алғаннан кейін кеңінен дамуы тиіс тіл неге мұндай күйге түскен?! Халықаралық зерттеулер қаншалықты бейтарап? Мұндай кері кету үрдісі орыс тіліне де тән. Сарапшылардың алдағы уақытта орыс тілінің орнын әлемдік рейтингтерде түрік тілі басады деген болжамы бекер емес. Жалпы, жүздікке төрт түркі тілі кіреді: әлемдік тілдерді зерттейтін Еthnologue анықтамалығының дерегіне сенсек, бұл жүздікте түрік тілі – 20 орында, өзбек тілі – 54 орында, әзірбайжан тілі – 82 орында, қазақ тілі – 89 орында. Бір қызығы, әлемдік рейтингте қазақ тілін қолданушылар саны 12 934 060 адам, яғни, «native speakers» ретінде көрсетілген. Ал Әзірбайжанның халық санағы бойынша, елде 10 млн астам адам тұрады, ал тілді қолданушылар саны 13 813 750 деп көрсетілген. Яғни, сырттағы әзірбайжандарды да санаған. Енді қараңыз, 2009 жылғы әлемдік зерттеулерде қазақ тілін білетіндер саны 17,8 млн адам деп көрсетіліп, онда Қазақстаннан бөлек, Қытай, Моңғолия, Ресей, Өзбекстан, Қырғызстанда тұратын қазақ саны ескерілген. Әлбетте әр елдің өз саясаты бар. Бұл тұрғыдан Ресей мен Қытайда тұратын қазақтардың статистикалық көрсеткіштері бұрмалаланады деп талай жазылды. Өкінішке қарай, бауырлас елдерде де мұндай үрдіс жоқ емес. Тіпті, мемлекеттік саясатқа сәйкес, ұлтын өзбек деп көрсетуге мәжбүр болған қандастарымыз қаншама?! Неге америкалық зерттеушілер соңғы статистикалық мәліметке сырттағы қазақ санын кіргізбеген? Жалпы, Қазақстан үкіметі сырттағы қазақтың санын біле ме? Бұл да бөлек зерттеуді талап ететін тақырып. Қазақстандағы жағдай қалай? Әрине, билік те, қоғам белсенділері де Қазақстан дербес мемлекет болғалы тілдің ахуалы әлдеқайда жақсарды дейді. Шынтуайтында, басқа посткеңестік елдерге қарағанда Қазақстанда орыс тілінің бұрынғы империя тілі ретіндегі ықпалы әлі де жоғары әрі оның іс жүзінде іс-қағаз, саясат, бизнес тілі боп отырғаны жасырын емес. Жақында қоғамда үлкен резонанс туғызған «Мухоряпов дауы» да тілдің қаншалықты ауыр да өзекті тақырып екенін көрсетті. Президент Қ.Тоқаев өз сөзінде «Қазақ тілін меңгеру – біртұтас ұлт болу жолындағы айрықша маңызды қадам» деген еді. Яғни, мемлекет, үкімет үшін елдегі 20 млн халықты қазақша сөйлету – уақыт күттірмейтін мәселе болуы тиіс. Ал қолданушылары 20 миллионға жеткен тілдер жоғарыдағы рейтингтің Топ-жетпістігінде жүр. Соңғы санақ қазақстандықтардың 80 пайызының мемлекеттік тілді меңгергенін аңғартты. Мемлекеттік тілді меңгермеген адам саны – 3 426 306 адам, оның ішінде орыс диаспорасының қатарында 2 млн 113 мың адам тілді меңгермесе, 708 мыңнан астамы қазақша сөйлейтінін жеткізіпті. Бірақ күнделікті қазақ тілін 262 мың орыс қана қолданады екен. Сол сияқты қазақтың 11 млн 861 мыңнан астамы тіл білсе, 45 мыңнан астамы ана тілін білмейтінін ұят болса да мойындаған, бірақ 7 млн 550 мың қазақ азаматы тілді күнделікті қолданады. Тілдің жағдайын қалай жақсарта аламыз? Біздің Президент, Үкімет, Парламентке ұсынысымыз, мемлекеттік тілдің Қазақстан мен жалпы әлемдік рейтингтердегі жай-күйін жақсарту үшін қазақ тілін қолдайтын халықаралық ұйым қажет-ақ. Мәселен, Францияның Франкофония ұйымы, Түркияның Юнус Эмре институты, Германияның Гете институты, т.б. тілді дамытудың, мәдени байланыстарды тереңдетудің ең айшықты мысалдары боп саналады. Байқауымызша, қазір әлемнің түкпір-түкпірінде Димаштың тыңдармандары мен фанаттары қазақ тілін интернет арқылы үйреніп жатыр. Неге осы үрдісті барынша қолдамасқа? Сіз не ұсынар едіңіз? Жазба авторы: Камшат Тасболат Сілтеме: https://www.facebook.com/100004251301120/posts/pfbid029rDeDeP7kDUVDKqJ4zwncaYFMto61Q1nt7WJQcNvMgEofB1nhXoUAGpMPH3AeJJQl/

