Калькасыз қазақ тілі. Назгүл Қожабек

❌ сюжетті бұрылыс ⁉️ сюжетный поворот Сценаристердің лексикасы ғой. Қазақ тіліндегі тіркес “сюжеті бар бұрылыс” дегенді білдіріп тұр, ал негізі - сюжеттің бір жаққа қарай бұрылып кетуі ғой.

Біздегі қате аударылып, қате қалыптасып кеткен болса да, термин, ұғымдарды "жұтып" жүре беретінімізге "қауымдастырылған профессор" деген бір ұғым куә. Ағылшынша білетін кез келген адам ол жерде "қауымның" түкке де қатысы жоғын білсе керек еді. Қауым-дас-тыр-ыл деген жасанды сөздің өзі бір адамға емес, көп адамның басы қосылып қауымға айналғанын білдірсе керек-ті. Сонда, бұл жерде профессордың қатысы қанша дейсің ғой... Орысша ғана біліп, кейде соның өзін шала біліп термин жасап жүргендерге бір күні ақыл кірер... Соны көріп өлсем ғой...

Бас есік “кірер/шығар есік” болғанда, мынау “қашар есік” болса керек 🤣

❌ тұрмыстағы мүгедек / тұрмыстық мүгедек ⁉️ бытовой инвалид ✅ олақ / үй тірлігіне олақ

https://www.facebook.com/100009017280662/videos/1149881806818328

Мә, біреу осы жағдайды айтып берсе, сенбес едім. Бір кісі автобуста «мынау 62 ме еді, 63 пе еді?» деп сұрайды. Қасындағы бір қазақ жігіт: «Что?» дейді. — 62 ме, 63 пе? — Я не понимаю казахский. Жігіт дегенде, жасөспірім, бала кәдімгідей. «КСРО-да өстік, қазақ мектебі болған жоқ» дейтін әңгіме айта алмайды. 30 жылда қазақша, ең құрығанда, сандарды білетін ұрпақ тәрбиелеп шығара алмағанымыз қалай?… Әлгі дәмхана, дүкендердегі де жағдай сол. Былай қарасаң, абсурд. Ешкім ешқашан айдаладағы баристадан Абайдың қара сөзін жатқа айт деп талап еткен емес, орыс тілін тәркі етіп, қазақ тіліне жаппай көш деп айтқан емес. Бар болғаны «Неше теңге тұрады? Ішінде не бар? Дәретхана қайда?» деген сұрақтарға жауап бере білсе дейміз. Соны да жалынып әрең сұрап аласың. Кейде арты баяғы жанжалға ұласып кетеді. 30 жылда түк өзгерген жоқ десек, өтірік айтқанымыз болады. Бірақ бір жағынан, 30 жылда жасап үлгеруге болатын өзгеріс жасалды деп те айта алмайсың. Ауруын жасырған өледі. Бұл шепте әлі талай күрес жүргізуіміз керек екені анық…

❌ қадір түніндегі ✅ қадір түнгі ❌ қадір түнінде ✅ қадір түні ❌ сол түнде ✅ сол түні ❌ сол күнде ✅ сол күні

Әкімшілендір менің табысымды, жақсылап әкімшілендір 🤣

❌ сыртқы киім ⁉ верхняя одежда ✅ сырт киім

❌ температурамен жатыр ⁉ лежит с температурой ✅ қызуы көтеріліп жатыр

* нөміріне трафик бөліп бердіңіз. Аударғаныңыз: 5120 Мб