Калькасыз қазақ тілі. Назгүл Қожабек

Орысша “может, возможно…” деп басталатын сөйлемдер қазақшада “мүмкін…” деп басталатын сөйлемге емес, “…шығар/-мын/-сың” (мына контексте) деп аяқталатын сөйлемге айналады.

Жанар Байсемізбен қазақ тілін кім бүлдірді деген туралы сөйлесіп едік.

https://youtu.be/fayNE2H-y9E?si=n7vJAMHF9615_wil

❌ үйімізді тазалаймыз ✅ үй жинаймыз

Компетенция деген неге “құзырет”, “құзыреттілік” емес екеніне бір мысал. Маған лингвистикалық экспертизаға сұраныс көп түседі. Даулы мәтіннің дұрыс-бұрысын анықтап, қорытынды беру ғой. Менің оған компетенциям жетеді. Қалай істелетінін білем, дұрыс-бұрысын әкесін танытып талдап, жіктеп орын-орнына қойып бере аламын. Ал қорытынды беріп, қол қойып мөр басуға құзыретім/құзыреттілігім жетпейді. Өйткені менің ғылыми атағым мен тиісті аккредитациям жоқ. Яғни, менің қорытындым сотқа дәлел бола алмайды. Тағы бір мысал. Кез келген заң мәтінін жөндеп шығуға компетенциям жетеді, бірақ оны өткізуге құзыретім/құзыреттілігім жоқ. Ал сол нәрсені істеуге құзыреті/құзыреттілігі жетіп тұрғандардың компетенциясы жете ме?

Құран оқу білесің, енді араб тілін үйренсем деп жүрсің. Бастаймын деп бастай алмаудасың… бірнеше жыл боп қалды. Біздің Сауд Арабиясында түсірген араб тіліне кіріспе сабақтарымыз бар. Ішінде Мекке & Медине қалаларындағы сабақтар қамтылған. Өзіме ыстық. Арман Қуанышбаев, Олжас Бейсенәлі, Нұрсұлтан Рысмағанбет ұстаздармен бірге түсірген ерекше дәрістер кіреді ішіне. Араб тілінің дәмін таттыра отырып бастаймыз. Жаттағанды адамның өзіне пайдаландырамыз. Тілді сезеді. Логикасын түсіне бастайды. Ішінде тесттер бар + қосымша PDF кітапшалар бар. Курс құны: кері байланыспен 20.550₸ кері байланыссыз 11.250₸ Толық ақпарат⤵️ https://shadi-courses.kz/courses/arabtilikir/ Бұл курсқа 15 орын қалды. #тіл_білімі#TilBil_Polyglot

Рельефный пресс деген қалай бедерлі баспасөз болып кеткенін…

Айтпақшы, қызық айтайын. Әйел-ғалымдар деп жатырсыздар ғой, кешеден бері. Дұрысында "ғалым әйелдер" болса керек. Солай.

Былай ғой. Керек сөзі екі-ақ жағдайда жіктеледі: ✅ Мен саған/оған керекПІН ✅ Сен маған/оған керекСІҢ Өзге жағдайдың бәрінде ✅ Сен сүйтуІҢ керек ✅ Мен бүйтуІМ керек Осыны жаттап алайықшы. Жай ғана. Екі мысалды жаттап алайық. Болды.

Бір қызық нәрсе айтайын Қазақ тілінде "ұту" деген сөз өзі жалғыз жүруі - некен-саяқ. Ол не "ұтып кету" не "ұтып алу" болып келеді. Я выиграл в лотерею: Лотереядан ақша ұтып алдым Выиграл грант: Грант ұтып алдым