Қазақ тілінің мазмұнын байытуға қызмет етіп жүрген “Мазмұндама” жобасы туралы не білеміз? https://youtu.be/dUlzbPXTtXU

📊Chevron Қазақстаннан жақсы табыс ала бастады Шеврон биылғы үшінші тоқсанның қаржылық қортындысын шығарды. Американ алпауыты осы кезеңде 11,2 миллиард доллар таза пайда көрген. Оның 2 миллиард доллар табысы Қазақстаннан, яғни "Теңізшевройл" біріккен кәсіпорнынан түсіп отыр. Бір сөзбен айтқанда, таза пайданың 18 пайызы Қазақстаннан келді. Шеврон биыл осы үш тоқсанды қосқанда 29,1 миллиард таза пайдаға кенелді. Егер Қазақстанның үлесін 18 пайызбен есептесек, онда биылғы жылдың 9 айында Қазақстан бағыты Шевронға 5,2 миллиард доллар пайда әкелді. Фьючерс нарығының тұрақталғанын және КТК құбырының осы қарашада толық жұмыс істей бастайтынын (Энергетика министрлігі осылай деп ант-су ішіп отыр) ескерсек, Теңізшевройлдың соңғы тоқсандағы табысы биылғы рекордты жаңартуы тиіс. Сонда Қазақстан мұнайы Шевронға биыл минимум 7-8 миллиард доллар таза табыс беретін болады. Бұл біздің Ұлттық Қордағы бар ақшаның 16 пайызы. Теңізшевройл тек Шевронға ғана пайда әкелмейді. Біріккен кәсіпорынның 20 пайызы "ҚазМұнайГаз" ұлттық компаниясы арқылы мемлекетке қарайды. Онымен бірге, ТШО барлық салықтарын Қазақстанға төлейді және бір өзі жыл сайын біздің бюджеттің 40 пайызын береді. Осы тұрғысынан - Шевронның Қазақстанда болуы Шевронға да, Қазақстанға да өте тиімді болып отыр. https://t.me/dalainside

📈🏦Home Credit Bank теңгедегі депозиттер бойынша жылдық тиімді мөлшерлемені 17,5%-ға дейін өсірді Қазақстан Республикасы Ұлттық банкі базалық мөлшерлемені көтергеннен кейін Қазақстанның депозиттерге кепілдік беру қоры екінші деңгейлі банктерге депозит мөлшерлемесін көтеру бойынша ұсыныс білдірді. Чехиялық Home Credit Bank – отандық банктердің ішінен алғашқылардың бірі болып, ұсынысты жүзеге асырып отыр. 29-шы қазаннан бастап, Home Credit Bank депозиттер мен депозиттік сертификаттар бойынша 17,5% көлеміндегі ең жоғары жылдық тиімді мөлшерлемені бекітеді. Сонымен қатар, банк жыл басынан бері төртінші рет «Простой» депозиті бойынша жаңа салымшылар үшін ғана емес, өзінің бар клиенттеріне мөлшерлемені автоматты түрде көтеруде. Оның үстіне, банк тарапынан мөлшерлемені көтеру Депозиттерге кепілдік беру қорының хабарламасынан кейін келесі күні автоматты түрде жасалады. Бұл жолы «Простой» депозиті бойынша жылдық тиімді мөлшерлеме 15,5%-ға дейін өсті. Депозиттерді банк филиалдарында ғана емес, Home Credit Bank мобильді қосымшасында немесе веб-сайтында да онлайн ашуға болады. https://home.kz/kk/deposits

