DALA INSIDE

Астана қаласында жедел жәрдем қозғалысын бақылау мүмкіндігі пайда болды Қазақстан астанасында ҚР Денсаулық сақтау министрлігі мен Астана әкімдігі бірлесіп әзірлеген пилоттық жоба басталды. Енді қала тұрғындары шақырылған жедел жәрдем бригадасының қай жерде тұрғанын және оның қашан келетінін нақты уақыт режимінде көре алады. Пайдаланушы шақыруды ресімдегеннен кейін, интерактивті картаға сілтемесі бар SMS хабарлама немесе Яндекс Go қолданбасында push-хабарлама алады. Ол көліктің тұрған жерін және болжалды келу уақытын көрсетеді. Бұл сілтемені жақындарыңызбен бөлісуге болады. Яндекс Карты API-ден JavaScript API негізінде құрылған жүйе ақпараттандыру процесін автоматтандырады және диспетчерлерге қайталанатын қоңыраулар санын азайтуға көмектеседі. Осының арқасында ресурстарды жаңа қоңырауларды өңдеуге бағыттауға болады. Денсаулық сақтау вице-министрі Ербол Оспанов жаңа енгізілімнің маңыздылығын былай атап өтті: «Жедел жәрдем бригадасының қозғалысын көру мүмкіндігі — бұл технологиялардың ашықтықты қамтамасыз етуінің, қоңырау шалушылардың алаңдаушылығын азайтудың және диспетчерлерге жүктемені азайтудың мысалы».

🤜🧠Өзін-өзі «пергілеп» жатқан қазақтың Әлиханы саяси анекдот кейіпкеріне ұқсап барады Жақында Жоғарғы аудиторлық палата 2024 жылғы мемлекеттік бюджеттің орындалуы туралы баяндама жасап, ондағы жүйелік проблемаларды сын садағына алған болатын. Бірақ ондағы проблемалардың барлығы Жоғарғы аудиторлық палатаның қазіргі басшысы, 2022-2024 жылдары Үкіметті басқарып, Премьер-Министр болған Әлихан Смайыловтың тікелей мұрындық болуымен туындаған. Сондықтан аудиторлар өздерінің бірінші басшысын сынап жатыр деп есептеуге болады. Ал ол есепке палата төрағасы ретінде Әлихан Смайылов қол қояды. «Бұл саяси садомазохизм бе, әлде өзінің үкімет басқарған уақыттағы қателіктерін мойындау ма, ол жағын әркім өзі шеше жатар. Бірақ дәл осы Әлихан Асханұлының премьерлігі тұсында ұлттық компаниялар акциясын сатып алу сынды Ұлттық қордан республикалық бюджетке трансферттен тыс ақша тартудың күдікті схемалары ойлап табылып, қолданылған болатын. Қазақстан осының зардабын әлі ұзақ жылдар бойы тартатын болады. Созылмалы дефицит, бюджеттің басқа да жүйелік проблемаларына экс премьерлер Асқар Мамин мен Әлихан Смайылов тікелей жауапты. Олар пандемия кезінде пайда болған орасан мемлекеттік қаржы шығынын ары қарай дұрыс басқара алмады», - дейді, DALA INSIDE дереккөзі. Әлихан Смайылов 2022 жылы «Қаңтар оқиғасы» аяқтала салсымен, сол қаңтарда Үкімет басшысы болып тағайындалды. Ол қызметінен Асханұлы 2024 жылдың басында, яғни ақпан айында кетті. 2024 жылғы бюджет параметрлерін Смайыловтың кабинеті толықтай өздері бекіткен. «Смайыловтың үкіметі 2023 жылы бизнестен қосымша құн салығы ретінде 600 миллиард теңге қайтаруы тиіс еді. Оны істемеді. Артынан жыртықты жамау үшін олар қарыз алды. Сол кезде 2023 жылғы бюджеттің «тесігі» 1 триллион теңгеден асып кетті. Ал 2023 жылдың наурыз айында министрлер кабинеті трансфертті 800 миллиард теңгеге тағы да арттырып, дефицитті 2 триллион теңгеден асырып жіберді», - дейді дереккөз. 