Калькасыз қазақ тілі. Назгүл Қожабек

Осы Лило мен Стичті бір сериясын қалдырмай көруші едік 😍 Сүйікті мультик😍 Сүйікті Элвис 😍 Қазақшаааа 😍😍😍😍 Қалай бармай отырамыз, а?

Иненің жасАуы? Қазақ болып туғалы “жасуы” деп келіп едік…

❌ ішекті квартет ⁉ струнный квартер ✅ ішекті аспаптар квартеті "Струнды квартет" дегенді көрді ғой шықпағыр көзім(((

Грамматика деген осы. Бұл нәрсені қазақ тілінің қай жылғы әуезіне салып айтсаң да қисынсыз, мәнсіз, мағынасыз болып қала береді.

Грамматика деген: ❌ әкімшілендіру Әкім - кім? Әкімші - әкімді бірдеңе істейтін адам. Әкімшілен - әкімшіге, яғни әкімді бірнәрсе істейтін адамға айнал. Әкімшілендір - біреуді әкімшіге, яғни әкімді бірнәрсе істейтін адамға айналдыр. Енді осы сөздің "салықтық" деген сөзбен тіркесінен мағына тауып көріңіздер. ❌ Салықтық әкімшілендіру ⁉ налоговое администрирование

Грамматика деген: ❌ анау немесе мынау? ⁉ то или это? ✅ анау ма, мынау ма?

Тілге қатысты қатенің бәрін "грамматика" дей салу байқалады. Оған орфоэпия да, орфография да, бәрі кіріп кетеді. Жоқ. Грамматика - морфология мен синтаксис, яғни жаңа сөз жасалуы мен сөздердің байланысуы, сөйлем құралуы. Ал ауыз артикуляциясы, үндестік заңы, "кию" ме, "кійуу" ме деген нәрсе - грамматика емес. Басқа нәрсенің бәрін маңызды дегенмен, қазіргі қазақ тілінде күйіп тұрған үлкен проблема - грамматика. 30-40-5-60-жылдардағы сөйлеу әуезін қайтару керек дегенмен, орыс тілінің ыңғайына жығылып кеткен жасанды грамматиканы үндестік заңына қанша салам десең де, қазақшалығы шамалы болады-ау...

❌ күдікпен қарау ❌ астармен жеткізу ✅ күмәндана қарау ✅ астарлап жеткізу

БАС МЫЙы істей ме, мынаны жазғандардың?

Ғалымдар “мЫй” сөзі “ми” болып айтылып-жазылып кеткен, соны түзеу керек деп дабыл қағып жүр. Ал маған… Қазақтың “жұлын” деген сөзі ұмытылып, “спинной мозг” дегеннің калькасы сыналап кіріп бара жатқан тұста, ол “арқа миы” бола ма, “арқы мЫйы” бола ма, дым айырмасы жоқ сияқты.

Баяғыдан-ақ заржақ едім ғой 😅