📊Мұнайға тәуелділік қашанға дейін жалғасады? Қазақстан өз бюджетінің 40 пайызын мұнайдан түскен табыс арқылы жауып отыр. Одан бөлек, мұнай рентасы Ұлттық қорға да аударылады. Бір сөзбен - мұнай біздің барымыз және егер қара алтын бітіп қалса, немесе ол ешкімге керек болмай қалса - біздің қалай өмір сүретініміз мүлде түсініксіз. Үкімет жоспары бойынша 2025 жылы бюджет табысының 78,2 пайызы мұнайға қатысы жоқ салалардан түсуі тиіс. Бірақ - ол қандай салалар? Бұл жағы ашық айтылмайды. Мысалы, келесі жылға арналған бюджет бойынша салық және басқа да көздерден 17,8 триллион теңге түсуі тиіс. Ал бюджеттің шығыстары 21 триллион теңгені құрайды. Арадағы 3,2 триллион теңге дефицит тағы да Ұлттық қор есебінен жабылмақ: 2,2 триллион теңге кепілдендірілген трансферт, ал 1 триллион теңге нысаналы трансферт. Мұнайдан басқа бізге не ақша әкеледі? Салық үлестеріне қарасақ, мұнайды алып тастағанда біз сервис пен сауданың арқасында күн көріп отырмыз. Алматы таза сервис пен сауда салықтарын, Астана ірі квазимемлекеттік компаниялар салықтарын, ал Атырау мұнай салығын беріп отыр. https://t.me/dalainside

💥🇰🇿 Президент Тоқаев: "Сыртқа шығарылған капиталды елге қайтармай тынбаймыз. Бұл қаражатты бүтіндей халықтың игілігіне жұмсаймыз!..". https://t.me/dalainside

🤌Кредит дәуірі бітті. Депозиттер мен облигациялар трендте Ұлттық Банк базалық ставканы 16 пайызға бірден көтерді. Сарапшылар оны ешкім күтпеген ең радикалды қадам деп бағалап отыр. Бірақ Мемлекет басшысының инфляция мен халықтың шамадан тыс кредиттелуімен күресу бойынша жария бағытын ескерсек, Ұлттық Банк осы жағынан Ақордаға барынша көмек беретін сыңайлы. Базалық ставка 16%, +/- 1% коридор нені білдіреді? Банктер Ұлттық Банктен 17%-бен кредит ала алады, ал Ұлттық Банк ноталарына қаржы салса, жылдық 15% табыстылықпен пайда көрмек. Яғни, қаржы ұйымдары үшін халық пен коммерциялық компанияларға тәуекелі жоғары кредит бергеннен көрі, қолда бар ақшаны (свободный денежный поток) толық гарантиясымен Ұлттық Банк ноталарына немесе Қаржы министрлігінің және квазимемлекеттік компаниялардың облигацияларына салған тиімді болады. Мұндай жағдайда нарықта бос ақша қалмайды. Жалпы, кімде кэш бар, соның дәуірі жүрмек. Біз бұл сценарийді дедолларизация науқанында, яғни 2015-2016 жылдары көрген болатынбыз. Халық үшін депозиттер тиімді бола түседі. Бұл бір жағынан алғанда акциялар нарығына рикошетпен ұрмақ. Тіпті алда жоспарланып отырған "ҚазМұнайГаз" IPO-сы қатты бір қызық болмай қалуы мүмкін. Депозит 18% табыс беретін болса, акциялар үшін тәуекелге барудың қажеті қанша? Сұрақтың төресі - процент өссе де, халық кредит алуын қоя ма? Бәрімізге осы сұраққа жауап іздеу керек. Себебі халықты 14% базалық ставка еш тоқтата алмаған болатын. Оны статистика көрсетті. Енді халыққа 16% базалық ставка әсер етпесе, онда басқа рычаг та қалмайды. Себебі ставканың 18%-ға өсуі - экономиканы толық өлтірмек. https://t.me/dalainside

DALA INSIDE pinned Deleted message