2024 жылы Үкімет басына келген Олжас Бектенов бәрібір тез арада ештеңе өзгерте алмайтын еді. Сондықтан 2024 жылғы бюджеттің орындалуы, оның картинасы Әлихан Смайылов сызып кеткен болжамды картинамен жүрді. Және алдын-ала бекітілген бұл есеп мүлде жарамсыз болып шықты. Сол себепті биыл Олжас Бектенов кабинеті қатаң салық реформасын жасап, бюджет кірістері мен шығыстарын толық бақылауға алуға шешім қабылдаған. Олжас Бектеновтың бюджет пен мемлекеттік қаржы бойынша жұмысын 2025 жылғы қорытындыдан кейін бағалау керек. Ал салық реформасының алғашқы нәтижелерін біз 2026 жылдың аяғында көре бастаймыз. Сол кезде Жоғарғы аудиторлық палатаға өзінің барлық талантын көрсетуге жол ашылады. Ал палатаның қазіргі «бес ешкіні жеп қойып ысқыруы» Астанадағы біраз адамның күлкісін келтіріп, біршама отырыстарда саяси андекдотқа айналып кетті. Бұл ұйым Палата статусына әлі тартпайтын сияқты. Сондықтан Есеп комитеті деген ескі атын қайтарып бере салған дұрыс. https://t.me/dalainside

Яндекс Такси серіктестері Қазақстанда құрастырылған автокөліктерді арнайышарттар бойынша сатып ала алады "Allur" қазақстандық автокөлік компаниясы және "Yandex Qazaqstan" Яндекс Такси сервисінің серіктестерін қолдау бағдарламасын іске қосты. Серіктестер Chevrolet, Kia және JAC маркалы автокөліктерді лизингке 19%-ға дейінгі жеңілдікпен сатып ала алады, сондай-ақ автомобиль құнының 10%-на дейін өтемақы ала алады. Демек, көліктер қолжетімді бола түседі және автопаркте жаңа машиналар саны артады. Қазақстандағы өндіріс — оң көрсеткіште. Модельдер тізімінде JAC J7, Cobalt, Onix, Kia Cerato және K5 бар. Барлық жергілікті жинақтау өндірістері Allur компаниясына тиесілі. Толығырақ — сілтеме арқылы

📽️Режиссер Ермек Тұрсыновты қаржылық жағынан тағы бір тексеріп алу ойластырыла бастады Отбасы мүшелері Испанияның Барселона қаласында тұратын, өзі де сол жаққа көшкен режиссер Ермек Тұрсынов осы қадамын «саясиландырып» жібергендіктен, оның соңғы 5 жылда мемлекет қаржыландырған фильмдеріне аудит басталуы мүмкін. 4 жыл бұрын түсіріліп, 500 миллион теңге қаржы жұмсалып, прокатқа шықпаған «Беймойнақ» фильмінен бастап, күдік туғызған басқалары бейресми түрде бір тексерілетін болады. «Ермек Тұрсынов барлық дерлік фильмдерін бюджеттің қаржысын пайдалану арқылы түсірді. «Келін» де, «Шал» да, басқа да туындылары бар, жеке инвестор іздеп, продюсер ретінде бір жүгірмеді. Заявка береді, бюджеттен ақша түседі, ол кино түсіреді. Ол бюджеттен ақша тартуда өзінің қалыптасқан беделін жақсы пайдаланды. Бірақ тиімділікпен мүлдем бас ауыртпады. Оның түсірген фильмдері қаржы тұрғысынан ешқашан өзін ақтаған емес. «Бәрін мемлекет төлесін» деген ұстаныммен өмір сүретін осындай «қайраткерлердің» кесірінен «Қазақфильм» өзін асырай алмайтын дотациялық, банкроттық жағдайда отыр», - дейді, аудиторлық