Кўрганларим / канал

Дробишевский мустамлакани тасвирлаб бераяпти: https://www.youtube.com/shorts/TKb06PBl_n4

Тахминимча, давлат иши, ҳукумат-ҳокимиятлардаги позициялар, вазирлик ва агентликлар, университетда домлачилик, магистратурада ўқиш, корпорацияларда административ-бошқарув ишлар, ННТлар, мактабларда ўқитувчилик, милиция-полиция, черковлар — буларнинг камида ярми фақатгина яширин ишсизликнинг кўриниши, одамлар нимадир билан банд бўлишларини таъминлаш учун яратилган иш ўринлари. Улар ёпилиб юборилса, ҳеч қандай тотал ўзгариш бўлмайди. Демоқчи бўлганим, бир олимимиз айтган ҳалиги СИ келганда 30% бўшатилиши керак, деган одамларга ҳам янги керакмас позициялар топиб берилади. СИ томонидан сиқиб чиқарилган инсонлар кўп ҳолларда иқтисоднинг "А" қисмида ўз ўрнини топади, деб ўйлайман. Иқтисоднинг "А" қисми — одамлар ўзларига ўзлари хизмат кўрсатади, ўзлари маҳсулот ишлаб чиқариб, ўзлари истеъмол қилади, яъни бозорга олиб чиқмайди. Масалан, ўзи кийим тикиб, ўзи, яқинлари, оиласи, қўшнилари кияди. Буни Наманганда кўрдим, олдинлари Тошкентда ҳам бувилар кийим, жилд, парда тикишарди. Иқтисодиётнинг "Б" қисми эса ҳалиги ишлаб чиқарувчи билан истеъмолчи алоҳида бўлиши, ва ўртада бозор мавжудлиги. Учинчи тўлқинда "А" қисм кенгайиб бораверади, прозюмерлар (продюсер+консюмер) сони ошиб бораверади, кичик қабилалар сони ошиб бораверади, ўзига ўзи кийим тикади, озиқ-овқат етиштиради ва ҳоказо. Лекин бозор бўлмаса, бошқалар савдодан, транзакциялардан фойда топа олмайди, паразитик қатлам қийналиб қолади, мустамлакадан профит олиш қийинлашади. Биз тушунишимиз керак, янги замонда одамларнинг ўзи — товар, ўзи бойлик. Улар орасидаги транзакциялар, олди-берди, уларнинг ақлий, ҳиссий меҳнати, рухий кечинмалари, булар ҳам бойлик генерация қилади. Мустамлака деганда, нафақат уран, ёки олтинни тушунишимиз керак. Йўқ, янги замонда инсонлар асосий ресурс. Шунинг учун одамлар, масалан, бирлашиб, ўзига ўзи кўйлак-иштон, ёки умуман ўй, маҳалла, шаҳар қуришни бошлаши хўжайинларига нисбатан ақл бовар қилмайдиган сурбетлик бўлади, бундай, аҳолини мобилизация қилувчи, уларни халққа трансформация қилувчи ташаббусларни бостириш керак бўлади.

Бугун эрталаб Арсеннинг видеосини кўрдим, ҳозир Тимурнинг видеосидаги шу жойига эътибор бердим, аслида битта фикрни айтишяпти.

https://www.youtube.com/watch?v=uGle_Yu3ACU

Кутубхоналар атайин йўқ қилинган https://www.facebook.com/isokhan.turakhanov/videos/3981526595419051/?app=fbl

Ҳаётимизда, атрофимизда тўлиқ дегенерат ва ақли пастлар ўраб олган. https://www.youtube.com/watch?v=HcTQjn4D9aw https://www.youtube.com/watch?v=NoTw8-uex80&pp=0gcJCYsJAYcqIYzv

Дубайда раввиннинг ўлдирилиши, Дубайда ўзбек гуруҳларнинг жанжали, Эронда Ўзбекистон транзитига хизмат қилиши керак бўлган портда портлаш (юзлаб одам ҳалок бўлган). Туркиядан ўзбекистонлик авторитетларнинг чиқариб юборилиши, шу жумладан Мубашшир Аҳмад кейси. Ундан олдин Эрон амалдорларининг йўқ қилиниши, Сурияда Асад пенсияга кетиши... Қурдлар террордан воз кечиши. Буларнинг барчаси бир тўлқиннинг элементлари бўлиши мумкин: Рум 2.0 кристаллизацияси, Исроил ёпилиши, Эрон кучсизлантирилиши, Туркия гегемонга айланиши; Янги Рум ҳудудларини Янги Хазария трафикидан ажратиш. Шунинг учун ҳам бизда Исломий молияга тўсқинлик қилиняпти, бу орқали эса арабларнинг капитали ҳам катта ҳажмда ушбу ҳудудларга кира олмайди.

