Калькасыз қазақ тілі. Назгүл Қожабек

Сіз * деген нөмірге 5 ГБ трафик аударып жатырсыз / аудармақсыз

Кітап Kaspi Магазинде сатылып жатыр: https://kaspi.kz/shop/p/tszja-zhu-b-r-totem-136466880/?maSource=dynamicLink&ref=shared_link

Steppe&World баспасынан қытай ғалым-жазушы Цзяң Жуңның "Бөрі тотем" деген романы шықты. Қытай тілінен аударған - Айдар Әбішев. "Үркер" бағдарламасының бір саны осы романға арналған: https://www.youtube.com/watch?v=d5-hMCZwP9M

❌ баланы атау / балаға есім беру ⁉ назвать ребенка, дать ребенку имя ✅ балаға ат қою

❌ жасылдағы қыз ⁉️ в зеленом ✅ жасыл киген қыз

Қазақ тілінде “ұрттау” деген сөз бар. Иә, орысша “глоток” емес, бірақ мына жерде “Бір ұрттағаннан баурап алатын шай” деген дұрыс болар еді.

Қазақстан Республикасының ұлты қазақ азаматтарына аты-жөнін өзгерту жағынан кедергі жоқ. Президент жарлығына сәйкес барынша тез істелетін нәрсе. Аффиксті алып тастайды және аты-жөніндегі орысша-қазақша жұп әріптерді алмастырады: К - Қ, О - Ө дегендей қылып. ХҚКО не АХАЖ қызметкерлері өтініш қабылдамай қоюға қақысы жоқ. Аты-жөніңізді өзгерткеннен кейін барлық құжатты ауыстыру керек деген ой да қате, төлқұжатты ғана ауыстырасыз. Миграция қызметінен анықтама алып, өзге құжаттарға соны қоса көрсетіп жүресіз. Сонда да, неке куәлігі мен балаларыңыздың туу туралы куәлігін “актуализация” жасатып, ауыстырып алған дұрыс.

Осы ов, ев, ин, деген тек жалғаулары жайлы не ойлайсыздар?

Бұл - орыс тілінің бірнәрсе біреудікі екенін білдіретін қосымшасы. Авгийдің атқорасы дейміз ғой, сол орысша Авгиевы конюшни деп айтылады. Кожабекова - Қожабектің Назгүлі деген сөз. Бұл нәрсе роман тілдерінде de/di/du деген шылаулар арқылы жасалады. Қазір біздің тегіміздегі осы қосымша - кезінде отар болғанымыздың нышаны.

Қате: оқушылық кез, балалық кез, студенттік кез. Неге қате: "жастық шақ" формасына салу. Шақ пен кез - синоним деп, алдыңғы сыңарды да ұқсас формаға келтіріп қателесу. Бірақ "жастық кез" деген тіркес тағы жоқ. Дұрысы: оқушы кез, бала кез, студент кез.