палатаға жақын DALA INSIDE дереккөзі. «Көп нәрсе қамауда отырған экс Мәдениет министрі Арыстанбек Мұхамедиге байланысты болып тұр», - дейді, тағы бір DALA INSIDE дереккөзі. Ол көптен бері мерзімінен ерте босап шығуға ниетті. Осы мақсатына жету жолда экс министр тергеу органдарына Ермек Тұрсыновқа қатысты тың ақпараттарды жеткізгісі келсе, тергеуде жаңа эпизодтар пайда болуы мүмкін. «Жаңа Қазақстан» режиссердің ендігі риторикасын саралайтын болады. Конструктивті емес, деструктивті сын, «тисе терекке, тимесе бұтаққа» шашылған артық сөздер көбейсе идеологтар режиссерді бұдан әрі қорғаудан бас тартары анық. Қазір тергеу тек Тұрсыновтың серіктесіне қатысты бағытта жүруде. Бірақ бәрі тез өзгеріп кетуі мүмкін. https://t.me/dalainside

💥Талғат Арданның Тасмағамбетовке қарсы «показаниесі» Сол жағалау үшін страховка болмақ LRT ісі бойынша Түркияда ұсталып, келесі аптада Қазақстанға жеткізілуі тиіс Талғат Ардан тергеуде Иманғали Тасмағамбетовке қарсы мәліметтер берсе, Тастың болашақ саяси амбициясына шлагбаум қойылады. «Иманғали Нұрғалиұлының ОДКБ басшысы ретіндегі мерзімі осы жылы бітеді. Жаңа жыл мейрамынан кейін ол қызметін өткізіп беруі керек. ОДКБ-де Тас жәй жүрмеді. Мәскеуге жағымды тезистерді көп қолданды. Осы арқылы Кремльден өзіне мықты саяси жақтастар тапты. Осы ресурстарды 2029 жылы Қазақстандағы президент сайлауында пайдалануы мүмкін деген қауіп бар. Сондықтан керек кезінде LRT ісі бойынша Тасмағамбетовке қарсы показание бере алатын Талғат Ардан ұсталып отыр. Бұл кездейсоқтық емес», - дейді, DALA INSIDE дереккөзі. «Астана LRT» компаниясы 2011 жылы құрылады. Құрылған сәттен бастап оған басшы болып бұрын Астана әкімдігінде Көлік басқармасын басқарған Талғат Ардан тағайындалады. Компания жеңіл рельс көлігі (LRT), интеллектуалды көлік жүйесі (ITS) және қалалық мобильділік саласындағы инновациялық шешімдерді енгізуді қамтитын жаңа көлік жүйесін құрумен айналысты. Дәл сол кезде Иманғали Тасмағамбетов Астана қаласының әкімі еді. Яғни, егер қатты қажет болса LRT-дағы жемқорлық былықтарды Иманғали Тасмағамбетовпен байланыстыруға, тергеуге жаңа бағыт беруге мүмкіндік бар. LRT – Қазақстандағы коррупцияның ескерткіші ретінде тарихта қалған жоба. Онымен байланысқан кез-келген саясаткердің қолы былғанады. Және оны жуып тазарту оңай емес. «Тас Кремльге қандай уәде берді? Әңгіме сонда. Егер ол «Қазақстанды Ресей мен Беларусь одағына қосамын, ол үшін маған ел басқару керек» деген уәде берсе, Мәскеудің соңына дейін аянбай тұратыны сөзсіз. Тәуелсіздігімізге қауіп төндіретін мұндай сценарийді болдырмас үшін тіпті Талғат Арданды пайдалану белгілі бір дәрежеде Қазақстанның мемлекет мүддесі үшін дұрыс қадам болады. Бұл ретте Астанаға да барын салу керек», - дейді, дереккөз. Барлығы Талғат Арданның тергеуде не айтатынына байланысты. Оның шетелде жүріп әлдебір комфортты режимге үйреніп қалғаны анық. Қазақстандағы түрмеде ұзақ отырғысы келмейтіні де жасырын емес. Егер тез арада бостандыққа шыққысы келсе, оған белгілі бір шарттар ұсынылуы мүмкін. https://t.me/dalainside

