Калькасыз қазақ тілі. Назгүл Қожабек

Менімен жасалған ұсыныс пен менің тарапымнан жасалған ұсыныс төбелессе, қайсы жеңер екен? 😂

приколды қақпадым, сонда да 😝

жеке өзін-өзі жүзеге асыру Орысша білмейтін адамнан мынау не деп сұрасаң 😂

❌ қоғамдық бірлік ⁉ общественное единство, әйтеуір сондай бірдеңе ⁉ ананы тура қайта аударсаң - "общественная единица" шығады ✅ қоғам бірлігі / қоғамдағы бірлік

"Сондықтан қазақ тілінің бай екенін көрсетуіміз қажет". "Калькасыз қазақ тілі" мынадай жердегі ілік қате екенін (іліктің емес))бес жыл бойы жазып келе жатыр. Сөздер матаспай тұрған жердегі іліктің бәрі орынсыз. ЯғЫни сөйлеміңізде "екені" дегені бар бастауыш я "екенін" дегені бар толықтауыш болса, оның алдында сол "екенді" өзінше тәуелдегенсігендей болған ілігі бар есім сөз тұрса, әсіресе сол екеуінің ортасында сын есім болса, осы мысалды еске алып, жақсылап бір тексеріп жібергеніңіз жөн).

❌ дәрігер-гинеколог, дәрігер-офтальмолог, дәрігер-терапевт ⁉ врач-гинеколог, врач-офтальмолог, врач-терапевт ✅ гинеколог дәрігер, офтальмолог дәрігер, терапевт дәрігер ❌ Әйел ғалым ✅ Ғалым әйел

❌ партия мүшелері болып табылатын әйелдер ⁉ женщины, являющиеся членами партии ✅ патияға мүше әйелдер

❌ жасаурадым ⁉ прослезился ✅ адам жасаурай алмайды, адамның көзі жасаурайды ✅ көзім жасаурап кетті / көзі жасаурап тұр / көзі жасаурағанын байқадым / жасаураған көзі

Туылғандар - дүниеге келінгендер. Олар өлінеді, бақиға аттанылады, өмірден өтіледі, көз жұмдырылады, қаза табылады, қайтыс болынады, ортамыздан кетіледі.

❌ айтып / жазып / істеп бастадым ⁉️ начал говорить / писать ⁉️ қазақ тілінде “баста” етістігімен тіркесіп, күрделі етістік құрайтын сөзге көсемшенің -а -е -й жұрнағы қосылады ✅ айта бастадым, жаза бастадым, істей бастадым