Калькасыз қазақ тілі. Назгүл Қожабек

Әсіре діншілдер көбейіп кеткені кесірінен діннің құнсыздануы

⁉️ почему приглашают Қазақшасында “жұрт” деген сөз жетпей тұр.

Филфак бітіргендер осылай жазған сәтте дипломы өзінен-өзі лап етіп тұтанып, гуууу етіп жанып кетсе…

Тексеру үшін ❌ ертеңгі/кешегі күннің сағат он екісі ✅ ертеңгі/кешегі сағат он екі

❌ биылғы жылдың 27 наурызы ⁉️ этого года ✅ биылғы 27 наурыз

❌ отыз бес жасқа дейінгі азаматтар/ бес жасқа дейінгі балалар ⁉ до тридцати пяти лет / дети до пяти лет ✅ 35 жасқа толмаған азаматтар / 5 жасқа толмаған балалар

❌ қалай бар, солай айт ⁉️ говори, как есть ✅ барын айт

❌ амалдың жоқтығынан ✅ амал жоқтан

❌Балаларыңыздың бақытты болуын қаласаңыз Если хотите ғой ✅ Балаларым бақытты болсын десеңіз

❌ осы балама жүкті кезімде ✅ осы балама аяғым ауыр кезде Негізі, “аяғы ауыр” дегенге бала деп көрсетудің керегі жоқ, тек сөз ретіне қарай қай бала екенін айту керек болғанда “саған, осы балама, кіші ұлға, тұңғышыма” дегендей айтылады. Сонда қазақтың “аяғы ауыр” дегені органик естіледі де, “жүкті” деген жасанды сөз грамматикаға қайшы екені білініп қалады.

Қарапайымдылық пен мейірімділік - адамның екі асыл қасиеті. Осы жердегі бір сөз дұрыс, бір сөз - қате. Неге? Өйткені, екеуінің формасы ұқсап тұр. Қарапайым Мейірім Соңғы екі дыбысы жуан-жіңішкесі болмаса, былайынша бірдей көрінеді. Тиісінше, екеуіне де жұрнақ бірдей болып қосылуға тиіс сияқты көрінеді. Жоқ. Неге? өйткені екеуінің сөз табы бөлек. Қарапайым - қандай? Мейірім - не? Мейірім сөзінен қандай? деген сұраққа жауап беретін сөз тудыру үшін "-ді" жұрнағы керек. - қандай? мейірімді. Енді біздің ең үлкен қатеміз осы жерде шығады. Мейірім -не? мейірімді - қандай? одан қайтадан "не?" деген сұраққа жауап беретін сөз жасағымыз келеді де, оған "-лік" деген жұрнақты қайта қосамыз. Жалпы, "әділет - әділетті - әділеттілік", "сауат - сауатты - сауаттылық" деген нәрселер күмәнді. жасанды екені жасанды, керегі бар ма, жоқ па, орыс тіліне байланбасақ, мұндай сөздер жасалар ма еді, жасалмас па еді деген әңгіме ғой. Мейірімділік те сол сериядан. Ал қарапайым сөзінен "қандай?" деген сұраққа жауап беретін сөз тудырудың керегі жоқ, одан керісінше "не?" деген сұраққа жауап беретін сөз тудыру керек. Оған тікелей "-лық" жұрнағы жүреді. Өйткені, "қарапайым-ды-лық" деген сөздің соңғы жұрнағын алып тастасң, "қарапайым-ды" деген сөз қалады. Басқа-басқа, енді дәл сондай сөз бар деп ешкім дау айта қоймас... Қарапайымдық пен мейірім - адамның екі асыл қасиеті.

❌ екіұдайлы ✅ екіұдай