🇰🇿⚠️Байбек келе ме? Сара Алпысқызының маңына «Ескі Қазақстан» гвардиясы жинала бастады Қазақстандағы журналистер Қаңтар оқиғасынан кейін шетелге кетіп қалған «Ескі Қазақстан» өкілдерінің Алматыға келіп-кетуін торуылдай бастады. Совмин емханасында жатқан Сара Алпысқызының жағдайын білу үшін бұрынғы истиблишменттің біраз өкілі Алматыға ат басын бұруы тиіс. Мемлекет те өз тарапынан Сара Алпысқызымен қоштасу рәсімін пысықтауда. Алматы әкімдігіне «тиісті шараларды қазірден бастап қарастыра берсін» деген бейресми хабарлама келген. Қазір Сара Алпысқызы 84 жаста. DALA INSIDE дереккөзі де Сара Алпысқызының денсаулығы күрт сыр бергенін растап отыр. «Ол кісінің жағдайы соңғы екі жылда қатты нашарлады. Толық медициналық күтім жасалса да, кәріліктің аты кәрілік. Назарбаевқа қатысты түрлі алып-қашпа әңгімелер де жүректі ауыртты. Қаңтар оқиғасы жанға батты. Осының барлығы жинақтала келе ағзаға ауыр салмақ болды», - дейді, дереккөз. Қазақстан халқының Сара Алпысқызына көзқарасы жаман емес. Ол кісі тәуелсіздіктің алғашқы 5-7 жылында ғана тұңғыш президенттің қасында болды. Бизнеске, таққа араласпады. Қайырымдылықпен айналысты. Нұрсұлтан Назарбаевпен 2005-2010 жылдар аралығында ресми ажырасып, артынан өзінің Қонақаева тегіне қайта оралды. Сара Алпысқызы 1941 жылдың ақпанында Қарағанды облысында дүниеге келген. Ол Нұрсұлтан Назарбаевпен 1962 жылы отау құрды. Бұл отбасы өмірге Дариға, Динара мен Әлия есімді үш қыз әкеліп, тәрбилеп өсірді. Дереккөздің айтуынша, Сара Алпысқызы өмірден өткен жағдайда, Үкімет қоштасу рәсіміне мемлекеттік статус беріп, тиісті деңгейде өткізбек. Ол кісіге қазір ел басқарып олтырған көптеген тұлғалардың ілтипаты ерекше. Сара Қонақаева қазіргі таңда экс-президенттің отбасы мүшесі болып саналмайды. Сондықтан оның денсаулық жағдайына қатысты ақпарат мемлекеттік құпия емес. https://t.me/dalainside

Кемел Тоқаев жау шебіне бірінші болып басып кірген Ресей Қорғаныс министрлігі Қазақстан президенті Қасым-Жомарт Тоқаевтың әкесі — гвардия сержанты Кемел Тоқаевқа қатысты марапаттау парағын құпиясыздандырып, ашық жариялады. Кемел Тоқаев 1945 жылдың қаңтарында Польшада көрсеткен ерлігі мен батырлығы үшін II дәрежелі Отан соғысы орденімен марапатталған. Гвардия подполковнигі Афанасий Поваровтың қолы қойылған құжатта былай делінген: «1945 жылғы 21 қаңтарда Польшадағы Еглевец елді мекенінде немістер түн ішінде біздің позициямызға қарсы шабуыл жасады. Автоматшылар танктерін табандылықпен қорғап, кейін шабуылға шығып, немістерді кейін шегіндірді. Жолдас Тоқаев жау шебіне бірінші болып басып кіріп, автоматымен бес немісті атып өлтірді, ал біреуін жаралап, тұтқынға алды. Тұтқынды ертіп өз бөлімшесіне қайтып келе жатқанда, Тоқаев аяғынан жарықшақты оқ тиіп жараланды. Тоқаев тұтқынды атып тастап, жарасын таңып, ауырсынуға қарамастан өз танкілеріне жетіп үлгерді».