Ажойиб, Наом Хомски "тоталитар тизим иш(хона)дан бошланади", деяпти. Ëлланма ходим бўлганингда матрица сенинг кийинишинг, ҳожатга боришинг, яшашингни назорат қилади. Бизда ҳам давлат иши, ҳуқуқ-тартибот тизимидаги одамларга, ўқитувчи-домлаларга қанчалик катта босим қандай амалга оширилишини шу орқали тушуниш мумкин, — на кучук боқиб ола олади, на хотин. Домла деганда ҳам кенг маънода тушунаверинг, соқол ҳам қўя олмайди. Баъзи ҳудудларимизда аёллар ҳатто ўқитувчиликка ҳам ишга кирмайди, эркини қизғониб, бошқа вилоят ва районлардан келган аёллар ишлайди. https://www.youtube.com/watch?v=iR1jzExZ9T0

Шёл 2008й год https://youtube.com/watch?v=Q_xCZgqY9fU&si=YfSA15DYIuzUnBsX

Давлат университетларимизда қуруқ гап, лозунглар, мотивация ҳаддан зиёд. Бефойда мулоқот, бекорчи маслаҳатлар вақтни ўғирлайди. Билмадим, одамларни банд қилиш бўлса керак.

Миллий банк олтин одамларга олтин савдосини бугун бошлаб юборди. Пешингача қўйган олтини қолмабди. Яъни, талаб ўта юқори. Айниқса мусулмонлар учун мос инвестицион схема.

Тошкентда кафеда ўзбек–турк, эркак–аёл аралаш ўтирибмиз, гап менинг соқолим ҳақида бошланиб қолди. Йиллар давомида атрофимдагилар хавотирда, “соқолингни ол, соқолингни ол”, деган гаплар. Иккита туркнинг ҳам соқоли бор, лекин уларга нисбатан бу масалани кўтариш ҳеч қайси ўзбек эркак ёки аёлининг хаёлига келмайди. Асосан яхши тарбия олганим учун, кулиб қўяман. Лекин, умуман олганда, бундай суҳбатлар бизда аёллар ҳуқуқи анча илгарилаб, яхшиланганлигидан дарак беради, яқин ўтмишда булар кўчар мулк ҳолатида бўлган, юзини очиб кўчага чиқа олмаган, ҳозирда эса ўзбек эркакларининг соқоли ҳақида қайғураяпти. Қолаверса, соқолни суннат учун қўйяпсанми, ёки мода учунми, деган саволнинг ўзи заиф, қандайдир аёлларнинг позициясига ўхшатаман. Соқолни мусулмон бўлганим учун қўяман, деган жавоб бўлиши керак кишида. Энди эса давлат ишидаги аёлларга миллий кийимни мажбурлаб кийдиришганлигини айтмайсизми. (Песковга ўхшаб мўйлов қўймайдими, муҳими, рўмол ўраб қўймасин, буям ҳудди соқол қўйишдек бир маркер.) Бу билар яна “ўзбек” сиёсий миллатини шакллантириш жадал бошланиб кетди. Яқинда бир танишим билан 1940 йиллардаги ўзбек миллати ҳолати ва Иккинчи жаҳон урушидаги ишлари ҳақида гаплашиб қолдик. У вақтдаги урушга миллатларни ватанпарварлик руҳида етиштиришди, 1920 йиллардан бошлаб. Ўрисларни ароқдан узоқлаштиришди, ўзбекларни болажон қилиб тарбия қилишди. Ва айнан “ўзбеклар”, “ўзбек тили” сиёсий миллат сифатида ўша даврларда шакллантирилди – 1920 йилларда ўлкамиздаги большевик ҳарбий газетасида ўзбек тилида гаплашишни тарғиб қилиш муаммоли ҳақида мақолага кўзим тушди. Бу ҳақида Адиб Халид китобларида батафсил тўхталган.