🏦Турлов VS Өтемұратов: кім бірінші үлгереді? Kaspi банктің ірі акционері, елдегі нөмірі бірінші олигарх Вячеслав Ким "Jusan bank" қаржы институтын сатып алуға толық мүмкіндік алғаннан кейін, отандық банк саласында акционерлер бәйгесі басталды. ТОП-6 тізіміне кіретін банктер өздерінен кіші банктерді қосып алып, іріленгісі келеді. "Қазір Фридом иесі Тимур Турлов пен Forte банк қожайыны Болат Өтемұратов аясында жарыс бар. Турлов өткенде Еуразиялық банкті сатып ала жаздады. Тек Еуразиялық топ мүшесі Шухрат Ибрагимов мәмілеге қарсы болып, банк сатылмай қалды. Енді Болат Өтемұратов біздегі Home Credit банкінің Чехиядағы қожайындарына жомарт ұсыныс жасап отыр. Әзірге чехтер нақты жауап берген жоқ" - дейді, DALA INSIDE дереккөзі. Home Credit банкін чехиялық PPF Group қадағалайды. Еуропалық қаржы ұйымы соңғы жылдары ТМД нарығынан біртіндеп кете бастаған. Өткен жылы олар Ресейден толық кетті. "Forte универсалды корпоративті банк болып саналады. Ол тұтынушылық жеке секторға дендеп кірген жоқ. Home Credit банкін сатып алса, онда дамыған, клиенті көп тұтынушылық кредит бизнесіне бірден иелік етпек" - дейді, дереккөз. Home Credit банк классикалық үлгіде "біз сатылмаймыз, бұл жалған ақпарат" деген сарында ресми хабар таратып үлгерді. Ондай хабарлар клиенттер мазасызданбау үшін, депозиттер қашпас үшін стандартты түрде жасалады. "Қазіргі әңгіме Чехияның ең бай әйелі Рената Келлнерованың шешіміне қатысты болып тұр. PPF холдингі Ренатаға қарайды. Және холдинг қазір Еуропадан тыс елдердегі активтерді сату стратегиясын ұстануда. Бірақ Home Credit банкін сатуды холдинг басындағы кейбір қаржы директорлары қолдамайды. Себебі Қазақстандағы банк мықты табыс әкелуде. Мысалы, 2024 жылғы таза пайда 40 миллиард теңгеден кем болмауы тиіс" - дейді, дереккөз. Егер Forte Хоум жүйесін сатып алса, активтерін шамамен 5,5 триллион теңгеге жеткізіп, өзінің тұрақты төртінші орнын Freedom банкке бермей сақтап қалар еді. https://t.me/dalainside

🛢️⚔️Картельмен соғыс. Келесі аптада Қазақстан ОПЕК+ келісімінен кетуі мүмкін ҚР Энергетика министрі Ерлан Ақкенженовтың сұхбатындағы «Қазақстан ОПЕК+ келісімі аясындағы квота мәселесінде өзінің ұлттық мүддесін жоғары қояды» деген мәлімдемеден кейін, ОПЕК картелі Қазақстанның мұнай өндіруді баяулату бойынша Chevron, Agip, Shell, Eni сынды халықаралық алпауыттармен келісе алмағанын түсінді. Осы айдың басында Қазақстанның шектеу квоталарын сақтамағаны біраз әңгімеге ұласқан болатын. «ОПЕК+ келісімінің алдағы мониторингтік отырысы келесі аптада, 5 мамыр күні өтеді. Біршама елдер Қазақстанның квота сақтамағанын алға тартып, қатаң шара қолдануды сұрамақ. Қазақстан үшін келісімнің өзі тарап кетіп, барлық елдер мұнай өндірісін күрт арттырады деген сценарийді жоққа шығармаймыз. Немесе Қазақстанды келісімнен шығарып тастау бойынша шешім дауысқа салынатын болады», - дейді, үкіметке жақын DALA INSIDE дереккөзі. ОПЕК+ қандай шектеу қойса да, Қазақстан мұнай өндірісін квотаға сай шектей алмайды. Себебі бізде ең көп мұнай өндіретін ТШО (Теңіз кешені), NCOC (Қашаған), KPO (Қарашығанақ) бірлескен кәсіпорындары Қазақстанға бағынбайды. ОПЕК өткен наурыз айына Қазақстанға тәулігіне 1,473 миллион баррель мұнай өндіру квотасын бекіткен болатын. Қазақстан оны сақтай алмай, тәулігіне 1,82 миллион баррель өндірді. Оның алдындағы айларда да квотадан асып кетіп жүрдік. Енді оның барлығын өтемақылық жоспар бойынша ретке келтіру үшін, кейбір кеніштердегі мұнайды мүлде қысып тастауға тура келеді. Ал ол технологиялық жағынан мүмкін емес. Себебі, техногендік апат болып, тіпті ондай кенішті мүлде жауып тастау ықтималдығы жоғары. ОПЕК үшін осынша материалды-техникалық құрбандыққа бару топастық болар еді. «ОПЕК+ біздің аяғымызды жіппен байлап отыр деуге болады. Бізге бұл ұйымның пайдасы көп пе, әлде зияны көп пе, осыны әлі анықтай алмадық. Мұнай бағасының тым құлдырап кетпеуіне себеп болып отырғандықтан ғана олармен сыпайы болып келдік. Неше түрлі әдіспен уақыт созып жүргенбіз. Бірақ олар да ақымақ емес. Енді бізге мұндай мүмкіндік бермейді», - дейді, дереккөз. Бір сөзбен айтқанда, келесі аптада Қазақстанның ОПЕК картелімен романы аяқталуы мүмкін. Бірақ одан кейін мұнай фьючерстерінің бағасы тағы да құлдырайды деген қауіп бар. Еліміз соңына дейін дипломатиялық әдістерін қолданып көреді. https://t.me/dalainside

💥ERG көкпары: Джеймс Кэмерон аяғына дейін көрмек АҚШ инвесторы Джеймс Кэмерон жақсы ақша ұсынса, Шодиевтер мен Машкевичтер тарапы ERG корпорациясындағы өз үлесін сатуы ғажап емес. Бұған дейін Reuters агенттігі америкалық кәсіпкер Джеймс Кэмеронның Eurasian Resources Group (ERG) компаниясын 5 миллиард долларға сатып алғысы келетіні туралы жаңалық жариялады. Сонда инвестор бүкіл ERG бизнесін 5 миллиард долларға бағалаған. ERG біз күткендей бұл ақпаратты жоққа шығарды. Бірақ дереккөздің айтуынша шын мәнінде тараптар арасында бұл әңгіме жүрген және принципиалды позициялар анықталған. "Бір сөзбен айтқанда, Кэмерон ERG-ді толық сатып алып, оны сирек кездесетін металдармен айналысатын компанияға айналдырғысы келген. Бірақ ең ірі акционер - Қазақстан Үкіметі өзі ұстап отырған 40% үлесті сатудан бас тартты. Себебі Қазақстан ERG корпорациясын бізде 10 мыңнан астам адамға жұмыс тауып беріп отырған іргелі әлеуметтік ойыншы ретінде пайдаланады. Ал Кэмерон бірден керек емес кәсіпорындарды жауып, адамдарды қысқартып тастар еді", - дейді, дереккөз. Қазір ERG-ды операциялық режимде басқарып отырған Ибрагимовтер отбасы да өзінің 20,7% акциясын сатуға асықпай оиыр. "Кэмерон егер қатты кіріссе, Шодиевтің 18,6% пакеті мен марқұм Машкевичтің 20,7% акциясын сатып ала алады. Одан Машкевичтер отбасы 1 миллиард доллар, Шодиевтер 930 миллион доллар алар еді. Бірақ Кэмеронға оның пакеті Қазақстаннан асып түсіп, басты акционер болу маңызды. Сол кезде ғана ол пәрменін жүргізе алады. Ал Машкевич пен Шодиев пакетін қоссақ, 39,3% шығады. Сол үшін Кэмерон Ибрагимовтың кем дегенде 1 пайызын сатып алуы керек", - дейді, дереккөз. Бірақ Шухрат Ибрагимов Қазақстанмен бірлескенді көбірек қалайтынын білдіріп отыр. Егер олар альянс құрса, онда 60,7% дауыспен бәрібір өзіне қажет шешімдерді өткізіп отырмақ. Ал ол Кэмеронның жоспарына кірмеген. Сондықтан ERG-де акционер ауыспайды деген ойдамыз. Джеймс Уильям Кэмерон АҚШ азаматы, кәсіпкер. Биыл 77 жасқа толды. ERG типтес металлургия алпауыттарының жұмысын жақсы біледі. Ұзақ жылдар бойы ол Petropavlovsk холдингінің директорлар кеңесінде болды. https://t.me/dalainside

⚠️Берденов оқиғасының себебі қарапайым тұрмыстық мәселе Шымкент қаласы әкімінің орынбасары Руслан Берденовке жасалған шабуыл - мемлекеттік институттарға бизнес тарапынан жасалған қысым емес. Қазір мемлекет осы оқиғаны сан-саққа жүгіртіп, түрлі теориялар сызып жатқан топтардың нарративін бақылап отыр. "Қастандықтың себебі тұрмыстық мәселеге келіп тіреледі. Құрылыс болсын, букмекерлер болсын, ешбір лоббидің бұған қатысы жоқтығы анықталды", - дейді, DALA INSIDE дереккөзі. Алайда, кейбір танымал тұлғалар бұл оқиғаға қатысты шындықты бұрмалап, оған мүлде басқа мағына беруге тырысуда. Мемлекет пен бизнестің арасына сына қағу қадамдарының не мақсатпен жасалып отырғаны да айқын. Жалпы хаос жағдайында өз мүддесін іске асырғысы келіп отырған топтардың аз еместігі байқалады. https://t.me/dalainside

Неліктен баға осындай: Яндекс Такси командасы сапарларға бағаның белгіленуі туралы фильм ұсынады «Яндекс Такси технологиясының антологиясы: Неге баға осындай?» фильмінде сервис мамандары қарапайым тілмен сапардың құны неден тұратынын айтып, әлеуметтік желілердегі бағалар туралы ең танымал сұрақтарға жауап қатып, жолда қалай үнемдеуге болатыны туралы кеңес берді. Фильм қазақ және орыс тілдерінде қолжетімді. Жобаны Әлішер Елікбаев дыбыстады. Фильм сапардың құны қалай есептелетінін, оның неліктен және қалай өсетінін, сондай-ақ неге Қазақстанның түрлі қалаларында сапардың құны бірдей қашықтыққа түрлі болатынын түсіндіреді. Сонымен бірге Яндекс Такси қызметкерлері жолаушылар мен жүргізушілердің мүддесі үшін баға мәселесінде сервистің қалай теңгеретіндігімен бөлісіп, өз тәжірибелері мен қателіктері туралы айтады. «Жолаушылар сапар алдында сапардың бағасын көреді, бірақ оның неден тұратынын әрдайым біле бермейді. Біз осы фильм арқылы сапардың есептелу формуласы жайында ғана емес, сонымен қатар сервисте қандай технологиялар жұмыс істейтінін және олардың сапарлардың құны мен жайлылығына қалай әсер ететінін түсіндіргіміз келді. Бұған қоса такси бағаның айналасындағы кейбір танымал мифтерді жоққа шығарамыз», - деп түсіндірді Яндекс Такси басшысы Тайыр Байдүйсен. Жобада қажет болған кезде арзан бағамен кетуге мүмкіндік беретін сервистің барлық мүмкіндіктері егжей-тегжейлі айтылады. Фильм нейрондық желілер, ML-модельдер, Яндекс Такси алгоритмдері туралы болады. Әрине, сондай-ақ мұның бәрін ойлап табатын, жасайтын, қателесетін және сервисті жақсартатын адамдар туралы болмақ. Фильм YouTube арнасында қазақ және орыс тілдерінде қолжетімді. 👉https://youtu.be/KyeAX6-UPNM